PDA

View Full Version : ولاتحب شـاعــــرة !!!!!!! (رد)



noot1
12-05-2001, 09:16 PM
لاتحب شاعرة..
أردها بعد ماقريت لاتحبين شاعر ..للوجد ، وترى أعترف أنا الفكرة مو مني بس أكملها لطرف الآخر .
.وهو الحبيبة لو تقولها مثلا صبا ح الخير ..أو كلمتين ..
وهي شاعرة وتحب الحب لحبيبها وش ترد تقوله !

----------------------------------------
صباح الخير نوت
نوت: صباح الورد ياور تقتح داخل أعماقي *
صباح الصبح لي يهمس : صباح النور ياقلبي

هو : والليل
نوت : الليل محبوب الأرق :
الليل مجروح احترق :
الليل وحدة وجنون العاشقين
والليل قلبي ينشد معك صبح ثاني .
=يانوت وينك من شوقي .
.نــوت : تسمح لي أثقل عليك بزحمة أشواقي !! *
ضيقت بالقلب شوق وفااااضت عروقي .
هو : حبيبتي في خاطرك شيء
نوت : في خاطري شيء وشيء
في خاطري همس وعشق
وسكون الليالي ..
في خاطري عبرة تخنقها الظروف .
.وتحييها الأماني ..
في خاطري كلمة لاني قا درة أكتمها ولاني قادرة أبديها ..

==ينادي نـــوت ..
نوت : لبيـــــه
ونعم
وسم
وآمر مادام لي يوم واحد في العمر باقي ..
= هو : أبي منك شيء لاترديني ..
نوت : تدلل
ياوتر قلبي ..
ياملك روحي وعمري ..
تعذبني
تضايقني
وتدللني على كيفك .

= هو : أبي منك وعــــــد !
نوت : لك وعــــــد
ولك عهـــــد
ولك كل مواثيق دنياي ..وكل ماقالو البشر تم .
=هو : إنك بالحب ماتخليني ..
وفي دنياي تسليني ..
وعن همي وغمي تبعديني .
.توعديني .
نوت : أوعدك أني أحبــــك
أني أكون قلبك ونبظك ..
أوعدك أقسم بيننا الحزن ..آخذه كله وأعطيك الفرح ..
وأوعدك ماتشوف دمعتك مني
ولا تعقد حاجبك عني ..
أوعدك أني أدفيك حنان
وأشربك وفاء وأسمعك أغاني وأشعار ..
وانت صوتي وحروف القصايد ..
هو = نوت ردي علي بصراحه ؟
نوت: بصراحــــــه .
.بصــــراحه ! (..أحبك . )
------------------------
ودمتم ..لــنوت.

الراشد
12-05-2001, 10:04 PM
مساء الخير

الحقيقه احب ان اسجل اعجابي بكل مايخطه قلمك
من ابداع دائم سواء بسطورك الملونه التي تتحفينا بها
او بما تخطه يداك من جمال
بالنسبه الى لاتحب شاعره او لاتحبين شاعر
اسمحوا لي ان اختلف معك ومع الوجد فالصراحه
يابخت إلي تحب شاعر ويابخت إلي يحب شاعره
والسبب في ذلك ان الشاعر او الشاعره اكثر قدره على ايصال
مشاعره
=========================
نوت اش دعوى ماتبين حد يحبنا يعني :D :D
عاشق وفاء من راح يحبه الحين :D :D

تحياتي لقلم متميز دائما

الراشــد

عاشق وفاء
12-05-2001, 10:26 PM
مساء الموت

على كل النوت

خاطرة جميلة جدا واحساس اكثر من رائع

ولكن الله يخليك اشربي انتي وهو يدبر عمره :):)

والمقطع هذا(( أوعدك أقسم بيننا الحزن ..آخذه كله وأعطيك الفرح )) عجبني كثير ذكرني بقصيده كتبتها في زوجتي:):):):) فيه فكره قريبه :

مـا غـيرها روحي أول وتالي
زوجتي عسى الله يطوّل عمرها
لها كل القلب وباقيه لعيالي
كل كلي غارق في بحرهـا
هي روحي وأنا لها الغالي
مطلوب دنياي رضاها وسترها

THUNDER_SS
13-05-2001, 12:13 AM
الاخت الكريمه / نوت ...
السلام عليكم ورحمة الله وبركاته ...

