PDA

View Full Version : فـول ... صـوت ... آه ... بلـد !



ابن الارض
09-09-2005, 04:28 PM
"فول... صوت... آه"!
تفتق ذهن أعوان السيد الرئيس صباح يوم الأربعاء الماضي عن وسيلة ناجعة لاكتساب مزيداً من الأصوات!
فـ 50 جنيهاً فقط، تعد كافية جداً لشراء صوت انتخابي واحد!

أمام إحدى مراكز الاقتراع نشأ هذا الحوار بين صوتين:
- معقولة تبيع صوتك مقابل خمسين جنيه فقط؟
- بس ما تنسى أن هذه الـ 50 جنيهاً تقدر تشتري 1000 رغيف عيش، والتي بدورها تعد كافية جداً لإزهاق روح 50 طبق فول على الأقل!
***

"صوت عفاف"...!
- تشتري الصوت بكام يا بيه؟
- بـ 50 جنيه!
- أنا ببيعه بـ 100، لو عايز أنا عندي أربع أصوات!
- وأنا اشتريت، هاتي الأصوات؟!

انطلقت عفاف مسرعة إلى بيتهم، لتزف الى أمها وأخواتها بشرى أن هناك مشتري بـ 100 جنيه للصوت!
لم تتمالك الأم حجم السعادة في حضور الفقر، فانطلقت لاهثة خلف السراب، حتى جف صوتها، فلم تجد من يشتريه!
***

"عوض باع صوته يا أمي..."!
اعتادت أم عوض مواراة حزنها عن الأعين كلما تذكرت أن ابنها عوض باع أرضه منذ خمس سنوات!
مع ذلك، لم تستطع كبح جماح القهر في أوردتها يوم أن عرفت انه باع صوته أيضاً إلى الحكومة!
لم يسعها التعايش مع فقدان الكرامة، ففقدت صوتها إلى الأبد!
***

"جسد... وجنازتين"
وضع الأستاذ عزيز صوته الانتخابي في احد صناديق الاقتراع!
وفي المساء كان يحتضر!
في صباح اليوم التالي كان جسده في صندوق أكثر طولاً من صندوق الاقتراع الذي يحوي صوته!

عندما سُئل أبنائه عنه وفاته، أفادوا:
أن صوت أبوهم مات، قبل أن يفنى جسده بساعات!
***

"احتضار على المعاش... "!
بمرارة واصل الأستاذ أمين الموظف على المعاش طريقه بين صفوف الراحلين إلى مراكز الاقتراع الرئاسية، حاملاً بين أذنيه عينين كاذبتين، قائلاً في صمت:
أن تكون صوتاً... هذا يعني انك لست أكثر من بطاقة انتخابية!
أن تقول (نعم) بينما (لا) كبيرة تحتل جوارحك، هذا يعني أن ضميرك يحتضر!
***

"لا... المخيفة"!
في طريق العودة، حاول القائمون على الاقتراع إيقاظه من غفوة ظنوا انه قائم عليها...
لكنهم بعد محاولات اكتشفوا أن قلبه لم يعد يعمل، كما انه لا يتنفس!
لم يجدوا ما يكشف عن هويته بعد بحثهم الطويل عن أياً من أوراقه الثبوتية، لكنهم وجدوا في محفظته ورقة انتخابية كُتب عليها (لا) كبيرة!
قال اصدقائه: إنها كانت الـ (لا) الوحيدة التي بدت لهم مخيفة في ذلك اليوم!
***

"... لا للرياسة"!
اعتاد مرتادي قهوة (صباح) مشاهدة رضوان الأخرس قابعاً تحت أقدامهم، ماسحاً لأحذيتهم بنشاط وهمة غريبين، مستقبلاً توبيخ المقبلين منهم والمدبرين بابتسامة ملؤها الـ (نعم)!

لم يتوقع الآخرين أن يقول الأخرس (لا) في مواجهة القصر، وهو من اعتاد الـ (نعم) في مواجهة الأحذية!
كان سلوكه مثيراً لفضول أكثرهم مللاً!
- امسح الجزمة كويس يا رضوان الكلب؟
- حاضر يا سعادة البيه المأمور!
- بتحب الريس يا رضوان؟
- لا يا بيه...
- ليه يا رضوان؟
- لأنه علمني اقعد تحت جزمتك يا كلب وأقول (نعم)!
قال ذلك، فأنزاحت قدم المأمور عن وجهه، ومعها أبشع مخاوفه، ومن عينيه أبرقت (لا) وهي تحمل طمأنينة كالسحر!
***

جنون...!
قبل أن تُحدث (لا) الشهيرة انقلاباً في حياته، اعتاد أن يقول (نعم)...
كانت (نعم) بحجم أبشع مخاوفه...
كان يخشاها، فكانت تراوده!
في ذلك اليوم طرحها أرضاً، ثم أعلن فوق رؤوس الأشهاد أن لا (نعم) بعد اليوم!
فعل ذلك، ثم انطلق إلى قبر والده، يحمل بين يديه قلماً عريضاً، كتب به فوق شاهد القبر:
هنا يرقد جثمان آل (نعم)!
ثم مضى يضحك طائراً، فحسبوه مجنوناً...!
***

"أنا..."
"لا" كبيرة تحتل جوارحي!
كيف سأخرج منها، ورأسي كله "نعم"!
***

أضف موضوعاً...
ضغطة زر...
ويراني الداني عارياً!

لا...
لا لـ "نعم" بعد اليوم!

انتهى

ابن الأرض

هيلانة
09-09-2005, 04:40 PM
مساء الخير

والاخرس ماذا يفعل ..؟؟

ينفع يندب بدل ما يصوت ..!!
يصوت .. يعنى يعطى صوته ..ولما يعطى صوته يصبح اخرس ..!!
باع صوته بخمسين دينار ..اشترى سكوته المؤبد
سكوته على ماذا ..:cd: ؟؟
على القادم فى الطريق ..؟
ومن هو القادم .)k .؟
اظنه .. كسابقه هذا ان لم يكن هو ..؟
اليس فى الموضوع حكمة ساخرة:x:
ابن الارض مجرد مصافحة لسخرية قلمك على عجل ..!!
لى عودة

أعجبنى طرحك للموضوع
دمت بخير اخى ابن ارض وسلمت يراعك :i:

زهرة الهدى
09-09-2005, 05:08 PM
لا حول و لا قوة الا بالله ...
ايه الموضوع المقابر ده يا عمنا *c !!!
الواحد حس أنه قاعد فى الترب ..
يا أستاذنا فيه واحد راح ينتخب فى وقت ماكنش فيه حد ، مرضوش إلا أنه ينتخب عمو حسنى ...
و بيسألوا ( مصطفى بكرى ) فى المحور ، قالهم .. يا جماعة النتيجة معروفة مسبقا ..
يعنى بيقولنا بذوق .. أبشر أيها الشعب الصامد .. نحن أجدع طراطير عرفهم التاريخ :n: ..
و بعدين ليه ( لا ) و ( نعم ) ؟؟
أمال فين ( كفاية ) و ( حرااااااااام ) و ( مش بيهمنا ) :cd: ؟؟؟
و عشان الشعب كله يشارك .. الإخوة المغنيين عاملين أغنية جديدة ، شفتها بالصدفة امبارح ، مسمينها ( لو كنا بنحبها f* ) ..
ما هو اللى مصر فيه ده مش من شوية برضه ..
:k: يا سلام !!! كل واحد لابس أبيض × أبيض و عمال يتشنج ع الشاشة الصغيرة ، لحد ما عروقه هتطق ( فعلا ناس وطنية و بتحبها ) ...
يعنى بانتخاب .. من غير انتخاب ، بـ(ـنعم ) أو بـ(ـلا ) ... مفيش إلا هو ، و مش بمزاج حد ...
و اللى مش عاجبه .. يشرب من النيل .. عشان يجيله تسمم :c: ..
ربنا يستر علينا .. و يخلى لنا الديمقراطية الهنا بتاعتنا .. عشان كل واحد يقول اللى ف نِسفه .. و مصر تبقى سلطة زبادى .. و عوضنا على الله يا بشر:f: ..
و آآآآآآآآآدى نكتة ...
واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية ..
واحد بيقول لصاحبه ... الحق الثعبان دخل غرفة حماتك ... قاله: سيبه .. يستاهل
و سلام يا عرب ..
أختك ..

