PDA

View Full Version : ضيف هذا الاسبوع// الكاتب محمد الحبيب



ضب آطخم
12-05-2001, 12:57 AM
السلام عليكم .. ومساء الخير

استضفنا الاسبوع الماضي العقيد متقاعد ابو عجاج احد لبنات الساخر واثبت من خلال الاستضافه فكره النير واطلاعه الواسع .. (وما شفنا الرجال بعد التجديدات الظاهر انه ضيع طريق المنتدي :) )

ضيف هذا الاسبوع الكاتب محمد الحبيب .. التحق بركب الساخر مؤخراً .. ويبدو أن الاسم مشهور على الشبكه العنكبوتيه .. يحمل قلم مميز .. يستطيع قراءه الاحداث وترجمتها

اتمنى لضيفنا وقت ممتع .. كما ارجو ان تضع الاسئله باللون الاحمر ثم تجيب عليها ولا تفعل كما فعل ابو عجه :) .. ولك تحياتي

العميل
12-05-2001, 01:06 AM
-
شكرا مرة أخرى للأخ /ضب أطخم على هذه المفاجأة الجميلة والإختيار الرائع ..... وشكرا آخر للأخ المبدع/ محمد الحبيب أحد أبرز كتاب الساخر على قبول الدعوة ... والتكرم بالإجابة على أسئلة اللقاء الأسبوعي ....

الأخ محمد الحبيب معروف بكتاباته الساخرة وأسلوبه المميز وطرحه الهادف من قبل أن يبدأ موقع الساخر ... وكان للساخر الشرف بأن يحط رحاله هنا ويتحفنا بروائعه ومشاركاته ....

سأعود مرة أخرة ببعض الأسئلة وللجميع أجمل تحية ...


-
-
---------------
حاطب ليل

صمت الحروف
12-05-2001, 01:29 AM
السلام عليكم

هلا وغلا اخوي محمد
عندي بعض الاسئلة الخفيفه
1. اسم الحبيب صفة او؟؟؟
2. هل لك كتابات سياسيه ساخره؟
3. هل لك مشاركات في مجلات او جرائد؟؟
4. كيف ترى مستوى الكتاب والقراء في الانترنت وبموضوعيه؟؟؟
5. باعتقادك ايهما استفاد من الانترنت المواطن الغربي او الاجنبي ، ولماذا؟؟
6. هل أنت ضليع بالكمبيوتر، وماذا قد لك الانترنت؟؟
7. موظف ولا طالب مع ذكر المؤهل العلمي؟

يكفي هذا وساعود اليك اخي قريبا
في أمان الله وبالتوفيق
اخوك فيصل

الدربيل
12-05-2001, 11:03 AM
محمد الحبيب .... أو محمد بن صالح :)

اسم غني عن التعريف .... يقتات كثير من مراهقي الانترنت على مواضيعه الكثيرة يقومون بنشرها وينسبونها الى انفسهم كي يحضوا بالمديح والتصفيق .

والجيد فقط ... هو من تجد الآخرين يحاولون تقليده .

معلقة الاسئلة الدربيلية :)
1 - لماذا يتعمد بن صالح كتابة المواضيع الطويلة وباسلوب السرد المتواصل بدون توقف أو أخذ نفس :) .
2- من هو محمد الحبيب .... أو محمد بن صالح ... ؟ ليس المقصود الإسم أو النسب ... بل المقصود من هو محمد الحبيب الإنسان ... مطلوب إضاءات عن الجوانب الاخرى في حياة الحبيب غير الكتابة والسخرية ... بمعنى ... ما هو التعريف الذي تختاره لنفسك وترغب بإطلاع الآخرين عليه ؟

3 - هل يشغل بالك أثناء كتابتك لموضوع معين الأخطاء الإملائية واللغوية ؟

4 - لماذا تكتب ؟؟؟ ولمن تكتب ؟؟؟ ومتى تكتب ؟؟؟ ( سؤال مركب يحمل كمية لا بأس بها من محلول مادة TNT :) ).

5 - يوجد شبه واضح بين أسلوب محمد الحبيب ورفيع الشان ... من حيث اللغة .... فعندما أقرأ للحبيب أو لرفيع الشان ... فأني أجد النفس الكتابي متشابه الى حد بعيد ؟ هل من تفسير :) .

6 - ما مدى رضاك عن ما تكتبه وتنشره بالمنتديات ؟

حمود النكبه
12-05-2001, 01:28 PM
اخوي العزيز والغالي والحبيب .. ابو حبيب .. صراحة اخوي انا كنت مجهز بعض الأسئلة .. لكن يوم شفت أسئلة أخونا الدربيل .. رحمتك والله .. فإذا جاوبتها مضبوط يمكن تفتك مني .. لكن اذا حسيت الاجابات فيها تصريف .. راح أرجع لك .. وقلبي معاك ..:D

توتوالصغنون
12-05-2001, 01:32 PM
سؤالي هو00
كم راتبك يامحمد ؟ وهل تسلف؟واذا سلفت تصبر على الواحد والا تفضح بابو جده وتشتكيه؟
وشكرا:D

أبو عجاج
12-05-2001, 03:29 PM
سؤال صغير :)


ما هو تقييمك لوضع المنتديات العربية ؟ وهل هي بديل جيد للحوار ؟؟

هل تعتقد أن الكتابة بالمنتديات مفيدة ؟؟ وهل تتوقع أن يكون لها مفعول لمعالجة القضايا المختلفه بالمجتمع ؟؟

بس :) وربي يعينك :)

محمد الحبيب
12-05-2001, 06:23 PM
السلام عليكم ورحمة الله وبركاته ... اخواني .. اخواتي اسعد الله مساءكم بكل خير

الأخ ضب أطخم هلا وغلا ... وشكرا لك على جهدك ودعوتك لي كما اشكر التلفزيون السعودي لإتاحة هذه الفرصة .... اتمنى ان اكون عند حسن ضن الجميع

الأخ الريس العميل .. والله ماتقوم عن مكانك :) هلا وغلا فيك احرجتم تواضعنا بكلامكم العطر والمنمق ..وتراك مسامح اذا ماسألتني وتحياتي لك ولجميع القائمين على هذا الشرخ الصامخ :(

على فكرة ياضب .. عناد فيك ماراح اكتب بالاحمر :( ( مستحي لا يقول انه مايعرف )

---------------- استعنا على الشقى بالله -----------

صمت الحروف :) هلا وغلا فيك ماشاء الله عليك اسألتك واجد هذا وانت صامت اجل لو صرت هرج الحروف بدل صمت وش كنت تبي تقولي :) هاهاها امزح اخوي

1. اسم الحبيب صفة او؟؟؟
اسم الحبيب هذا الله يسلمك صفه .. مو اسم عايلتي ... تبي اقولك اسم عايلتي ؟ بيني وبينك :)
2. هل لك كتابات سياسيه ساخره؟
مادري ( توهقت شكلي طحت بيدين دبوس ) :) والله ياخوي فيصل ... اذا قصدك اني اذكر شخصيات او علاقات خارجية بين دول فإلى الآن مابعد كتبت شي من هالقبيل لكن الأمر لا يخلو لان كل شي بهالدنيا سياسة ... سياسة اقتصادية .. سياسة اجتماعية .... الخ :)
3. هل لك مشاركات في مجلات او جرائد؟؟

ايه مرة طلع اسمي يوم تخرجت من الثانوية ومرة لما ضيعت رخصتي .. الصراحة مشاركات بمعنى مشاركات لا .... كل ماهنالك بعض الردود على بعض المواضيع او بعض الكتاب بس
4. كيف ترى مستوى الكتاب والقراء في الانترنت وبموضوعيه؟؟؟
مستواهم مثل مستوى كتاب الجرايد والمجلات مافيه اختلاف .. الاختلاف بطريقة الطرح فقط ... في النت الطرح غالباً مايكون اقرب للغة ولثقافة الشارع ... اما في الجرايد فطريقتهم مستقاة من الإعلام الغربي .. والمشكلة ان بعض كتاب النت الآن صاروا يكتبون بنفس النهج .. وخلاصة القول ان الكتاب مازالوا بحاجة إلى مواضيع جديدة يكتبون عنها .. ويكفي نقل مقالات من الجرائد والمجلات ..
5. باعتقادك ايهما استفاد من الانترنت المواطن الغربي او الاجنبي ، ولماذا؟؟
الغربي او الاجنبي ؟؟؟ قصدك العربي او الاجنبي ؟؟ اذا هذا هو قصدك ... فبلى شك .. الغربي او الاجنبي استفادو ومازالوا يستفيدون من النت اما نحن العرب النت مازالت وسيلة ترفيهيه .. واحيانا وسيلة سب وشتم ونشر للفتن
6. هل أنت ضليع بالكمبيوتر، وماذا قد لك الانترنت؟؟
بالكمبيوتر انا داج وبقوة ماعرف غير اطفية واشغله واكتب .. اكره التقنية كلها مادري ليش .. مالله عطاني حب لها احس انها تعطل العقل والفكر ..الانترنت قدم لي الكثير واخذ مني الاكثر .... قدم لي صداقات كثيرة ... تعرفت على اشكال من الناس كنت اقرأ عنها بالكتب واسمع عنها في الرادو شفتها على الطبيعة وبعضهم صاروا من جيراني :( .. استفدت ايضا من النقاش الي يتم بيني وبين بعض الأصدقاء او بين الاصدقاء انفسهم .. ارتفتعت حصيلة معلوماتي
7. موظف ولا طالب مع ذكر المؤهل العلمي؟
انا موظف وتقدر تقول طالب بس طالب غير رسمي .. يعني ماحد يدري غيرك الحين :) المؤهل العلمي .. دبلوم عالي بـ .... والا تدري خلها بيني وبينك :)

مشكووووووووور اخوي . على اسألتك ... وان شفت اني ماجاوبت على بعض تساؤلاتك .. مافيه مانع تعيد الكرة مارة ثانية .. تحياتي

محمد الحبيب
12-05-2001, 07:00 PM
اخي الدربيل .. هلا وغلا .. تشرفنا بزيارتكم ..... اخبارك من زمان ماصرت اشوفك ... لايكون جايك هرج :) ................ تسلم اخوي على كلامك الي في البداية وهذا من بس من ذوقك :)

1 - لماذا يتعمد بن صالح كتابة المواضيع الطويلة وباسلوب السرد المتواصل بدون توقف أو أخذ نفس .
اول شي ... احب اقولك .... اني قرقة وثرثار وهذره .. يعني طبيعي ان اتكلم كثير .. وهالشي انعكس على كتاباتي .. حتى أسأل امي .. إذا جيت من البيت على طول حطت قطن في اذانها :( ... انا ياخوي .. لما اكتب .. احط في بالي جميع الاستفسارات والتسأؤلات التي تخطر على بالي واحاول اجيب عليها علشان يكون الموضوع محكم بقدر الامكان ولهذا السبب يطول اكثر من اللازم .. وانا متأكد لو واحد غيري كان استطاع انه يختصره .. بس ماقول الا الله يصلح حالي ويعافيني من عيبي الشرعي هذا :( ...... بخصوص السرد .. السرد دايم يكون محبب للعامة .. وعلشان كذا استخدمه اغلب الاحيان ... اما ليش مااتوقف .. فهالنقطة يمكن كانت في الماضي بس اغلب مواضيعي الجديدة فيها وقفات واستراحات ساسكو :( .. والصراحة مايلاحظ هالاشياء الإ الشخص المثقف والمطلع .. تصدق اني ماكنت اعرف هالاشياء الا في الآونه الاخيرة بعد مانبهوني وعلموني بعض الشباب امثالك .. زادك الله من علمه ......
2- من هو محمد الحبيب .... أو محمد بن صالح ... ؟ ليس المقصود الإسم أو النسب ... بل المقصود من هو محمد الحبيب الإنسان ... مطلوب إضاءات عن الجوانب الاخرى في حياة الحبيب غير الكتابة والسخرية ... بمعنى ... ما هو التعريف الذي تختاره لنفسك وترغب بإطلاع الآخرين عليه ؟

