PDA

View Full Version : والله من الصدز !!!!



فتى طوكيو
12-05-2001, 04:49 PM
***************** الـــــســــ عليكم ـــــلام *****************


قمت من النوم الساعه (( 6 )) الصبح وانا كلي نشاط وحيويه ....تروشت ... حلقت ... فرشت سنوني ... نظفت غرفتي .. ورتبت سريري !!

نزلت تحت لقيت الوالده مزينه الفطور !!!

قعدت مع ابوي واخواني على طاولة الفطور


ابوي قاعدن على رأس الطاوله وانا واخواني حولوه ....

ابوي يحبنا ... يقطع لهذا خبزه ويقرب صحن ( الحمبص ) لهذا ويصب ( عصير برتقال فرش ) لهذاك ....

امي الله يخليه لي ولكم قاعدتن ترتب اغراض خواتي " وتكد " شعورهن استعدادا للمدرسه .....

قضيت مفطر .... حبيت راس ابوي وامي وحببت اخواني واحد واحد دورت الشغاله مالقيته !!!!

ركبت سيارتي وربطة حزام الامان ومشيت ..... الشوارع فاضيه مابوه الى انا وابوي نمشيبه

سرعتي ما تعدت 15 كلم ... وصلت العمل وحبيت راس المدير همن رحت للقهوجي " مهب حق الاهلي " وحبيت راسوه وقلتلوه الله لا يهينك بيالة شاهي علماشي

دخلت المكتب خلصت المعاملات اللي علي وقضيت شغل المراجعين بسرعه!!!

جت الساعه " 2 " ونص الظهر وقعت وطلعت راجعن للبيت .

يوم دخلت البيت والقا ابوي ... وانا اللي امطخوه مع راسوه وادور امي بسرعه ابي امطخه ... وامسك اخواني واحد واحد وامطخهم بس الشغاله يقولون فوق تنشر الملابس قلت ما يحتاج !!

العصريه اذاكر لاخواني ... وعقب المغرب زيارات عائليه .. وبعد صلاة العشاء اقعد على الكمبيوتر اسوي برامج خاصة بالشغل

هذا جدولي اليومي السذبي ... تبون الصدزي ...؟؟؟؟

شوفو .......!!!!

اقوم من النوم الساعه "8 " ونص " 9 " .. وانا مقفلة معي لو يقولي واحد صباح الخير قلت كل تبن " تكرمون "

عيوني مغمصه ومتأخر على الدوام يعني مهب لازم تغسل !!!!

انزل تحت ولا مابوه احد ... امي نيمه .. ابوي اخذ اخواني للمدرسه ... وراح للشغل

القى شاهي مزينينوه قبل ثلاثة ايام .. يوم تجي جارتنا لامي ... اشرب الشاهي واركب السياره

افتح الدرايش ...موت حر ...

<==== ما معوه مكيف بالسياره

امسك طريق الملك خريص ..... بس ما هنا سرعه يعني 140 ــ 150 بس

انواع المجاكر والتخطيم على العالم ... وانواع الحركات باليدين اذا احد ضرب بوري


آآآآصل الشغل ... القى المدير يحترين عند الباب .... مبرطم تقل هو اللي يكد علي

يسألن ... وشبك متأخر ؟؟؟

اقول .. والله جدتي انفقعت ...

<==== هذا يبي يقول ... جدتي ماتت .. والكفر انفقع

عقب هالاجابه الدوبلوماسيه ... يفلقن بخصم

تجي الساعه 11 ونص وامسك الباب يقالي ابروح اجيب اخواني ... والصدز اني اعسل

ارجع الساعه " 1 " الظهر ... مالي نفس بشي ...

<==== هذا راسوه منتفخ من المعسل ... اثر الشيشه تنسم

يجون المراجعين اناظرهم بطرف عين واقول راجعنا الى حجة البقر !!!

