PDA

View Full Version : ماي قراند فازر..:)



الحاشي777
12-05-2001, 11:51 AM
الله يرحمك ياجدي…:(
كان الله يرحمه ما يرتاح إلا لي..ولا يثق إلا فيني..(( ايه هين ))..
الواحد اذا احد جاه يصحيه..يجيه بشويش وبهدوء ..وبصوت ناعم..ويقول..اصحى خلاص صارت الساعه ثمان…ولا يحط جنب راسه ساعه لها موسيقى هاديه..((مهوب ظني))…بس جدي كان له طريقه خاصيه اذا جاء يصحيني…يدخل بشويش الغرفه..ويجي جنب راسي ويكتم نفسي ويحط يده على فمي وانفي..(( مخابرات ))…واتحدى أي واحد ما يصحى بهذي الطريقه..يقوم الواحد كنه مهبووول…هذا كوم وريحه يده كوم ثاني…ريحه فكس وسمن…
مع الايام تعودت على هالطريقه وصرت احس فيه اذا دخل الغرفه…جاء يوم ودخل قلت ياولد خذ لك نفس طووووووووويل وخله يحط يده واشوف أنا ولا هو..حط يده الله يرحمه وانا يعنني ماحسيت..المهم الرجال شافني طولت ما صحيت عرف اني العب عليه…ومن شين الحظ كانه زهقان هذاك اليوم قام واصفقني بذاك الكف…قم لا بارك الله بالعدو…والله واقوم وادرعم سيده لدوره المياه (( وانتوا بالكرامه))..واحكحك راسي ورافع فنيلتي العلاقي واحك بطني ..إلا ويمسطني بعصاه ذيك المسطه (( قسما بالله لو مهو جدي كان لعنت والدي والديه ))…واغسل وجهي واروح ابي افطر وهو يصارخ من هناك..يالله امش تاخرنا (( وش عنده راعي البواخر والشركات…راس ماله نعجتين وشاه ))..قلت يمه تراى ابوك ذبحني ..الله مسلطه علي هو ما عنده من العيال إلا أنا…ينام الساعه سته المغرب ويقوم الفجر وانا ما انام إلا الساعه اربع الفجر….ويجيني مصحصح وشارب له برميل قهوه ..ويتولاني….قالت ياولدي هذا ابوك ولا له بعد الله إلا انت…قلت لا مهو ابوي هذا ابوك انتي..(( اخلاق سياحيه ))..:)
واسرح أنا وجدي…وهو راكب معك.ممنوع المسجل ..ممنوع السرعه…ممنوع الاعتراض على أي شئ…يقول لك ادخل خط بالعكس…..ادخل لا تقول له عكس…!!…ممنوع انك توقف عند الاشاره وهي حمراء والسياره شغاله ..لازم تطفيها ((..قعيطي الله يرحمه ))…يصجك من صباح الله خير اللي يسمعه يقول عنده اشغال الدنيا ومافيها…واذا مشينا ماغير يفرفر هلى هالشيبان…سواليف وقهوه وتطنز…ولا نروح نجيب علف البعارين…واذا جات حزه الظهر قال روح من جنب مزرعه ابو مبارك..يبي..يشوف حبه الاول..(( قلبه خضر الله يرحمه ))…واذا شافها..تهنهت ذيك التهيت…وضاق صدره..وتفل في وجهي..(( ما يعرف يعبر الله يرحمه عن مشاعره إلا بهالطريقه ))…ويقول اسفط على جنب…وينزل من السياره…ويجلس يطالعها بعيون كلها لهفه وشوق وهي تناظره من بعيد..واشوف في الجو قلوب حمرا وسهوم..وبلاوي زرقا..(( يضرب الحب شو بيذل))..اثاري ابو مبارك كان ملاحظ هاشيئ ويوم من الايام وقفت أنا ووجدي على الاطلال …إلا ابو مبارك متخبي هو وعياله وكل واحد معه عجرى وينقزون على أنا وجدي..عاد أنا كنت بالسياره وقفلت القزاز وقلت انت ياجدي اقعد بها الحين..والله ويحط رجله ابو الشباب يوم شاف الصدق…بلا حب بلا هم,,,ويلحقه ابو مبارك وولده معيض..ويمسكونه ويدبغونه دبغ على كيف كيفك…يوم شاف الموت ابو الشباب إلا ويطلع من جيبه سبنتش حق بباي ويمغط له ذاك القوطي..قام ابو مبارك وافلق جدي على راسه بالعجرى..ماشفت جدي إلا منسدح على الارض..(( طلع السبنتش أي كلام )):)

