PDA

View Full Version : جريمــــه عبـــث



وجد الكتابة
09-05-2001, 10:33 PM
كأس وغانيـــه..في دنيا فانيـــــه
كانت اكبر احلامــــــه
وحققها ..وصل لمجد الشـــراب
ولعز البغــــــاء
لكن ما زال يبحث عن نفســـــه
----
ودي أسألكم لو شربت وسكرت
من عيون النهــــر
ومشيت اترنح على ذاك الجسر
وكل ما شفت وحدة قلت لها مومس؟
هل بيكون سكــري حلال؟

ودي أسألكم لو شربت وسكرت
من خد الفجــــر
ودقيت باب قيس...وافتحت ليلي بابه
وخذتها وضميتها ضمة مشتاق لحبابه
هل بيكون سكري حلال؟

ودي أسألكم لو شربت وسكرت
من رمش العمــــــر
ورقيت على سور السمــــا
وبكت من شاني دمـــى..وتكلمت بلغة حيثما وربما
هل بيكون سكري حلال؟

ودي اسألكم لو سكرت وشربت
من صدر الهجـــــر
وجمعت كل بنات الكون على سور الصين
ولطخت وجيههن بعجين وطين
هل بيكون سكري حلال؟

ودي اسألكم لو سكرت وشربت
من عرق الغـــدر
وتقدمت لوحده عانســـــه
عمرها اربعين وتقول انســـــه
هل بيكون سكري حلال؟

ودي اسألكم لو سكرت وشربت
من قلم الحبـــــر
كتابات وخواطر شعر ونثـــــر
ورجعتها مثل طفل في مهاده يحتضر
هل بيكون سكري حلال؟

ودي اسألكم لو سكرت وشربت
من ريح الجمــــــر
وتزوجت اقبح بنات الكــــــون
علشان احرق قلب اجمل بنات الكون
هل بيكون سكري حلال؟

ودي اسألكم لو سكرت وشربت
من نور البـــــدر
ولقيت نفسي في ملهى اغني المــــوال
ينادونها الرقاصة وينادوني الطبــال
هل بيكون سكري حلال؟

ودي اسألكم اسئلة كثيرة...
ودي احرث قهركم لين ما تجاوبوني
ليش حياتنا عبــــــث
وليش ارواحنـــــا جثث
مابين فسق ورفث
نسينا منهو فينا نفث؟

يا جريمة الخمــر..ما ابيك ..لا تطاوعيني
ويا جريمة الزنى ما ابيك..لا تناوشيني؟

انا ابي اشرب لبــــــــن
وأتغلب على كل المحــــــن
وألبس الخاتم عفيف..
البس الخاتمـــــــ عفيف
البس الخاتمــــ عفيــــــف
لا تجاوبونـــــــــي

الراشد
09-05-2001, 11:14 PM
مساء الخير
قلتلك لاتشرب لبن وايد سوالك مضاعفات
تراني انا إلي وصلته البيت البارحه
اذا موب مصدقيني اسألوا عاشق شرب هو بعد نص قلاص بس
سطل بسرعه لووووووووول يالضب اسحب منه الرخصه
الاخ يسوق مسطل
تحياتي ابعثها الى قلم تعجز مخيلتي عن وصف ابداعه الدائم


الراشــد:D :D : ;)

ريما
09-05-2001, 11:48 PM
عسى ماشر:)))

شكل عليك حراره:)))...

روعه..:)...

عاشق وفاء
10-05-2001, 12:57 AM
الحمد له على السلامة ابو الوجد

والحديد يتعوض اهم شي انت ما فيك خلاف

والله ذكرتني بعين الضفدع!!!!!!!!

تحياتي لك

ضب آطخم
10-05-2001, 02:31 AM
الغالي والاثير وجد

كما تعودنا منك الجديد الغير مسبوق وكنها جزء ثاني من حالة سكر .. تكمل تلك المعزوفه بإجمل صورة بلاغيه

بّس انتبه من الشرطه لايصيدومك :)
:D :D

عسل
10-05-2001, 03:34 AM
يا شيخ اسكررررررررررررررررر ... واثمك عندي :)

فديتك وانت صاحي .. ووانت سكراااان ..

تصدق .. اكثر انسان ودي اشوفه بالنت هو انت؟؟

وجد .. ابيك تكتب قصيده .. اسمها عند الغدير ..

ابي اشوف حنا متقاربين في الفكر...؟؟

فكر لو انت واقف عند الغدير ... وعسل جنبك ..وكلٍ بصدره كلام ..

وش بيكون ..؟؟

راح تكون فصحى ..