أوعدك أقسم بيننا الحزن ..آخذه كله وأعطيك الفرح ..

رائعه وجميله جدا ... والكلمات السابقه اختصرت الكثير .. من اروع ماقراءت ..

سلمتى وسلمت يمينك ...

__________________________ اخوك / الرعد THUNDER_SS

مهو ذنب من نفسه بالعطر تفوح ... ولا ذنبه رجع بقلب مات تجريح

ذنبه نيته بيضا بياض الروح ... ذنبه جنون وقته ماخلاه يستريح ... ؟

عسل
13-05-2001, 01:25 AM
نوت 1 ..

لا املك لك ردا لا ئقا ..

فقد سرقتي كل الحروف ..

واغتصبتي اهم المعاني ..

من قلمي ..

عذرا ..

فلا املك لك ..الا كلمة .. شكرا .. يا مبدعه ..:)

------

عســـــــــ اخوكِ ــــــل

noot1
13-05-2001, 02:20 AM
ياهلا ..أخوي ..
الراشد والشاعر!
أسعدني حضورك وتشريفك لي ..
وماعليك زود
واذاكنت تختلف معي.. فأنت معي !!!!!

وبالنسبة لعاشق وفاء لاتخاف عليه هو وياهالعيون الي خوفتني.!؟.

------------ وحياك --------

noot1
13-05-2001, 02:27 AM
مساء الحيــــــــاة ..!
شرفتني وتسلم على كلماتك
ياهلا فيك
عاشق وفاء:
الله يخليني الي ذكرتك إنك شاعر ولقيت الي يحبك
قول للراشد ..حزنت عليه :(

------حياك ------

صيد
13-05-2001, 03:19 AM
نوت ....روووووعه رهيبه انتي ...

انا الصراحه هالايام ماني فاضيه كثيير ...:)

بس يوم قريت موضوعك حسيت بشوقي لعذب الكلام..:(

رهيبه يانوت والله كلماتك تدخل القلب ومشاعرك قمه في الرومانسيه:)

احييك يانوووت فعلا كفو انتي للرد على وجد ..:)

وتابعي يامبدعه ...

نوت اسمحيلي :)
عاشق وفا ...احييييييك من قلبي ... من اقصى قلبي.......

وانا مع الراشد احلى حب بين شاعر وشاعره....

اختكم الصيد....

ضب آطخم
13-05-2001, 09:37 AM
اختي نوت

خيال رائع ووصف جميل وسلس

لا عدمتك ولك تحياتي

وجد الكتابة
14-05-2001, 12:19 AM
بصراحــــــه .
.بصــــراحه ! (..أحبك . )
-----------
نوت الغاليه
والله هالكلمة الاخيرة تغني عن كل الكلام
لا تحبين شاعر ولا تحب شاعرة
وتفوق نسائي كالعاده
تبادلين نوت بالخواطر
;)
سوف يرتبط الابداع باسمك قريبا سيدتي
اذا ما استمريتي على نفس هذه القوه
ونفس هذا الخيال الرائع
سجلي اعجابي بكل ما تخطه يمينك
ويشرفني اكون احد تلاميذ المدرسة النوتيه
:cool:
تخوفين يا بنت

ماجد ناصر
14-05-2001, 05:09 AM
نوت انتي ووجد تتسابقون على الابداع ماشاء الله عليكم رووووعه هذي وروعي ذيك

noot1
14-05-2001, 09:04 PM
صيــــــــد أختي الغالية..
ياهلا وغلا
ردك أسعدني كالعادة.. لأن ردك يهمني وحضورك يسعدني ..
وماقصرت وياهلا فيك .