محمد بن صالح هو إنسان من الطبقة الكادحة ..... عيبه الطيبة ( هاهاها مثلي مثل الفنانين والمشاهير في المقابلات .. قال ايش قال عيبي الطيبة ... نعنبو شيطان العدو .. متى صارت الطيبة عيب ؟؟؟ .. ماعلينا ) :( ......... كسول .. مهزوز الثقة .. ثرثار .. إجتماعي نوعاً ما ...... احبها بيضاء وشقراء :) ..... تقدر تقول ... اني متمرد ... على كل شي .... ادعي المثالية وانا غير مثالي .. ارفض الضوضاء واتمرد على الهدوء ... ازعج من حولي بشخيري افكاري :)

3 - هل يشغل بالك أثناء كتابتك لموضوع معين الأخطاء الإملائية واللغوية ؟
بالتأكيد ........... اصلا من احد اسباب كتابتي هو تقوية لغتي العربية وتصحيح اخطائي الأملائية :)

4 - لماذا تكتب ؟؟؟ ولمن تكتب ؟؟؟ ومتى تكتب ؟؟؟ ( سؤال مركب يحمل كمية لا بأس بها من محلول مادة TNT ).
اكتب .. لاني فاضي ماعندي شغل :( .. وعلشان مثل ماقلت لك فوق . احسن اخطائي :) ..... اكتب لنفسي غالباً .. بدل ماصوتي وافكاري تروح في الحمام .. اشخمطها على ورق وانشرها .. يمكن اكون صح في يوم من الايام ..... اكتب في الليل .. وانا متسلقي على مطرحتي :) .... هاهاها .. فيه مواضيع كثيرة .. ملينا وحنا نقراء عنها ونتكلم عنها .. احيانا يكون في الموضوع زاوية او جزئية مظلمة لم تأخذ حقها الوافي من الطرح والمناقشه .. هنا اسل قلمي من جيب احد الزملاء واكتب :) ........ وخلاصة القول .. قد تجد موضوعين متناقضين من المواضيع التي كتبت عنها ... وها لا يعني اني متناقض ... ولكن كل زمن له ظروفه ...

5 - يوجد شبه واضح بين أسلوب محمد الحبيب ورفيع الشان ... من حيث اللغة .... فعندما أقرأ للحبيب أو لرفيع الشان ... فأني أجد النفس الكتابي متشابه الى حد بعيد ؟ هل من تفسير .

لا ماهنا تفسير :( ........ كل مافي الامر .. اننا .. شخصين .. ولدنا في بيئة واحدة .. مسلمين ... همومنا وحده ... بالتأكيد انفاسنا وحده :) ... بعدين اول واحد يقول اني متشابه انا ورفيع الشان .... وعلى فكرة رفيع الشان .. اعتبره استاذي .. لانه اقدم مني في هالمجال وصاحب عقل وفكر .. وربما اني تأثرت فيه هذا اذا سلمنا انه فيه تشابه :) ........ واخيرا .. اتمنى اني اكون مثل رفيع الشان

6 - ما مدى رضاك عن ما تكتبه وتنشره بالمنتديات ؟
بعضه راضي عنه .. وبعضه لاع .......... كتبته وقت ضعف او حالة نفسيه معينه .. وبعدين ندمت .. لانه مايمثل قناعاتي ...... بعض المواضيع .... ولا تسألني ايهن .. لاني مرااح اجيب عليك :) ........ وعلى العموم .. انا مازلت هاوي ومبتدء ... وقاعد اتعلم منكم :)

تيحاتي القلبية لك ولبقية الاخوان

----------------
حمود النكبة ... اخوي حبيبي .... بالحضن :) ..... ( يارب يكون مقتنع علشان مايسألني ) .... ها حمود عساك اقتنعت :(

توتو الصعنون ......... شف انا متساهل بكل شي .. الا السلف ..... اتمرمط بالي اسلفه ولا يرجع :( ( شكل الرجال مطفر ويبي يتسلف ) :) ......... على طاري السلف .... قال مرة واحد .... يقول ... فيه رجال .. جاه واحد من ربعه يبي يتسلف منه .... يوم عطاه الفلوس .. قام المسلف .. حب ايد الي متسلف منه ........ استغرب ذاك .. قاله جزاك الله خير .. الحين تسلفني وتحب ايدي .؟؟؟؟؟ ..... قال ايه ... احب ايدك الحين .... لاني راح احب رجولك .. بعدين لما اطلب فلوسي :)

شكرا على سؤالك اخوي

ابوعجاج ... تذكر يوم اني اسألك سؤال بسيط مرة وصغير :(

ما هو تقييمك لوضع المنتديات العربية ؟ وهل هي بديل جيد للحوار ؟؟
اعتقد ان المنتديات .. وضعها الحين مثل وضع محلات كل شي بريالين :( ... ماعندهم الا عودان اسنون وعودان اذان :( ...... المفروض تندمج بعض المتدديات مع بعض ... يعني مثل البنوك :)
... بالتأكيد هي احسن من السواليف بالتلفون .. او بالكينود واخواته ....... بس يبغالها اشوية ترتيب اوراق وتكون كذا :)

هل تعتقد أن الكتابة بالمنتديات مفيدة ؟؟ وهل تتوقع أن يكون لها مفعول لمعالجة القضايا المختلفه بالمجتمع ؟؟
شوف ... من ناحية مفيده .. هي مفيده .. على الاقل .. المقولة القديمة الي تقول .. ان الكلام ببلاش .... التغت في النت ... وربما هالشي يساعد ويخلي الناس ماتقلل من الكلام اشوي ...... :)
<------( علم ننفسك ... هماك قبل اشوي تقول انك ثرثار ) هاها

وانا اتوقع ان النت والمتديات راح تكون بديل جيد لبعض القتنوات الرسمية والغير رسمية السابقة لحل بعضا لمشاكل او توصيلها ....... على الاقل هنا مافيه واسطه .. او حرج انك تخطي او شي ..... ذب الكلام الي تبي ... وامش ... ماحد قايل لك وين انت رايح :)

شكرا اخواني ..... لكم .. ولجميع المسئولين :)

جوري
12-05-2001, 07:19 PM
اخوي الغالي محمد الحبيب
اسم غني عن التعريف ولايمكن لجوري ان تصف شخصك الكريم في سطور
اخوي والله فرحنا كثيرا بمجيئك للساخر
لاننا نرى فيك الشخص العاقل الفاهم
طريقك ملئ بالمعجبين باسلوبك وطريقة حوارك
اهنئك على اسلوبك الرائع
والله مالقيت سوال اسالك لاني احسك شخصيه كبيره ماتمشي قدامك الاسئله الصغار :)
اخوي محمد
مارايك بتجربة الانترنت ؟؟؟ وهل استفدت شئ ؟؟
هل انقطعت زياراتك ووصلك لاصحابك بعد دخولك هذا العالم الملئ بالمفاجات؟؟؟
وش احسن علاج لمدمني النت :( ؟؟؟

الحنش
12-05-2001, 11:30 PM
شكرا لطرح هذا اللقاء ----

لدي بعض الأسئلة اود طرحها على الأخ المميز / محمد الحبيب ....

1- ماهو رأيك بوضع المنتديات العربية بوجه عام ؟

2- لماذا إختار محمد الحبيب منتديات الساخر ؟

3- بصراحة ماهي أبرز الإيجابيات والسلبيات في المنتدى الساخر ؟

4- من يعجبك من الكتاب في المنتديات؟

5- ماهو السبب في نظرك في إتجاه بعض الصحف لفتح منتديات في مواقعها ؟؟؟
-
-

شكرا لك ......


---------------------------------

شوق
12-05-2001, 11:40 PM
اهلين اخوي الحبيب
عندي سؤال من زمان وهو يقرقع في نفسي ( من جد و الله )

اسمك الحبيب , هل على الباء و الياء شدة ولا لا .

معليه سؤالي بايخ و مايليق بمستواك , بس و الله انه في نفسي من زمان ( مغير بلغت شف )

الحنش
13-05-2001, 05:17 AM
المعذرة بس ترى السؤال الأول إكتشفت ان ابو عجاج سبقني فيه أو إليه ... فلك الحرية بتركه ... أو الإسهاب في الجواب .

وتسلم

mr_mosta7el
13-05-2001, 12:40 PM
السلام عليكم
اخوي ضب مشكور على هذي المقابله مع استاذنا الرائع محمد الحبيب
ابو حبيب الله يحيك يالغالي
ابو حبيب اسم لامع في عالم الكتابة الساخر في الكثير من المنتديات ..
تشرف المنتدى الساخر بوجودك فيه
يا هلا فيك يا الغالي
اسئلتي هي :
س1/ ابو حبيب اسم نقرأه دائماً في طرح المواضيع الساخره .. حتى غدا هناك نوع من الارتباط بين اسمه و المنتدى العام ... هل من سبب رئيس لدى ابو حبيب لكي يبتعد عن الكتابات غير الساخره او الجادة؟

س2/ من من الكتاب المعرفين او كتاب الانترنت يحرص ابو حبيب على القرائه لهم؟

س3/ اضحى اسم ابو حبيب بالاضافه لاستاذنا رفيع الشان وقع قوي في عالم الكتابة الساخره بالانترنت ...(ماشاءالله) و ذلك دفع البعض لانتحال شخصياتهم كما حصل مع رفيع عدة مرات ... سؤالي ما هو تصرفك المتوقع لو علمت بانتحال شخصيتك في منتدى اخر؟

س4/ كيف عرفت عن المنتدى الساخر..؟ و ماهي اول انطباعاتك عنه؟

محمد الحبيب
13-05-2001, 01:52 PM
السلام عليكم جميعاً .. اخواني واخواتي .... يشرفنا تواصلكم :)

جوري أختي العزيزة ....... شكرا على إطراءك الجميل ..... وانا بعد سعيد جدا بتواجدي معاكم ........