روح البنفسج
09-09-2005, 11:00 PM
"... لا للرياسة"!
اعتاد مرتادي قهوة (صباح) مشاهدة رضوان الأخرس قابعاً تحت أقدامهم، ماسحاً لأحذيتهم بنشاط وهمة غريبين، مستقبلاً توبيخ المقبلين منهم والمدبرين بابتسامة ملؤها الـ (نعم)!

لم يتوقع الآخرين أن يقول الأخرس (لا) في مواجهة القصر، وهو من اعتاد الـ (نعم) في مواجهة الأحذية!
كان سلوكه مثيراً لفضول أكثرهم مللاً!
- امسح الجزمة كويس يا رضوان الكلب؟
- حاضر يا سعادة البيه المأمور!
- بتحب الريس يا رضوان؟
- لا يا بيه...
- ليه يا رضوان؟
- لأنه علمني اقعد تحت جزمتك يا كلب وأقول (نعم)!
قال ذلك، فأنزاحت قدم المأمور عن وجهه، ومعها أبشع مخاوفه، ومن عينيه أبرقت (لا) وهي تحمل طمأنينة كالسحر!
***

" منتهى القهر "

لا أدري لم الإصرار على إعادة انتخاب الريس f*

أخي الفاضل .. ابن الأرض

طرح جميل ورائع لواقع أليم جداً

وفقك الله في الدارين ، وجمعك بالحبيب المصطفى في فردوسه

عش ألقاً

أختكم في الله
الـروح

تيوليب
09-09-2005, 11:45 PM
شوفوا يا جماعة

انا ما ليش في التور ولا في الطحين

بس مالوا عمو حسني ياولاد ؟؟

اهي مصر كانت ام الدنيا
ولسه هي ام الدنيا
وحتبأى ام الدنيا طول ما احنا احنا

واحنا احنا طبعا
الى ان يرث الله الارض

يا ابن الارض
ربنا يخلِّي لك صوتك الحلو يارب

تيمــاء
10-09-2005, 12:42 AM
ابن الارض

أخي المقهور...

أنا جد حزينة و ربنا المعبود منذ أن سمعت أنه تم إستبعاد القضاة الذين سيشرفون على سير الإنتخابات، و قلت في نفسي: جرى إيه يا عم حسني؟ هو نصب و احتيال عيني عينك كده؟

أمال ـ بضم الألف ـ ماذا حدث للسياسة و الشطارة و الفهلوة؟ الا تستطيع التظاهر بالنقاء حتى؟

على العموم أخي الكريم

لا يسعني هنا الا أن أقدم التعازي ببالغ الأسى و عظيم الحزن. عظم الله أجركم في مصابكم هذا و الهمكم جميعا الثورة و العدوان.

أختك المقهورة..

وليد الحارثي
10-09-2005, 01:02 AM
أحببت أن أقول هنا

أنه
فرق بين نعم ونعم أخرى
وفرق بين لا ولا أخرى

تحياتي لك ابن الأرض

من انا...؟
10-09-2005, 07:29 AM
أمام إحدى مراكز الاقتراع نشأ هذا الحوار بين صوتين:
- معقولة تبيع صوتك مقابل خمسين جنيه فقط؟
- بس ما تنسى أن هذه الـ 50 جنيهاً تقدر تشتري 1000 رغيف عيش، والتي بدورها تعد كافية جداً لإزهاق روح 50 طبق فول على الأقل!


أعتدت تلك المواقف من شعبى
.
:n:
.
لذا...لا تعليق
.
:c:
.
أختك/من أنا...؟

الحنين
10-09-2005, 08:37 AM
مبارك عليكم مبارك"..

يا اخى احمدوا ربكم إن لسه عندكم صوت ، فثمانين بالمئة الذين لهم القدرة على بيع أصواتهم (حسب المزاد) والمنفعـة من البيع،، ولكن كننا نعيش انتخابات (سليمة مئة بالمئة) والنتيجة 99.9% ويبحثون عن الواحد بالمئة الذي لم ينتخب ليشردوا (قبيلته)!!!

بعد ما انباعت الكرامة والجسد العربي بأبخس الأثمان ، أتظـن أن يبقى لصوته قيمة!!!!!!








ايييييييييييييييه يا ابن الأرض
صباح الفول :nn

محمد بن عوض
10-09-2005, 08:55 AM
ماهى بلد نظيفة
وعلى فكرة اللى حصل ده كان مجرد تكملة لمسرحية تعديل المادة 76 ولا 67 أى حاجة أهى كلها مواد فى الكنافة مالهاش لازمة

السناء
10-09-2005, 09:02 AM
من يومين وحابة أكتب موضوع عن الفول يا ابن الأرض ..الفول حلو برضو ..:x:

بصّ للناحية المشرقة ..<<<<<<<<مين مشرقة دي:p

على الأقل باعوا بمقابل ..في ناس بتبيع لله ..في الله ..كده !


شوف بجد بئا ..بالنسبة للوضع العربي إجمالا أكيد مؤكد تأكيدا مؤكدا إنو له نهاية ..ويا صبر أيوب!


فتك بعافية يا ريّس:D:

(مملكة الأحلام )
10-09-2005, 02:13 PM
" لا " بل وألف " لا "

لم أكن أتوقع أنني سأحزن حزناً كأمس

يومي 7 و 9 سبتمبر يومين أسودين جديدين يضيفان للأيام السوداء في عمر هذا الوطن
" لا " بل وألف " لا "

لنا الله

الساخر الغامض
10-09-2005, 04:29 PM
في جلسة مسائية على شرف الانتخابات وبزيارة مفاجئة من الحبيب حالم لي في بيتي لم تكن متوقعة ولكنها اسعدتني للغاية ..
ابتدرني ضاحكا بنشوة ثعبان سيغرس أنيابه في فرسيته : وريني صباعك كده لتكون انتخبت
وبابتسامة (( حيدروس )) منقرض قلتله : يا عم احنا فاضيين كفاية الهم اللي احنا فيه المشرف على رسالة الدكتوراه بتاعغتي قطعللي الباب اللي لسه مخلصه وكان موافق عليه (( باين الست بتاعته تعبته حبتين في اليوم ده )) شخبطة بالقلم الاحمر كبيييييييييييييييييييييييرة (( لا )) لهذا الباب وفي أعماقي تعصف الف طريقة لشرشحته
ولأننا شعب مؤدب جداااااااااااااااااااااااا
فمبارك علينا ..
وهيفضل علينا يا مصريين
والحدق يفهم

الساخر الغامض

ابن الارض
10-09-2005, 04:31 PM
مساء الخير
مساء النور...


والاخرس ماذا يفعل ..؟؟
يعمل زي ما أنا عملت... يكتب موضوع في الساخر ويقعد يتأمل الردود!


ينفع يندب بدل ما يصوت ..!!
ينفع، وينفع أيضاً يمضغ صمته، أو قهره، أو خوفه... الخ، إلى أن يقضي الله أمراً كان مفعولاً!