<==== ما يحب العجله

اوقع الساعه " 2 " الظهر واروح للبيت القى ابوي يحترين مابعد تغدى .. بس مهب عشاني عشان اللي معي

<==== متصله عليه اموه تقول جب لبن معك مابوه لبن

نتغدى انا وياه ويقحن من هاللبن لين يفقد الوعي ..... وينام جنب " السماط "

اقوم وانا دايخ .. اروح آآخذلي غطه الى عقب صلاة العشاء

<==== لا صلاة ولا عباده

اقوم من النوم وانواع السعسعه ... الى الساعه 3 الفجر همن اجي وانكمخ

mr_mosta7el
12-05-2001, 05:22 PM
فتى طوكيو
هلا يا بعدي:):)

الساخرة
12-05-2001, 06:16 PM
هذه مواصفات التنك
وتلوموني إذا قلت إن فيه تنك (مصدي ومحزر)
ياناس خذوا علمي (مو أدبي)

النشمي
12-05-2001, 07:29 PM
وانواع الحركات باليدين اذا احد ضرب بوري .....( فتى طوكيو )

يعني تقول له عيب ؟؟ ... والا وش قصدك :confused:

الحاشي777
12-05-2001, 08:16 PM
فتى طوكيو...:)
بصررررررررررررررررررررراحه روووووووووووووعه..:)
بس فيه فرش موكيت يعني اسمه عصير برتقال..؟
كم المتر..؟؟
<===( دلخ ) :)

فتى طوكيو
12-05-2001, 09:50 PM
اخوي مستر مستحيل ،،،

هلا بك اكثر ونا خوك ... اسفر الموضوع يوم طبيتوه يا بعدي :)

==========================

اختي الساخره ،،،

الله مير يسلمس ....

وش جاب طاري التنك .. انا قلت اننا نفطر دبس :p

<=== يسوي نفسه ما فهم ;)

يقولون الخبل ما ينسى سالفتوه :D


===========================

اخوي النشمي ،،،

با بعدي انت .. السالفه بسيطه

<===== هذا خربانه الاشارات معوه .. وابتكر طريقة التأشير باليدين :cool:

<====== سذوووووووووووووووووووووووب :D

===========================

اخوي الحاشي 777،،،

الله مير يروعك يا بعد سبدي انت ;)

متر عصير البردقان ... بخسمطعش ريال .. هذا سانوه مصري

وسانوه مهب مصري بعشرين

واليوسيفي الفاخر متروه ياصل خمسين :p

فيحان
12-05-2001, 11:00 PM
ههههههههههههه
الله يرجك يابو يوكوهاما ...
ما بقى احد الا وحبيت راسه ...
ههههههههههههههههههههههههههههههههههههههههههههه
الا لايكونك انت الي كان راكب السيدريك ال 85 ودقيت له هرن وطلع يده :(

كعبور
13-05-2001, 02:36 AM
الله يرج عدوينك..

والله انك هونتها على ناس واجد .....من بينهم انا

اثرني ماني بالحالي!!!!!!!!

بس من جد من جد ......وش رايك بالعزوبيه!!!!!!!!

الله حالتنا صعبه وانا اخوك.....

تحياتي لك
:)

برررررع
13-05-2001, 03:04 AM
سلااااام يااا هوووو
اقوول ترى مالي في موضوعك شي ولا تعليق لانه انا جديد ودخلت اقرب موضوع وحبيت اجرب الخط والتوقيع والشغالات هذه تعرف ودي اشخص قلت ندخل اقرب موضوع وبس ونرسله رد ونشوف شكله هههههه يعني راح تشوف محاولات كثيرة بس استحملنا ههههههههههههه اقول........... قلي وش رايك بالتوقيع نبي رايك زين

.... بالنسبه لموضوووعك شي حلووو بس اقووول كانك ساكن معي الظاهر انت اخوي وانا مدري هههههه بس اكيد انت اخووي وحبيب بعد ههههه.... باي

راعي الجنوط
13-05-2001, 05:28 AM
الله يعطيك العافيه بس ارفق على المراجعين الضعوف هههههه



اجل تشر بيديك وش تقصد هههههه== فاهم غلط==== يعطيك الف شكرا



على هل موضوع الجيد.

حمود النكبه
13-05-2001, 08:11 PM
اقول .. والله جدتي انفقعت ...

