PDA

View Full Version : من قال ان الفقر عيب



جحدر
15-05-2001, 05:33 AM
يسعد صبـاح الفقر ياللي تذمّينه في ذمتي ماانتي مـن الفقر معـذورة

ما شلت هم الرغيف اللي تشيلينه كـل الهموم لسـواد العين مذخورة

ما انـتي فقيرة تقولين اليسـر وينه ؟ يا قـطعة السكـر من الملح ميسورة

مـن علّم الجوري إنشودة بساتينه من هز ريش النعاس اللي كسا حوره

من ذكّر الخيزران اللي نسـى لينه من جـدّل الليل لين اختـال ديجوره

سلسالك الفضّي أصلاً لـو تزمّينه مـا راحت أكثر عقود الماس مغرورة

والازرق الـرّث يا ملحه ويا زينه ! أبهى مـن أرضٍ نهـار العيـد ممطورة

مستـورة الحال بس القاف تغرينه ليه أتنحّـى وأخلي الحـال مستورة

والله لا اغـني لفقـرٍ غـنّت سنينه لين أيسـر المترفات تمـوت مقهورة

قالوا لي ان الجديـل اللي تـربينه معـه تربين حلـمٍ فاحـت عطورة

قالوا بذاك الركن ســرٍ تخبينه ومـرايةٍ من رداة الحـظ مكسورة

لاينكسـر مثلها الخاطـر وتشقينه تمنظـري في المراية .. حـي هالصورة

مذكور جـرحٍ ورا الاضلاع تخفينه وتحت المخـدّه رسالة عشق مذكورة

أثر الهوى جا يسوق الشـوق بيدينه غصـنٍ جفـاه اليباس وزف عصفورة

يا مـن يكـون الحبيب اللي تحبينه ياللي بوجـهه الليـالي ثـروة وثورة

وقـتٍ مضـى ملمس اللعبـة تمنينه واليوم خضـر القلوب ألعـاب منثورة

الحزن ليه العيـون السـود في عينه والبحـّه اللي تـرد الـروح مذعورة

فقرٍ ستيرٍ ولا أزكـى مـن رياحينه ولا نعيـمٍ فضــوحٍ تغـرق زهوره

والميت اللي يـبي دعـوات حيينه كنتي وصـاته ونزفـه وآخـر شعوره

يازمّـة الغيم ورخاية هـدب عينه ماقلت لك ماانـتي مـن الفقر معذورة

ناصر القحطاني

شرقاوي
15-05-2001, 05:44 AM
الرامس:)

صبحك الله بالنور يالغالي..

سلمت يداك على هالاختيار الموفق لشاعر الاندلس ناصر القحطاني...

:) :cool: :) :p

الراشد
15-05-2001, 07:31 PM
الرامس
مساء الخير

دائما اختيارك في محله
لشاعر كبير وصاحب قلم كبير

الفقيره
اعجبتني فعلا

تقبل تحياتي
الراشــد:):)