PDA

View Full Version : بيض مسلوق بالشطة



عاشق وفاء
16-05-2001, 04:02 PM
مساء الخير جميعا
بمناسبة قرب الإمتحانات أحببت أن أهدي لكم كلام خفيف يفتح النفس للمذاكرة

وتقبلوا تحياتي


بيض بالشطة

قالت بجمع أشعارك
وأقرأ ردودك وأحللها
وأعيش كل حرف
وأحدد شنهي أفكارك
حيرتني وياك
يوم شايب عجوز
ويوم طفل يتدلل
يوم تمدح زوجتك مره
ويوم ترثيها
يوم وافية وياك
وعشرين يوم تخونك
قررت أفهمك بالغصب
وقررت أضحي لعيونك
بتبع خطوتك دايم
في البيت في المكتب
حتى في زنزانة أنوارك
ودي أعرف السر
في حزنك في وفاك
في ملتهب نارك
بسأل عليك الناس
وبجمع كل التفاصيل
بسأل عليك الوجد
ورفيق الدرب ذاالأصلع
وأبسأل عليك الصيد
وأثني عليها بنون
وأبختمها بكلام المون
وابدخل داخل أسوارك
وأفتش عن الماضي
وأبدخله دارك
أبسأل غرفتك عنك
وأبسأل صورة الحلوة
وأبسأل نوتة أشعارك
بنات اليوم ياعاشق
تصيدك بآمن أوكارك
نسيت اللي تقول انطم
نسيت أفكار مسمومة
ضعيفتنا توديك وتجيبك
وتلعب أصعب أدوارك
بكل اتقان نرسمها
تغيرنا وتبدلنا
وصرنا فوق فوق
فوق مستوى أشعارك
قلت آنا فاهم شعورك
صدقيني أنا معاك يابطه
لكن اذا سمحتي يعني
ممكن تسوي لي بيض بالشطه

ابو طيف
16-05-2001, 07:29 PM
لكن اذا سمحت يعني 000000000000 ممكن تسوي لي بيض بالشطه

عاشق وفاء / الله يعطيك الصحه والعافيه لكن تراك جوعتنا وعلشان كذا انا طلبت من الأهل ان يصلحولي بيض بالشطه (شهويتـنا ) وعساهم يسمحون 0
كل الحب لك انا اهديه ياعاشق
وعساك دايم في حياتك تهنى
ملاحظه:
الحقيقه انا واعدتك بقصيده خاصه لك بعد العتاب الأخوي منك لعدم ذكر ك في الأهداء الى اعضاء المنتدى ولكن هذا البيت هديه خاصه وتستاهل اكثر يالغالي
$$$$$$ابوطيـــــــــــــــــــــــف$$$$$$

عاشق وفاء
16-05-2001, 10:47 PM
العزيز ابو طيف

الله يعافيك ويسلمك يالغالي وودي أعشيك لكن مو بيض وشطة عشاء محترم من مطعم :)

البيض بالشطة هذي اللي فالحين فيه بعض الناس وغيره جيب لنا من المطعم والا انشالله متزوجني علشان أخدمك :):):)

مشكور يالغالي على أهدائك وتراني أخذت الصك حقه يعني تنساه أنت :)

شرفني حضورك

تحياتي

beauty
16-05-2001, 10:51 PM
افضله عيون ...
ولاتكثر من الشطة ... الله يخليك ... كخخخخخخخخخخخخخخ
بس صراحة متفوق يا عاشق وفاء .. كلمات خفيفة مررررررة
وتسلم ...
:D

وجد الكتابة
16-05-2001, 10:52 PM
:)
بدون تعليق

عاشق وفاء
16-05-2001, 11:12 PM
عزيزتي بيوتي
الله يخليك هذا من ذوقك

وما عليك بلا منة أحد أعرف شغل المطبخ كله :)
وعلى فكره تعرفي تسوي عيون؟؟؟

لكن ما دري فهمتي شي من الكلمات؟؟؟؟؟:(

تحياتي

عاشق وفاء
16-05-2001, 11:15 PM
أرسلت بداية بواسطة وجد الكتابة
:)
بدون تعليق


قال بدون تعليق قال

يعني أيش تتهرب خايف منهم ؟؟؟

لاتخاف أنا وياك :)

وجد الكتابة
16-05-2001, 11:26 PM
نسيت اللي تقول انطم
=============
قالت لك انطم يا عاشق؟
قويه الصراحه
بس بيني وبينك انت تستاهل
:D :D
==============
والله ابو وفاء
كلماتك حلوة
ومرات الحلو ما نقدر نعلق عليه
فاكتفيت بالابتسامه
وبعدين لا تنسى انت حاط اسماء تخرع من الاعضاء
يعني موضوعك هذا الف رطل من الالماس
وين اقدر اعلق عليه
;)

عاشق وفاء
16-05-2001, 11:57 PM
أنا فعلا كنت ناسيها اللي قالت انطم لكن صاحبة البيض ذكرتني واسألتني ليش ما رديت عليها؟؟
طبعا جاوبتها :)

لكن الأعضاء المذكورين ورد ذكرهم كنقطة ضعف بالنسبة لي لأنهم كلهم بيقولوا أي معلومات يعرفوها عني والأسباب متنوعه :):)

ضب آطخم
17-05-2001, 03:31 AM
الغالي عاشق

لا جديد فقد اقترن اسمك بالروعه والجمال .... ولكن قرأتها متعبه .. فيجب قراتها بنفس واحد ولم تعطي القراء اي فرصه لراحه

لا عدمتك .. ولك تحياتي

شرقاوي
17-05-2001, 05:33 AM
عاشق وفاء:)