لاننا نرى فيك الشخص العاقل الفاهم ؟؟؟؟ وش قصدك .. ان مافيه عقال ولا فاهمين هنا .. هاهاهاهاه ( يحب الشر ) .... ترى كلامك هذا يخليني استحي واصير ثقل .. همن والله مانشري ولا بريال :( ... كل الموجودين عقال وفاهمن الله يزينهم بعقولهم آمين

اي بالحيل ... شخصية كبيره :( ... ترى الاسئلة الصغيره حلوووه ورهيبه ( اصلا حدي الاسئلة الصغيره ) .. لا تستحين اختي .. اسألي الي تبين

مارايك بتجربة الانترنت ؟؟؟ وهل استفدت شئ ؟؟ تجربتي مثل تجربة اي مواطن دخل النت ( على وزن شعوري مثل شعور ) .... اكيد اي تجربة مهما كانت فاشله .. لابد ان تأثر بالشخص وتفيده .. اما انا ... فالفائدة العظيمة الي استفدتها ومازلت .. هي المناقشة والاحتكاك بالعقول والمثقفين العرب والخليجيين .. وهذا ماكان سيوجد لولا الله ثم الانترنت .... ( بيني وبينك .. ربعي الي خارج النت .. كلهم دلوخه مايشجعون احد يناقشهم .. الا من رحم ربي ) :)

هل انقطعت زياراتك ووصلك لاصحابك بعد دخولك هذا العالم الملئ بالمفاجات؟؟؟
في بداية الانترنت ... قبل ثلاث سنوات .. كنت ابلط قدام الكمبيوتر .. قد جلست حوالي 20 ساعة شبه متواصله ..... وبالتأكيد .. هذا اثر على كل شي حتى صحتي ... لكن بعد ماطاح الي براسي .... صرت اخصص وقت للانترنت ... فالحين انا مادخل الا في النهار واحيانا في المساء للضرورة ....... وهالشي والله علشان اقدر اوفي الحقوق الي علي .. من ممارسة بعض الهوايات الي اهملتها .. والعلاقات الاجتماعية بشكل عام ...

تحياتي لك :)

--------
اخوي الحنش هلا وغلا فيك ... تسلم على اسالتك .. السؤال الاول ..ارجع لردي على ابوعجاج ..... وان شفت انك تبي تستفسر اكثر .. انا تحت طوعك :)

2- لماذا إختار محمد الحبيب منتديات الساخر ؟ انا ماخترت الساخر .. فيه ناس اختاروه لي ..... اقصد الاخت ارام الله يذكرها بالخير .... هي الي دلتني هنا .. والحقيقة بذلت جهد كبير علشان تقنعني فيه :) .... لاني والله ماكنت اعرفه ... والشي الثاني .. اني كنت اتوقع انه مثله مثل المنتديات الي كل يوم تطلع .. ومن كثر ماتلقيت دعوات من اصحاب المواقع هذي .. وبعضهم حطني مشرف وانا مادري .... صرت ارفض اي دعوة .. الا عاد من الناس المقربيين مرة .. من باب المجاملة .... وهذا الي صار معي انا وارام ... بس الاختلاف اني الحين انا عسكرت هنا .. وهي مادري وينها :) ..

3- بصراحة ماهي أبرز الإيجابيات والسلبيات في المنتدى الساخر ؟ الاجابيات .... هي ان المنتدى هذا ... اول منتدى اشوفه يحترم جميع التيارات ... وجميع العقول ... طبعا بحدود المعقول ... فيه شفافيه وحميمية بين المسئولين والأعضاء .... الله لا يغير علينا :) ... اما السلبيات .... فحدث ولا حرج :) هاهاهاها .... اشوف انهم بحاجة لساحة اخرى تكون ساحة منوعات :) .. يعني خليطي كل شي فيها ....... يعني الحين انا .. كتبت قصة قصيرة ... الصراحة مادري وين احطها فيه ... ؟؟ :( ابي منتدى قصص ..

4- من يعجبك من الكتاب في المنتديات؟ كثيرررررر .... وماني قايل لك .. اخاف انسى احد همن يزعلون علي :( .... خلها كذا على البركة :) ... لكن مشكلت الغالبية انه كل اشوي له اسم .. وهالشي يتعبني .... :( ( اخوك نساي من الطراز الأول ) :(

5- ماهو السبب في نظرك في إتجاه بعض الصحف لفتح منتديات في مواقعها ؟؟؟ يمكن لانهم مستحين .. يقولون .. اننا اخذنا موضوع من موقع الساخر او غيره .. فقالوا .. نحط منتدى .. وكل الي علينا .. قص ولصق ... اوفر لهم .. على الاقل ماراح يعطون هالكتاب دراهم :(

تحياتي لك اخوووووي :)

------------

اختي شوق هلا وغلا فيك

اسمك الحبيب , هل على الباء و الياء شدة ولا لا . والله الي تبين ...... مايفرق عندي ... بس الظاهر انه بشدات :) .. بعدين عن التطنز ... مايليق ومادر وش بعد :( جاك ماجاء جوري :)

تحياتي لك اختي

------------

اخوي .. مستر مستحيل .. هلا وغلا فيك ... وتسلم على الترحيب في الاول والاخير .. الشرف لي وانا اخوك :)


س1/ ابو حبيب اسم نقرأه دائماً في طرح المواضيع الساخره .. حتى غدا هناك نوع من الارتباط بين اسمه و المنتدى العام ... هل من سبب رئيس لدى ابو حبيب لكي يبتعد عن الكتابات غير الساخره او الجادة؟ سؤال حلو ...... اكيد هناك اسباب .. اول شي وانا اخوك .. لما اكتب .. اكتب لنفسي مثل ماخبرتكم سابقاً ... وانا بطبعي احب اعالج مشاكلي بشي من المرح والسخرية .. علشان ماحس بالملل والقلق ... هذا شي .. الشي الثاني ... ان الاسلوب الجاد .. وين ماتروح تلقاه ... والناس صارت ماتقراء .. والسبب هالكتابات ... فليش مانكتب بالاسلوب الي يبغاه الجمهور :) .. على قولة المخرج .. الجمهور عاوز كدا ... وبيني وبينك .... اول ثلاث مواضيع كتبتها .. كانت مواضيع جاده .. وثقيلة دم :( .. عقبها تحطمت .. وفكرت جدياً .. اني اتحجب واعتزل الانترنت :) بس الزملاء قاموا مشكورين بمساواتي :) هاهاهاها

س2/ من من الكتاب المعرفين او كتاب الانترنت يحرص ابو حبيب على القرائه لهم؟ سبق الاجابة عليه في ردي على حنش ..... وتبي الصدق .. انا ماحب اقرأ كثير في النت .... خصوصا المواضيع الطويلة :( قلق .. احد عايف اعيونه علشان يبحلق في الشاشة :) ( اجل ليش مقلق الناس بمواضيعك الطويله ) :( ........... الجد الجد .. اذا هو موضوع طويل .. اطبعه واقرأه وانا متسلقي على الفراش :)

س3/ اضحى اسم ابو حبيب بالاضافه لاستاذنا رفيع الشان وقع قوي في عالم الكتابة الساخره بالانترنت ...(ماشاءالله) و ذلك دفع البعض لانتحال شخصياتهم كما حصل مع رفيع عدة مرات ... سؤالي ما هو تصرفك المتوقع لو علمت بانتحال شخصيتك في منتدى اخر؟ .... مادري .. والله ماقد فكرت بالشي هذا ........ دايم تجيني اخباريات ان بعض مواضيعي مسروقه .. ونادراً ماتخذ قرار فعلي ... هي مرة وحده ... واحد من الشباب الله يهديه .. سرق مني تقريباً عشر مواضيع :( .. هذا هو الوحيد تمشكلت معاه ... بلغت المنتدى الي هو فيه .. وقاموا بحذف المواضيع .. وانتهت المشكلة وحنا حبايب وبنفس المنتدى نشارك :) ........... اما حقين المفرق ... فهذولا ماقد ويت لهم شي ... واخرتها .. امس .. موضوعين انسرقوا .. حق الطماط .. وليلة العمر ... :( بس الله يسامحهم دنيا واخره

س4/ كيف عرفت عن المنتدى الساخر..؟ و ماهي اول انطباعاتك عنه؟ .. ايضا سبق وان اجبت على هالسؤال .. شكلك انت وحنش غاشين من بعض :( .. هاهاهها ....... عرفت الساخر عن طريق الاخت .. ارام .. حفظها الله ............... وانطباعاتي عنه .. أنه صار اول ماشغل جهازي يطلع لي .... وحل محل الساحة العربية :( .... الله لا يغير علينا

مشكوووووووورين .. واسف على الاطالة ..... بس وش رايكم باللون العشبي .. مايذكركم بالربيع :) ... تحياتي

فتى العشة
13-05-2001, 03:51 PM
سلام عليكم
اولا وش رايك باللون العلفي؟؟
ثانيا اذا جيت تكتب موضوع وين تكتبه بالسطح ؟؟ بالبرحة؟؟ فوق جدار؟ وين حدد:)
تقبل جغفاتي المدحدرة

حمود النكبه
13-05-2001, 04:48 PM
هلا أخوي ابو حبيب .. مع ان اجاباتك على الدربيل كانت مقنعه بالحيل لكن وش أسوي من حبي لك ما قدرت استحمل قلت لازم اصقعك بسؤال .. ما تسمع اللي يقول ومن الحب ما قتل .. المهم خذ عندك ..

1- ايهما له تأثير أكبرعلى الآخر العقل أم القلب .. طبعا بتقول ليش السؤال بقول لك .. مرة نصحت واحد فقال والله يخوي لو يفتك هذا من هذا كان صرت بخير .. وأشار الى قلبه وعقله بالترتيب .. رجاء ابي رايك بصراحة وبدون تصريف ..

2- سؤال دايم أسأله الشباب اللي قبلك .. موقف محرج اذا ممكن ..

ومشكووووور حبيب ألبي ابو حبيب على سعة صدرك .. :)

الهلال
13-05-2001, 04:52 PM
حي الله صديقي .. ابووووووووحميد ...

حي الله اللي بغى يودينا في ابو نكله ..لاعادت من استمارات ..ولاعادو من فقرا :confused:


وش لونك بشر عنك يا حبيّبي ..

استلم وانا خيك :

س1/ الكثير من الاصوات تقول ان هناك ازدواجيه في عمل بعض الدوائر الحكوميه على سبيل المثال لا الحصر :-

وزارة المواصلات ووزارة الشئون البلديه ورئاسة الطيران المدني ..

فماهو تعليق معاليكم ؟

القف الثاني

س2/ تعالج مواضيعك ظاهرات تخص الشباب ..هل سعى معاليكم ..الى المعالجه الفعليه .. ولا (( مثل عبدالواحد الحميد )) ؟

س3/ ماذا يحتاج النظام الجامعي (عليه اللحمه والشحمه ) لكي يتطور .؟


الحرب كفر وفر ...والايام دول ..

قاي لك ياوحش :)

الحاشي777
13-05-2001, 09:06 PM
بصراحه مفاجأه...سارّه..:)
ابو حبيب..
انا شخصيا شهادتي فيه مجروحه..
شخصيه غنيه عن التعريف...!!
ومن الشخصيات اللي اعتبر تعرفي عليها شرف كبير لي:)
ولو اني قعدت اتميلح شهرين قدامه واتلصق فيه على الشات الين عطاني وجه....بس يستاهل ابو حبيب:)
ابي اسأله سؤال واحد
ماهي علاقتك بالنذاله؟؟;) ;)
.
.
.
تحياتي

أرام
13-05-2001, 09:09 PM
والله انك خطير ياابو حبيب:))))))) أغلب الي سألوك من الكباريه:))))))))

أنا هنا مبلطه :)))بس بقناع واقي من الرصاص طبعا.. هاهاها فضيحه صح:))))

بصراحه أجووووووبتك قمه:)))بس تعال وش تقصد من باب المجامله هاه؟:( يعني مجاملني يومك تسجل؟:( هههههه يقلع ابو الاحراج:))))) مع اني عارفه انك موب بالسهوله تنحرج:))))))

امممممممم السؤال الأول......

في زمن الثوره المعلوماتيه..وتزييف الحقائق...برأيك من أين نستقي الأخبار؟؟

السؤال الثاني.......

