PDA

View Full Version : نبع الغرام



جريح الشوق
19-05-2001, 10:48 AM
إخواني السلام عليكم
كان بودي ان اضع صوره كخلفيه لهذه القصيده ولكن ضيق الوقت وانشغالي بتصميم موقعي حالا دون ذلك ..

فضلا اخي إذا اردت ان ترى قصيدة (لمستك) إضعط هنا (http://www.geocities.com/vamoire/Images/Hamsitak.htm)

اخوكم.
جريح الشوق
24/2/1422هـ

ضب آطخم
19-05-2001, 04:32 PM
ما طلع شي :(

جريح الشوق
19-05-2001, 05:40 PM
اخوي الحبيب ضب اطخم

هذي كلمات موضوعي واتمنى انك ماتاخذ على خاطرك منا ..
---------------------
لمستك

لمستك تحنان
هتــــان الربيع
لالمستك هل يراع
الزهر
وعانقت دنياي..آلاء الحنان
تشرق بروحي شمس
انفاسك أمان ..
يالنديــــــــــــم
أنت ....
بالعشق من أول قديـــــــــــــم
ترسم حروف ..وآهات العذاب
عينك الكحلى .. تنبع مع غرام
همستك أحلامٍ تداعب مسمعي
لاضوى ثغرك..
بي ضوى فكري ..
وشَع نسناس برضا
وسلّمت.. دنياي
لك مقاليد الحكم
احكم على شرعك
وافعل مابدى
لو ترى الغيمه على قاع الصّخر
صادق بدنياي ..لك قوانين الحِكم
طوع أناملك
طاقه ماتقِل ..
تدفع طموحي ..وبك لاخر مدى
تبني قصور الحب
ترسمها دفا..
وتحفر دروب الود
ترسيها وفا
راسخ وشامخ
ولا مثله عهد
تزهر ببستان شوقي
يحتويك ... تثري النسمات ودي
واحتريك ..
رمشك .. مع طيور الحب
حرض النغمات
لول من ضوّ الشهب
تبهر القاصي
وتهلك من قرب
بعدك..الله العالم
كيف أقدر أعيش
عقبك انتي دنيتي
مرسمها يضيع
ويندحل
مثل ماروحي بدربك انمحت
شوف...
يا إله الكون ..قالو أتعبت القصيد
مادرو عن هواي
اهو بيت القصيد
هو ان بنا حرفي ... قسّم للعنا
شعري المهموم
بين قلبٍ وسمع
هو... من نعا روحي
من يوم الوعد
و قال لي .. خذ عهد
السعاده ذي لايمكن تدوم
هذي الدنيا
ماتعطي هنا...

جريح الشوق

24/2/1422هـ

صيد
19-05-2001, 06:02 PM
ايش هذا ياهوووووه ياجريح الشوق ...

ايش الذوق هذا...روعه ...كلماتك وتنسيقك يستاهل من يوصلها

على رجوله مو بس يضغط:)

روعه ..الصراحه التنسيق كان قممه في الذوق ..:)

<===تبي تقهر الضب لانها ماطلعت له:)

الصراحه مسكين اللي ماطلعتله;)

احييك مرتين كل تحيه اكبر من الثانيه ..:)

الاولى للكلمات الراقيه ..والثانيه للتنسيق الراقي بعد..:)

وواصل ابداعك ..:)

اختك الصيد...

عاشق وفاء
19-05-2001, 06:31 PM
العزيز جريح الشوق

مساء الخير

تسلم الأيادي وكلمات تستاهل وقفه طويله

يعطيك الف عافيه وعقبال ما نشوف الموقع كامل انشالله

بالتوفيق وتقبل تحياتي

الراشد
19-05-2001, 07:19 PM
جريح الشوق
مساء الخير

ااصف جمالها ام رعة التصميم
ام المعنى
لقد قمت بتخزين العنوان لانه يحتاج الى قرأه طويله وتأني
بالأضافه الى نسخها وأهدائها الى الاحبه والاصدقاء
جريح ااطلق عليك بش مهندس
ام اطلق عليك صاحب قلم اكثر من رائع
انت كليهما معن

لكى مني كل التقدير والاحترام

الراشــــد:):)

امير المحبين
19-05-2001, 07:23 PM
اوووووه...والله احلى كلام يا جريح الشوق....

مو غريبه عليك...دايم مبدع....صح لسانك..

جريح الشوق
20-05-2001, 10:18 PM
ختي الغاليه صيد

ايش هذا انتي ياهوه مو انا ..

ايش المدح هذا .. الله يسلمك يالغاليه الف مليون سلام على كل حرف كتبتيه ..

ونتعنا لك انشالله بالافراح يالطيبه..

وعلى فكره تري وربي عمري ماحبيت ضب الا ضبكم ذا الطيب :)

واخيرا رقي الكلمه من رقي القارئ اذا قدر يفهم حروفها ..

واشكرك على كل لحظه استقطعها موضوعي من وقتك ..

اخوك

العواجي

جريح الشوق
20-05-2001, 10:22 PM
اخوي الحبيب عاشق وفا

وتسلم يالحبيب على تشريفك صفحتي..
وترى واله انا مقصر معاكم بس الله يخليكم اعذروني ..
وربي هو ضيق الوقت السبب ..
وايضا روعة مشاركاتكم اللي ماتستاهل رد كلمه ولا كلمتين ..

تقبل شكري وامتناني
اخوك
العواجي

ضب آطخم
20-05-2001, 11:49 PM
برضة ما طلعت

:(

:)

لا عدمتك يا غالي ..

خيال خصب وكلمات شفافه تداعب الوجدان

ولك اعذب التحايا

جريح الشوق
22-05-2001, 01:06 AM
اخوي الغالي الراشد

اخجلت حروفي والجمت غروري...
شكرا لك يااستاذي الرائع على كل هذا الكم من التشجيع والاطراء

تقبل شكري وامتناني
اخوك
جريح

جريح الشوق
22-05-2001, 02:24 AM
اخوي العزيز أمير المحبين
اهلا الف مليون بكل المحبين واميرهم..
اشكرك على تشريفك لفقير حرفي ..بغني لطفك ..

تقبل تحياتي
اخوك
جريح

وهج
22-05-2001, 05:17 AM
مساهمة جميلة
اعجبتني في دفئها
تحياتي لقلمك صادق المشاعر
وهج الساخر

جريح الشوق
24-05-2001, 07:03 PM
وهج الساخر
الف شكر لك على كرم وقوفك ولطف حروفك

تحياتي لك
اخوك
جريح