PDA

View Full Version : وخا سيدي



ضب آطخم
10-05-2001, 06:35 PM
ياللي تنشد عن علوم الذي طاف
............. كل البحور وكل دولة وديرة
خذمن علومي علم اوصافة اوصاف
............ جزل سمين يشتعل لة سعيرة
الزين عقب المغربيات ينعاف
........... غيد لهن بالزين ذكر وسيرة
فيهن حلاً طاغي ولين بالاعطاف
........... وفيهن حنان يشعل القلب غيرة
حلوات وصف وفاهمات بالاعراف
.......... زينات منطق صافيات السريرة
بنات قوم طيبهم غصب ينشاف
......... اولاد مغرب في الليال العسيرة
ياللي تنشد عن علومي بالانصاف
......... هرجي يكفي صاملة عن كثيرة
الزين في لميا وتغريد والطاف
......... ماهوب في حصة وكشرة منيرة

......... شاعر مجهول الهوية

ضب آطخم
10-05-2001, 06:36 PM
يابن الحلال ان طعتني خل الاسراف
............. واترك جمال الغيد لاهل البصيرة
الزين موبس الملامح والاوصاف
............. الزين روح وعفة وطيب وسيـــرة
مانيب من يهوى سريا وانصاف
............. انا هواي وبس بنت الجزيــــرة
بنت الخليج اللي تماري بالاعراف
............. وحنا نماري باسمها كل ديـــرة
مالي غرام بقول وخا وبالزاف
............. اذبحني عند الطرحة المستديـرة
احب قولة ياهلا وعل ما خلاف
............. من بنت ثوبي بنت الارض النضيرة
الي تحلاها الظبي حلو الاطراف
............. جمال في عفة ورقة وغيــــــرة
واللي بها سحر مهو سحر عراف
............. ياعل عين ماتراها ضريــــــرة
عطف وحنان وذوق في لين الاعطاف
............. والى كشفت لثامها شفت اميــرة
صعبة على اللي بالردى شاف ما عاف
............. وحلوه على سنة الله ضميــــــرة
شمس الى من اشرقت والدجا طاف
............. غابت نجومك غصب لوهي كثيـــرة
السيف ما يزهى سوى كف سياف
............. والخيل دون حصانها مستخيـــرة
بس انت دور لك على قدك لحاف
............. وان طعتني دور بدلنا عشيـــرة

الشاعر طلال الرشيد

وجد الكتابة
10-05-2001, 06:52 PM
والله الاثنين ما عليهم كلام
واختيارك رائع يا سيدي
لي عودة اخرى
حبيت اكون اول الطابور
:)

laptop99
10-05-2001, 06:59 PM
اخوي
ضب أطخم
ياهلا وغلا فيك
اختيار مبدع ورائع
يعطيك مليون الف وخمسمية عافيه:o

كدا الكلام والا بلاش ياراقل:rolleyes:

وسلمت يمينك

امير المحبين
10-05-2001, 07:40 PM
تسجيل أعجاب :)

عسل
10-05-2001, 08:28 PM
كلهم صادقين ...

وانا مع الاول ;)

mr_mosta7el
11-05-2001, 01:02 PM
:)
ضب آطخم عيني بعينك

عاشق وفاء
11-05-2001, 01:19 PM
مساء الورود يا عمده ويا شعب

انا قريت القصيدتين هذي قبل كذا

وبصراحة انا مع طلال الرشيد مع احترامي لأقادير :(

وفيه قصيدة للقحطاني اظن ناصر(في نفس الكاسيت اللي فيه الذاهبه)
تتكلم عن النساء السعوديات حلوة مرره ياليت تضيفها لموضوعك :)

