PDA

View Full Version : الامل



جحدر
09-05-2001, 02:29 PM
ويْتورّق محجري .. دمع .. وتباريح .. وكآبه

.. .. .. .. مالمحت الدمعة اللي تنتهب جفني نهيبه ؟

هالله هالله و الحزن في كلّ حالاته تشابه

.. .. .. .. بس فرقه في القلوب اللي تشَبّ و تنكوي به

روح ياللي يحتطبك الهم وسنْون الرتابه

.. .. .. .. ما تخشّب من معاليقك سوى : حلم ٍ وخيبه !

دهشة ٍ حطتّ بعيني : إتساعٍ في غَرابه ..

.. .. .. .. طيّرت سرْب المواجع يَمّ خفاّقي : ضريبه .. !

يا غلابة هالأماني يا أماني هالغلابه

.. .. .. .. كل شي يْهون إلا ،ظلم ذو القربى : مصيبه

المصيبه خافق ٍ ملّ وتهلهل من درى به

.. .. .. .. لو دريبه وش يسوّي، وش يسّوي من دريبه ؟؟

يجرهدّ الحلم بُعد ويذبح الخافق غيابه

.. .. .. .. لا يعوّد به حنين .. ولا حنوّي له يجيبه ..

كلما طَـلّ المسا هَلّ الأسى والليل جابه

.. .. .. .. كوكبة هم ومواجع،آه والطلّه مهيبه !


من يقدّي هالعيون اللي تقدّمهـا ضبابه؟

.. .. .. .. تنتهي لآخر متاهات الشتات وتبتدي به

والأمل يومه ومَى لي قمت له وجْد وصبابه

.. .. .. .. ماتطاولت الدروب ولا المسافات الصعيبه

وش ترامى لي من الحلم الجميل ؟:إلا سرابه

.. .. .. .. أنكسر به ألف مرّة وأزهل الحلم وأسيبه

هالوجيه اللي تخزّ وتنبش القلب وعذابه

.. .. .. .. ما تعيث إلا ملامح من رضوا بالبعد غيبه

أوغلت فيني : تربّص ، لين هجّ القلب بابه

. . .. .. .. ليتي أدري هالوجيه اللي ترَبّصْ ، وش تبي به ؟

يافؤادي وإن تَـلَقّفْك الحزِن قِل : مرحبابه

.. .. .. .. طبطب جْروح الليال، وما يجيب الـوَرْق : جيــبه .. !


مع تحيات الجازية

laptop99
09-05-2001, 03:10 PM
الأخ الرامس
مساء الخير اخوي

اهنيك على الاختيار الموفق

ولا تبخل علينا بابداعاتك

وعلى القوه

noot1
09-05-2001, 11:08 PM
مســــاء الخير
قصيدة جميــــلة تحمل معاني أجمل ..
كنت موفق في أختيارك لكلماتها ..
أتمنى لك مزيد من التوفيق
---------------------------
تقبل خالص تحياتي :
أختك : نوت

الراشد
09-05-2001, 11:24 PM
مساء الخير
اختيار جميل جدا

تحياتي لك

الراشد

ضب آطخم
10-05-2001, 02:39 AM
السلام عليكم

الغالي الرامس وايضاً اختيار جميل من احد اعمده الساحه العربية

هل كان لك مشاركات في الساحة الادبيه

مجرد تسائل

شاكر لك جميل ما تختار لنا من قصائد ذات المضمون القوى

:)

جحدر
10-05-2001, 10:09 AM
اخي الضب نعم لي عدة مشاركات ولكني اتضال مااقدم امام تلك الاعمدة مثل ماذكرت فلا اقدم من عندي شي فنا موهبتي الشعرية اتخذا لنقد او بتفرس في مايقدمون الكبار ونظر في انتاجهم الذي لن اصل ربه ولا عشره

ولك تحياتي