PDA

View Full Version : Com . الحــــاشــــي.www



الحاشي777
11-05-2001, 01:20 AM
(START )
غريبين هاللبنانيين…!!
الواحد أول ما يجي ..يمر بالمراحل التاليه
معلم شورما…
ثم…
معلم مطعم…
ثم….
شريك في المطعم…
ثم..
صاحب المطعم……..
وفي الأخير…

يدخل عليك طاق بنت البكّار ( ياشين السرج على البقره )…
واذا قلت له وين يبو شكيب..؟؟!!

دخل بطاقة الأحوال في عينك
…(( في ستة شهور …بس ))…‍‍!!
======

( SHIFT..!! )

الطبق الرئيسي :

شهادة جا………………….معية.
المقبلات :
1-½ كيلو شهادات كمبيوتر مع قليل من التهكر
…90جرام لغه إنجليزية ….
- رخصه قياده مقطعة شرايح ….4
- 13 كيلو( عام ) خبرة ….
****سيدتي…
**اخلطي اللي فوق خلطا مبرحا …
** ضعي الخلطة في طبق أخضر اللون (( من أبو ريالين ))
** ادخليها في فرن الديوان لمده عشر سنوات .((قابله للزيادة ..على حسب واسطتك )) ….
** تحت حرارة جوال مفصول
** أخرجيها وضعي عليها بعضا من الخبره في مجال الكبائن واسواق الخضرة..
** قدميها لضيفك الكريم ( كراميل ) في مكتبه الفخــــــ(ذ)ـــم ..يمكن يلاقي لك وظيفة مش (بطالة )..
**** .هاه..(شفت) ولا ما(شفت) ؟؟****
======
(CHAT)
مدمن وشو(شات )…………‍‍‍‍‍‍‍‍!!
راح لعزومه…!!
ودخل المجلس وقال ..السلام عليكم ورحمة الله وبركاته (ENTER )

…(شاتــ)ـوووه من العزومه..‍‍!!
======
(CONTROL)
وجيه العشيرة في شق الشيخ / فليحان باتستوتا …يتقهوون كوكا كولا ..ويستمعون الى نجوى كرم وهي تجر الربابة (( اغدي هر مدعوس على خط الحفر )) ….يدخل عليهم الراعي/وليد ألا فدغ ((من ربع فدغون )) وهو يصيح ويلي ويلالالاه ,متمنطقا شبريته ((مسيومه بربعه آلاف ))… على ظهره صوف كبش لونه كاروهات…ولابس جزمه فرزاتشي…الحق الحق يعم الشيييييخ ..الحلال أنسرق يعمي….‍‍!! ماريا مرسيدس وجماعتها انهبوووه…….قال الشيخ/ شو عم تئول ولاك (( داخل جو مع نجوى ))…انتفض الشيخ شوي وتنحنح ..احم احم…..وش هالعلم ؟؟ وش تقول ياولد…؟؟.!!!…فدعان ,مصيول ,شليويح , أرنولد..((من وين جاء ارنولد ذا ؟؟ )) ظهورهن يالنشامى…عييييييييههوااااااااا…وانطلق الفرسان الى خارج الشق يبون خيولهم…بس مالقوها…….نسوا انهم اجّروها على الكورنيش……..وشنساااااااااوي ياطويل العمر ؟؟؟…لمعت عين الشيخ وابتسم ابتسامه صفراء ((لون سنونه )) وبحركه خطافيه سريعه حط يده في جيبه وطلع الجوال….(( الشرطه في خدمه الشعب ))..***ورئصني يا قدع..!!***
======



(SPACE )
البعير يقول لولده الحاشي : شايف هذاك السيكل اللي جاي من هناااااااااااااااااك..؟…إذا قرب علينا…انسدح قدامه…!
ابيك تمسك خط السليل –وادي الدواسر بعدي….
.بكره عندي عمليه انتحاريه على خط الشرقيه…!!!
======


(ERROR)
طرررررااااخ عوايل…….‍‍!!
آسفين عوايل…….!!
ما تشوف أنت لوحه عوايل……!!
فقط عوايل……!!
ضف وجهك عوايل……..!!
معك احد ما اهلك كان ودي أخدمك …!!بس عوايل…….!!
الربوع والخميس والجمعه عوايل………….!!
الحمد لله أخيرا لقينا شئ للي مهوب عوايل….!!
وين ؟؟
ما تشوف هذيك اللوحة…
(( مقهى الدجه للشباب فقط ..معسل ..شيشة…جراك ….تشفيط بنزين))
شعارنا …" ادهن سير القهوجي…وخذ لك نص لفه "
======

(HOME PAGE)
أبشركم بتزوج يامبزره……!!!
وشلون وأنت ما عندك دراهم..؟؟ وتوّك ورور..؟؟
…ابد والله استقدمنا خدامه..!!
=======
(DELETE)
أتوقع يوم راح نقول (( كيفكن ؟ ))…بدال (( اشلونكم..!!)) والبركة في رزان وما جاورها..!!
======
(WINDOWS)
عفوا…‍‍!
لا نستطيع خدمتك حاليا…
الرجاء التوجه الى الكاونتر الآخر
((نعتز بخدمتكم ))..!!
والله لو فيه غيركم ما جيتكم..
=======
(ESCAPE )
أم وائل ………………تصيح على خدامتها الإندونيسية ..ألفيا ..يا ألفيا…
..روحي ساعدي وائل في واجب القواعد..وركّزي على الإعراب
…..إيه وش كنا نقول يا أم تركي…
…..طوط….طوط…طوط……….طوط........
=======
( END )إذا ما رديت على ردودكم ..فاعرفوا إن بيل غيتس قدّم علي في الحقوق المدنية….(( أنا اسمي مكتوب..؟؟‍‍!!))