المواضيع التي تتناول المرأه أصبحت كغُثاء السيـــل..وأضحى جُل هم الكُتاب..الكتابه عن المرأه سواءً من ناحية الاصلاح او الافساد...ألا تلاحظ أن في ذلك مبالغه لا داعي لها؟؟

بس شفت وش حليلي؟:)..

شرايك الحين مو تحس انك بمقصب وقاعدين يشرشحونك:)))وربي انبسطت يوم شفت اللقاء معك ههههههههههههه:))))))))

تحياتي لك ولابداعك...

وتحياتي للساخر..

محمد الحبيب
13-05-2001, 09:36 PM
السلام عليكم من جديد

اخوي فتي العشة هلا وغلا فيك يارب يحييك

اولا وش رايك باللون العلفي؟؟ <--- خل عنك مافيه احلى من هاللون تقل غترة مغسولة مع شلحه :) ....... العلفي له وقته :)

ثانيا اذا جيت تكتب موضوع وين تكتبه بالسطح ؟؟ بالبرحة؟؟ فوق جدار؟ وين حدد هي مكانين الي عادة اكتب فيهن .... مطرحتي ( فرشتي ) ... واحياناً الصومعة حقتي انا وربعي ( غرفة مع عزوبيه ) هذولي احسن مكانين يجيني الالهام فيهن :)

تحياتي لك ولجميع العشش

حمووود النكبة هلا وغلا والله .. باحلى نكبه في حياتي

- ايهما له تأثير أكبرعلى الآخر العقل أم القلب .. طبعا بتقول ليش السؤال بقول لك .. مرة نصحت واحد فقال والله يخوي لو يفتك هذا من هذا كان صرت بخير .. وأشار الى قلبه وعقله بالترتيب .. رجاء ابي رايك بصراحة وبدون تصريف انا خابرن ان العقل في القلب .. يعني كيف اشار بالترتيب ... قصدك اشار لقلبه همن لمخه ..... واعتقد انك تقصد بالقلب الي هي النفس او الشهوه ... والنفس كما نعرف انها امارة بالسوء .... شف انت المصايب والمشاكل الي حواليك .. والي في هالدنيا .. وانت تعرف ان القلب تأثيره اكبر ....... واكثر بالحيل ... وقل لخويك مرة ثانية .. الي يميزنا عن البهايم والحيوانات هو العقل ... العقل وليس القلب او الذكاء

- سؤال دايم أسأله الشباب اللي قبلك .. موقف محرج اذا ممكن هههههههههه ....... لما كنت بصف اولى ثانوي كانت الدراسة بنظام المطور ..... المهم اول ترم اخذت مادة انقليزي وسقطت فيها وحملتها معاي للترم الثاني .. وفي اول حصة انقليزي لنا مع نفس المدرس الفلسطيني حق الترم السابق ..... دخل علينا وهو مستهيش ... ايش هالمستوى لكم .. انتم مادرستوا انقليزي في المتوسطة ؟؟ ومن هالهواش .. طيب وش فيه ياستاذ ؟؟ جان يقول ... تصدقون ان واحد من الطلاب جايني يسأل يقول .. حرف z كيف شكله اسمع فيه دايم ولا عرفه ؟؟؟ .. هاهاهاهاه .. ضحكنا .. قلت انا والله صدق انه دلخ ..... قال والا الحمار التاني .... نقول له عبر عن احد المواضيع الاربعه .. ويجي ويحط دائرة على باله ان السؤال ضع دائرة حول الاجابة الصحيحة .. .هاهاهاا عاد انا قعدت اضحك على هالدلوخ .... التفت الا المدرس يناظرني ومكشر ....... بتضحك على خيبتك يابني :(

تحياتي لك :) ولا عمرك تتعوده

-------
الهلال هلا وغلا والله .. بصديقي .. كيفك .. ترى الربع يسألونك عنك :*

انا بخير وعافية تسرك الحال اخوي

س1/ الكثير من الاصوات تقول ان هناك ازدواجيه في عمل بعض الدوائر الحكوميه على سبيل المثال لا الحصر :- وزارة المواصلات ووزارة الشئون البلديه ورئاسة الطيران المدني ها ؟؟؟ ( توهق بالسؤال ) بعدين وش دخل رئاسة الطيران المدني بالبلدية .. والا علشانهم مستولين على نص الرياض :) هاهاههاه ياخوي دام كل وزير او رئيس يبي يحط له مقعد عاجي ويتأمر على البشر .. فلا تستغرب ... المشكلة تدري وش هي ؟؟؟ انهم على هالزدواجية .. لم ينجح احد .. المفروص تكون الاجابيات متكرره ... بس ماعندك احد :(

س2/ تعالج مواضيعك ظاهرات تخص الشباب ..هل سعى معاليكم ..الى المعالجه الفعليه .. ولا (( مثل عبدالواحد الحميد )) عبدالواحد الحميد .. من مبطي ماشتريت جرايد ومادري عنه :) ...... من ناحية السعي للمعالجة ...... فا كل الي اقدر اسويه اني اعالج نفسي انا ومن اقدر عليهم ( اخواني الصغار ) ... والحقيقة ان الشباب فيهم مرونه بالعقل .. ومعدنهم طيب .. يكفي اننا تربينا على الاسلام والقرآن ... وهذا يساعد ... بس للاسف المخربين اكثر من المصلحين االآن ......... وخلاصة القول ... ان معالجاتي للقضايا لا تذكر :)

س3/ ماذا يحتاج النظام الجامعي (عليه اللحمه والشحمه ) لكي يتطور .. إلغاء مواقف السيارات وإنشاء بدالها قاعات :( ... إلغاء بعض التخصصات الي مال امها داعي ... إلغاء الدال من قدام اسم اي دكتور جديد .. ماياخذها الا عقب عشر سنوات خدمه .... وسلامتكم :)

تحياتي للجميع شكرا الهلال

العروس
14-05-2001, 06:50 PM
حبيت اعرف المجال الي تكتب فيه؟؟
بما انك كاتب..((اعذرني على السؤال ترى انا ماعندي خلفية عن الصحافة في السعودية..فأحب اني اعرف للاطلاع على كتاباتك بشكل اكبر وبطريقة مستمرة))
لك مني اجمل تحية،،،
العروس

ماجد ناصر
14-05-2001, 09:13 PM
محمد الحبيب مسيك بالخير طال عمرك (يسمعون بالرسميات) اقول شكلك الله يحييك وانت ترد مقفل الطقطق ومضبط الياقه ومنشي الشماغ وفالها:)

محمد الحبيب اسم اقترن بالابداع ....كل مانسمع اسم محمد الحبيب نعرف ان ورائه مقال ساخر وهادف وبناء وبصراحه صعب وقليل تتوفر هالنواحي الثلاثه في مقال واحد:) وخر بسألك

س1\ محمد الحبيب دايم تكتب عن المشاكل الاجتماعيه وبإسلوب رائع !!لكن وش سببك كتابتك لهل مواضيع !!!هالغرض انك تبرزها للقراء او انك تطرح مشكله وفي بالك حلها!!!او انها مشكلة شخصية قد واجهتك وممكن تكون انتهت وممكن تكون قائمه وتبي تشوف الردود عليها (مهب كني جاوبت عالسؤال ههههه)

س2\ محمد الحبيب كأنسان مع الناس مرح جدا لكن محمد الحبيب لوحده(يعني وانت جالس لحالك ماحد لمك) وش تكون وضعيتك !!اذا مافهمت السؤال دق لي بيجر

س3\هل يقف شخص خلف ابداع محمد الحبيب(طبعا غيري)ولا البيئه هي اللي صنعت محمد الحبيب (جح مو محمد هذا)

س4\تراها زي ماتقول كنها فرصه اطيح فيك عا تحملني خخخخخخ وان طاح الجمل كثرة سكاكينه!!! اكثر شي ندم عليه محمد الحبيب(غير معرفتي ههههه شكلك بتكرهني عقب اليوم ) :)

س5\ولا اقول لك هونت يكفي اربعه لاني طولتها وابي اعطي فرصه للباقين


والف شكر لادارة المنتدى لاختيار الرائع محمد الحبيب واتمنى ان تبقى الاسئله مفتوحه اكبر وقت ممكن للاستفاده اولا وللمتعه ثانيا

ابو زيد الهلالي
15-05-2001, 01:27 AM
هلا بالاسطة محمد ,,
بعد التحية و السلام
اما بعد عندي لك كم سوعال ,, اححم اححم صبرك علي يا اسطة.
1-أخوي هل كيف يعني هل كيف يصبح الانسان تاجر ياهل ترى, يعني هل كيف؟؟
2- البيضة قبل الدجاجة او الدجاجة قبل البيضة؟
3- كم رقم بطاقتك, اقصد وشلون سيارتك, اقصد وين ساكن ,, ?
4- وش رايك بزواج المسيار قهن قهن قهن قهن قهن
5- هل كيف يطير الحمام ولا يتعب؟
6- وش احسن زيت فرامل مر عليك؟
7- تعتقد فيه حل, يعني هل كيف , ااااااا اممممم هل كيف تشتغل الطيارة؟
8- وش علاج ال ((سباستسي, و السيربل بالسي))؟
9- اي احسن سكاكين الجراحة الامريكية او الالمانية وش رايك بانواع خيوط الجراحة؟
10- صدق انت ماخذ اربع؟
11- وش فريقك , يعني هل كيف انت تشجع الطائي وانت ساكن في النسيم؟
12- وش رايك في الحكم ظالم صح اصلا كان بلنتي مكشوف صح قل صح؟

ابو زيد الهلالي
15-05-2001, 01:40 AM
13- اي احسن لحمة الفخذ او اليد؟
14- صدق تلبق سيارتك تحت شجرة جيرانكم؟؟ يعني هل كيف ما تخاف ينسم كفراتك وتبلش بالقايلة وانت رايح تحلق؟
15- الكاتب Caron Rockma تكلم عن ال Regional and General anesthesia انت وش رايك فيه واي نوع من التخدير تحبذ؟ وهل كيف يعني؟
((بحلت ما اعرف وش بعد الخمسطعش))
15+1- بقرتنا صابرين اعزك الله كانت تدر حليب عليها ضرع تقل ,, ضرع ليلى علوي, بس اليومين هذي ماش حليبها قل!! تعتقد السبب عاطفي؟ او تحتاج علاج وش اسويبها واي دواء توصف لنا؟
16-ام جيرانا عندها ديك الله يصلحة موذينا ,, خراشتة ماش تشتغل ببطاريات ابو بس يذن من الساعة عشر في اليل ولا ياقف ابد, اخوك طب على الجيران وملط مقفى الديك بشحم,, ((كل ما بغى يذن الديك نسم انت خابر لازم يقمط)) بس حرام الديك صار يمشي موطي راسة , تعتقد هذا له تاثير على خصوبتة؟ وهل كيف الحل, امصع رقبته؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
محمد ما حبيت اطول عليك هي كم سوعال بس وتربح المليون
بارك الله فيك يا محمد ما عندي اي سوعال تكفينا كتاباتك في الساخر, حياك الله ولا تقطع وكل ما تقدم دعابة فقط لا اكثر .