في اخر ايامه..كان تعبان بالحيل..وانا كنت معه على طول..وجات اخر ساعه في حياته ويوم شاف الموت ناداني وقال: حاشي ياولدي..انت تعبت معي وتحملتني و..,و….و…الخ….وقبل ما اموت ابعطيك شئ لك وللزمن ..((ياكبدي ياقدي..))..قلت : لا تقول هالكلام ياجدي…انشاء الله ح تئوم زي الحوصان بالسلامه (( حركات مصاريه ))..وبيني وبينكم أنا كنت انتظر وش بيعطيني…قلت اكيد الارض اللي على الشارع العام ولا عماره البلد..ولا السبعين راس من البعارين اللي معه…وشوي إلا ويمد يده على جيبه..ويطلع مغلف…اللي فيه شئ انت تدور عليه من زمان..خذ ياولدي (( موسيقى حزينه…ونور خافت…وتركيز على يدي ويد جدي في حاله إلا ستلام والتسليم ))…..قال افتحه….قلت لا ياجدي مهو وقته…بعدين بعدين ..(( مسوي فيها ثقيل..أنا))..وافتحه .. حاط لي صوره بوكيمون…قال هذي صوره(( بلباسور)) اللي ناقصه عندك…عاد أنا انقهرت..فامسكه واسوي فيه زي ماكان يسوي فيني…اكتم نفسه الين مات…(( بلا جدي بلا خرابيط))
:)
(( الله يرحمك ياجدي)):(

شوق
12-05-2001, 05:26 PM
حسبي الله عليك ! ! !
و الله انك ماتستاهل هالجد الدرة , اللي يعرف وش ناقصك و جايبه لك .
بس خلاص زعلتني , و باعلم امك عليك .

الحاشي777
12-05-2001, 09:09 PM
شوق...
قولي يارب...
ثم يارب..
ثم يارب..
ان الله يخرب الفديو حقكم..:)

Qween Of Heart
15-05-2001, 11:50 AM
مرحبا ...........

اخوي والله على قد ما ضحكت على كثر ما حزنت............ ذكرتني بجدي يوم كان يصيدني وانا اتمرجح على المواصير مال الماي والله يا عليه طريقه بالكفش
ههههههههههههههههههههه قوه حركتاااااااااات يخليك تشوف النجوم في عز القايله

سؤال :
مازالت معااااااك صوره بوكيمون (( بلباسور )) <====== مصلحه :D

اختك
Qween Of Heart

:D ;) :p :)

mr_mosta7el
16-05-2001, 12:33 PM
ههههههههههههههه
يا انت قطعت بطني من الضحك
ماشاءالله عليك اسلوبك رووووعه
و وصفك كأنه مشاهد حية تعرض علينا وقت قراءتك موضوعك
الحقيقه موضوع رااائع
و تسلم يالغالي

ذياب
16-05-2001, 02:25 PM
روعة يالحاشي روعة

محمد الحبيب
16-05-2001, 02:27 PM
هههههههههههههههههه رهيبه يالحاشي ....... صدق .. على قولة شوق ... مانتب كفو يصير لك جد :( ... .حدك ولد عم عرج :) هههههههههههههههههههههههه اي من زمان طلع هالروائع :)


من جد روعة



تحياتي اخوك محمد الصالح

ابو زيد الهلالي
16-05-2001, 03:43 PM
قهن قهن قهن قهن قهن قهن الله يوسع صدرك مثل ما وسعت صدري ,, هذي المواضيع الي توسع الصدر قهن قهن قهن

الحاشي777
18-05-2001, 11:33 AM
Qween Of Heart :)
ماعمرك اتشعبطتي في التروماي ..؟:)
هلا :)

mr_mosta7el :) هلا وغلا...اهم شئ تكون مبسوط انت..والجايات اكثر

ذياب..:)
انت الروعه
محمد الحبيب..بيب بيب بيب بيب :)
هلا ابو حبيب..شكلك فرحان باسمك,,(محمد صالح).ههههههه.....ترى كلنا اهلنا مسمينا:)

ابو زيد ( النصراوي )...:)
انت عارف موقي من الهلال:)
نورت الحته يابيه

240L
18-05-2001, 02:49 PM
هههههههههههههههههههههههههههههههههههه


حلوووه والله

كهكهت عليك ونفجر راسي من الكهكهه

متوهق
20-05-2001, 11:52 PM
خخخخخخخخخخخخخخخخخخخخ
:mm: :mm: :mm: :mm: :mm: :mm:

الحاشي777
21-05-2001, 02:43 AM
240L ..والاخ متوهق:)
هلا وغلا...:)
انفخ البلاتين كلكم:)

لسه فاكر
21-05-2001, 02:52 AM
هههههههههههههههههههههههههههههههههههههه
هههههههههههههههههههههههههههههه
الله يوسع صدرك بالعافيه ياحاشي والله الموضوع روعه بروعه كاتبه
( يمديك على الاسلوب في المح ايه افلقني ان عرفت تقولها ثلاث مرات ورى بعض )
تحياتي لك والله يالغالي
تشاو..

