PDA

View Full Version : اه ياهذا الطريق



جحدر
14-05-2001, 05:00 AM
يا قلم في سيرة اهل الشعر من قبلي وبعدي

ما يسرّي شاعر فـ ظلما الورق همٍ لحاله

ليتني يوم اخترعت القوس جيت بريم نجدي

كنت فوق السرج ما داستني أقدام البطالة

لا سلام .. على الطريق اللي مشيته جهل وحدي

بعد ما عقلوا " بني جاهل " وكلٍ مسك جاله

رحت ما اعرف مبتداه .. ولا آخره وينه يودي

أعرف أني في جنوب التيه واحلامي فـ شماله

ما معي غير الله الواحد .. ومسباحٍ بيدي

مرة اتهيبل عليه ومرتين اسمع هباله

والطريق من أوله عاصي .. وانا غاوي تحدي

من جرح شيءٍ من ظلالي ذبحت اجمل ظلاله

والهبوب بطبعها يومٍ معي وايامي ضدي

الطبيعة مثل " شيخ البُر " تنقصها العدالة

" الصواع " اللي يكيّل فيه ما جا نصف مدي

قلت له يا شيخ ! قال : اعطوه مكيالٍ بداله

رحت مبسوط بعطايا الشيخ ما في التيه قدي

جايعٍ دانت له الحنطة وصارت في رحاله

يوم ناصفت الطريق إلا الخطى فيها تردي

واعرف ان اللي طعامه بُر ما يشكي الهزالة

قمت اسال التايهين اللي وقف .. واللي يعدي

وآخر المعنى طلع ما في الرحال إلا " نخالة " !!

آه يا هذا الطريق اتعبتني وابديت سدي

ما بقى غير القصيد آحزّمه وانكس عقاله

يا يمين الحبل لا ترخين فوق الشد شدي

ما ربح في ذا الزمن متساهلٍ يرخي حباله

يا الطريق ، الدلو فـ يديني يبس والعد عدي

من عرفته ما ورد عذبه شفوق وخاب فاله

جيت لك " مهدي سعيد" ولا رجعت سعيد مهدي

هذا انا من شارع الجوعى .. إلى خان الظلالة

مهدي بن سعيد

الراشد
14-05-2001, 08:45 PM
الرامس
مساء الخير

شقول بس

جميله جدا

الراشــد:):)

ahmad
15-05-2001, 02:15 PM
محاوله جيده