محمد الحبيب
15-05-2001, 08:31 AM
هلا وغلا بالحاشي على الماشي .. كيفك اخبارك عساك مبسطو .. انا رحت هناك ادورك وماحصلتك .. قلت اكيد سافرت :) .. ماعلينا

وش الي شهادتي مجروحه ومادري وشو :( .... اقول ورى ماتشهد مثل الناس لا اتوطى في بطنك :) قه قه قه قه .. الصراحة الشرف لي اخوي اني تعرفت عليك ... اقل شي احصل واحد اضحك معاه ( ان ماصار معي احد ) هاهاههاه
بعدين انت تدري اني ماعطي وجه الا للجنس الناعم او الجنس المنعم .. اما انتم يالشهبان يالحرشان .. ان مالقيت احد عطيتكم وجه :) ... ( اعذرني مبطي ماتهاوشت انا وياك .. الله يرجع ذيك الايام بالخير ) :*

ماهي علاقتك بالنذاله؟؟ علاقتي فيها .. علاقة اخويه .. لا يروح بالك بعيد :) .... :^ شكلك للحين شايل في قلبك عقب يوم نحضرك انا وفهد .... ههههههههههه نحضرك .. ( ليش الاخ رسالة دكتوراه ) :( ... تصدق عاد ان النذاله لها وقتها :) :^

تحياتي لك اخوي ولا تحرمنا من شوفتك :)

--------

ارام ... هلا وغلا والله ... بصاحبة الفضل بعد الله في معرفتي على هالوجيه الطيبة ........ اكيد الكبارية هم الي راح يسألون لانهم فاهمين ... مو مثلك :( .. كود نلزم عليها علشان تتكرم علينا بطلة :(

اقصد بالمجاملة .. اممممم ... نفس الي انتي فهمتي بالضبط بدون اي اضافات :( .. بس

في زمن الثوره المعلوماتيه..وتزييف الحقائق...برأيك من أين نستقي الأخبار؟؟ ها ؟؟؟ شوفي وانا اخوتس ... الاخبار والمعلومات في الانترنت مثلها مثل سواليف الضحى او المشراق او المجالس والديوانيات ... في النت تقولين .. قريت .. وفي المشراق تقولين سمعت :( ... وتلقين هو نفس الشخص الي قالها هنا وهناك .... بس وش الفرق ؟؟ .. ان كلام النت مبجل ومقدس عند السواد الاعظم من الناس ... مادري من وين هالمصداقية الي محطينها في النت ..... لما تقولين لواحد قريته بالانترنت .. على طول يصدق :( يمكن هالشي من اثار الاعلام الغربي والعربي قبل مجيء النت عندنا ... وانه عبارة عن قاعدة معلومات موثقة وصريحه خاليه عن اي تزييف ..... بس آلي اتضح هو العكس .. اذا صار الي قدامك نصاب او راعي اشاعات .. قولي له . .اي .. كلام انترنت ( بدل المقولة القديمة .. ايه كلام جرايد ) :) ...... استقي المعلومات والاخبار من مصادرها .. بس ابعدي عن وكالة واس :)

المواضيع التي تتناول المرأه أصبحت كغُثاء السيـــل..وأضحى جُل هم الكُتاب..الكتابه عن المرأه سواءً من ناحية الاصلاح او الافساد...ألا تلاحظ أن في ذلك مبالغه لا داعي لها؟؟ هههه وش تقصدين علشاني كتبت كثير عن الحريم :( ...... ياوخيتي ... المرأة هن نص المجتمع .. وتربي النص الاخر يعني هي الكل بالكل .. ولازم اقل شي يكون ثلثين المواضيع عن المرأة .. للمحافظة عليها ومحاولة ترميمها قبل الانهيار :) .. طبعا هذا قناعة بعض الناس وانا منهم ... اما بعض الاشخاص فيكتبون لمجرد الأثارة والحقد على المرأة ربما لتجاربهم الفاشلة معها .. يمكن انها ماعطته وجه فحط حيله عليها .... ولاتنسين ياختي .. ان المرأة هي الباك دور ( بمصطلح الهكرز ) الي قاعدين يدخلون علينا منه الكفار ويحاربوننا :(

تحياتي .. ولا عمرك تتعودينها :( .... ياحليلك في الساحة .. اسألتك وش سهلها :(

-------

أختي العروس ... تحياتي .. ليش تسألين وانتي مكشره :( .... ابتسمي اشوي فانتي في الساخر :) ...................

حبيت اعرف المجال الي تكتب فيه؟؟ في كل شي ... مثل فرقنا :) اقتصاد ، اجتماع ، سياسة .. الخ .. ( مجلة اسبوعية تصدر كل ثلاث اشهور ) ... ههههه ياختي كل كتاباتي هنا .. مالي اي مشاركات في الصحف او المجلات .... يعني ماني كاتب بالمعنى الي انتي فهمتي .. اصلا انا ماني كاتب باي معنى .. كل ماهنالك .. اني افكر بشكل مقروء فقط :)

تحية عطرة وشكرا لك :)

عاشق وفاء
15-05-2001, 09:23 AM
العزيز محمد الحبيب

مساء التفاح

أنا بصراحة قريت اسئلة الأعضاء ولقيت اجابات لكثير من الأسئلة اللي في بالي

لكن باقي سؤال واحد وهو متى آخر مرة اشتريت خبز من خباز وأقصد من خباز مو من فوال؟ولمين الخبز؟

جاوبني بصراحة الله يخليك لأن سؤالي مقصود


تحياتي لك يالحبيب :D

محمد الحبيب
15-05-2001, 09:47 AM
ماجد هلا والله وغلا .... وش ذا النصب الي على الصبح :( .. اقول اعقل وخل عنك شغل البهلله .. :( بعدين .. نسيت اني حالف اعلم عليك ........ تذكرت ... العميل .... العميل .. هل تسمعني ؟؟ ... ترى امس ماجد ناصر .. يوم كان المنتدى خربان .. قالي شكلهم ( يقصدكم ) هم وحقين الاقلاع متقاطين في نسخه وحده .. والا ايش معنى انهم بيوم واحد ينزلونه وبيوم واحد يخرب :) ... هو الي يقول :( .. اشطبوا اسمه احسن ...... ( ماحب الشر ابد ) هاهاهاهاهاه

س1\ محمد الحبيب دايم تكتب عن المشاكل الاجتماعيه وبإسلوب رائع !!لكن وش سببك كتابتك لهل مواضيع !!!هالغرض انك تبرزها للقراء او انك تطرح مشكله وفي بالك حلها!!!او انها مشكلة شخصية قد واجهتك وممكن تكون انتهت وممكن تكون قائمه وتبي تشوف الردود عليها (مهب كني جاوبت عالسؤال ههههه) ههههههههه الا والله رديت احسن مني :( ....كل الي قلته على متمه بالاضافة .. ان فيه نقص بطرح المواضيع الاجتماعية في الاعلام .. لو تقلب الجرايد .. تلقلها .. سياسية ،،، شعر ،،، رياضة ،،، واشوية حوادث على اشوية اعلانات اقصد كثيرة اعلانات على اشوية اخبار متفرقة ... بعدين حتى الي يكتبون عن المشاكل الاجتماعية .. يكتبون عنها عقب ماتطيح الفاس بالراس .. والمفروض اننا نبحث عن الاسباب التي قد تؤدي إلى مشاكل في المستقبل .. أو إلى شرارات مشاكل قبل ماتولع ... احيانا يكون في بالي حل وابغى مزيد من الحلول .. واحيانا كثيرة مايكون براسي الا الضعوي .. ابي اشوف حلول .. وترى المناقشة تفتح افق جديدة وتخليك تكتشف حلول كانت خافيه عليك .. :)

س2\ محمد الحبيب كأنسان مع الناس مرح جدا لكن محمد الحبيب لوحده(يعني وانت جالس لحالك ماحد لمك) وش تكون وضعيتك !!اذا مافهمت السؤال دق لي بيجر هههههههه حلوه دق علي بيجر .. يعني تتريق علي :^ بس ماعليه .. بعدين تبي تعلمهم اني اقابلك برى .. :( ياخي لا تشوه سمعتي .. تراني خاطب واخاف يسألون اهل المرة ويدرون اني اماشيك همن فركش :) ................. وانا لحالي .. تحصلني .. بسروال السنة متسلقي ورجل على رجل واصبعي بخشمي وقاعد افكر.... لو البقر يطير ؟؟؟ لما استطعنا حلبه... لو العجلات مربعة ؟؟؟ لما استطعنا نقل البيض إلى السوق :) ... على حسب التصانيف

س3\هل يقف شخص خلف ابداع محمد الحبيب(طبعا غيري)ولا البيئه هي اللي صنعت محمد الحبيب (جح مو محمد هذا) وين هو الابداع علشان احد ياقف وراه :( بلى بكش ..

س4\تراها زي ماتقول كنها فرصه اطيح فيك عا تحملني خخخخخخ وان طاح الجمل كثرة سكاكينه!!! اكثر شي ندم عليه محمد الحبيب(غير معرفتي ههههه شكلك بتكرهني عقب اليوم ) هههههههههه كنك داري عن شعوري :) .... كل يوم اندم على اشياء سويتها امس ... اما اكثر شي ندمت عليه ... هو الي بالي بالك :* .... بعدين اقولك .. لا تفشلنا هنا :(

مشكورررر اخوي ...........وماقصرت

----------------
ابوزيد ... ماكن احد دازك علي :( ... نعنبو شيطانك .. 17 سؤال :^ بس ماعليه ... يجيك يوم :)

1-أخوي هل كيف يعني هل كيف يصبح الانسان تاجر ياهل ترى, يعني هل كيف؟؟ يطلع البر ويدور له على مصباح علاء الدين ... ويمكن الله يرزقه بمارد يقدر يحصل له شارع مافيه مغسلة ملابس .. بعدها يفتح مغسله والله يرزقه :)

2- البيضة قبل الدجاجة او الدجاجة قبل البيضة؟ الديك قبلهم كلهم :(

3- كم رقم بطاقتك, اقصد وشلون سيارتك, اقصد وين ساكن ,, ? انا مقاطع الصناعات الامريكانية :)

4- وش رايك بزواج المسيار قهن قهن قهن قهن قهن حل لمشاكل الحريم ومشاكل الي ماعندهم مشاكل ... وجحد مشاكل الشباب :(

5- هل كيف يطير الحمام ولا يتعب؟ لانه مايدخن ولا يشيش :)

6- وش احسن زيت فرامل مر عليك؟ وش قصدك بمر عليك :* .... هههه احسن شي الترا سفن لا يفوتك :) ( يوزعون جوايز )

7- تعتقد فيه حل, يعني هل كيف , ااااااا اممممم هل كيف تشتغل الطيارة؟ .. عنننننن تش تش عنننن .. كذا :) ( حشى هذي دينا محملة عفش مطلقة مو طياره )

8- وش علاج ال ((سباستسي, و السيربل بالسي))؟ عليهم بالحلتيت والرشاد :(

9- اي احسن سكاكين الجراحة الامريكية او الالمانية وش رايك بانواع خيوط الجراحة؟ اكيد الالمانية احسن يكفي ان الشبحات من واردهم ... اما خيوط الجراحة دقه قديمة الحين فيه ليزر :(

10- صدق انت ماخذ اربع؟ اووف اربع مرة وحده ؟؟؟ ربع مو محصل كيف اخذ اربع :(

11- وش فريقك , يعني هل كيف انت تشجع الطائي وانت ساكن في النسيم؟ انا سمعت كلام عثمان العمير .. وبطلت تعصب وشجعت الهلال