الهلال
22-05-2001, 10:21 PM
هاي سمول كمل ..


يور قراند فاذر واز اقود فري ول تو متش <=== تراه مدح بس خانن التعبير ..


بس رفعة الفنيله وحكحكت البطن (كلنا ذلك الاشهب ) :D


رااااايق ..



ازرق عنيد

الحاشي777
23-05-2001, 03:26 AM
لسه فاكر..:)
الله يحيك:)
اقلط..!!
حلفت...!!
( يمديك على الاسلوب في المح ايه افلقني ان عرفت تقولها ثلاث مرات ورى بعض )

( يمديك على الاسلوب في المح ايه افلقني ان عرفت تقولها ثلاث مرات ورى بعض )
( يمديك على الاسلوب في المح ايه افلقني ان عرفت تقولها ثلاث مرات ورى بعض )
.................شفت قلتها ثلاث مرات:)
تسلم تشريفك هنا يعني لنا الشئ الكثير :)
<==== (( نصاااااااااااااااااااااااااااااااب )):)

=====
الهلال.....:

هاي مسيو كرسنت :)
سافا بيا؟؟
<=== ترى ماعندي الا هالكلمتين فرنسي:)
ويا هلا نورت :)

الخواجه
25-05-2001, 11:52 PM
حشاي
your are bad boy

متى تكبر عن هالحركات ياالحاشي يعني متى تصير جمل

بعدين انصحك تاخذ بأثار جدك (محراث شر)
رح اقتل ام مبارك هي سبب المشاكل
وازب عندي لا تخاف اوديك هاك الديار الي مافيها قصاص

راعي الجنوط
26-05-2001, 01:35 AM
الله يفقع بطنك مثل مافجرت بطني والله روعه ههههههههههههههههههه



اجل بكيمون هههههههههههههههههههههههه


الله يعطيك العافية .

الحاشي777
26-05-2001, 03:24 AM
الخواجه:)
ياهلا وغلا...
شايلك لعوزه:)
بس ياخوفي منك يالخواجات:)
======
راعي جنوط..:)
الله يفقع بطنك انت:(
<==== فاهم غلط:)
حياك الله يخوي:)

mr_mosta7el
28-05-2001, 10:03 AM
أخوي الغالي الحاشي
مساء الخير
اسمح لي بنقل الموضوع للروائع
:):):)
و ننتظر جديدك :)

الحاشي777
29-05-2001, 01:24 AM
mr_mosta7el ..الاخ العزيز :)
مسأله ان فخامتكم يقرأموضوعي:)
هذا هو الشرف بعينه:)
تسلم يا غالي:)
==== بس بالله انت ما شفت صورتك في موضوع الاحوال المدنيه ؟؟؟
حلفت عليك الا رايح:)

الجازي
29-05-2001, 04:00 AM
:)
قصه مسسسسسسسسسسسسسسسسسسسسسسسسكته
اخوي حاشي اول مره اقرا لك شي
مشاء الله عليك مبدع
:)

الجازي
29-05-2001, 04:17 AM
:)
قصه مسسسسسسسسسسسسسسسسسسسسسسسسكته
اخوي حاشي اول مره اقرا لك شي
مشاء الله عليك مبدع
:)

Tho0oG
01-06-2001, 02:55 PM
al 7ashi..i'm Glad Saudi Arabia still has such thinking brains
you reminde me of myself when i was 22 yeras..i was in Vietnam War and i was always talking about my grandfather..my grandfather was different than yours..his name was Abo M7ammad..he was tall..and people know him by "hanging his hands on the top of the window of the car" what a cool grandfazer he was.
"Al 7ashi..i'm your brother "el ge3ood
but, i go to San Diego University for Camel and Sheep Education..
with all best wishes..the sun of the Camel

حسن كجمغلي
01-06-2001, 03:44 PM
أديلووووووو على راصوووووو :D


<----- معليش داخل عرض :)...أهم شي الأخلاق ;)..

ههههههههه........خطيررررر يالحاشي