================================================== ====
تحياتي…:)
.
.
.
.
.
.
.
.
.
.
انتبه عبور بعارين…!!
مسنجر بعروري:
al7ashy@hotmail.com

فدغون
11-05-2001, 07:49 AM
أه يالقهري يالحاشي .. كسايوك سوى Delete لشي قبل ما Shift ــه !!

بس حركة إسمي في الكونترول !! :)

المهم وش كنت أبي منك .. وشو ياربي .. إيه .. عندك كرت مغسلة زايد ؟؟ ياخي ما بقى إلا الكرت الخامس و أغسل موتري بلاش .. تكفى ياخي !!

الحاشي777
11-05-2001, 08:34 AM
فدغون...:)
هلا والله بشيخ الفدغان..:):)
وش في حركاتي...;)
شف من ناحيه كرت المغسله...والله ماعندي بس اعرف لك مغسله توها فاتحه جديد مسويه خصم 30% ..بس مايزبطون المرزام:)
.
.


.
.تعال شوي ابيك...
وش الي ماshiftــه وانا اعلمك :cool:

mr_mosta7el
11-05-2001, 01:10 PM
تسلم يالحاشي
ننتظر اكتمال الردود ليشرف الموضوع الروائع :):)

الحاشي777
11-05-2001, 08:20 PM
mr_mosta7el
:):)
:)<=== ابتسام..اجمل كلمه..اولها (أب).....واخرها....(أم )
ردك هو التشريف:)
((بدا النصب))

الساخرة
11-05-2001, 10:56 PM
خل أبو وائل يقول لـ / أم وائل
سيا تشنتا كامو
علشان الشغالة تفهم:o

الحاشي777
12-05-2001, 10:23 AM
الساخره...(بدون نقطه):cool:
ابا كابر..؟
ناما ساما كامو...:)

صاحب الددسن
14-05-2001, 10:12 PM
الحاشي يعطيك العافية00.


وهذا بلاء ابوك ياعقاب000


اذا تبي نسوي مثل الربع نبي نأخذ00 كثير 000


نعمر عماير نسكن فلل نركب شبح نسبح بالغدير0

ونحصل علىاشتراك للعمر كله مجانا من شركةاثير000


شوف اخي ما بدياك تتكلم هيك 00

احنا اللي عازنا ومئوينا وساندنا بها البلد اهله الكبار خيو00شوبك اخي00ما عم تفهم 00


الله يخلي لياك اخي 0000

العميل
17-05-2001, 08:02 AM
Enter

رائع اخوي الحاشي 777

space

موضوع من المواضيع الساخرة الجميلة والنادرة

تسلم يمينك

ESC

----------------------

MERSAL
17-05-2001, 12:15 PM
حاشي قول وفعل

ماعنده لعب

دفش في اسلوبه عشانه يقول الحقيقه

يعطيك العافية

End

روابي نجد
17-05-2001, 04:39 PM
اهلين حاااااشي افندي كيفك وش اخباااارك<====== تمون مره .

والله موضووووووع حركه رهيب ومفيد
تسلم
وكثر من هالنوعياااات
تقبل تحياتي
اختك روابي نجد
:) :) :) :) :) :) :) :) :)

عبير
18-05-2001, 10:13 AM
الحاشي
كوكتيل رهيب .. وحركة جميلة .. وان كان على بيل قينس خله علي انا اتفاهم معه
بس اتحفنا بهالكوكتيلات الحلوة
< - - - واسطة بس ما احد درا عنها
بس ياخوي فيه مططلحات كثيرة ما عرفتها ..
منها بنت البكار !!!!!!!!!! وشي ؟؟؟

اختك عبير

الحاشي777
18-05-2001, 10:17 AM
صاحب الددسن..:)
هلا وغلا فيك....
طيب ياعمي خليني (كفّي )...:)
===
العميل..
CAPS LOCK
...يعني الكبير ..كبير...:)
وانت كبير..:)
وياهلا

=====
MERSAL
:)
هلا اخوي تسلم والله..
حياك:)
===
روابي نجد..
نعم..؟ اي خدمه..؟؟.من متى المعرفه..؟؟:cool:
<====اخلاقه سياحيه..:)
ياهلا ووغلا اختي ,,,تمونين وبقوه:)

240L
18-05-2001, 01:53 PM
منننننننننننننننننتهي ..... وراسك فيه فتحه

KSA_UK
18-05-2001, 02:08 PM
قهن قهن قهن ,, تنسيم صح,,,
بعد خشمك نبي نسخة للروائع

عسل
03-06-2001, 02:00 AM
من اروع ماقرات بصراحه

فكره

اسلوب


واخراج ..


تحياتي لك اخوي