PDA

View Full Version : تعالوا ..نبي نسوى انقلاب علي المراقبين



ضب آطخم
17-05-2001, 05:08 AM
هلا والله .. الله حيهم

ما بين اقتراح اخوي الغالي ماجد ناصر و المساجلة الشعرية لضيفنا الجديد الساحر و المحاورة الشعرية ما بين المصرقة صيد و شاعرنا وجد الكتابة وكذلك صورة المنظر الطبيعي لصيد لمن يستطيع وصفة .. طلعت في راس أخوكم فكرة !!

هي كالتالي : أن يقوم الاول بوضع بيتين من الشعر ثمَ يشترط لمن يأتي بعده بالقافية و المعنى

مثال :
بتنسى زمانك وهم بتنساه ماضيك
*** لكني من اليوم مانـي بناسي
تذكرني يوم اني بالحيل اراضيك
*** ماهو بطبعي لكن فاقد احساسي

ثم يشترط مثلا قافية (وح ) و (الي ) والمضمون ذل الحب

///////////////////////////////////
يأتي المشارك الأخر فيطرح البيتين علي حسب شروط من سبقه .. مثال

في زحمه العـشاق من يسمع الـبوح
****لاصـار ميدان الهوى ما صـفالي

شفت الغرور اللي كسا وجهك يفوح
****وضحكه يغطيهـا العبث والهزالي

ويشترط القافية والمضمون

وتستمر بهذه الطريقة....................

الهدف هو المحافظة والتمرين علي وزن الأبيات .. لا يشترط الرد بنفس الوزن .. ولكن وزن البيتين فقط .. هناك مشاركات كثيرة مضمونها رائع ولكن تفتقد الوزن

أرجو منكم عدم اشتراط قوافي مُعزرة مثل (يش ) (از ) ... وغيرها

إذ نجحت هذه الطريقة سوف تتطور في المستقبل إلي الرد بنفس الوزن وعلي قافية واحدة واحتمال زيادة عدد الأبيات

واول واحد يرد له الحريه في نظم الابيات و ويشترط علي من ياتي بعده بالقافية والمعنى .......

إذ رأيت اسم احد الاخوان في الوحه الرئسيه قد قام بالرد ولم تظهر مشاركته قم بتحديث الصفحة .. كي تأخذ جميع المشاركات حقها

وللجميع تحياتي

وهج
17-05-2001, 08:44 AM
فكرة رااااااااااائعة من اروع مشرف
والله اني كل يوم اشوف فيك شي يا ضبضوب يخليني انبهر
عن المدح يالله:
اقول نبي نشوف شي مميز اكيد شعرائنا ما راح يقصرون
:)

ماجد ناصر
17-05-2001, 09:57 AM
يعني الحين اذا جبت بيتين وحطيته اتشرط واوهق اللي ينوي يرد وراي حرررركه

<-------يحب التوهيق:)

فكره مبده اخوي ضب يسلم لي هالراس اللي يطلع البلاوي العسل هذي سجلني اول واحد بس اذا ماعرفت وحست الدنيا مالي شغل:)

عاشق وفاء
17-05-2001, 10:39 AM
أنا فعلا بحاجة الإنقلاب هذا

ليش يمسحوا أسم الدوله عندي مع أني عضو في عذب الكلام وكان اسم الدوله عندي مجرد شطر من بيت للشاعره عابرة سبيل ( البنت ياحبها للي يداعبها)

وبناء عليه لو سمحت يعني <=== خاف يفصله
يالأطخم تبرر هذا التصرف التعسفي :)

أجل لو حطيت البيت اللي كنت أفكر فيه (لعابرة سبيل برضو) كان أكيد بيمسحوا دولتي (عقابا) ودولة الأطخم (للعضة والعبره).

