PDA

View Full Version : وجديــات (2)



وجد الكتابة
18-05-2001, 05:52 PM
اتت بسلال الورد الى قبره
سلال لا تعني الحزن
بل تعني النصر
اعتقدت انها انتصرت بعد رحيله
اعتقدت انها كسرت كبريائه
وجرحت اعتزازه بنفسه!!
----------------

ما ابي هذي الورود ..ما ابي هذي المشاعر
يكفي بجنبي لحود..وصوت اشباح المقابر
صاحبي اشوفه دود.. ينخر بعظمي ويسافر
والشواهد لي جنود .. يا كثر هذي العساكر
ظلي براق ورعود .. وشمسي مطلية بحوافر
الوتر فارق له عود .. والحبيب ابعد مسافر
ظنتك ميت يعود؟؟ .. ما يعود مهما يكابر
دمعتك لا لا تجود .. ماهو وقت للمظاهر
اذبحت خالد عنود .. وانتهى شعر وخواطر
منهو يكتب بالخدود؟ .. ويتغزل بالمحاجر؟
ويرسم اشكال النهود؟ .. ويتعداها ويخاطر؟
منهو غيري بهالوجود .. يستحق يكون شاعر؟
ويشعل انفاس الجمود .. ويتحداني ويغامر
بنهي وقته بكل برود .. واجبره ينسى الدفاتر
ويمسي ليله بكل شرود .. يشتكي من حظ عاثر
ايش جابه للاسود .. تنهشه مثل الكواسر
خله بجنب الفهود .. يقصد بشعره ويعافر
خبريهم لو يعود .. يرحل الحرف صاغر
وينتشلهم من ركود .. امس واليوم وباكر
خبريهم يا العنود .. وجد للحينه ساحر

عاشق وفاء
18-05-2001, 06:11 PM
ما رايح أرد علشان ما أصير أول واحد :)

لكن حبيت أقول لك أن المرأة تضحي بكل شي من أجل أن تحصل على ما تريد واذا حصل مرادها اصبح الأمر سيان بالنسبة لها وجوده كعدمه.

لي عوده
تحياتي

وجد الكتابة
18-05-2001, 06:17 PM
هلا عاشق
ما رديت اول واحد تعجبني
:)
اختلف معاك على فكرة بالراي
برغم كلماتي المكتوبة
وانتظر عودتك

الراشد
18-05-2001, 07:40 PM
ياوجد الكتابه
مساء عاشق يوم حبته وفاء

سيدي انت مميز دائما
وتقطف من كل البساتين
وتبدع في كل الميادين
والله يبعد عنك الشياطين

تحياتي لوجد ووجد

الراشــد:):)

ياويلك من عاشق جايك :D

صيد
18-05-2001, 07:42 PM
يؤ...]}...]}....:)

ههههههههه وجد الكتابه ......حلوه كلماتك كثييير ..رهيبه ..احييك عليها.:)

واكيد لو انها بترد عليك كان تقول انت سااحر ومجنوووووووون بعد ...هههههههههههههههه.......:)

وجد اسمحلي مااادري لييش تقمصت شخصيه... المغروره.... هذي اللي اسمها العنود ...ورديت اسمع ردي عاد.....:)


روع الشاعر عنود ...........وقلبها بالحيل نادر

وقلبت كل الردود ............ماتبي له رد فاتر

تعرف للقلب حدود.......... والبعد فيه مخاطر

ساحر وسحره يزود.........وللضحايا مايزاور

ظني القلب جلمود.........كيف يسمح للصغاير

تبعده عن العنود.............الحب مافيه مكابر


وكان القلب مهدود .......ياكثر والله الجوابر

بس.قلبها .مشدود.........مايبي غيره وحاير

يشتكي من الصدود.....واشتكت منه المحابر

وللسحر دوى موجود......تعويذه تقي مخاطر......:)

وسلامتك :)
اختك الصيد..:)

وجد الكتابة
18-05-2001, 07:50 PM
الراشد
يا هلا وغلا بالاقرع
:)
هذا كلام عاشق مو كلامي
:)
-----
تسلم لي يا الراشد
الله يديم الشعر
قصدي القصيد مو شعر الراس
:p

وجد الكتابة
18-05-2001, 07:56 PM
شاعرتنا الكبيره صيد
يا هلا وغلا
انا جدا سعيد بان كلماتي اثارتك
وشاكر لك تقمصك الشخصية
لكن شكلك ممثلة جيده
:p
اتقنتي الدور
اكيد مغرورة

:D :D
الله لا يحرمني وجودك
دمتي لي يا الغاليه

ماجد ناصر
18-05-2001, 10:26 PM
على العاده على العاده وجد مبدع وبزياده:)

صح لسانك ياوجد روعه

شرقاوي
19-05-2001, 04:55 AM
وجد الكتابه:)

تسمحي لي اقولك انك تجاوزت مرحلة الابداع والشاعريه..واقبل مني هالكلمتين:

انت ياوجد كما الغيمه..
اللي من ديره لديره..
تنثر مطرها..
وتنبسط ناس مقيمه..

ضب آطخم
19-05-2001, 04:58 PM
برضه العنود ... ياخي مالك حق الدور ها المره علي وضحى

:) :)

صح لسانك يا عزوتي ... صاحب خيال خصب وفكره جديده ..

لا عدمتك

وجد الكتابة
19-05-2001, 07:48 PM
ماجد ناصر
تسلم لي عادتك
:)
وعلى العاده انشاءالله متواصلين
دمت لي

وجد الكتابة
19-05-2001, 07:51 PM
انت ياوجد كما الغيمه..
اللي من ديره لديره..
تنثر مطرها..
وتنبسط ناس مقيمه..
=============
شرقاوي حبيب قلبي
تسلم لي والله
واذا انا غيم انتم المطر اللي يجيبه الغيم
;)
شاكر لك الحضور والاطراء
والشعر
:)

وجد الكتابة
19-05-2001, 07:53 PM
ضب اطخم
يا هلا وغلا
لا شكلي بسوي تعاقد مع العنود خلاص
;)
من عطتني بريدها والمسكينة توهقت فيني
تخبر يا العنود ممكن بريدك
:)
دمت لي يا الغالي

beauty
20-05-2001, 10:03 AM
وجد ...
خايفة اتكلم وما اوفيك حقك ....
والله خايفة اقول اي شي ...
كلماتك رائعة ومتألقة كما انت دااائما ....
وابدا ....
;) ;)