------

عســــــ عند الغدير ـــــــــــل

شرقاوي
10-05-2001, 05:34 AM
وجد الكتابه:)

يعطيييييييييييييييييييك العافيه حبيبي..

فعلا ابدعت في هذي القصيده..واعجبتني فكرتها كثير;)

صح لسانك..:)

وجد الكتابة
10-05-2001, 06:54 PM
راشدي العزيز
يا هلا وغلا
تسلم لي هالزياره
وبعدين لا تطلع اشاعات علي انا وعاشق
ترى نسوي حزب ضدك
:)

وجد الكتابة
10-05-2001, 08:32 PM
هلا ريما
اذكر ايام الجامعه كانت مدرسة الانجليزي اسمها ايما
فكنا نقول لها ايما اللئيمه
:)
بس انتي بقول لك ريما الحكيمه
:)
والله شكلي مسخن يا حكيمتنا
:)
==
شاكر لك حضورك ريما
وما عليك زود
دمتي

وجد الكتابة
10-05-2001, 08:33 PM
هلا ابو وفاء
الله يسلمك
انا الحمدلله ما صار فيني شي
بس الراشد عنده كسر في عضلة خشمه
:)
------
شاكر لك حضورك بو حميد
ودمت لعذب الكلام

وجد الكتابة
10-05-2001, 08:35 PM
هلا وغلا بالضب الاطخم
بالله ضب انت تعرف شنو معنى أثير!
ولا بس سمعتها من معاناه
:)
احرجتك صح
:)
====
يا بعدي تسلم لي
وجريمة عبث كتبتها قبل حالة سكر
يعني يمكن صار لها سنة تقريبا
هذي من القديم يبو عابد
دمت لي

وجد الكتابة
10-05-2001, 08:40 PM
عسل وصل
يا هلا وغلا
اول شي انا زعلان منك
يا اخي تروح وتقطع مرة وحدة
:(
----
ادري الاطخم مزعلك
بس ما عليك منه
سمعت خبر شبه اكيد انهم بيشلونه من الاشراف
وبيفضى لنا الجو انا وانت
:)
----
عند الغدير!!!
والله يا عسل ما ادري
انت قلم مصيبه
وما اعتقد اني بكتب شي قريب منك
بس انت ما عطيتني الفكره
شنسوي عند الغدير
رايحين نجيب الما مثل المسلسلات البدويه
:)
بس ذيل البنات يروحون
ولا قصدك على خيولنا عند الغدير والصبايا هناك
وهذي تقول لك سم يا عسل اشرب من ايديني
عاد انت تقول لها لا وجد قبل
خايف تكون حاطه لك سم
:)
=====
عسل بحاول بس ما اوعدك
اني اكتب عند الغدير
وهي لابسة الثوب الحرير

وجد الكتابة
10-05-2001, 08:42 PM
يا هلا ابو شروق الشمس
:)
يا سلام شالصورة الحلوة هذي
علمني شلون تحطون صور
:)
تسلم لي شرقاوي
وما عليك زود
دمت لي.

عسل
10-05-2001, 08:58 PM
تصدق .. مدري ..

قاعد افكر ..

----

وجد الكتابة
10-05-2001, 09:02 PM
طيب خل افكر معاك
:)

laptop99
11-05-2001, 01:37 PM
هلا بالغالي
وجد الكتابة

بصراحه عجزت عن وصف ابداعاتك

الله يوفقك انشاء الله وتدوم لنا


<====== مبروك الصوره الجديده :D

سلااااااااااااااااااااااااام

وجد الكتابة
11-05-2001, 03:40 PM
لاب توب ولد عمي
يا هلا وغلا
تسلم لي يا الغالي
وشاكر لك الحضور
والله يبارك فيك
:)
حلوة الصوره صح
لا تقول لا وتحطمني
:)

ماجد ناصر
25-05-2001, 04:52 PM
وجد الكتابه روووووووووعه وفوق الوصف صح لسانك يالغالي

وننتظر المزيد من الابداعات :)

وجد الكتابة
26-05-2001, 10:22 AM
ماجد ناصر
يا هلا وغلا
الموضو قديم
لا يكون نايم انت
:D
---
تسلم لي يا الغالي
شاكر لك التنبيش
:D
وما عليك زود يا ماجد

shjen
02-06-2001, 03:41 PM
تسلمي وصح لسانك بس الشرب وايد موب زين

وجد الكتابة
02-06-2001, 03:52 PM
شجن شكرا لك زيارتك
صحيح اللبن مو زين وايد
يخلي الواحد ينام عشر ساعات
بعدين انا واحد
ما يصير تقولين تسلمي
قولي تسلم
=
دمتي