12- وش رايك في الحكم ظالم صح اصلا كان بلنتي مكشوف صح قل صح؟ اصلا فيه حكم مو ظالم هاليومين :(

13- اي احسن لحمة الفخذ او اليد؟ لحمة الراس احسن منهم :)

14- صدق تلبق سيارتك تحت شجرة جيرانكم؟؟ يعني هل كيف ما تخاف ينسم كفراتك وتبلش بالقايلة وانت رايح تحلق؟ ماعندنا جيران .. :( والا كان عرفت اساميهم

15- الكاتب Caron Rockma تكلم عن ال Regional and General anesthesia انت وش رايك فيه واي نوع من التخدير تحبذ؟ وهل كيف يعني؟ احب التخدير الموضعي .. لانه اسرع ..واحيانا التخدير الاعلامي ... لانه اقوى :(

((بحلت ما اعرف وش بعد الخمسطعش)) ..... عقب الخمس طعش منصة التتويج :)

15+1- بقرتنا صابرين اعزك الله كانت تدر حليب عليها ضرع تقل ,, ضرع ليلى علوي, بس اليومين هذي ماش حليبها قل!! تعتقد السبب عاطفي؟ او تحتاج علاج وش اسويبها واي دواء توصف لنا؟ ابد ودها المستشفى يمكن يصير فيها سرطان ثدي واحجروا عليها .. وحطو لها مناشف خاصه فيها علشان ماتعديكم :(

16-ام جيرانا عندها ديك الله يصلحة موذينا ,, خراشتة ماش تشتغل ببطاريات ابو بس يذن من الساعة عشر في اليل ولا ياقف ابد, اخوك طب على الجيران وملط مقفى الديك بشحم,, ((كل ما بغى يذن الديك نسم انت خابر لازم يقمط)) بس حرام الديك صار يمشي موطي راسة , تعتقد هذا له تاثير على خصوبتة؟ وهل كيف الحل, امصع رقبته؟ ها ؟؟؟ الحين تارك ... وصال وجال ... الي في قصص ابوزيد ..... وحاطن حرتك على ديك :(

((((( بارك الله فيك يا محمد ما عندي اي سوعال تكفينا كتاباتك في الساخر, حياك الله ولا تقطع وكل ما تقدم دعابة فقط لا اكثر )))))) . :( :( :( ... وش عقبه .. قسم بالله اني ماشفتها الا يوم وصلت الصفحة الثانية :& ... وانا اقول وش ذا الاسئلة اكيد مدزوز علي .. يمكن من المباحث :)

هاهاهاها ... مشكور اخوي ... استمعت باسئلتك الداجة :) الله لا يحرمنا منك

ضب آطخم
15-05-2001, 08:59 PM
بسم الله

س1: هل تقول الحقيقة دائماً ؟

س2:واذا كان للحقيقة عدّة وجوه ، اي وجه تختار ؟

س3:بما أنك أحد رواد المقالات الطويلةفهل :
تسخدم هذا الأسلوب الشامل محاولة منك لقفل جميع المنافذ لئلا تتعرض لهجوم معاكس ... ؟أم
أنك تحب أن توضح الفكرة بأقصى قدر ممكن ؟
أم
أنك تطلق العنان لخيالك في تصور الفكرة ؟؟

أو أن هناك وجهة نظر غير الذي ذكر ؟؟

س4: الا ترى ان هناك مجاملات من قبل بعض الأعضاء للبعض الآخر , في بعض الأحيان تكون على حساب مصداقية الموضوع ؟ وأن سادت الشللية .. فما هو العلاج؟

س5: ماذا يريد محمد من الكتابة في الساخر؟

س6: ماهو الواقع الذي تتمناه ، والواقع الذي لا تتمناه ؟

س7:ما بين العصبية القبيلة والانتماء للوطن .. هل سيكون هناك ديموقراطية؟

واسف علي الازعاج

محمد الحبيب
16-05-2001, 08:36 AM
اصطبحنا واصطبح الملك لله .........

عاشق وفاء هلاو غلا ياصباح السفرجل :)

وش فيكم ياناس .. الي يقول لي .. بصراحة .. والي يقول لي الحقيقية .. والي يقول لي لا تصرف ... لهدرجة باين اني بكاش :(

متى آخر مرة اشتريت خبز من خباز وأقصد من خباز مو من فوال؟ولمين الخبز؟ اخر مرة اشتريت فيها خبز الله يسلمك كان ايام الثانوية .. كنت متعهد الصامولي في البيت :( .. كل عشاء اروح اجيب باغة صامولي علشان فسحة اخواني :) ....... وش كنت تقصد بسؤالك :)

تسلم والله ..

---------
ضب اطخم وعلكيم السلام هلا وغلا ....... شف إذا انت اطخم فأنا من ديرة الطخمان :) .. ياحبيلك ...

يؤ يؤ يؤ .. اسأله صديقه هذي :( ... شكلك ياعزيزي تبيني اجاوب عليها بثقل وركاده .. وبدون استخفاف دم :( .... ابشر طال عمرك عزيز وغالي :)

س1: هل تقول الحقيقة دائماً ؟ ان قلت ايه ...فراح تكون هالكلمة اخر عهدي بالحقيقة وقول الحقيقة :( ....

س2:واذا كان للحقيقة عدّة وجوه ، اي وجه تختار ؟ وجه واحد للحقيقة دائما وماعداها فهو .. تدليس .. تلبيس .. كلمة حق أريد بها باطل .. ان صار ولا بد من الاختيار .. فاعتقد إني غالباً راح اختار الوجه الي فيه منفعه خاصة :(

س3:بما أنك أحد رواد المقالات الطويلة فهل : تسخدم هذا الأسلوب الشامل محاولة منك لقفل جميع المنافذ لئلا تتعرض لهجوم معاكس ... ؟أم أنك تحب أن توضح الفكرة بأقصى قدر ممكن ؟ أم أنك تطلق العنان لخيالك في تصور الفكرة ؟؟ أو أن هناك وجهة نظر غير الذي ذكر ؟؟ سبق واني قلت لأحد الأخوة ... إني أحاول اجيب على جميع التساؤلات الي تخطر على بالي عند كتابة أي مقال .... وهذا يعني اني احاول اقفل جميع المنافذ مو لسبب الهجوم المعاكس لان الهجوم حاصل لا محالة .. ولكن لسبب توضيح الفكرة بشكل أدق واكثر وضوخ... اما مسألة الخيال .. فلا .. ماعطيه فرصه كبيرة لان المقام ليس مقامه :(

س4: الا ترى ان هناك مجاملات من قبل بعض الأعضاء للبعض الآخر , في بعض الأحيان تكون على حساب مصداقية الموضوع ؟ وأن سادت الشللية .. فما هو العلاج؟ بالطبع المجاملات موجوده وبكثرة ... في بعض الاحيان تكون من باب التشجيع والمؤازرة ورفع المعنويات .. وهالشي مطلوب .. لكن ان تكررت فتصبح مجاملات سامجة .. اما أن تطور الأمر لتصبح شللية او مايمسى بجماعات غير رسمية .. فهنا تكون الكارثة ... لان هؤلاء الزمرة انغلقوا على بعض وبالتالي فنهايتهم بكل تأكيد سريعة .... وربما يخسر المجتمع عقول .. بسبب هالشي :( ..... العلاج ..... مادري والله ( لوكنت اعرف حئول على طول )

س5: ماذا يريد محمد من الكتابة في الساخر؟ اريد ناس تناقش .. مو تكتفي بقول .. روعة .. وممتاز .. واحسنت ... والحمد لله هالشي لحد الآن لمسته في الساخر بشكل أكثر جديه من غيره .. ولهذا السبب .. انا اكتب فيه الان :) ( كانك ماتبيني اكتب .... فانا .. فانا .. ماضمن لك اني راح اقدر اترككم :) ) :*

س6: ماهو الواقع الذي تتمناه ، والواقع الذي لا تتمناه ؟ الذي اتمنى .. اني اشوف الفضيلة طاغية على الرذيلة ... ودي اشوف نماذج من الناس صاحبة مبادىء وتحافظ على مبادئها وقناعاتها في احلك الظروف ................. والواقع الذي لا اتمناه ... واقعنا :(

س7:ما بين العصبية القبيلة والانتماء للوطن .. هل سيكون هناك ديموقراطية؟ الحقيقة إن هالسؤال ... عقدني .. كل ماجيت اجاوب عليه .. برزت كلمه منه .. نحتاج على سنة كلامية علشان نناقشها هالكلمة ... القبلية .. الوطنية .. الديموقراطية ......... ((( متضادات ))) :( ... على العموم .. الدمقراطية بالمفهوم الغربي .. الله يبعدنا عنه مانبيه ... لابد يكون هناك نضام خاص بنا كمسلمين عرب ..

هذا والله اعلم

شكرا اخي ضب اطخم على اسآلتك الي في الحقيقة إنها كانت فوق مستواي .. حاولت إني اجاوب عليها بقدر مالله عطاني من فهم .. واعذرني على القصور :)

---- نسيت ألون الأسئلة :(

JoReYa^__^
16-05-2001, 12:22 PM
السلام عليكم ورحمة الله ..
استاذي محمد الحبيب..
لي كم سؤال بس تراني ما ادري اذا انسألوا من قبل اولا ...
1- شو نوعية الكتب اللي تحب تقراها ؟؟
2- هل تقرا لكتاب اجانب ( مو عرب ) ؟؟
اذا طلعتلي اسئلة زيادة تراني برجع ...

ترا الاسئلة فوق ما فيها اختيارات ولا الاتصال بصديق ولا مساعدة الجمهور .. انزين ..!!!:D

تحياتي لك ..
جورية :cool:

محمد الحبيب
16-05-2001, 01:52 PM
الأخت جوريه هلا وغلا ... تشرفنا :)

بخصوص اسألتك ... ماح سألها قبلك ... :)


1- شو نوعية الكتب اللي تحب تقراها ؟؟ احب اقرأ عن كل شي ... تقريباً .... تجيني حالات لما احس اني جاهل في مجال معين او ماعندي اي خلفية فيه ... انزل المكتبة واشتري كل الكتب الي تطيح بيدي عن نفس الموضوع ... وبعد كذا .. اقرأ اول كتاب .. ونص الكتاب الثاني .. والبقية .. على الارفف :( ............... الروايات والقصص اقراها لما يكون بالي مشغول .. لانها ماتحتاج طاقة ذهنية كاملة .... بعض المجلات المتخصصة اغنتني عن امهات الكتب .. اكثر شي يشدني في القراءة .. هي سيرة الصحابة والتابعين ... بالاضافة إلى علم الاجتماع وعلم النفس والفراسة والطباع ...

2- هل تقرا لكتاب اجانب ( مو عرب ) ؟؟ ليش فيه اجانب عرب :( ....... هههههه .. افضل القرأة لكتاب اجانب على العرب ... في حالة إن العلم جديد .. كعلم الطباع مثلاً .... مشكلة كتابنا إنهم كسولين .... واغلبيتهم يعتمد على الترجمة من كتب أجنبية ....وياليت ترجمتهم زينه .. الا مطرسه ( بربسه ) يعني اي كلام ... :( بس وش انسوي .. مالنا الا لهم ... ( خصوصا للي داجين بالانقليزي مثلي ) ..