باع صوته بخمسين دينار ..اشترى سكوته المؤبد
سكوته على ماذا ..:cd: ؟؟
على العار الرابض في اعماقه، على الطار اللي بيطارد وريده، على الخيبة والنكسة والوكسة في حياته!
على (لا) مش قادر يقولها ولو لمرة واحدة في حياته!
أكون أو لا أكون... تلك هي المشكلة المهببة (الله يبشبش الطوبة اللي تحت راسك يا شكسبير)


ومن هو القادم .)k .؟
تقول الأسطورة: انه – أي القادم - سيخرج يوماً من قمقم صغير بعد ان تتقاذفه الأمواج طويلاً، من ثم سيصدح بعنفوان قائلاً:
بخ... شبيك لبيك، عفريت العلبة بين ايديك، اختر واحد من تلاته يكون ريس عليك!
الخيار الأول: حسني مبارك!
الخيار التاني: جمال حسني مبارك
الخيار الثالث: اختر إحدى الإجابتين السابقتين!
من جهتى سأكتفي بمضغ الجزر المحلي، مكتفياً بطبقاً من السلطة الخضراء، على أن يكون خالياً تماماً من أي خيارات!



اليس فى الموضوع حكمة ساخرة:x:
ربما،... من يعلم؟!


لى عودة
وكلنا في انتظارك يا هيلانة...
لا عدمنا نورك أبداً


دمت بخير اخى ابن الارض
أرجو ذلك...!

اخوك
ابن الارض

ابن الارض
10-09-2005, 05:01 PM
لا حول و لا قوة الا بالله ...
فعلاً... هم السابقون، ونحن - إن شاء الله - بهم لاحقون!


ايه الموضوع المقابر ده يا عمنا *c !!!
ظروف سودا بعيد عندك، صحيت من النوم لقيت نفسي كداً (كله بسبب حالم)


الواحد حس أنه قاعد فى الترب ..
وحدووووه... ما دايم الا وجه الكريم!


بيسألوا ( مصطفى بكرى ) فى المحور ، قالهم .. يا جماعة النتيجة معروفة مسبقاً ..
يعنى بيقولنا بذوق: أبشر أيها الشعب الصامد.. نحن أجدع طراطير عرفهم التاريخ :n: ..
وجهة نظر تستحق الدراسة...!


أمال فين ( كفاية ) و ( حرااااااااام ) و ( مش بيهمنا ) :cd: ؟؟؟
سمعت انهم في ابو زعبل حالياً، يبدو انهم قرروا يصيفوا هناك كام سنة ع السريع!


و عشان الشعب كله يشارك .. الإخوة المغنيين عاملين أغنية جديدة ، شفتها بالصدفة امبارح ، مسمينها ( لو كنا بنحبها f* ) ..
ما هو اللى مصر فيه ده مش من شوية برضه ..
آمال يعني عايزاهم يقولوا (لو كنا بنكرهها)...
تعرفي، والله الحكاية زي بعضها، بنحبها، او بنكرهها... في الحالتين بلدنا فقدت الامل فينا من زمااااان، وعندها حق!
بلدنا ما بتخدش منا غير شويه كلام


يا سلام !!! كل واحد لابس أبيض × أبيض و عمال يتشنج ع الشاشة الصغيرة ، لحد ما عروقه هتطق ( فعلا ناس وطنية و بتحبها ) ...
ابيض× ابيض، اللهم اجعل خير، يبقى كان لازم يتغطوا كويس قبل ما يتخمدوا!


و اللى مش عاجبه .. يشرب من النيل .. عشان يجيله تسمم :c: ..
والله فكره، كدا انا حاخد حالم والساخر الغامض، ونجري ع النيل نشرب منه، بس يارب يتحقق المراد!


ربنا يستر علينا .. و يخلى لنا الديمقراطية الهنا بتاعتنا .. عشان كل واحد يقول اللى ف نِسفه .. و مصر تبقى سلطة زبادى .. و عوضنا على الله يا بشر:f: ..
ما بحبش الزبادي... وبكره اسرائيل!


واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية ..
حلوة بجد... وجديدة كمان، واجمل ما في النكتة ان الاتنين اللي فيها مش من بلدياتي!


واحد بيقول لصاحبه ... الحق الثعبان دخل غرفة حماتك ... قاله: سيبه .. يستاهل
قديمة... حتى أسألي حماتي!


و سلام يا عرب ..
سلام يا زهرة...


أختك ..
اخوكي
ابن الارض

ابن الارض
10-09-2005, 05:48 PM
" منتهى القهر "
والذل...



لا أدري لم الإصرار على إعادة انتخاب الريس f*
عموماً الريس انتخب نفسه من تلقاء نفسه!
بينما القاعدة العريضة من المواطنين اكتفت بمتابعة الحدث تلفزيونياً دون ان اي مشاركة فعلية!
لله في خلقه شؤون يا روح...


وفقك الله في الدارين، وجمعك بالحبيب المصطفى في فردوسه
اللهم ما آمين، ولو ان الامل مفقود!


عش ألقاً
سأحاول...
المهم دعواتك يا روح الطيبين

اخوك
ابن الارض

ابن الارض
10-09-2005, 05:58 PM
شوفوا يا جماعة
انا ما ليش في التور ولا في الطحين
ولا أنا...


بس مالوا عمو حسني ياولاد ؟؟
ما مالوش، العيب فينا إحنا!


أهي مصر كانت ام الدنيا
ولسه هي ام الدنيا
وحتبأى ام الدنيا طول ما احنا احنا
- مصر محتاجه لك يا رأفت...
- وانا في خدمة مصر! (من مسلسل رأفت الهجان)


يا ابن الارض
ربنا يخلِّي لك صوتك الحلو يارب
ربنا يخليك...
كلي ثقة انك لوسمعتي صوتي ح تغيري رأيك فوراً!

اخوك

ابن الارض
10-09-2005, 06:22 PM
ابن الارض

أخي المقهور...
مرحباً باختي المقهورة...


أنا جد حزينة و ربنا المعبود منذ أن سمعت أنه تم إستبعاد القضاة الذين سيشرفون على سير الإنتخابات
يكفيك من الحزن ما تحمليه يا تيماء... هوني على نفسك!


و قلت في نفسي: جرى إيه يا عم حسني؟ هو نصب و احتيال عيني عينك كده؟
الريس بتاعنا رجل متعدد المواهب، ففضلاً عن تقلده منصب قائد سلاح الطيران في اكتوبر 73، ثم تقلده منصب نائب رئيس الجمهورية، ثم منصب رئاسة الجمهورية في 81، الا انه لم يكتفي بذلك، بل درس اصول الفتاكة والفهلوة، حتى تفوق على اساتذته في هذا المضمار، ثم برع أخيراً في فنون المراوغة، فأوجد رقماً قياسياً جديداً بعد ان قام - مشكوراً - برفع ضغط أكثر من 70 مليون مواطن!
لعمري، انها لبراعة منه، يستحق معها الثناء!


أمال ـ بضم الألف ـ ماذا حدث للسياسة و الشطارة و الفهلوة؟ الا تستطيع التظاهر بالنقاء حتى؟
(نقااااء)... تلك من المصطلحات ثلاثية الابعاد التي تجهل الرئاسة وجودها فضلاً عن فحواها!


لا يسعني هنا الا أن أقدم التعازي ببالغ الأسى و عظيم الحزن. عظم الله أجركم في مصابكم هذا و الهمكم جميعا الثورة و العدوان.
اللهم آمين، وببالغ الحزن والاسى نتقبل عزاؤك فينا يا تيماء!


أختك المقهورة..
لا عدمناك...

