PDA

View Full Version : المشتاق والغيمة (غيمة هم)



عاشق وفاء
19-05-2001, 09:45 PM
مساء الخير

وكالعادة يطل عليكم عاشق بخيانة جديدة
اتمنى أن تنال استحسانكم ورضاكم


المشتاق والغيمة

هـذي هـديـتك يا بنت خوذيها
******مـا لـها بـدونـك أي قـيمة
مـن غلاهـا جديدة محتـفظ فيها
****** واليـوم صارت الـذكرى أليمة
مـن كـل قـلـبي بـقول ما ابيها
******لأجل إني خايـن وانت عظيمه
ما يستاهل المشتاق ليش تهـديها
****** ما شـفتي منـه غير ذل وظليمه
يـا خسـارة فـيـّةٍ كنـت مغليها
****** تاهت بعد نوري بدروب ظليـمه
كانت حياتي في الروح مخـفيـها
******مـن حـبـها والله روحي سقيمة
خانـت وباعت من كان شاريـهـا
******قـالـت أريـد المـال للحب قيمة
لا واحسـافــة ذاك الوصف فيها
******أتبرّى واتعذر عن أبياتي القديمة
حروف شعـري أرجـوك تنسيـها
******لا تذكري قصة المشتاق والغيمه
ولابكيتي طيبتي غصب بتذكريها
****** بتذكري المشـتاق بخصال كريمة
ما عـاد به خافي خلاص قوليها
******إني وفي وانت لاقدر ولا حشيمة
خـوذي هـديتـك للزين واهـديها
****** يمكن يـقول الله يـا انتِ وسيمة
ما درى عن عهود بالأمس خنتيها
******ولـو درى مطلبه فـراش ونديمة
يقول أحـبك يا حـياتي وافـهميها
******انتِ صرتي للـرخم أطيب وليمـة
باكـر دمعـتك على الخـد تخفيها
******ما ودك عيون الناس تقرا الجريمة
فضيحتك يـشهد الله ماأرتجيها
******مـا أرتجـي الدمعة لبنت يـتيمه
حـزين دمعتي على الخد شـوفيها
******لأجلها ولأجـلك قطّع القلب ضيمه

وجد الكتابة
19-05-2001, 10:00 PM
عاشق وفاء
في البداية مساءك خيانه
:D
قصدي مساؤك حب وعشق
شوف عاشق
الكلمات فوق الوصف
يمكن فيها من القسوة كثير
بس انا اعرف ان صاحب الكتابات القاسية دايما ما يكون عكس كتاباته!!
ولا لا ابو وفاء؟
المهم
موضوع الخيانة موضوع انتشر في الفترة الاخيرة بين المجتمعات الاستقراطية
وحاول المسئولون جهدهم لمنع هذا التفشي الواضح
ولكن يا عاشق
:p
اتغشمر يبو وفاء
----
ارجع واقول قصيدة ولا اروع
واتوقع منك الكثير يا عاشق خلال الايام الجايه

عاشق وفاء
19-05-2001, 11:40 PM
عزيزي ابوالوجد

مساءك جنه
الله يخليك وصل سلامي لصاحبة الجنة

مشكور ابوالوجد على كلامك اللي كله جمال وسحر
والقسوة هذي تمثل قوة روابط الحب فلو لم يكن الحب موجودا وبقوة لما تألمنا للخيانه.:we:

انا برضوا اتوقع مني الكثير (ناوي اريح 20 يوم)

تحياتي :D

روابي نجد
20-05-2001, 12:48 AM
روووووووعه بكل معنى الكلمه
قصيده قمه في الابداع
رغم قساوتها وقوه كلماتها
بس الصراحه ولا أروع
اتمنى لك كل توفيق
اختك روابي نجد
:) :) :) :) :) :) :)

ماجد ناصر
20-05-2001, 04:40 AM
يقول أحـبك يا حـياتي وافـهميها
******انتِ صرتي للـرخم أطيب وليمـة
باكـر دمعـتك على الخـد تخفيها
******ما ودك عيون الناس تقرا الجريمة


حلووووو الكلام يعطيك العافيه ياعاشق كالعاده مبدع

شرقاوي
20-05-2001, 04:47 AM
عاشق وفاء:)

تصور الخيانه بقوه كبيره...
ابياتك فيها الكثير والكثير..