ارجعي ... فانا تحت امرك وامر الجميع :)

مشكورين

shjen
16-05-2001, 05:04 PM
هلا بالخ محمد والله اسلوبك روعة وعندك سلاسة قلمك واضحة كما ان التميز في
أختيار المعلومات جلي.

س1: ماهي تصوراتك للواقع العربي واخر المستجدات فيه وهل تتوقع بقرب ا
إنفراجة سياسية .
س2:عندما تصادفك مشكلة من هو أول شخص تلجا اليه
س3 :كيف تعالج المشاكل التي تتعرض لها وهل تعترف أنك أحد مسببيها اذا كنت قد ساهمت فيها.
س4: ماهي تتطلعاتك المستقبلية على الصعيد العربي والدولي والاقليمي والفني
والاجتماعي والسياسي والاقتصادي وال...(نسيت)
المهم س5:هل تشعر انك قد وضعت في حقيبة زادك في هذه الدنيا كل الامتعة التي تحتاجها الى سفر الاخرة( بعد عمر طويل) وما هو الزاد الذي تحرص على حملة معك.....


وعندي بعد اسئلة ما تخلص بس ما أبي اتعبك

الهلال
16-05-2001, 09:50 PM
هلاااااا ابو حبيب حي الله صديقي الجديد ...

ورب المصحف اني ودي اسالك من هنا الى الاسبوع الجاي ..نكاية فيك <==عبيط تقولي شي ترا المقابله في منتداي .. وبحذف ردودك واخليك ترد عليهم من جديد :D

جب ورقه وقلم وسجل وانا اخوك

4 كرتون طماط بلدي
2 كرتون فاصوليا
1 خيار

وان تسان لقيت فاكهتن زينه جبها معك ..

س1/ لو قُدر لك فجاءه انك تبيع شروخه .. هل بتوافق واي نوع من انواع الشروحه بتبيع ؟

س2/ اذا كانت تكاليف الزواج منخفضه جدا هل بتتزوج اكثر من وحده ؟

س3/ لو قُدر لك فجاءه انك تبيع مواعين .. هل بتجيب عامل والا انت لحالك في المحل ؟

س4/ مابين صندوق طماط وهندي مستاجر مزرعه .. اين تجد السعوده ؟

5/ لو قُدر لك فجاءه انك تبيع في محل قماش عند حضرمي (غير سعودي ) ..هل بتنسى انك سعودي .. والا بتصير نفسك في خشمك ؟




هذي مزمزه ياصديقي ..

ان قاله الله من هنا الى يوم الجمعه ..لك في كل 6 ساعات كم سؤال <==مضاد مهوب مقابله (كخخخخخخخخخخ) :)

لاعدمنا محمد الحبيب ..

محمد الحبيب
17-05-2001, 11:06 AM
صباح الخير ........ هلا وغلا بالجميع ..... تصدقون اول مرة ادخل النت يوم خميس :( ..... شكله ممل هالوقت ..بس وش اسوي الرزق يحب الخفية :)

اخوي شجين هلا وغلا فيك وتسلم على إطراءك هذا من لطفك اخوي :) ( وراك معنف الاسئلة .... ناوي توهقني مثل اخونا الضب ) :(

س1: ماهي تصوراتك للواقع العربي واخر المستجدات فيه وهل تتوقع بقرب ا إنفراجة سياسية . ماضن دامهم متمسكين بالعروبة والقومية .. فمن ذل إلى ذل ... الله سبحانه وتعالى يقول .. ( واعتصموا بحبل الله جميعاً ولا تفرقوا .. ) الأية .................. يعني لازم يقدم الاسلام على العروبة ذيك الساعة راح ينصرنا المولى عزوجل ..

س2:عندما تصادفك مشكلة من هو أول شخص تلجا اليه كنت ألجاء لبعض الأصدقاء بعد الله سبحانه .... بس للأسف هالايام ... ماصار فيه احد عنده استعداد يسمع فكيف اذا تبيه يفزع :( .... ان انجبر او استحتى .. سمعك وتحصله كل اشوي يطالع الساعة ... على قولة احلام :) .... احد معاه خله ويطالع الساعة ؟؟؟ ( بعذره من كشرتها الي تسد النفس ) :(

س3 :كيف تعالج المشاكل التي تتعرض لها وهل تعترف أنك أحد مسببيها اذا كنت قد ساهمت فيها. بكل تأكيد ... من طبعي الاعتراف بل احيانا اتحمل أخطاء غيري ... والعلاج يتم دائماً .. بالتفكير العميق في حيثياتها ..... واسأل نفسي بعد ماتعب من التفكير ...... هل هالمشكلة تبي تقطع راسي ؟؟؟؟ ..... إذا كان الجواب بلا .. فأنام وانسى .. وإذا كان الجواب بنعم ... اقول يارجال غير بدل .. ادور لي على منفذ :)

س4: ماهي تتطلعاتك المستقبلية على الصعيد العربي والدولي والاقليمي والفني إلى الافضل بكل تأكيد ...... اترقب فشل اتفاقية الجات ومنظمة التجارة العالمية .... عندي احساس انها تبي تسبب حروب ومشاكل من هنا إلى يوم السبت :(

المهم س5:هل تشعر انك قد وضعت في حقيبة زادك في هذه الدنيا كل الامتعة التي تحتاجها الى سفر الاخرة( بعد عمر طويل) وما هو الزاد الذي تحرص على حملة معك..... لا ...فانا مشبع بالمعاصي الله يتوب علي ... ويحسن خاتمتي وياكم والمسلمين اجمعين :(

تحياتي اخوووووي وماقصرت :)

----------
الهلال .. هلا وغلا بصديقي ..... :( .... شفت وجهي عليك .. اول ماتصادقنا .. صرت مشرف :) ... وشلون لو نتهاوش وش تبي تصير بعدها :) ( موبد النية عقب هالاسئلة ) :(

ابد ماني قايل لك الا كل خير .. وانا اقدر :( ......... صديقي حبيبي الهلال ... اخبارك عساك مرتاح بس :)

مالقيت فاكهه اجيب بقوليات ؟ :)

س1/ لو قُدر لك فجاءه انك تبيع شروخه .. هل بتوافق واي نوع من انواع الشروحه بتبيع ؟ مافهت عليك .. شروخه والا شروحه ؟؟ ترى فيه فرق ... هاهاها ....... ابيع الي تبي .... بس انت امر :( ....... الصدق انا تجار فاشل ماعرف للتجارة .. شكلي كذا مدير .. وزير ... رئيس وزراء ..... م ...... والا بلاش :( اخاف تقول ماقالي :)

س2/ اذا كانت تكاليف الزواج منخفضه جدا هل بتتزوج اكثر من وحده ان قاله الله ... ابطق اربع على سنة الله ورسوله ......... اوقات اقول ... لازم نعدد بالزوجات وودي امتثل للامر .. لكن اخاف ان اظلم احدهن وأبطل ... علشان كذا .. قلت ياولد ... مابدهاش .. خلك خفيف .. لا تظلم احد ولا احد يظلمك :) .... ومن يومها وانا مقاطع الزواج :(

س3/ لو قُدر لك فجاءه انك تبيع مواعين .. هل بتجيب عامل والا انت لحالك في المحل ؟ ههههههههه على اسألتك هذي تقول .. اني مقدم على وظيفة عندك وقاعد تسوي لي مقابلة شخصانية :( ......... اكيد ابجيب عامل .... اما اني اترك شغلي علشان محل ابورفسه .... لو المحل الي تقول عليه مثل حق السيف او سلة الغذاء ... كان مايخالف انطق فيه ولا اجيب عامل :)

س4/ مابين صندوق طماط وهندي مستاجر مزرعه .. اين تجد السعوده ؟ في السفارة تشتكي كفيلها :( ............ لو بيدي كان منعت الزراعة كلها ..... حنا بحاجة الماء اكثر من الطماط :( والتمر

5/ لو قُدر لك فجاءه انك تبيع في محل قماش عند حضرمي (غير سعودي ) ..هل بتنسى انك سعودي .. والا بتصير نفسك في خشمك ومن قالك اني ماقد اشتغلت ..... قد اشتغلت عند مصري :( ...... ذلني ذل مابعده ذل بس الحاجة ام الاختراع ( وش دخل الاختراع مادري ) ........ المهم ...... من حصل شي يستاهله .. هالمقولة دايم اكررها على نفسي ان شفت اني نويت احسد احد :(

الهلال .... اقول ترى مباراتكم بكرى ..... خلنا نتفرغ لقراية الجرايد .. بدل ماقابل الانترنت ارد عليك ... :& ( يارب .. يارب يفوز الهلال ) .............. :)


تحياتي لكم من اسرة البرنامج

ماجد ناصر
17-05-2001, 02:10 PM
محمد الحبيب وش شعورك وانت ماثل قدام العالم وهم ماغير يسألون فيك كنهم هيئه التحقيق والادعاء العام:)

س2\لو عندك اربع افكار كلها متضاده
الاولى انك تسويها فيها مجازفه كبيره لكن بعد فيها خير كثير
الثانيه مافيها اي نوع من المجازفه ولافيها اي خير يعني مافيها شي بس مسكه غلط
االثالثه راح تتعب عشان تحققها تبي تتعبك على الاخير لكنها اساسيه ومهمه جدا
الرابعه تبي تعطيك روح ودفعه معنويه لكنها ممكن تخسر شخص او اثنين
ابيك ترتب لي زمنيا هالنقاط الاربعه يعني وش راح تبدي منهم

س3\ مافكر محمد الحبيب انه يبدع بصياغة قصته بشكل نثري(قصيدة نثر) واتوقع انها راح تكون تجربه مفيده لك لغويا بعد:)

س4\لو مسكوك ادارة المرور اول شي راح تسويه وشو؟؟(طبعا غير الغاء القرار حق ربط الحزام)

وبالتوفيق ابوصالح في حياتك الاعنطرنطيه والمحليه والخارجيه والدوليه وسلملي على البتنقان:)

بيض عيون
17-05-2001, 03:11 PM
هلا أخوي محمد وسامحني إني تأخرت وماجيت وسألتك
لأني ماعندي أي سؤال لك إنت إنسان منتاز بالحيل وكاتب محصلش على بالك يوم يامسهرني (جاته الحذفة) ....متخدش في بالك ياريس...
المهم بالتوفيق في حياتك القادمة................