تحياتي

وجد الكتابة
11-05-2001, 04:06 PM
هلا عاشق
من قال لك القصيدة كانت تتكلم عن السعوديات!!
القصيدة اسمها " بنت الحلال "
----
خوي الدرب عمري ما خذاني دونه النسيان
وانا ياهل الملامه ما رغبت العيش وحداني
ابي لي مهرة ما عسفت صغيره وبنت حصان
أبوها اللي يفك المشكله ويزبن الجاني
واخوها لا تعزوا بإسمها فزوا لها العربان
يحق لها الفخر في قولة آل فلان جداني
أبيها في بحر عشرين لا زود ولا نقصان
أبيها أقصر طويله والوصوف أشكال والواني
أبي الجبهه كما الصبح وكما القوس أسود الحجان
وابيها ناعسات ونرجسية سود الأعياني
أبي رمش كما ريش يغطي الثلج في الأوجان
وأبي جفن يشيل الرمش طربان وكسلاني
أبي خد كما ورد تناما في طرف بستان
وابي خشم صغير ومثل حد السيف شاماني
أبي البسمه كما البرق وثناياها كما المرجان
وشفاها جمرتين وفمها خاتم سليماني
أبي شعر مثل ذيل الفرس لا طبت الميدان
أو الشلال لمن بات ليله بين الأمتاني
أبي جيد سوات إبريق فضه ناتق مليان
وصدر كنه مرايه عليها طلع رماني
أبي ظهر كما الجدول وقد مثل غصن اللبان
وخصر مثل مجدول الأعنان وجسم روياني
أبيها نابية ردف وبطن ضامر جوعان
أبيها مدمجة ساق وقدمها لسان ثعباني
أبيها بنت عز من رغدها ينعم الفستان
أبي الرقه وأبي الدقه لها بطرافها شاني
أبي المشيه كما اللي طالع من المعركه كسبان
وابيها ترش مع خطواتها مسك وريحاني
أبي صوت الى مني سمعته كأن فيه الحان
يدغدغ مسمعي ويثير كل السحر فأشجاني
أبيها حب وإخلاص وهواجيس وفرح وأحزان
أبيها مثل ما دكتورها للعشق وصاني
أبيها لوحة ما صورتها ريشة الفنان
أبيها جوهرة ما جابها قاصي ولا داني
أبيها تنتصرلي من زمان حطني نيشان
وتبشر بالغلا اللي ما لفابه واحد ثاني
مهرها قلب وشعر يهز القلب والوجدان
والبسها القصيد وتصبح أوزاني وقيفاني
أبي اللي فات واللي فات صعب ومن لقى العنوان
يرد العلم..ولا أفضل أبقى أعيش وحداني
-----------------------
ناصر القحطاني
-----------------------

اتلزق غصب يا عاشق
:)
يمكن مكتوبه في لبنانيه
:)
حتى في بيت نسى ناصر يكمله هو
"ولا تزعلون لو خبرتكم انها شاميه من لبنان
يا جعل قلبي يفدى كل من اسمه لبناني"
:)
ولا شرايك ابو الوفا
:)

الراشد
11-05-2001, 04:17 PM
مساء الخير

اختيار جميل
بس وين الزي العسكري لايكون ماعندك دوام
ياشباب بدور انا بعد ابي توقيع الضب
اي اشوي
لحظه ياوجد لادف :mad:
انت ياعاشق وين طالع من الطابور :mad:
انا معاك موب معا حد
اختيار جميل جدا سلمت لنا


الراشــد:D

معاناة القلوب
11-05-2001, 05:37 PM
ضبضيبوا
مساء الخير
شنو يعني وخاسيدي
؟!؟!
http://www.bigfatbaby.com/goofeysmiley.gif
:)

ضب آطخم
11-05-2001, 06:32 PM
الغالي وجد ..

دوماً انت في المقدمه .. يا جعلني ما ابكي ها الراس

الغالي لاب توب ... وجودك هو الاروع .. لا عدمتك

الغالي امير المحبين .. شا كر لك حضورك يا بعدي

الغالي عسل ... بايع عمرك انت .. والله يجونك التماسيح ياكلونك :)

الغالي مستحيل .. ما نستغني علي حضورك يا بعدي

الغالي عاشق .. والله يا اخوك لو تجي للحقيقه كلنا مسلمين .. ما يفعلونه .. هي الجاهليه بأم عينها .. والدخول في ثوب القوميه العربيه الفضفاض .. لا عدمتك

الغالي والا ثير وجد.. سلمت علي نقل القصيدة .. جزله المعاني .. سلمت يمينك

الغالي الراشد .. لا عدمتك يا غالي .. جالس ادور صورة ضب :) ابي احطها بدل ها الصور :)

الغالية معاناة .. والله سؤال محرج يا معاناة .. ابي اسألك الشباب اللي يسافرون المغرب وارد لك خبر :)

شاكر لكم أحبتي جميل ثنائكم

عاشق وفاء
11-05-2001, 07:14 PM
باك
مساء الخير جميعا

هذا هو الجزء الأخير من قصيدة القحطاني

شهب تشابه رسوم الشاشه المتحركات
******مالزمتها طراة ولا لهن ملح وحلاة
لا ربيع فيه خير ولا به الا بروق صيف
******والشتاء مابه رفيف يحيي اوراق الخريف
لي مناحل لي خلايا كلها سكر نبات
******لي حصون ناعمات لي غصون شامخات
لي قوارير ملاها العقل والدم الخفيف
******خلفها العمر الكليف ودونها الحد الرهيف
يازمن وش جاب حلوى غلفوها بالعباة
*****جنب حلوى للمشاة وللغبار وللشتات
شف بدل ماهي لواحد صارت لجمع لفيف
*****كيف انا أخبرك كيف؟شوفها فوق الرصيف

تحياتي لمعارضي العباة
واحتراماتي لكم

noot1
11-05-2001, 07:23 PM
الأستاذ ..ضب أطخم .. تحياتي لك .
.وأهنيك على الأختيار الموفق للقصائد ..ويشرفنا نقراها في لوحتك.
-------------

noot1
11-05-2001, 07:48 PM
بعد إذنك ياضب أطخم ..كلمتين لوجد الكتابة...
[COLOR=red] آآفااااااااااااا ياوجــــد الكتابة ..
ماهقيتها منك هذا وانت صاحب الكلمة الحساسة يطلع منك هالكلام ..
يعني مستخصر هالقصيدة وتواصيفها في سعودية ..<== ( وينك ياصيد! ) .. [/
COLOR] وعلى فكرة الله يعافي السمكرة عندهم مايحتاج !
-------------------
سلامي ..لعاشق وفاء :
وأقول تسلم يمينك ..هذا الكلام الي يوسع الخاطر .
---------------------
تحياتي للجميع
أختكم : نوت