<==== هذا يبي يقول ... جدتي ماتت .. والكفر انفقع


ههههههههههههههههههه .. عقب هذي افلقني يا شيخ اذا انتا فيه مخ .. الله يرجك .. انا اللي بغيت انفقع من الضحتس ...

بعدين وراك ما خليت أحد الا مطخته .. هههههههههه .. ياسر عرفات على غفله .. ههههههههههههههه ..:D:D :D

فتى العشة
13-05-2001, 10:29 PM
ههههههههههه
يابعد خبوب طوكيو كله:)
هههههههههههههههههههههههه
الله مير يحوم تسبدك بالعافية
صراحة موضوع يستاهل الروائع:)
الا اقول
ما شفت النشمي يركض؟؟ و وراه وضاح يركض؟؟؟ بس ليش يركضون؟؟!!:confused:
تقبل جغفاتي المدحدرة

كلمة راس
مهوب رايح اسبوع الا موضوع ملزوخ بالروائع يابعدي ان شاء الله

فتى طوكيو
13-05-2001, 10:49 PM
اخوي فيحان ،،،

اما هرن .. كثر منه ... يا خوي اهرج سعودي .. قل بوووووووووري

بعدين وش سدركه الله يرضيك ...

<=== هذا معوه فياجرا غماره وحده الصحن مليان علف " بوجه العدو " :D

============================

اخوي كعبور ،،،

اما العزوبيه ... عسل :p

انواع الشكشوكه ... الظاهر آآآخر الشهر انواع البيض :confused:

==========================

اخوي برررررع ،،،

هلا والله باخوي وحبيب قلبي http://www.sa4sa.com/arsheef/16/4.gif

زين اجل اول مافتحت باب المنتدى تعكرفت بموضوعي :(

حياك ونا خوك ... بس مره ثانيه انتبه للبعارين ;)

تو ما زان المنتدى ونا خوك :)


==========================

اخوي راعي الجنوط ،،،

هلا والله وغلا ...

<===== هذا محترم معهم .. اصلا شرهك على اللي يدري عنهم

<=== هذا قبل نيم :o

=========================

اخوي حمود النكبه ،،،

يا هلا والله ومسهلا ...

<=== هذا لو بوه مخ سان علوووووووووووووم بس اشوا ان مابوه مخ :cool:

بالنسبه للتمطيخ : امي تدلعن ابو براطم :mad:

========================

فتى العشه ،،،

هلا بك اكثر يا بعد سبدي ....

الظاهر ان راح للروائع كله بسبتك انت وجغفاتك :)

والله النشمي رايحن يقيل عقب المغرب ... اما وضاح اسمع حسوه يغني تكرم بالحمام .. ماسكتن نظافه :cool:

أبو ثابت
14-05-2001, 08:12 PM
http://www.sa4sa.com/arsheef/16/4.gif
ولد ديرتي وشلونك :)
الله يفشلك لو انك على التسذبي مشت عليهم :(
بعدين لا تشلخ على خلق الله مافيه احد من ديرتنا يعرف الشيشه الحمد لله

مهره
14-05-2001, 09:47 PM
خخخخخخخخخخخخخخخخخخ

اللحين ماتجي الا 9 للدوام وتطلع 11

----


انواع الحركات بالادين

صاحب الددسن
14-05-2001, 10:25 PM
اخي العزيز فتى طوكيو 0000

شخص موضوعك فئات الموظفين الى قسمين 00


والخقيقة ان الموظفين لهم اقسام عدة00000


ولاكنك اتيت بأهم اقسامهم وفئاتهم000

الفئة الاولى كما صورتها هي تلك الفئة التي تتعامل مع الخالق وليس في حسبانها مراقبة المخلوقين لهم000000 فتجده صادقا مع الله اولا ثم مع نفسه ثم مع الآخرين000مما يجعله اكثر عطاء وأداء000


اما الفئة الثانية فالوظيفة بالنسبة لهم استلام المرتب آخر الشهر0000ولذلك تجد ان ذلك الموظف مدينا دائما لانه نسي الله فنسيه 00غاب ضميره واهتم بمراقبة المخلوقين ونسي مراقبة الخالق00000


