PDA

View Full Version : قــسـوة زمـاني (( للشاعر ابو تركي)) (مجهول سلمى)



ابو طيف
20-05-2001, 01:57 PM
بسم الله الرحمن الرحيم
اولا احب ان استأذن الأخوه الزملاء في عذب الكلام ان اقدم لكم هذه القصيده من
كلمات الأخ الشاعر / ابو تركي (( مجهول سلمى )) والحقيقه ابو تركي معجب بهذا المنتدى ولكن لمشاغله لا يستطيع مشاركتنا علما بأنني سبق ان نزلت له قصيدة رد على احد قصائدي وسبق طرهما في عذب الكلام0 اسف على الاطاله واليكم القصيده0
قســـــــــوة زمــــــاني
تعال وقف نزيف الجـرح واوجاعه ***** مادام قلبك تقول انـه علـى قلبي
تعال وكل مطلبي والقصـد لو ساعه***** عن واقع الجرح تأخذني وترحلبي
تدري زماني حبيـبي شانت اوضاعه***** قيد دروبي ودربه صعب ياصلبي
ياشين هالـوقت مـنه النفس ملتـاعه***** قسـوة زماني لياقفـيت يقبـلبي
منهار كني سفـينه تفـقد شـراعـه ***** رهين الامواج لعمـاقه تحاولبي
والياس حطم طموح يصعب ارجاعه ***** شعورالاحباط وان طول يهبلـبي
تعال كل الطرايـق بانـت اخـداعه ***** وعرفت ليـه الاماني ماتت بقلبي
تعال ياقصى مـدى حلمي ومرباعه ***** تعال ابسكن حضورك وانت تنزلبي
تعال خذني رفضت الوقت واطماعه ***** وشديت حبل الرجاء بك لا تبهذلبي
تعال والي بقى مـن عمري الساعه ***** خذني بمداها وابنسى كـل ما حلبي

(((مجهـــــــــول سلمــــى))))

laptop99
20-05-2001, 02:41 PM
اخوي
ابو طيف يا هلا وغلا فيك
لك وحشه يا غالي
حلوه (زملاء)
احنا اخوان <===على باله يرقع :D
لا والله اخوان عزيزين وغاليين بعد
========
اما بالنسبه لـ مجهول سلمى <==== رايق الاسم
يا هلا فيه ونتمنى يكون عضو واخو بعد معنا
قصيده رائعه
صح لسان الشاعر
وسلمت يمينك على نقلها

سلم لنا عليه
ويعطيكم العافيه

وسلامتك

ضب آطخم
20-05-2001, 11:55 PM
يا بعدي والله انت وابو تركي القصايد الجزله مالها الا الروائع

صح لسان ابو تركي وسلمت يمينك

قصيده جزله ومعانيها وافيه

لا عدمتك

ولك تحياتي

ahmad
21-05-2001, 06:25 PM
تسلم والله على هالقصيده

Naif
30-06-2001, 09:53 PM
صح لسان الشاعر
وسلمت يمينك يا شيخ ايه هذي قصيده تستاهل تنشر في عذب الكلام ولا يهونون الاخوان
بصراحه شي حلو
تدري زماني حبيـبي شانت اوضاعه***** قيد دروبي ودربه صعب ياصلبي
ياشين هالـوقت مـنه النفس ملتـاعه***** قسـوة زماني لياقفـيت يقبـلبي

صح لسان الشاعر مره ثانيه وتسلم اخوي
ياليت تشاركنا كثير تثري عذب الكلام بمثل هذي القصايد
ولك تحياتي
نايف