اخوك
المقهور...

ابن الارض
10-09-2005, 06:34 PM
أحببت أن أقول هنا




أنه
فرق بين نعم ونعم أخرى
وفرق بين لا ولا أخرى
جايز فيه فرق...!
في عصر الاستنساخ كل شئ جايز!


تحياتي لك ابن الأرض
تحياتي لك القلم الحر




تسلم...

اخوك

ابن الارض
10-09-2005, 06:37 PM
أعتدت تلك المواقف من شعبى
.
:n:
.
لذا...لا تعليق
.
:c:
.
أختك/من أنا...؟










أيضاً... لا تعليق!
فانحدارنا مشترك...

اخوك
ابن الارض

FreeZone
10-09-2005, 07:23 PM
والله إنها لإحدى البدع......

أو لنقُل ثامنة العجائب ..فهل لك أن تقنعني بأن غالبية أحفاد الفراعنه لا يستسيغوا الساسة وعلى راسهم "مبارك بيه" والمقدر أعدادهم-الاحفاد- بسبيعين مليون أو أكثر ؟؟؟؟ فهل يُعقل أن لا نسمع صوتاً لهؤلاء ولا حتى حشرجه!! بالمصري """ فييييين أصوات الجماعه دول في الصناديق المعفنه دي؟؟؟ ولا عاوز تئولي إن الصناديق دي متشمعه قبل المشوار ده كله ما يبدأ؟ ولا يعني هم بس فالحين يتفرجوا على المسرحية دي في التلفاز وبس وبدون ما يشتركوا في السيناريوا ؟

ولي عودة ، إذا طاب لي الرجوع ..!

المجهوووول
10-09-2005, 07:34 PM
أنا جاي أقولك أسلوبك روعة وساخر حد النخاع :)

وقد همس لي شيطاني طهطبيل الأن بأن أقول لك (اللي تعرفه خير من اللي ما تعرفوش:) )برواية أخرى (أقضب مجنونك لا يجيك أجن منه:)) برواية أخرى(لكم الجنة إن شاء الله لأن الله أرحم الراحمين ولا يجمع على عباده عذاب الدنيا والأخرة:)) وبرواية أخرى (أج:( )أنصرف طهطبيل بن المجنونة :(قبل لا يكمل عزيفه...!:( أيه الأحراج دا يا ولاد......!:(


.:)

ابن الارض
10-09-2005, 10:05 PM
مبارك عليكم مبارك"..
ومبارك عليكم 15 في المئة زيادة...! (65 دولار للبرميل قادرة تعمل عمايل)
مبارك بتاعكم احسن من مبارك بتاعنا! (مبارك بتاعنا ما عندهوش بترول)!


يا اخى احمدوا ربكم إن لسه عندكم صوت، فثمانين بالمئة الذين لهم القدرة على بيع أصواتهم (حسب المزاد) والمنفعـة من البيع،، ولكن كننا نعيش انتخابات (سليمة مئة بالمئة) والنتيجة 99.9% ويبحثون عن الواحد بالمئة الذي لم ينتخب ليشردوا (قبيلته)!!!

عشان كدا انا شايف ان مبارك بتاعكم راجل جدع... على الاقل بيوفر عليكم تعبكم واصواتكم!
النتيجة محسومة مقدماً سواء عندنا او عندكم!
عندكم اختصار مريب للوقت والجهد وكمان الناس هاديه وفرحانه! (مضطر احسدكم لخمس سنوات مقبلة)!
الا صحيح، ايه اخبار المنشقين علي الدميني ومترك الفالح وعبد الله الحامد؟!
يا ترى لسه عايشين، ولا شفطهم المحيط؟!


بعد ما انباعت الكرامة والجسد العربي بأبخس الأثمان ، أتظـن أن يبقى لصوته قيمة!!!!!!
الحاجة الوحيدة يا حنين اللي ما لها قيمة في وطنا العربي هو الانسان!
فما بالك بقى بصوته؟


ايييييييييييييييه يا ابن الأرض
صباح الفول :nn
ايييييييييييييييييييه يا حنين...
والله زمان

متشكرين يا ام عبدالله على الضيافة :nn
اخوك

ابن الارض
11-09-2005, 03:56 PM
ماهى بلد نظيفة
بأمثالك وبأهلها الطيبين...


وعلى فكرة اللى حصل ده كان مجرد تكملة لمسرحية تعديل المادة 76 ولا 67 أى حاجة أهى كلها مواد فى الكنافة مالهاش لازمة

جايز اوافقك إن الدستور فعلاً مالهوش لازمة!
لكن الكنافة لها لازمة ونص!

نورت الموضوع يا ابن عوض

اخوك

ابن الارض
11-09-2005, 04:19 PM
من يومين وحابة أكتب موضوع عن الفول يا ابن الأرض ..الفول حلو برضو ..:x:
حد يقدر يعترض يا سناء... كله الا الفول طبعاً، حتى أسأليني أنا، دا عشرة عمر!


بصّ للناحية المشرقة ..<<<<<<<<مين مشرقة دي:p
اديني باصص أهوه، حتى شوفي c*


على الأقل باعوا بمقابل ..في ناس بتبيع لله ..في الله ..كده !
يعني الموضوع واقف عليكم بخسارة... قلبي معاكم يا اخت هارون!


شوف بجد بئا ..بالنسبة للوضع العربي إجمالا أكيد مؤكد تأكيدا مؤكدا إنو له نهاية ..ويا صبر أيوب!
صبر ايوب مين، ما خلاص...
ايوب روح بيتهم بعد ما باع القضية من زمن، وحلف يمين تلاته ما هو عاد واكل فول تاني!
انا عايز اعرف بس انتي جبتي التفاؤل دا منين؟!


فتك بعافية يا ريّس:D:
فتك بعافيه يا مواطنة... :nn

اخوك

ابن الارض
11-09-2005, 04:30 PM
" لا " بل وألف " لا "

اسكت وطي صوتك، حتودينا في داهية!


لم أكن أتوقع أنني سأحزن حزناً كأمس
بقولك ايه: احزن لوحدك، انا ما اعرفكش يا عم انت، انا عندي عيال عايز اربيهم.


يومي 7 و 9 سبتمبر يومين أسودين جديدين يضيفان للأيام السوداء في عمر هذا الوطن
ومين سمعك يا عزت... الهم مشترك، والحزن واحد...
الوطن خلاص ما عاد بيحط منطق، من كتر ما انضرب!


" لا " بل وألف " لا "
تاني... هو انت مصمم تودينا في داهية، ما قلنا عندنا عيال عايزين نربيهم


لنا الله
لنا الله، وتكالنا ديماً ح يكون عليه، وبإذنه في يوم ح ترجع بلدنا تضحك من تاني!

اخوك
محمد

ابن الارض
11-09-2005, 04:54 PM
في جلسة مسائية على شرف الانتخابات وبزيارة مفاجئة من الحبيب حالم لي في بيتي لم تكن متوقعة ولكنها اسعدتني للغاية ..
قلبي معاك، التاريخ بيقول إن كل الاحداث المؤسفة كانت ديماً بتحصل في جلسات مسائية!:D:


ابتدرني ضاحكا بنشوة ثعبان سيغرس أنيابه في فرسيته : وريني صباعك كده لتكون انتخبت
غريبة!
يعني الحالم طلع من الناس اللي بتهزر وبتضحك، غريبة انا كنت فاكر غيييير كدا خالص! :fr:
دا انا مرة هزرت معاه في رسالة، بعت لي رسالة موازية كانت كلها طوب بلدي من النوع اللي بيترك أثر!