هههههههههههههههههههههههههههههههه

ضحكتني الله يرجك..
فكره ظريفه وحلوه منك..
كلمات خفيفه وحلوه..تسلم افكارك..:)

الراشد
17-05-2001, 05:06 PM
عاشق
مساء الخير

بيض في الشطه في اي مطعم كاتبها :D
بعدين من هذا الاصلع
:D
حبيب قلبي انتا متمكن وصاحب نفس
خفيفه على كل القلوب
ويابخت إلي مجاورك والله
والله ان معرفت الاجاويد اعيال الاجاويد ذهب
صدقوني اجمل ايام عمري اعيشها معكم ياهل الساخر
((الاخ عمره ستين سنه )) :D
بعدين اشاعة الاصلع إلي طلعها واحد من الشباب
كل يوم يتنظل بشعري موب شعره الفلافل
انشاله اذا كتب بين المولى لقى راح تشوفه بنفسك
والفرق بين شعري وشعره
حلوه منك ياوحش ودائما متمكن من الحرف والقلب

تحياتي للذهب
الراشــد:):)
انا اقرع وراسي كل شعره زهدها
وطفل في بطن امي مابه رمال
----------------
قصيدة صاحب الاشاعه :D :D

وجد الكتابة
17-05-2001, 05:10 PM
:)
معليش يا الراشد
مقبووووووووووووووووووله منك
انا شعري فلافل
يا اخي وشفيه الفلافل
حق المواقف الصعبه يعجبك
يمكن يذبحك الجوع في الصحرا
تقوم تاكل شعرك
:)
ايه الله كريم
انت وعاشق تطلعون اشاعات مغرضة هدفها
القضاء على احد انجال العصور الساميه
يا اخي انا خوالي من جنوب لبنان
:)

smart ghost
17-05-2001, 05:14 PM
امتنع عن الرد.

تحياتي.

][ملك الشات رفيع الشان][
http://www.mypage.ayna.com/hams_a/nawaf.jpg

عاشق وفاء
17-05-2001, 05:28 PM
عمدة كفر الكلام

يامساء التماسيح كلها

انت اللي روعه بتشجيعك و حضورك وانقلاباتك
أشكرك من الأعماق
وبالنسبه للنفس الواحد علشان تكملها غصب مثل شرب العلاج:)

وبعدين كل الكلام كان كلامها هي أنا قلت كلمتين في النهاية بس :)

وللعلم هذه الكلمات مجرد نقد لبعض أفكار وتوجهات غالبية الجيل الحديث من البنات وتعبير عن رأيي تجاه هذا الموضوع

تحياتي لك يامعلم

صيد
17-05-2001, 06:58 PM
يؤ ..يؤ..يؤ...حلو ...حلو مرره ...

من هي اللي قالت ..؟وفا..:)...تدلعها بطه انت؟؟؟
هههههههه يااخي دلع صعايده ذا...
<===ودك انها ماتستخدم مخها كثير...

والله بطتك..:) ذي اظنها تقرا افكاري ...انا بعد محتاره فيك ياعاشق...:)

وناويه احلل شخصيتك...:) .:)

<====ياويلك منها..:)

انت ظاهره :)<====وش ذي مدحه ولا سبه :)

بس الاسم :( بيض بالشطه ..<====استغفر الله بس الله يديم النعمه ..:(

البيض عندي حساسيه منه والشطه مااحب ريحتها ..علشان كذا رديت متاخره :)

<====متلطمه وتتحكحك....
يااخي الكورن فليكس يمدحونه..:)
احييك واحيي موضوعك ...اللي اشغل بالي عن المذاكره:)

اختك الصيد...

عاشق وفاء
18-05-2001, 01:14 PM
العزيز شرقاوي

حياك يالغالي والحمدلله أنك على الأقل ضحكت وانبسطت

والفكره هذي قديمه وأنا استخدمتها بطريقة مختلفه شوي ( طريقة دس السم في العسل).

تحياتي لك

laptop99
18-05-2001, 02:49 PM
قلت آنا فاهم شعورك
صدقيني أنا معاك يابطه
لكن اذا سمحتي يعني
ممكن تسوي لي بيض بالشطه
==================
هههههههههههههههه
بوفية السعادة على غفلة :D
==================
ابداع متميز كالعاده
يعطيك الف عافية

عاشق وفاء
18-05-2001, 08:16 PM
الوقت يمضي والراشد يبقى

مساء الورد والنوير
عزيزي ابو الرشد
بصراحة انا ما حصلت أحد يفهم كلماتي لحد الآن مع أنها نقد ساخر وهادف الا أن الكل يتجه لموضوع البيض والشطه وينسى الموضوع الأساسي :)

مشكور عزيزي على كلامك الحلو

وبالنسبة للفلافل الميه تكذب الغطاس :)

لا عدمتك
احتراماتي

meme
19-05-2001, 07:34 AM
انا من اولها باقولكم اني ضعت بالموضوع....

المهم انه جذبني بيض في الشطه كخخخخخخخخ

ترا الشطه مايمدحونها ===> يقولون تسبب القولون ومدري وشو

بس انا حبيت ادخل بالسالفه ===> اللقافه وراثه بالعايله مو ذنبي :fff:

ومن جد انت ممكن نقول فتحت نفسنا على الاختبارات
عقب هالشطه والبيض والبطه ..:hh:


على فكره.. شكلي بادقها سوالف هنا
حبيت ابدي اعجابي بتوقيع رفيع الشان الظاهر ..
لااله الا الله افني بها عمري وادخل بها قبري واخلو بها وحدي والقى بها ربي
مررررررررره حلو ماشالله عرفت تختار..

في اماااااااااان الله :nn: