PDA

View Full Version : مثل حزن امك على مرة ابوك



شرقاوي
16-05-2001, 06:18 AM
فيه مقوله معروفه عند اهل نجد تقريبا هي"مثل حزن امي على مرة ابوي" ويقصدون فيها وصف عدم اهتمام شخص في اي موضوع..يعني ان الام ما راح تهتم باي شي يصير لزوجة الاب وهذا طبعا ماخوذ من ان الام وضرتها دايم في هواش ومناقر وماني عارف ايش:) :D :D

زي اللي يقول لاي شخص"والله ماقمت ولا قعدت عندي"
بيني وبينكم عجبتني هالسالفه وقلت خل اسيقها في قصيده كان ودي اكتبها من زمان تنفع للمقوله اللي فوق..فطلعت معي هالقصيده:
***********************************
اشوف السالفه اكبر من زعله!!!
خبرتك عاقله منتي طفله...
بس الظاهر انك تحترينها من زمان..
منيتك بس تصيدين عليّ غلطه..
وتعلنين عقبها الزعل والنسيان..
الله وكبر عليك..
لها الدرجه انا مثقل عليك؟؟
لها الحد ماتبيني؟؟؟!!!
لكن مو مشكله عندي..
ولا تحسبين اني بسهر الليل عشانك..
لا لا عيوني..
ترى والله سهل نسيانك..
واصلا انتي ماتهميني..
ولا بأي شي تعنيني..
كل المشاعر والاحاسيس كرهوك..
ولا تحسبين بفرقاك انا بحزن والا ارجوك..
والا اقولك..انا ليش اكذب؟؟؟
صدقيني اني بصير حزين..
بس تراه مثل حزن امك على مرة ابوك:D :D :D

عاشق وفاء
16-05-2001, 07:36 AM
عزيزي شرقاوي

صباح الخير

جميل ان نعبر عن ما يجول في خواطرنا وفكرتك جدا ممتازه

لكن لي عتب بسيط هو ليش ما طولتها (طينتها) بالوصف يعني تكلم عن العلاقة اللي كانت ومفهومها عندك:) مقارنة بمفهوم الطرف الآخر:(.

تحياتي يالغالي

الراشد
16-05-2001, 12:57 PM
شرقاوي
مساء الخير

راجعلك المسى حبيت اسجل حظور

laptop99
16-05-2001, 02:02 PM
كل المشاعر والاحاسيس كرهوك..
ولا تحسبين بفرقاك انا بحزن والا ارجوك..
والا اقولك..انا ليش اكذب؟؟؟
صدقيني اني بصير حزين..
بس تراه مثل حزن امك على مرة ابوك

===============================
الأخ العزيز
الشرقاوي
ابداع
استوجب الاحترام لك
اقدر لك ما تكتب
ولك تحياتي

ضب آطخم
17-05-2001, 03:37 AM
الغالي شرقاوي

لا جديد فقد اقترن اسمك بالابداع وجمال الفكره وخصوبه الخيال

لا عدمتك .. ولك تحياتي

شرقاوي
17-05-2001, 05:03 AM
عاشق وفاء:)

شكرا على اشادتك اللطيفه...
وعلى عيني وراسي ملاحظتك بس يالغالي انا فيني طبع اني ما احرق اعصابي على اللي مايستاهل ويكفي مني التعبير بكم كلمه;) ;)

تقبل خالص التحيات..

شرقاوي
17-05-2001, 05:08 AM
الراشد:)

يا هلا وغلا فيك وحياك في اي وقت حبيبي..:)


laptop99 :)

اعتز جدا بكلماتك الجميله جمال ذوقك يالغالي..

شرقاوي
17-05-2001, 05:11 AM
ضب اطخم:)

ياهلا والله باحلى مشرف بالشرق الاوسط:D ;)

حبيب قلبي مشكور على هالكلام الجميل والاشاده العظيمه منك...

تقبل تحياتي..

الراشد
17-05-2001, 05:12 PM
شرقاوي
مساء الخير

حبيب قلبي والله
ياصاحب الجديد المميز انت رائع دائما
وابدعت في وصف المثل واعطيت المعنى حقه
من رائع الى اروع دائما يالغالي

تحياتي ابعثها شرق وغرب
لك ياشرقاوي
الراشــد:):)

smart ghost
17-05-2001, 05:40 PM
مساك الله بالخير اخوي شرقاوي.

الله يعطيك العافيه على هالموضوع لانا بالفعل محتاجين لاهالامثال القديمه والرائعه.

تحياتي.


][ملك الشات رفيع الشان][
http://www.mypage.ayna.com/hams_a/nawaf.jpg

صيد
17-05-2001, 06:45 PM
يؤ ....شرقاوي طيب لاتدف يااخي ..:)

خلاص ماصار الا الخير ..كلن يصلح سيارته:)

لا شرقاوي ..من جد....فكرتك حلوه ..

بس اتصدق المثل اعجبني:)...واضفته لامثالي اللي ناويه استخدمها في حياتي اليوميه ..

بس الغرييب انه اول مره يمر علي .....


وخيرا شكرا لك على المثل والكلمات .....الممتعه :)

اختك الصيد..

شرقاوي
18-05-2001, 05:03 AM
اخوي الراشد:)

الابداع اقتبسه منك واتمنى اني قدرت;)

اشكرك مليون مره على روعة اشادتك فيني..

يعطيك الف عافيه..:)

شرقاوي
18-05-2001, 05:06 AM
smart ghost :)

يعافيك ربي..

شكرا لك يالغالي..

شرقاوي
18-05-2001, 05:12 AM
صيد:)

شكرا لك يالغاليه..

بس ترى حقوق الطبع محفوظه ;) :D ;)

ههههههههههههههههههههه

روابي نجد
19-05-2001, 03:42 AM
روووووووووعه عزيزي الشرقاوي
كلمات جميله بالفعل
ومعاني اجمل
اتمنى ان اقرى لك دائما
بنتظار جديد حروفك وابداعك
اختك روابي نجد

:) :) :) :) :) :) :) :)

شرقاوي
19-05-2001, 04:39 AM
روابي نجد:)

تسلمين اختي على جميل كلامك..واتمنى اني اقرالك هنا بعد انا.. :)

وهج
22-05-2001, 02:15 AM
كلمات جميلة رغم اني لا اميل لمعاني البعد والزعل
جرب تكتب في فرح وامل :)
تحياتي لك
:yh: وهج