وبابتسامة (( حيدروس )) منقرض قلتله : يا عم احنا فاضيين كفاية الهم اللي احنا فيه المشرف على رسالة الدكتوراه بتاعغتي قطعللي الباب اللي لسه مخلصه وكان موافق عليه (( باين الست بتاعته تعبته حبتين في اليوم ده )) شخبطة بالقلم الاحمر كبيييييييييييييييييييييييرة (( لا )) لهذا الباب وفي أعماقي تعصف الف طريقة لشرشحته
الراجل الدكتور دا برضه معذور، هو حيلاقيها يعني من الريس وبروده، ولا من الوليه وبلاويها...
كان طبيعي يشخبط (لاااااااااااااااا) اعتراضية بحجم القهر!


ولأننا شعب مؤدب جداااااااااااااااااااااااا
فمبارك علينا ..
مبارك علينا جداً...
المهم ما يكون جمال مبارك على اولادنا برضه!


وهيفضل علينا يا مصريين
بمناسبة انه ح يفضل علينا، يبقى خد النكتة دي عندك:
بيقولك مستشار الريس، بخ مره في وشه وقال:
مش ح تقول خطبة وداعية جنابك يا ريس بمناسبة وداع الشعب؟
قام حسني رد عليه وقال:
ليه، هو الشعب حيروح فين؟


والحدق يفهم
خد بالك من مغزى النكته!

اخوك
محمد

ابن الارض
11-09-2005, 05:15 PM
والله إنها لإحدى البدع.....
انا رايي كدا برضه :)


أو لنقُل ثامنة العجائب ..
فعلاً هي ثامنة العجائب...! :)


فهل لك أن تقنعني بأن غالبية أحفاد الفراعنه لا يستسيغوا الساسة وعلى راسهم "مبارك بيه" والمقدر أعدادهم-الاحفاد- بسبيعين مليون أو أكثر ؟؟؟؟
يا عم لا اقنعك، ولا تقنعني... دا الهم طايلني وطايلك!


فهل يُعقل أن لا نسمع صوتاً لهؤلاء ولا حتى حشرجه!! بالمصري """ فييييين أصوات الجماعه دول في الصناديق المعفنه دي؟؟؟
انت منين يا كابتن؟ :D:
معقولة ما سمعت ولا صوت معارض!


ولا عاوز تئولي إن الصناديق دي متشمعه قبل المشوار ده كله ما يبدأ؟ ولا يعني هم بس فالحين يتفرجوا على المسرحية دي في التلفاز وبس وبدون ما يشتركوا في السيناريوا ؟
لا يا سيدي الصناديق ما كانت متشمعة ولا حاجة!
والناس كلهيتها بتحب حسني... انا بس اللي مش عايزه!
بس اهدى كدا وروق...
انا ح اعترف لك بحاجة:
بصراحة كدا انا عميل، جاسوس يعني، ومدسوس على بلدنا من جهات معادية، وهدفي من المواضيع دي قلب نظام الحكم في البلد!
اجري بقى على امن دولة وبلغهم انك عرفت واحد عميل...
خد بياناتي عندك يمكن تحتاجها:
اسمي: عدلات صبحي البشع!
اسم الشهرة: ابن الارض المعفن
اسم امي: فؤاد صالح الميت!
الوظيفة: كمسري، وفي اوقات الفراغ بشتغل جاسوس!


ولي عودة ، إذا طاب لي الرجوع ..!
تشرف وتآنس يا عم المنطقة الحرة
اهلاً بيك في اي وقت

اخوك غصب عنك
ابن الارض

ابن الارض
11-09-2005, 05:32 PM
أنا جاي أقولك أسلوبك روعة وساخر حد النخاع :)
ربنا يخليك، تشكر


وقد همس لي شيطاني طهطبيل الأن بأن أقول لك (اللي تعرفه خير من اللي ما تعرفوش:) )برواية أخرى (أقضب مجنونك لا يجيك أجن منه:)) برواية أخرى(لكم الجنة إن شاء الله لأن الله أرحم الراحمين ولا يجمع على عباده عذاب الدنيا والأخرة:)) وبرواية أخرى (أج:( )أنصرف طهطبيل بن المجنونة :(قبل لا يكمل عزيفه...!:(
يعني طهطبيل عايز يقول ان مبارك احسن من غيرة!
وجه نظر برضه...



أيه الأحراج دا يا ولاد......!:(
لا احراج ولا حاجة، والله انت نورتنا النهاردة

تسلم يا عم مجهوووول

اخوك

الفخ .. رانى
11-09-2005, 06:34 PM
لا عمدة نافع ولا شيخ بلد نافع .. والقاتل مجهول
حبيب قلب اللى خلفونى محمد بن الأرض
البقية فى حياتك

الفارس مفروس
11-09-2005, 11:15 PM
هناك ألف سبب تجعلنى أحبك
لكنى أحبك لسبب آخر..

الحمار مات يا محمد qqq
أخوك

رصاص
12-09-2005, 12:58 PM
ابن الأرض..
هذه المرة الاولى التي استجمع فيها أصابعي وأرد على موضوع من مواضيعك ..
على الرغم من متابعتي لها.
ولكن..
هناك سؤال مهم.. يجول بخاطري:
مين ده حسني مبارك .. ؟
ما يستاهلش اللي بتعملوا بروحكم..
انا عارف ان الامور مش بالبساطة دي..
بس..
اقول ايه بس..
لا حول ولا قوة الا بالله
انا نفسي أفهم...
هو حسني ما بيفتحش على منتديات ابدا؟!!

(مملكة الأحلام )
12-09-2005, 01:52 PM
انا نفسي أفهم...
هو حسني ما بيفتحش على منتديات ابدا؟!!

الحق ياعمنا الراجل دا عاوز يودينا في داهية :)

يفتح علي منتديات دا إيه ربنا يصلح حالك يارصاص

إنت عاوزنا ننتحر ؟ مش كفاية اللي حاصلنا ع ارض الواقع

كمان الكلام عاوز تحرمنا منه وياريت الكلام كمان بيجيب نتيجه


محمد : شفت صوت الأمة الاسبوع ده
أنا مش بحبها آه بس في الصفحة الأولي صوره تجنن
شوفها عشان خاطري :D:
وقلي تعليقك عليها ايه؟
أوعي تنسي


أخوك المحب " جداً "

زهرة الهدى
12-09-2005, 08:07 PM
فعلاً... هم السابقون، ونحن - إن شاء الله - بهم لاحقون!
ظروف سودا بعيد عندك، صحيت من النوم لقيت نفسي كداً (كله بسبب حالم)
وحدووووه... ما دايم الا وجه الكريم!
وجهة نظر تستحق الدراسة...!
سمعت انهم في ابو زعبل حالياً، يبدو انهم قرروا يصيفوا هناك كام سنة ع السريع!
آمال يعني عايزاهم يقولوا (لو كنا بنكرهها)...
تعرفي، والله الحكاية زي بعضها، بنحبها، او بنكرهها... في الحالتين بلدنا فقدت الامل فينا من زمااااان، وعندها حق!
بلدنا ما بتخدش منا غير شويه كلام
ابيض× ابيض، اللهم اجعل خير، يبقى كان لازم يتغطوا كويس قبل ما يتخمدوا!
والله فكره، كدا انا حاخد حالم والساخر الغامض، ونجري ع النيل نشرب منه، بس يارب يتحقق المراد!
ما بحبش الزبادي... وبكره اسرائيل!
حلوة بجد... وجديدة كمان، واجمل ما في النكتة ان الاتنين اللي فيها مش من بلدياتي!
قديمة... حتى أسألي حماتي!


