PDA

View Full Version : عري



جحدر
10-05-2001, 11:26 AM
عُريّ .. وينقلب حال الشجر منّا .. ومنيّه
عُريّ .. وينسلب شال الفجر عنّا .. ونسكت له !


هِـنا حفل انكسارات .. وشموع الحزن مضويّه
جزا هاك الخفوق اللي : نصر حبه على أهلـه ..


شِفْ الغصن اللدين اللي إمتلا وحشة وحنيّة
هذاك اللي هكا الأوراق طاحت عنْه من مثله ؟؟


تكسّر كلّ ظلّ.. وكلّ ظل ٍ ما لقى خـيّه ..
ّ تـفقّـد هالملامح .. مابها وجه ٍ يشبّه لــه !!


على الجذع الكئيب اللي سكن برد الجفا فَيّه
سـلام الله عليه.. ولا سلام الله على : حفـله


معازيم : السما والأرض والعصفور وشْويّه
من اسراب الفَراش اللي تحطّ غْصونها ، جذله


هِنا .. حيث الرتابه، والهدوء، ووقفة ٍ حيّه
مثل ما تنركن حاجه ، وحاجه تنذكر غفله !


مدام إن الظما وشوش جفاف السعد للميّه
علام المزن ما بلل .. خفوق الجازيه وبْلــه ؟


تدغدغ جفني أحلام ٍ،بسيطه ، حيل عفويّه
تورّدني الأمل وأصحى .. على حلم ٍ قضى أجله


على النيّه أضيّفهـا ..واسيّبها على النيّه
قبل يقطع بي الياس المرير.. آبنقطع قبـــله !!


انا من وين أيممّ دمعتي منديلي : يْديّه
أقلّطهــا العيون.. وينقلب كل ٍ على كحــله ..


صفير الريح في جوف ٍ خليّ وروح منسيّه
تلاعب بالحنايا والحنايا تنطوي وجْلــه


تدّور بي الظِلال ؟ الله وكيلك وش بقى بيّه ؟
سوى داج الهجير اللي تسربل بالعنا نجله


أبوصيك اخضرار الغصن يا غصن ٍ ربي فيّه
إذا منّه يـبس مرّه : تـنبّه له ، تـنبّه له !




مع تحيات الجازيه

laptop99
10-05-2001, 05:55 PM
اخوي الرامس

مساء الخيرات

اختيار جميل وموفق
لكن





لا تحرمنا من ابداعاتك ;)

وسلمت يمينك

ماجد ناصر
10-05-2001, 05:59 PM
اختيار رائع بس ودي اسألك يالرامس اي جازيه:)

ضب آطخم
10-05-2001, 07:32 PM
الرامس الغالي

كما تعودنا منك تختار من القصائد اجزلها

سلمت .. ولك تحياتي

جحدر
11-05-2001, 11:01 AM
laptop99
.
.
.
.
.
ماجد ناصر
.
.
.
.
ضب اطخم
.
.
.
.
.
.
يعجز لساني عن كشركم فلكم مودتي

الراشد
11-05-2001, 11:56 PM
اختيار جميل
كالعاده رائع
سلمت لنا

الراشــد:)