-------------:)

noot1
14-05-2001, 09:39 PM
الأستاذ الكريم / ضب أطخم
حياك الله
ويشرفني حضورك
ويسعدني رأيك
سلمت
-----------

noot1
15-05-2001, 06:28 PM
الى الأخ ...الرعــــــد
تحياتي
وياهلا فيك
وسلمت على حضورك..

noot1
15-05-2001, 06:35 PM
أخــــ عسل ــــوي
الغائب الحاضر
حياك الله

كلماتك سبقت رأيك ..وماقصرت

ولاتبخل علينا بعسلياتك ..
--------
وياهلا فيك .

noot1
15-05-2001, 06:44 PM
الشاعر ..
وجد ..وجد ..وجد..الكتابة
لايسعني بعد كلامك أن أكتب حتى شكرا
لأنها لاتكمل شيء بالنسبة لي ..

أنت جامعة ..إذا كنت أنا مدرسة
كلماتك وتشيجيعك شيء رائع كروعة ماتكتب

وجد ..
أنت الي تخوف كل يوم وثاني طالع بموضوع ولا أحلى
عطنا فرصة كليت الجو!!!!!

تحياتي..
---------------------:)

noot1
15-05-2001, 06:46 PM
أخـ ماجد ناصر ـــوي
حياك الله
وتسلم على ردك
وياهلا فيك

-------------

وهج
15-05-2001, 06:54 PM
أوعدك أقسم بيننا الحزن ..آخذه كله وأعطيك الفرح ..



نوت 1 ... تغيبين .. وتعودين مصطحبة الابداع معك
تقصر حروفي عن وصف احاسيسك
تسلمي .. واتمنى ما تحرمينا هالابداع ... :)

اخ عاشق وفاء..
وهل بالموت تحية..
صدمني وقعها..
واعجبني رد نوت عليك
دع الموت وحاول استيعاب الحياة :)
باين عليك مصدوم وكاره الدنيا ;)
تحياتي لكم

وهج
16-05-2001, 09:26 AM
اخي عاشق وفاء
...................
عمر الغاية ما تبرر الوسيلة
تحياتي لك ...

noot1
16-05-2001, 08:14 PM
غاليتي وهــــــــــــج
ياهلا وسهلا وضيفه عزيزه
وتمونين وكلامك الي أحلى وترى مايردني عن التأخر بالرد الا ضيق الوقت فقط
وتسلمين على ردك لعاشق مافي أحلى من الحياة مادام معنا الأحباب .

.ودمتي لمحبتك وأختك : نوت .
( لحظة : لاتفكرين أقول هالكلام عشان ردك لا والله أنا صريحة بطبعي وفعلا أسعدني حضورك).

laptop99
18-05-2001, 02:57 PM
اختي
noot1
مساء الابداع

ابداع متوقع من شاعره متميزه مثلك

اهنيك على امتلاك هذه الموهبه

رديتي على متميز لانك متميزه

ولك تحياتي

=======
ارشحها للروائع
=======

noot1
18-05-2001, 10:27 PM
مساء الخير .. للمتألق وللكاتب لاب توب

ياهلا فيك أنت الرائع بماتكتب وبردك الجميل ..
وتسلم للترشيحك للخاطره ( الرد) للروائع
أنت قلت رائعه ورشحتها للروائع وغيرك أمتدحها لكن ربما لم تصل في ..... نظرهم لمكانة الروائع !

..أتمنى لك التوفيق .
.وياهلا فيك مره أخرى.
---------------------------

null
19-05-2001, 02:13 AM
المشكله انهم سبقوني على الكلمات الحلوه بحقك
تسلم على الكلمات


باي