وبهذه المناسبة اهديكم قصيدة عابرة سبيل كامله والحقوا قبل تحذف

كل ما اتصل فيك..صبح و ليل تشكي لي

من عوج الاوضاع و الدنيــــــا و متاعبهـا

مليـــــــــت يا صاحـــبي مابيك تحكي لي

هالأســــــــطوانة انــــا مليـــت مطربهــــا

حتــــــى خيــــــــالك بتال الليل يأتي لي

جروح و عيــــون معقـــودة حـــواجبهـــا

عـــيّــشتني بعـــالم ما هــــو على جيلي

زهـــرة شبابي حــــرام انك تخـــــربـــها

يــــامـا هجرتك و لا كملّــــت ترحيـــــــلي

حبايبٍ ما تعبـــــر عن حبــــايبـــــــــــــها

حبــــيـبتـــك ما تحمــــل هالبـــها ذيلــــي

اضحــــك معاهـــا ولاطفــــها ولاعبــــــها

هـــيّــا تغــــزل و غن و زيــــــــــد تدليلي

البـــــــنـــت يا حبــــها للي يداعبـــــــــها

قـــلــي اش رايــك بفســتــاني و منديلــي

ألوانهن تعجـبك، أو مانت راغبهــــــــــا؟

و قلي اش رايك بعقــــدي مع خــــلاخيلي

و شف قــذلتي يوم قصّيـــــنا ذوايبهــــــا

وقلـــي اش رايك..بأطبــاعي و أقــاويلي

لاحظ عليـــــها و غيّـــــرها و شطّيـــــــها

خل بينـــنا انقــاش و علـــوم و تعــــاليلي

وآمر على البنت و إن حبــــيت طالبـــــــها

يا مـــــدمــــن الهــمّ كـــافي دمع بالليلي

بكره بتشبع من الدنـــيــــا و مصــــايبهــا

دنيـــــاك والله...ما تســـــوى التـــزاعيلي

حتـــى ولا هيب كـــفـــو اللــي يعـــــاتبها
**********
عابرة سبيل

وجد الكتابة
17-05-2001, 05:36 PM
ضب الغالي
انا مع اي انقلاب عسكري او غير عسكري
:D
سر ونحن من ورائك
دمت يا الغالي

الراشد
17-05-2001, 05:50 PM
سيدي الغالي الضب
مساء المشرفين والمراقبين كلهم
مسائكم عسل وعاشق
مساكم الله بالخير

سر ونحن من ورائك
فكره جميله جدا
حاضر يافندم

تقبل تحياتي
عسكري كبايه :D
الراشـــد

smart ghost
17-05-2001, 06:46 PM
فكره حلوه يالاطخم.

يعطيك الف عافيه.

افتح موضوع يكون للمساجله واربط احزامك.


تحياتي.

][ملك الشات رفيع الشان][
http://www.mypage.ayna.com/hams_a/nawaf.jpg

صيد
17-05-2001, 07:43 PM
هلا....هلا...هلا ...هلا ..والله ...هلا وغلا بمشرفنا العزيز.....
ايه يااخي قل كذا من زمان ...الحين تعجبني:)..
بديت تعطي دروس لنا يالناشئين..:) انا واشكالي...
شكرا بقوووه...اقوى كل ابو شي ..:)

ياللــــــه ..ياانا مشتاقه للمشاركه بشكل خيالي....
بس يااخي الطريقه معقده يبيلها سبوره علشان افهمها..:)

<====استيعابها ضعيف ...:) واحيانا ضعيف جدا...
......
لحظه ابقراها ثانيه..:)
<===والله من جد راحت تقراها ...

فاصل اعلاني....ومناظر من حفر الباطن ....شلالات وغابات .:):)
<==جت..:)
اممممـ والله الفكره ذكيه ..وانت ياحليلك ماقصرت حاط امثله..:)

بس عندي ملاحظات :

اولا : يااخي ماجبت سيرتي وانا واشكالي يصلح انشارك ولا الشغله للفطاحله بس وحنا نكتفي بالاستفاده من المتابعه ..<===حلوه الفطاحله تحس ان البنت مثقفه:)

ثانيا : ان حصل ونزل احد بيت.. وزنه لك عليه ...المفروض انت اتعدل الوزن لانك انت صاحب الفكره....

رابعا : ورى الربع مابدو وش يحترون ...:):)كانهم يحترون موافقتي تراني موافقه...:)

خامسا: عندي موضوع من نفس هالنوعيه جاهز ابنزله بس علشان موضوعك هذا مانيب منزلته الحين..:)
<====حبيبه الله يخليها لعين ترجيها:)

عن اذنك مشرفنا ....ممكن احاكي عاشق وفا..:)

عاشق وفا يااخي انت عندك خفه دم مهيب صاحيه ابد ...اجل لقيت الدوله ممسوحه هههههههههههههه :)
بيني وبينك انا اللي ماسحتها:)
<====طالع اشاعه قويه انها مشرف سري..:cool:
معليش ياعاشق:) حنا يالمشرفين...:cool: .يااخي نتعب :)
عاد في مرره وانا تعبانه من تحذيف المواضيع وتعديلها فتحت ملفك وطحت على دولتك يااخي استفزتني العباره مدري ليش اخنقتني العبره يوم قريتها ..وشطبتها:)
والقصيده اكثر من رائعه شكرا لك:)
<====راحت تحذف القصيده...

الهلال
18-05-2001, 06:14 AM
لاه لاه ...

هذي سواياك يا ضب ... افااااااااااااااااا

والله لعلم والله لقول ..ان ضضوبي اكل الفول


هين اذا ماعلمت عليك .

<==== ملقوف المقصب :fff:



انت منت طبيعي ..

وخذ هالبيتين ..تحدي لك وللكل ..


فواتير ياقلب العنا فواتير

فواتير وش ذنبي انا فوتير

شرقاوي
19-05-2001, 06:05 AM
احلى مشرف بالشرق الاوسط ومحيط البلقان:D

اقول "go head" وماعليك بس..

من ودك نقلبه اول شي؟؟؟؟:D :D

ماجد ناصر
19-05-2001, 07:53 AM
ضب ياخوي وينك ترى ودنا ننقلب بسرعه ادامنا متحمسين:)

جريح الشوق
19-05-2001, 12:13 PM
اخواني..
السلام عليكم

وانا هم بعد سجلوني بقافلة الانقلاب حقتكم..
ولا يكون خاطرك ياضبنا (ابو الافكار) الا طيب ولايهونو الشباب..

اخوكم
العواجي