سلام يا زهرة...
اخوكي
ابن الارض
أستاذنا ابن الارض ..
_ هو فيه ايه اللى حصل ؟؟
_ _ مفيش حاجة ..
_ طاب ما أنا عايزة أعرف فيه ايه ..
_ _ ما قلنا مفيش ..
_ ماشى .. بس برضه عايزة أعرف فيه ايه ..<< من مسلسل " أبى ليس فوق الشجرة ، و لا تحتها ، لقد قرر قطعها ..
لازم يعنى تعلق على كل كلمة ، و حرف ، و فيمتو حرف ..

ظروف سودا بعيد عندك، ظروف سودة بعيد عندى ؟؟؟!!!هو حضرتك بتقول فيها ؟؟؟
ما هى جت لحد عندى و اللى كان كان ..

مين ده حسني مبارك .. ؟
ما يستاهلش اللي بتعملوا بروحكم..
ازاى يعنى حضرتك تتجرأ و تقول الكلام ده يعنى ..
حضرتك مش عارف أنك _ بالشكل الرهيب ده _ بتغلط فى سيادة ، فخامة ، عظامة ، جلالة ، هبابة ، الرئيس المبجل بتاعنا ..
مييييييييييييييييين لنا غيره ؟؟
لولاه كنا رحنا فى شبر مية ...
جمايله مغرقانا ، و لحم كتافنا من غيره ...
و لو قالنا انتحروا .. هاننتحر من غير ما يكمل كلمته ..
دا سيادة الريس يا عالم ..
يا أستاذ رصاص ..
خد بالك ، الإنتخابات خلصت ، دلوقتى حاااااااااااااجة تانية خالص ، و محدش ضامن بكره ..
لو عايز تتكلم ، ممكن ، بس بشوييييييييييش ، و من غير ما حد ياخد باله ، و إلا هنروح فى خبر كان ، و مش بعيد يطلعونا تبع القاعدة كمان ........... ما هى ناقصة


الحق ياعمنا الراجل دا عاوز يودينا في داهية
هو احنا لسه هنروح ؟؟!!!
ما احنا رحنا خلاص ، و أمامكم ستة سنوات أخرى من الرياسة المباركة بالصلاة على النبى ..
و اللى يلحق يروح يشرب من النيل .. أرحم له
==
معلش يا جماعة ، من الفرسة ، و الظروف السودا بعيد عنكم ..
أختكم فى الله ..
زهرة الهدى

يوميات مفروسة
12-09-2005, 09:36 PM
عزيزى ابن الارض ........... امك ماتت

يوميات مفروسة
12-09-2005, 10:09 PM
بما انكم بتقولوا نكت هنا خدوا دى
الريس بيودع ونايم على السرير وجمبه واقف عاطف
الريس يفوق من الغيوبه يقولوا خلى بالك من الشعب يا عاطف يقولوا ما تقلقش ف عينى يا ريس
يروح فى غيبوبه عده دقائق ولما يفوق الشعب امانه ف رقبتك يا عاطف يقولوا ما تخافش الشعب ياكل الزلط يا ريس .
يروح ف غيبوبه تانى ولما يفوق يقوله عاااطف .......... ايوة يا ريس
ما تنساش توكيل الزلط لعلاء يا عاطف .......................................
قديمه؟؟؟؟)k

رصاص
13-09-2005, 02:26 PM
يا الهي..
لم اضحك منذ فترة..
كضحكي الان..


يا جماعة..


انتم مبدعون..


اشهد.

ابن الارض
13-09-2005, 04:58 PM
لا عمدة نافع ولا شيخ بلد نافع .. والقاتل مجهول
ولا انا نافع... ام العيال ديماً تقول كدا!


حبيب قلب اللى خلفونى محمد بن الأرض
اشك... بس مقبوله منك يا زعيم


البقية فى حياتك
ما ينفعش اقول حياتك الباقية
يبدو انك مت كتير قبل كدا...

ساخر سبيل
انت مرة رميت في وشي صلاح جاهين وقلت:
لا تجبر انسان ولا تخيره
يكفيه اللي هو فيه محيره
مع كدا انا مصمم انك صحبي، ومتأكد اني اعرفك!
قول عليّ كداب!
ح اقولك اني بحبك...

اخوك
العقدة في المنشار

ابن الارض
13-09-2005, 05:10 PM
هناك ألف سبب تجعلنى أحبك
اخونا الكبير... واكتر ما بتحبنا بنحبك!
يشهد ربنا


لكنى أحبك لسبب آخر...
اخوك مش فضولي بطبعه...
لكن المرة دي مختلفة!
المرة دي جت من عندك انت.
عموماً، انا خمنت، وعرفت السبب!
تعرف يا ابو عمر مش مهم أبداً احنا فين!
المهم اننا ديماً هناك...


الحمار مات يا محمد qqq
بس انا لسه عايش، ووجودي أكيد ح يعوض رحيله...

اخوك
ابن الارض

ابن الارض
13-09-2005, 05:31 PM
ابن الأرض..
هذه المرة الاولى التي استجمع فيها أصابعي وأرد على موضوع من مواضيعك ..
على الرغم من متابعتي لها.
يا أهلاً بيك ديماً، بس دي المرة التانية مش الاولى!


ولكن..
هناك سؤال مهم.. يجول بخاطري:
مين حسني مبارك دا.. ؟
أسألوا عنه العتالين الغلابة في سرداق حزن بلبل!
أسألوا عنه فاطمة وشوشو، في مراحيض السعادة؟
أسألوا عنه الأقفية المخدرة!
والمخدرات التالفة...
والحشيش المضروب؟
لو سألت رغيف خبزاً متخماً بالزلط، سيخبرك فوراً من يكون حسني؟


ما يستاهلش اللي بتعملوا بروحكم..
انا عارف ان الامور مش بالبساطة دي..
لا يا سيدي، الامور بالبساطة دي...


بس..
اقول ايه بس..
ما تقولش حاجة، اتفرج بس!



انا نفسي أفهم...
هو حسني ما بيفتحش على منتديات ابدا؟!!
يا عالم... مين يدري؟
عموماً انا شاكك في مملكة الاحلام انه هو نفسه حسني مبارك!
لكني، ومن جهة اخرى، متأكد ان الاخت زهرة الهدى مدسوسة علينا من الحرس الجمهوري (خلي بالك الموضوع مش سهل)!

اخوك
ابن الارض

ابن الارض
13-09-2005, 05:48 PM
الحق ياعمنا الراجل دا عاوز يودينا في داهية :)



والله انا خايف الداهية هي اللي تروح فينا...
مش عارف ليه عندك اصرار غريب يا عم عزت انك تودينا في داهية...


محمد : شفت صوت الأمة الاسبوع ده
لائه طبعاً، عشان اي حاجة فيها ريحة "عادل حمودة" بتبقى ما لهاش لازمة...


أنا مش بحبها آه بس في الصفحة الأولي صوره تجنن
شوفها عشان خاطري :D:
عُلم، وسينفذ...
حول... هل تسمعني؟!


اوعي تنسي
انسى ايه؟
فكرني تاني كدا اصلي نسيت؟ :D:
حاضر يا عزت، مش ح انسى...