لن اطيل

موضوعك رائع0000

أبو سامي
15-05-2001, 12:49 AM
فتى طوكيو......
أجل ماسك طريق الملك خريص,,
من جد وينه فيه هالطريق:)
وتبي الصراحه حلوه سالفة فقد الوعي بعد اللبن:)
أنتبه ترى اللبن مهوب طيب بالصيف..:)
يخلي الواحد يقلب قطيفي:)

فتى طوكيو
15-05-2001, 10:35 AM
اخوي ابو ثابت ،،،

حيالله بلدياتي :cool:

اما تمشي ... معليش ... اجل نفطر على طاوله وناكل حمبص :cool:

بعدين من قالك اني اشيش ... انا رجالن احب اشوف التفافيخ بالمسعل بس ;)

===============================

اخوي مهره ،،،

شفت ونا خوك وشلون الاجهاد :p

ليت كل الموظفين مثلي سان ما صاربوه زحمه الساعه "7 " والساعه " 2" :cool:

===============================
اخوي صاحب الددسن ،،،

مشكور يا بعدي على " شخص " هذي ....

<==== حس انوه دكتور :p

بس ونا خوك الظاهر الفئه الثانيه هم الغالبيه الى من رحم ربي

===============================
اخوي ابو سامي ،،،

ما تعرف طريق الملك خريص ... هماك الى تعديت شارع " ضياء الخفاف " همن دخلت على شارع " جحش بن كلبان " تبتل يجيك طريق الامير " الدايري " ابد امسك هالطريق ويجيك مخرج 13 " البحيره " اسرع ... هذاك هو

هههههههههههههههههههههه

رايقه يقلب قطيفي ... زاد اشوف ابوي ... وهو نيم ... يطلع اصوات :D

العراب
15-05-2001, 11:27 AM
مهههههههههههههه الله يهديك ولا يشوف لك صرفه


يقولون انواع الاصباغ على السدرك من كثر ما تلحس بجنوبها...:D




وبعدين ..الحمبص ...انا قاري عنه يخلي الواحد يصير اليف عشان كذا حتى الشغاله قمت تدورها...;)





تحياتي يا .......... ابو تاكاهارا

بيض عيون
15-05-2001, 04:37 PM
بصراحة يافتى طوكيو الذرابة اللي قريتها بالأول ماتركب عليك بس اللي عجبني فيك الصرحة مارضيت أحد ياخذ عنك فكرة زينه....:D :D
بس خل عنك إنت جيد جيد جداً.....والكل فهمك غلط يوم قلت واللي ضربون علي بواري أسويلهم حركات بيديني... طيب وش هالحركات(واحد عبيط)
بس شف ترى كل من قرى الموضوع نيته سيأه ويسوي نفسه عاقل مافهم وش معنى الحركات اللي تسويها بيدك ........زز
وأنا بقولها.....تن تن تان (موسيقى تصويرية) [والعرق يتصبب وأنا ماسك قلبي بيدي] (حلوة ماسك قلبي بيدي أجل بمسكه برجلي "وأنتوا بكرامه").......
=
=
=
=
=
=
=
==
=
=
=
=
يأشر بيده ويقول صبروا شوي ........(إش رايك بالتصريفه يولد هيروشيما)

KSA_UK
15-05-2001, 06:41 PM
تسلم يا فتى طوكيو اسمحلي بنسخة لمنتدى الروائع

المنتهــــــي
16-05-2001, 02:58 AM
ياالحبيب ممكن ولاعة ؟ ( عفواً طلب خارج النص ) حلوة خارج النص وين مسرحية .....

ياأخى فيه سؤال انت تمسك اليمين والا الاصفر على طريق خريص ؟

عاد المرور على الصبح مدهر أنواع المخالفات
:D :D :D

على العموم أنا على قولة الرجال اللى فوق تونى مسجل وابسوى فيها :D ابجرب الوجيه اللى تضحك بالعربى الفصيح وخاصة هذا ابوسنون :D هب على سنونه مافيها سوس !

الموضوع حلو بس انصحك قبل ماتطلع تفطر قلابة ترى يمدحونها :(

والله تصدق الوجه الاخير هذا حلو شكلى ابا ابتل عليه ....

وسى يو تومورننج ( مانيب عاقل مسوى لغات ) ......