وجد الكتابة
11-05-2001, 10:31 PM
يخرب بيتك يا عاشق وفاء
وهقتني
:(
----
نوت ابدا ما اقصد الكلام اللي كتبته
انا كنت استفز عاشق وفاء وامزح معاه
وما اعتقد لا قصيدة ناصر ولا قصيدة اي شاعر في هالكون تعطي السعوديه حقها
واعتذر عن كلامي الغير مقصود
واعيد كلمة دايم اقولها ..." مقتبسة من فهد عافت"
"والسعوديات انفاس الدخون...ان خذن ولا عطن"
وبعدين الله يهديك ما لقيتي غير صيد تعلمينها
هذي عندها الغام...
يعني يرضيك اموت يا نوت
:(

وجد الكتابة
11-05-2001, 11:37 PM
لا بغيت يكون للشعر معنى
وللقصايد احساس وشعور
لا تكتب في السعوديات مثنى
في كل وحده اكتب بحور
نوت لا تصيد الوجد لعنه
وانتي احساسك بخور

شرقاوي
12-05-2001, 04:56 AM
اختيار موفق يا صب اطخم تشكر عليه...:)

وصح لسان الشاعر طلال الرشيد ..والله عرف يرد بقوه;)

ضب آطخم
13-05-2001, 09:57 AM
وجدالكتابه // عاشق وفاء

إذ تبون تتهاوشون افتحوا لكم صومعه واتهاوشوا فيها .. لا تخربون صومعتي

اختى نوت .. سلمتي علي المداخله

الغالي شرقاوي .. لا عدمت بس شوف رد عسل .. اضاهر ما اعجبه طلال

:)

ابو طيف
13-05-2001, 11:55 PM
يااطخم اختيار رائع والأروع هو قصيدة الشاعر الكبير / طلال الرشيد
وهذا ليس تعصب لبنات الخليج لكن يكفي فيهن الحشمه والعفاف وعزة النفس وكذلك هذه الصفات موجوده في غيرهن لكن بناتنا اكثر تمسك بهذه القيم والله يهدي الجميع لما فيه الخير0

وجد الكتابة
14-05-2001, 12:24 AM
حبيت اسلم عليك
افتقدتك الفترة الاخيره

عقروووبه
14-05-2001, 07:28 PM
هلاووووووووين
ضب آطخم على قد ما أتشت من الشعر على قد ما عجبني تاليه:)

مستحيل اصبعي في عينك اشوف:mad:

جحدر
15-05-2001, 05:31 AM
اشكرك ياضبنا العزيز شف كثر الضبان بس مايهمنا غير ضبنا

حبيبي الاطخم ولوني عاتب عليك شوي بس اختيارك رهيب

وهذا يدل على حسن ذوقك ورقي اختيارك

تدري ليه انا عاتب عليك لاني اول مادشيت

اكنت ابغي اكتب نفس القصيدة بس انت

الله يهداك احرقتني ونزلتها قبلي

المستشار
15-05-2001, 02:56 PM
السيف ما يزهى سوى كف سياف
............. والخيل دون حصانها مستخيـــرة
--------------------طلال

أخي الغالي .. ضب آطخم ..

جمعك الفريد لهذه المقطوعتين .. يدلّ على شاعريّة فريدة .. و احساس مرخف .. يجبر المار من هنا على الوقوف لينتثر من كلمات التبجيل لك الكثير .. علّ أن نوفيك شيء من حقّك ..

عدت بهذه الأبيات إلى عصرٍ فات .. حين كانت الكلمات في الحوار أشعاراً .. و في المنتديات أقماراً .. لأستجدي من نفسي ما يسعفني إلى تخطّي حاجز الذكرى .. إلى رحابة الأمل بالوصال مع من نحبّ ..

لك منّي كلّ تقدير ..

وجد الكتابة
15-05-2001, 07:08 PM
للخليجيه هذه
http://www.bigfatbaby.com/IMAGES/rosebloom.gif

ضب آطخم
17-05-2001, 03:53 AM
شاعرنا ابو طيف..لا عدمتك هذا والله من ذوقك يا غالي

وجد الغالي والاثير .. تسلم يا بعدي.. تسأل عنك العافية

اختي عقروبه .. شاكره لك الزياره ان شاء الله ما تكون الاخيره

الغالي الرامس .. انت من يتحفنا دوماً باختياره وهذا شي بسيط من ذوقكم الرفيع

الغالي المستشار فارس القلم .. اشتاق عذب الكلام لمشاركاتك

اعتذر عن تأخر في الرد .. وللجميع تحياتي