PDA

View Full Version : **( أنشد عن اللي لابسه من الحلا ثياب )** قصيدة



ظافرالقحطاني
07-09-2006, 02:08 PM
بسم الله

تحية عبقة ، وأعجبني جداً هذا المكان لثراء مواضيعه وأهميتها ، وأحبُ أن أشارك معكم بهذه المتواضعة وأتمنى أن تنال رضاكم.


الحب باقي..والوفا بعد ما غاب

000من حب لو مره..بيعرف كلامي

ما يعرف الأشواق..نذلٍ وكذاب

000الحب دنيا..من المعاني عظامي

لو شفت راعي الحب..والله قد ذاب

000من زود همه..ساهرٍ ما ينامي

العمر جنه..والمحبه ترى باب

000والسعد فالدنيا ..بلحظة سلامي

قالوا زمنا أنتهى فيه الأحباب

000والحب ميّت وأندفن بالظلامي

هذي شريعة وقتنا دايم أغراب

000حتى المشاعر عندهم فنعدامي

مسكين ياللي عايشْ بغير عرّاب

000فيده قراب الما وهو دوم ضامي

حنا انولدنا بحب وبحب شيّاب

000جيلٍ عرف قدر المحبه وسامي

فينا عقولٍ عارفه وطبع أعراب

000ونغلي حبايبنا بسلم وخصامي

ما نرخص اللي حبنا لوهم أجناب

000جيلٍ توارث هالوفا ألف عامي

الحب قبله..والوفا دوم محراب

000واحنا دُعاته جيل والله عصامي

خلك مع اللي للوفا دوم طلاب

000يسعدك بأفعاله وماهي كلامي

وإن كان ضنك فالعرب أنتهى وخاب

000دوّر على قلبٍ يعيش بهيامي

لاجيت ضميانٍ بيرويك برضاب

000مثل الشهد طعمه ويبري السقامي

دوّر على اللي للمعاليق نهاب

000راعي الخفوق الغض غاية مرامي

صوته يطفي داخلي جمر شبّاب

000وضحكه يذوّب مابقى من هيامي

الوقت معها ما أملّه ولو غاب

000تضيق بي دنياي كني بزحامي

أنشد عن اللي لابسه من الحلا ثياب

000طبعٍ حبيبْ..وفكرها بالتمامي

لاجيت اسولف ضمني بين الاهداب

000ولا سلهمت عيني بصدره أنامي

ولا صابني همٍ تسابق ذا الاصحاب

000وفي قربها جرحي سريع التئامي

خلت حياتي همها وماهي تهاب

000قولٍ تردد من عديمي الذمامي
الوقت ما يكذب ..وفي الناس كذاب
000ناسٍ تضيّع عمرها بالملامي