محمد الحبيب
17-05-2001, 06:03 PM
اهلاً ::( شانت الاخلاق ) :)

ماجد ناصر ... وش الي صحاك ... خابرك نايم بدري علشان تروح الحراج :(

وش شعورك وانت ماثل قدام العالم وهم ماغير يسألون فيك كنهم هيئه التحقيق والادعاء العام شعوري مثل شعور اي واحد واقف قاعد نايم في الحجز :(

س2\لو عندك اربع افكار كلها متضاده:
الاولى انك تسويها فيها مجازفه كبيره لكن بعد فيها خير كثير
الثانيه مافيها اي نوع من المجازفه ولافيها اي خير يعني مافيها شي بس مسكه غلط
االثالثه راح تتعب عشان تحققها تبي تتعبك على الاخير لكنها اساسيه ومهمه جدا
الرابعه تبي تعطيك روح ودفعه معنويه لكنها ممكن تخسر شخص او اثنين
ابيك ترتب لي زمنيا هالنقاط الاربعه يعني وش راح تبدي منهم راح ابدأ من اسفل لأعلى يعني الرابعة راح ابدابها ..... كود انك تطلع واحد من هالاثنين وارتاح :( ............. همن الثالثة .... همن اريح اشوي واشرب لي شاهي مع الثانية ....وبعد كذا .... اخش على الاولى ام العيال :) قه قه قه قه ( فهم غلط ) :)

س3\ مافكر محمد الحبيب انه يبدع بصياغة قصته بشكل نثري(قصيدة نثر) واتوقع انها راح تكون تجربه مفيده لك لغويا بعد ههههههه لغوياً :( دامي مقابل القنوات اللبنانية اربعة وعشرين ساعة ... كيف تبي لغتي تزين ......... انا قد كتبت قصيده من الي تقول عليهم هذولي ........ وسمعتها واحد يقول انه شاعر قلطه .......... يوم خلصت مسمعه ... قالي .. الله يعطينا وياك ؟؟ ... يابو الشباب وش هالهرجه .... قال الحين الي انت قاعد تقوله مهب طراره ؟؟؟ قلت لا .... قال : اجل وش .... قدر الله علي وصرت إنسان :(

س4\لو مسكوك ادارة المرور اول شي راح تسويه وشو؟؟(طبعا غير الغاء القرار حق ربط الحزام) راح اشيل الاشارات المرورية ..... الحين حنا حاطينها نبي نرزكم مع العالم المتحضر وانتم ماغير تقطعونها :( ........ مانتو كفو اشارات ..... وعلشان بعد ... الغي الواسطات الي تيصير لما واحد من الربع يقطع اشاره :(

الله يوفق الجميع اخوي .. ومشكوووووور مرة والله يعطيك العافية :)


-----

بيض عيون .. هلا وغلا والله كيفك . اخبارك ... اهم شي انك بخير وعافية :)

( اشوى انه ماسأل ) :(

تسلم والله وماقصرت على حضورك
تحياتي لك

همبرقع
17-05-2001, 08:05 PM
اخوي محمد الحبيب....مساك الله بالف خير..


ظهرت في الساخر والاقلاع في نفس الوقت....وعن نفسي ولاني مقل في زيارة منتديات اخرى تفاجأت بالترحيب اللي قدم لك في المنتديين....ولكن وبعد قرأة بعض مواضيعك ارى انك تستاهل اكثر...سؤالي هو..

ما هو سبب هذا الظهور المفاجئ في هذين المنتديين في نفس الوقت...وما هو سبب غيابك عن الاقلاع في الفتره الاخيره؟


الرجاء عدم النصريف في كور لافه

<======== يحسبه معوكس:(:(

أبو سامي
17-05-2001, 09:36 PM
أخي محمد الحبييب
سالخير يالغالي..
س1/
بحكم أنك عايشت الأوضاع الأقتصاديه ولديك خبره كبيره في هذا المجال..
ماهي رؤيتك حول مستقبل الأقتصاد للفرد والمجتمع في السعوديه..
الكثيرين يرووون أن الحاله الأقتصاديه في البلد تسير بأتجاه غير مرضي للطبقات الوسطى والطبقات الأقل منها..
نتمنى تحدثنا حول هذا الجانب..

س2/
في نظرك ماهو وجه العلاقه بين زيادة دخل الغني وزيادة ديون الفقير؟؟؟؟....

أتمنى ماأكون ثقلت عليك:)


سلام يالغالي:)

محمد الحبيب
18-05-2001, 12:18 AM
همبرقع هلا وغلا فيك ومساك الله بالخير والعافية :) ... قبل كل شي .. احب اهنئك على موضوعك افصخ السروال :) بالفعل يعتبر نموذج واقعي بقالب ساخر

ما هو سبب هذا الظهور المفاجئ في هذين المنتديين في نفس الوقت...وما هو سبب غيابك عن الاقلاع في الفتره الاخيره؟

من يوم دخلت النت وانا معسكر في الساحة العربية لا افارقها ابداً ... وكانت تجيني دعوات كثيرة من اصحاب مواقع ومن اعضاء في منتديات علشان اشارك .... كنت ارفض كل الدعوات الي تجيني ... لاني عارف نفسي ماقدر استمر فيها وأوفيها حقها ... فالي صار ان احد الاعضاء وهي الاخت ارام ... كنت اعرفها من خلال الساحة العربية ومواضيعي هناك .. وكانت تطلب مني الاشتراك في الساخر وانا ارفض ..... لحد ماجاء اليوم الموعود ... وقررت اترك ساحات الحوار .. وكان معاي اخي وصديقي .. علك ... وهو احد اعضاء الاقلاع .. وقعد يقنعني وينصحني .. وقررت اني اشترك بالاقلاع من باب الانتشار والتغيير .... ارام .. درت وزعلت .. ليش تسجل بالاقلاع وترفض دعوتي للساخر .. وجيت سجلت من باب المجاملة هنا :( ( هذا بختصار ) هاهاهاها اجل لو مهب اختصار كان علوم :)

اما ليش انقطعت .. فانا مانقطعت ... بس مو كل مواضيعي تصلح للنشر هناك :) ... لأن بعضها يطبعها الجد ... وهذي بنظري ماتصلح للأقلاع .. هم يبون مواضيع تكون ساخره بقوة ... فأول مانزل موضوع يناسب نهج الاقلاع راح انزله ... وماراح اتردد :)
شكرا لك :)

----------------------

ابوسامي هلا وغلا ومسيك بالخير

س1/ بحكم أنك عايشت الأوضاع الأقتصاديه ولديك خبره كبيره في هذا المجال..
ماهي رؤيتك حول مستقبل الأقتصاد للفرد والمجتمع في السعوديه..
الكثيرين يرووون أن الحاله الأقتصاديه في البلد تسير بأتجاه غير مرضي للطبقات الوسطى والطبقات الأقل منها..
نتمنى تحدثنا حول هذا الجانب.. اول شي انا مالي خبرة كبيرة مثل ماتقول .. كل مافي الامر اني اجلس مع شيبان واسمعهم يهرجون :( اعتقد انها تغيير في بعض السياسات ......... ان استمر الوضع الاقتصادي مثل ماهو عليه .. فبكل تأكيد راح تظهر طبقة تقترب من خط الفقر وراح تتقلص الطبقة الوسطى وتتسع الفجوه بينها وبين الطبقة الغنية ..... لابد من تكاتف المواطن والحكومة والقطاع الخاص ويكون ذلك بإعادة بلورة القوانين الاقتصادية السابقة .. دعم بعض المجالات .. إلغاء الدعم عن بعض المجالات .... على سبيل المثال ....... دولة كالسعودية ... اكبر منتج للنفط ... واكبر احتياطي فيها ............ ماعندها سوق نفط ؟؟؟ ليش مايصير عندنا سوق مثل سوق برنت في لندن ؟؟؟ ... لو نقتنع اشوي ان وقت الطفرة ولى وماراح يرجع .. كان انحلت كثير من المشاكل .. بس مشكلتنا .. إن نص عاداتنا الموجوده وليدة زمن الطفرة ... وهالشي راح يدهور المجمتع في ظل الكساد والخمول الموجود ..

س2/ في نظرك ماهو وجه العلاقه بين زيادة دخل الغني وزيادة ديون الفقير؟؟؟؟.... فيه مقولة قلتها في وقت من الاوقات ..... وهي .. إن الفقير يعمل ..لا ليأكل .. بل ليطعم غيره ( الغني ) .... دام سياسة إعادة توزيع الثروات المتبع في الخليج بشكل عشوائي ... فراح تزيد الغني غنا والفقير فقر .... لان جميع الاعانات والدعم الحكومي يستفيد منه الغني ... لتر الماء إن كان يكلف الغني نصف ريال .. فيكلف الفقير ريال إلا ربع أو اكثر ..... هذا والله اعلم

أبوسامي ... لا توهقنا :( ...... ترى كل كلامي من منظور اقتصادي ... :(

تحياتي لك ياعزيزي

زنجبيل
18-05-2001, 01:35 AM
أخوي مهمد الهبيب ...

:D

شي ماله دخل وأتوقع إن بيخرب الجلسة ..........بس بأقوله حتى لو طردوني من المجلس ...

وش تعليقك على هالبيتين :

وما من كاتب إلا سيفنى .... ويفني الدهر ما كتبت يداه
فلا تكتب بكفك غير شي .... يسرك يوم القيامة أن تراه


وسلامتك والحاضرين جميعا ..

ريما
18-05-2001, 06:20 AM
هههههههههههههههههههه وربي رحمتك:)))))) ياحراااااااام كل هالأسئله؟:))))

لا بس كنت أبقول خذ نفس كل فتره وفتره:) وتراها هانت بكره أخر يوم للقاء:))

تصدق من أول ماحطوا اللقاء أفكر بسؤال بس مالقيت:))))

بس خذ هالسؤال وش حليله:)===ماتفكر تكتب باسم مستعار آخر غير محمد الحبيب أحيانا؟؟

محمد الحبيب
18-05-2001, 05:09 PM
زنجبيل ... هلا وغلا ....

وش تعليقك على هالبيتين :
وما من كاتب إلا سيفنى .... ويفني الدهر ما كتبت يداه
فلا تكتب بكفك غير شي .... يسرك يوم القيامة أن تراه صدقت وصدق من قال هالبيتين ........ الله يوفقنا ونكتب شي ينفعنا يوم القيامة ... :)

مشكور وماقصرت :)


----

ريما

هلا وغلا ... مبسوطة ياختي ..... اشوف فيك يوم :(

ماتفكر تكتب باسم مستعار آخر غير محمد الحبيب أحيانا؟؟ ابد ... حالياً مافكر بتاتاً .. وان نويت اغير اسمي .. فراح اكتب باسمي الصدقي :( ........ وليش اكتب باسم ثاني ؟؟؟؟؟ مو من صالحي ............................... تدرين احسن شي ان اليوم الجمعه :(

تيحاتي للجميع

ضب آطخم
19-05-2001, 12:22 AM
الكاتب الكبير محمد الحبيب

بدون أية مجاملة وبكل ثقة أقول لك
لقد استمتعنا بكل وجداننا وحواسنا
باستضافتك خلال الأيام التي مضت
استمتعنا بجمال أسلوبك وحلاوة تعبيرك
وبراعة أجوبتك
فلا يسعني وبالنيابة عن جميع الأعضاء
إلا أن نوجه لك الشكر والامتنان
على قبولك الاستضافة
وفيت وكفيت
فلك كل الشكر والتقدير
ونعتذر لو سببنا لك أي قلق
ولك تحياتي

محمد الحبيب
19-05-2001, 08:17 AM
أخي ضب اطخم .... اسعد الله صباح ...... وجزاك الله خير على كلامك وعلى مديحك .... والحمد لله أنني كنت عند حسن ضنكم ... والحقيقة ... أنا من يجب أن اشكركم على جهدكم .. وعلى تفضلكم وجميع الاخوة .. بطرح الاسئلة .. التي اشعرتني إنني مازلت على قيد الحياة ......

الاخ الريس .... أخي ضب اطخم ... السادة اصحاب السمو ... اصحاب المعالي ... أيه الحفل الكريم :)

اشكر لكم رحابة صدركم ....... وأتمنى من العلي القدير أن يوفقنا وأياكم لما يحب ويرضى.......



تحياتي للجميع

محبكم محمد

شاهي العصر
18-08-2001, 11:35 AM
شاهي العصر ---> (( حاط يدينه على خدوده ... و يناظر محمد الحبيب ... و هو على طاولة المقابلة الشخصية ... و يبتسم ! )) :p