أخوك المحب " جداً "
وأنا كمان جداً جداً... k*

اخوك
ابن الارض

ابن الارض
13-09-2005, 06:16 PM
أستاذنا ابن الارض ..
_ هو فيه ايه اللى حصل ؟؟
_ _ مفيش حاجة ..
_ طاب ما أنا عايزة أعرف فيه ايه ..
_ _ ما قلنا مفيش ..
_ ماشى .. بس برضه عايزة أعرف فيه ايه ..<< من مسلسل " أبى ليس فوق الشجرة ، و لا تحتها ، لقد قرر قطعها ..
:D: k* :D:


لازم يعنى تعلق على كل كلمة ، و حرف ، و فيمتو حرف ..
فراغ بقى، اعمل ايه، العيا وحش والله! c*


ظروف سودة بعيد عندى ؟؟؟!!!هو حضرتك بتقول فيها ؟؟؟
ما هى جت لحد عندى و اللى كان كان ..
والله حرف وقع من غير قصد مني... بعيد عنك كل الشر يا زهرة


ازاى يعنى حضرتك تتجرأ و تقول الكلام ده يعنى ..
حضرتك مش عارف أنك _ بالشكل الرهيب ده _ بتغلط فى سيادة ، فخامة ، عظامة ، جلالة ، هبابة ، الرئيس المبجل بتاعنا ..
كنت لسه بقول للاخ رصاص اني متأكد ان فيه عضوة معانا هنا في الساخر، مدسوسة من حرس رياسة الجمهورية!
يبدو اني واد عبقري، وظنوني في محلها :kk


مييييييييييييييييين لنا غيره ؟؟
فعلاً، مين لنا غيره، يااسلااااام على احساسنا بالوطنية، واحنا بناكل طعميه!


لولاه كنا رحنا فى شبر مية ...
مضبوط، خصوصاً وإن مصلحة المياه بتشيد بدور الريس في هذا الخصوص!


جمايله مغرقانا ، و لحم كتافنا من غيره ...
مغرقانا جداً، حتى اننا سايبين كل حاجة، وعمالين نغرق كل شويه في جمايل سعادته
شوفتوا وطنية اختكم زهرة يا اولاد...
اقشعروا بقى تأثراً، ثم عيطوا...


و لو قالنا انتحروا .. هاننتحر من غير ما يكمل كلمته ..
دا سيادة الريس يا عالم ..
استنوا اوع حد ينتحر قبل ما اروح اجيب العيال وامهم...
يا حلاوة يا ولاد... أخيراً ح نموت كلنا!


يا أستاذ رصاص ..
خد بالك ، الإنتخابات خلصت ، دلوقتى حاااااااااااااجة تانية خالص ، و محدش ضامن بكره ..
لو عايز تتكلم ، ممكن ، بس بشوييييييييييش ، و من غير ما حد ياخد باله ، و إلا هنروح فى خبر كان ، و مش بعيد يطلعونا تبع القاعدة كمان ........... ما هى ناقصة

ركز يا استاذ رصاص في كلام اختك زهرة...
الموضوع كبير...، ايوه طبعاً، آمال انت فاكر ايه؟


معلش يا جماعة ، من الفرسة ، و الظروف السودا بعيد عنكم ..
ولا يهمك يا زهره اتكلمي براحتك، ولو حد سألني حقول ايوه مضبوط، هي فعلاً مدسوسة من سلاح الصاعقة!


أختكم فى الله ..
زهرة الهدى
كانت معكم اختنا في الله زهرة الهدى

اخوك
ابن الارض

ابن الارض
13-09-2005, 06:17 PM
عزيزى ابن الارض ........... امك ماتت
يوميات مفروسة...
الله يسامحك c*

ابن الارض
13-09-2005, 06:21 PM
بما انكم بتقولوا نكت هنا خدوا دى
الريس بيودع ونايم على السرير وجمبه واقف عاطف
الريس يفوق من الغيوبه يقولوا خلى بالك من الشعب يا عاطف يقولوا ما تقلقش ف عينى يا ريس
يروح فى غيبوبه عده دقائق ولما يفوق الشعب امانه ف رقبتك يا عاطف يقولوا ما تخافش الشعب ياكل الزلط يا ريس .
يروح ف غيبوبه تانى ولما يفوق يقوله عاااطف .......... ايوة يا ريس
ما تنساش توكيل الزلط لعلاء يا عاطف .......................................
قديمه؟؟؟؟)k

جديدة وفي الزاوية... على الاقل بالنسبة لي.
بس انا عايز اعرف امي ماتت بجد، ولا دي اشاعة!

اخوك
ابن الارض

(مملكة الأحلام )
13-09-2005, 10:18 PM
يا عالم... مين يدري؟

عموماً انا شاكك في مملكة الاحلام انه هو نفسه حسني مبارك!

لكني، ومن جهة اخرى، متأكد ان الاخت زهرة الهدى مدسوسة علينا من الحرس الجمهوري (خلي بالك الموضوع مش سهل)!


يالهوي يامحمد:mad:
ياخراشي :k:
ياخرابي :e:
يانصيبتي:k:
بقي دا كلام يا ابن الأصول
ياللا ربنا يسامحك تخليني حُسْ حُسْ :n:خلاص هنت عليك للدرجه دي:mad:
تعرف أنا لولا بحبك:m: اوي كنت زعلت منك وخت علي خطري ومعتش كلمتك كمان
ولا ليه ؟ ماله لما أكون حُسْ حُسْ:p
والله فكره مش بطاله :D:k*
اهو واحد قدر يفقع مرارة 70 مليون فرعون " فراعنه تايواني طبعاً " ويذلهم ويحاربهم في لقمة عيشهم ويطلع 3 مايتين اهليهم واتنين حاجه ساقعه
واحد قدر يحكم بلد " مسكينه " 30 سنه والله أعلم يمكن ربنا يكرمه ب 6 سنين كمان بعد دول ويارب ماتبئي في وجودي يارب :n:
واحد قدر يكون زبانيه من الافاقين والعملاء تزيد عن 10 مليون عميل يزوروله الانتخابات ويبعوا دم الشعب للشعب عشان ينتخبوه:n:
واحد قدر يسكت 30 مليون بني أدم بيفهموا وعاملهم أضحوكة مش عارفين يخدوا حقوقهم حتي بالكلام:n:
واحد قدر يحبس 14 الف من خيرة أبناء هذا الوطن من دكاترة جامعه وأطباء ومهندسين وصيادلة وحامين في طره وأبوزعبل:n:
واحد قدر في 24 سنه يخرب اقتصاد البلد من زراعة وصناعه وتجارة لدرجة اننا حتي مش عارفين نعيش :n:
واحد بيخرج الاف الطلاب الغلابه من الجامعات كل سنه ويخليهم يبيعوا جرايد وسجاير ويشتغلوا علي تاكسيات وتكاتك " طبعا الكل مش عارف يعني ايه تكاتك " مش مهم المهم هما شغالين علي تكاتك وخلاص:n:
واحد في عهده درس الفيزياء ممكن يوصل ب 150 جنيه ومرتب الطبيب الامتياز اللي زي حالاتي 120 جنيه " طبعا في الشهر مش في الساعه ههههههههه" يعني بنطلون معقول :n:
واحد في عهده الناس الغلابه نسوا طعم اللحمة والسمك " ك لحوم ب 32 جنيه" ومرتب الموظف الغلبان مابزيدش عن 200 جنبه:n:
واحد في عهده صارت مصر عبارة عن حاجتين " روبي ودينا ":n:
ولو عاوز اقعد أعدلك حسانته ممكن اكتب هنا للصبح ياعمنا c*
يااااااااااااااااااه محمد سبني عشان خاطري شايل في كبدي وساكت:r: :n:
حرام عليك ياشيخ c*

بس أنت عارف يامحمد ممكن يكون في الموضوع وجه مشرق)k
يعني لو انا - عمك وعم عيالك - عمنا كلنا حس حس
ممكن أعينك وزير التجارة والإقتصاد والمالية
وممكن كمان أشيلك التعليم والزراعه والسياحة والإعلام

وكمان ممكن أحبسلك حماتك يامحمد )k


لك خالص الحب أخي العزيز والعزيز جدن:m: :nn


أخوك ...... حسني )k

يوميات مفروسة
14-09-2005, 05:33 PM
جديدة وفي الزاوية... على الاقل بالنسبة لي.
بس انا عايز اعرف امي ماتت بجد، ولا دي اشاعة!