بس ليش انت مغير تكتب عن الخيانه والغدر؟؟؟؟

مدري بس الظاهر انك من النوع اللي يبدع في تصوير الغدر والخيانه والم الفراق عكس عن تعبيرك عن الحب والوفاء والالتقاء بالمحبين..;)
وجهة نظر يمكن تصير صح ويمكن تصير غلط..

بس انت مبدع ومن نخبة المبدعين حبيب قلبي ..:)

laptop99
20-05-2001, 02:20 PM
اخوي
عاشق وفاء
لك وحشه انت وابداعاتك المتميزه
سلمت يمينك
ولا عدمناك يا غالي

امير المحبين
20-05-2001, 04:08 PM
تسجيل أعجاب قوي ...

بس مو أعجاب بالخيانه....بقمة الابداع التصويري

صيد
20-05-2001, 04:50 PM
:( هلا بعاشق الوفا المفقود:(

الصراحه ابياتك رائعه ياعاشق...بس وش قصتك مع النكد مدري:(

احييك ياعاشق ..واحيي كلماتك اللي تكلم القلب قبل لاتمر بلاذن:)


اختك الصيد..

mr_mosta7el
21-05-2001, 12:14 AM
عاشق وفا :)
اقترح تغير اسمك لعاشق الابداع
انسب لك يا بعدي

null
21-05-2001, 12:25 AM
مسكين معشوقك يا عاشق :(
راحت فيها وفاء ;)

ايش قصتك مع الخيانه ؟؟؟؟؟

تبي الصدق يالشاعر !
انا متأكد ان مشاعر الوفاء عندك تفوق الوصف
لذلك اجدك تتحدث دائما عن الخيانه
لخوفك من المجهول فيها :xx:

كلماتك فيها تصمير لواقع لا يعيشه الا القليل و لله الحمد :):)

عاشق وفاء
21-05-2001, 10:16 AM
العزيزة روابي نجد

مشكورة مشكورة اختي على ذوقك كلامك الحلو

والروعه بتشريفكم لمشاركاتي

والف مبروك خطوبتك من مبروك

تحياتي

عاشق وفاء
26-05-2001, 02:27 PM
العزيز ماجد

يعافيك يالغالي

والله لا يحرمني هالطله

تحياتي

===============

ابو الشروق والنور كله

مشكور على كلامك وتشجيعك

ويمكن اللي يعيش حياته فرح ووفاء يقدر يعبر عن التعاسة اكثر لأنها بتأثر فيه مو زي اللي عايشها دايما.

احتراماتي يالغالي

العامري
27-05-2001, 05:07 PM
ســلام . .
بصراحة قصيدة منظومة عــدل وصح لسانك . .
وعلى قولتهم لعبت في الساحة يا شاعر :) .

عاشق وفاء
28-05-2001, 08:37 PM
العزيز لاب توووب

مساء الخير

أحرجتني والله بكلماتك وذوقك
مشكور يالغالي
وانشالله ما تفقد غالي

تحياتي

============

العزيز امير المحبين

مساء الورد والحب
وسجل عندك ابداع وحضور زي العسل

مشكور يالغالي وهذا من ذوقك

عاشق وفاء
28-05-2001, 08:41 PM
العزيزه صيد

مساء الخير اختي
حضورك وذوقك وقلبك ابداع في ابداع
والنكد بتحبيه لكن استني شويه.

دعواتي لك
================
مستحيل

مساء الورد والجوري

مشكور على تشريفك وذوقك وطيبتك يابعدهم كلهم

واذا بغير اسمي بغيره الى عاشق مستحيل:D :D

تحياتي لك ياسابعهم