PDA

View Full Version : رقص على اوتار الدمى الضاحكه



ن
20-05-2001, 08:26 PM
للصفحه الأولى ..
لجلد ماهوب بجلد اكتاب
لصفحه , مصفوفه بطريقه مبهره !
لكتاب من 20 صفحه
فيه من لغز الألغاز !
وعجايب زمن اثيم وحنايا مغبره !
قسايمه من الوتر اوتاد !
وصمغه دليل على جرم !
وقاريه حاكم يقرا لمعدوم في مقبره !
سبايله مقريه بليمار ..
وسطر منقوش بلحن زرياب !
ماكن التوليب حفر عطر القاع واهمره !
سواليف , اكذوب , وواسفار ؟!
من عناد القصص وطوفان الخلود !
لحكاوي حناوي سمر على النار ومجمره !
لصرعه العصر يحكي اوله ..
لأنجاز ذهب العصور ومملكه ..
صفحه ماخلت بالماضي ومجد سطره !
قريت بالأوله لطلحان من الشجر ..
ولصبيان غدو طلايب للحق ارجال ..
ولبحر من الشوق لشايب في أسمره !
قريت النوم , حقيقته , أسراره , خباياه ؟!
قريت فيه , ليه العاشق يبكي ؟
وليه يقولون يا ويلك من العشق مخطره ؟
قريت عن الوسن والبدن وسوق الندم !
وشفت نماذج مؤلمه , مثكله !
من غدر الزمان وعقوق لأم دموعها منهمره !!
شفت الجيران , مغدورين , مستباحين !
وشفت البيوت باقفال وترابيس !
وشفت خيانه جار لجاره بالبيت ومعه المره !
شهقت من ما اشوف , من ما اقرى !؟
ليه ؟
وش اللي صار ؟
وين حنا ؟
عصر اللآت والا مناه والا عزى ؟
اقلب بالكتاب الصفحات , ابي اقراه بالمقلوب !
مدري !؟
يمكن احصل شئ معقول أذكره !
للحين 18 صفحه كلها جراح !!!!؟
حتى ارقامها غبار وخط اصفر !
وريحه الحشرات فيها واصوات صرصره ؟!
باقي صفحتين !
قبل الأخيره مسرحيه "رقص على اوتار الدمى الضاحكه"
والصفحه الأخيره ..
بنت تبكي وبيدها صوره ابيض واسود لحبيبها !
تصيح وتبكي وترمي الخاتم وتقول ... ما أذكره !!!!!!!!!!!!!!!!