اخوك
ابن الارض
اخى العزيز قصدت امك الارض وليس الست الوالده اطال الله بقاءها

مـسـار
15-09-2005, 01:19 AM
الله يخرب بيت الاشراف اللي خلانا نبعد عنك ياابن الارض :n:

اسف ماعندي وقت عشان اقراء الموضوع ..
بس انا سمعتك بتصوت قلت اجي اشوف ايه الحكاية ..
وبالمره اسلم عليك واذكرك بالحب الذي مضى :m:




حبيبك مـسـار :nn

ابن الارض
15-09-2005, 02:48 PM
يالهوي يامحمد:mad:
ياخراشي :k:
ياخرابي :e:
يانصيبتي:k:
خالتي بتسلم عليك...
ايه يا عم الحلاوة دي


بقي دا كلام يا ابن الأصول
ماله لما أكون حُسْ حُسْ:p
والله فكره مش بطاله :D:k*
اي خدمة يا جميل... عشان تعرف احنا بنعزوك قد ايه


اهو واحد قدر يفقع مرارة 70 مليون فرعون " فراعنه تايواني طبعاً " ويذلهم ويحاربهم في لقمة عيشهم ويطلع 3 مايتين اهليهم واتنين حاجه ساقعه
واحد قدر يحكم بلد " مسكينه " 30 سنه والله أعلم يمكن ربنا يكرمه ب 6 سنين كمان بعد دول ويارب ماتبئي في وجودي يارب :n:
واحد قدر يكون زبانيه من الافاقين والعملاء تزيد عن 10 مليون عميل يزوروله الانتخابات ويبعوا دم الشعب للشعب عشان ينتخبوه:n:
واحد قدر يسكت 30 مليون بني أدم بيفهموا وعاملهم أضحوكة مش عارفين يخدوا حقوقهم حتي بالكلام:n:
واحد قدر يحبس 14 الف من خيرة أبناء هذا الوطن من دكاترة جامعه وأطباء ومهندسين وصيادلة وحامين في طره وأبوزعبل:n:
واحد قدر في 24 سنه يخرب اقتصاد البلد من زراعة وصناعه وتجارة لدرجة اننا حتي مش عارفين نعيش :n:
واحد بيخرج الاف الطلاب الغلابه من الجامعات كل سنه ويخليهم يبيعوا جرايد وسجاير ويشتغلوا علي تاكسيات وتكاتك " طبعا الكل مش عارف يعني ايه تكاتك " مش مهم المهم هما شغالين علي تكاتك وخلاص:n:
واحد في عهده درس الفيزياء ممكن يوصل ب 150 جنيه ومرتب الطبيب الامتياز اللي زي حالاتي 120 جنيه " طبعا في الشهر مش في الساعه ههههههههه" يعني بنطلون معقول :n:
واحد في عهده الناس الغلابه نسوا طعم اللحمة والسمك " ك لحوم ب 32 جنيه" ومرتب الموظف الغلبان مابزيدش عن 200 جنبه:n:
واحد في عهده صارت مصر عبارة عن حاجتين " روبي ودينا ":n:
ولو عاوز اقعد أعدلك حسانته ممكن اكتب هنا للصبح ياعمنا c*
شكلنا رحنا في داهية، بس احنا مش واخدين بالنا


ااااااااااااااااااه محمد سبني عشان خاطري شايل في كبدي وساكت:r: :n:
بمناسبة الكبد والقوانص، ما تيجي اعزمك عندنا في يوم؟
ايه رايك؟


بس أنت عارف يامحمد ممكن يكون في الموضوع وجه مشرق)k
طب قول وجه روبي، وجه هيفاء!
لكن وجه مشرق، لا يا عم يفتح الله


يعني لو انا - عمك وعم عيالك - عمنا كلنا حس حس
ممكن أعينك وزير التجارة والإقتصاد والمالية
هو دا الكلام...
وعليه النعمة لو مسكوني الوزارة سنة لنعنش الشعب، وارقصه، بعد ما اغرقهم فلوس! (يالله هو انا دافع حاجة من جيبي)


وممكن كمان أشيلك التعليم والزراعه والسياحة والإعلام
لا... خلي التعليم لزهرة الهدى
والزراعة لاخونا حالم
ممكن تدي الاعلام للساخر الغامض
السياحة بقى، يا سلااام، اديني السياحة وانا اخلي امي تدعيلك!


وكمان ممكن أحبسلك حماتك يامحمد )k
وقتها انا بقى ح اخلي امة لا اله الا الله تدعيلك مش امي بس!

أخوك ...... حسني )k[/QUOTE]
حبيبي من يومك والله

اخوك
ابن الارض

ابن الارض
15-09-2005, 03:01 PM
اخى العزيز قصدت امك الارض وليس الست الوالده اطال الله بقاءها

يا ستي والله عارف...
بس حبيت اغلس
تسلمي يا مفروسة

ابن الارض
15-09-2005, 03:25 PM
الله يخرب بيت الاشراف اللي خلانا نبعد عنك ياابن الارض :n:

وجاي وايدك فاضيه ليه، مش عارف تجيب كيلو بطاطس معاك


اسف ماعندي وقت عشان اقراء الموضوع ..

مقدرين ظروف معاليك يا ريس، شركة "موبايلي" من غيرك تروح فيها!


بس انا سمعتك بتصوت قلت اجي اشوف ايه الحكاية ..

اصيل يا ابني من يومك، شايلنيك للجنازة الكبيرة


وبالمره اسلم عليك واذكرك بالحب الذي مضى :m:

اني اغرق... اغرق... اغرق k*


حبيبك مـسـار :nn



:nn ربنا يخليك يا مسار، ويكون قبرك جنب قبر حماتي :D:

اخوك

(مملكة الأحلام )
16-09-2005, 03:02 PM
هدية مني ليك ياعمنا



حاجه ليك وللأولاد تفرحك بمناسبة قرب حلول الشهر الكريم



http://img369.imageshack.us/img369/4527/untitledq9tq.gif





ياللا عاوزك تعيش مع شوية الشعارات الجايين دول " تحفة "



"إخترنا المعلم مش اللي لسا بيتعلم"

"كفايه ماكفياش حد غيرك ماينفعناش"

"الجنين في بطم أمه بيبايعك ياريس"

"أشهد ألا رئيس لمصر إلا أنت "



وسلملي ع الشفافية واخواتها



حبيت أعدي هنا أسلم عليك واطمن

دمت أخي بألف خير

يوميات مفروسة
16-09-2005, 03:21 PM
يا ستي والله عارف...
بس حبيت اغلس
تسلمي يا مفروسة

يا سيدى والله عارفه انك عارف بس حبيت ارد الغلاسه
يسلم عمرك

)k

فـاي
17-09-2005, 10:30 PM
ابن الأرض

جميلةٌ هي حياة الـ لا إن كانت عن اقتناع تام ،
مهما كانت عواقبها وتبعاتها الشاقة طبعاً ..

مع أطيب الأمنيات

فـاي

رصاص
19-09-2005, 08:36 AM
ابن الارض..
لا أدري ما الساخر بدونك.
.
.

رصاص
19-09-2005, 08:40 AM
انت مش ملاحظ انو زهرة ما كتبتش حاجة من يوميها ؟!!
حاجة من حاجتين :
يا اما مشغولة و وراها مذاكرة
او الحرس الرياسي رفدها بعد ان كشفت عبقرية ابن الارض عنها.




اخوك المحب.
.
.