PDA

View Full Version : ========== هـــــــــــلا بــــــــــــــــك ============



شقران
21-05-2001, 02:17 PM
مساء الخيــــــــر بدون مقدمه طويله
قصيده رائعه للغالي
اخوي الواثق وهذا شي بسيط من غلاه انى انشر له وبعدين هنا اقدر امخمخ على قصيدته وانتو كذلك ابدوا رايكم بصراحه...

وترانا نتقبل النقد بصدر رحب ...


هــلابك كثرماتبرق بروقٍ فـ السماوتـلوح

......................وهـــلابك كثر ذرات الهوى ورمال الاسيافـي

هــلا في ضحكةٍ تملأ محيا وجهك الممـلوح

......................وهــلا بعيونك اللي رمشها من فوقها غافـي

هلابك يامنى نفسي وبلسم قلبي المجـروح

......................هــلا باللي على شوفه صحيت وقمت مـتعافـي

هلاباللي على قول العرب (شوفه يردالروح)

.....................هــلا باللي له رموش العيون فـراش ولحافـي

هلا باللي ولو يقسى عليه قلت له مسموح!!

.....................على شان الغـلا اللي ماهقيته يوم ينشافي!!

هلاباللي احس اني عليه من الوله مشفوح!

.....................هــلابه كثر ماتنقال كلمة (نعم) لــ سنافي

هـلا والشاهد الله ماتعلمت السهر والنوح

....................إلين اقفى..ولاغمضت جفني لين.. جا..لافــي!!

صيد
21-05-2001, 05:32 PM
شقران هلا بك..انت...:)
الصراحه ابيات اكثر من رائعه ....
احيك اخوك الواثق ...واشكرك لانك امتعتنا بها:)
اختك الصيد...

وهج
22-05-2001, 04:36 AM
قصيدة جميلة جدا
نشكر لك هذه المساهمة
تقبل تحياتي
وهج الساخر:yh:

ضب آطخم
22-05-2001, 09:17 AM
هلا والله بشقران

صح لسانك قصيده جزله

سلمت وفي انتظار الجديد

ولك تحياتي

ماجد ناصر
22-05-2001, 10:53 AM
صح لسانك وهلابك انت :)حياك الله معانا:)وفي انتظار المزيد

شقران
22-05-2001, 01:00 PM
الاخت صيد شكرا للرد والواثق يستاهل اكثر

تحياتي لك

شقران

شقران
22-05-2001, 01:02 PM
وهج اولا متوهق اقول الاخ ولا الاخت :)

شكرا لرايك وشكرا للرد

تحياتي لك

شقران

شقران
22-05-2001, 01:12 PM
ظب اطخم اولا يازين اسمك :)

شكرا لك وصح لسان الشاعر الواثق

لا توهقني معه يقول سرق قصيدتي ونتورط معه بعدين تصير انت السبب

اصلا هو مايدري انى ناشرها له ولا كان جمركني :) :)

انا ابيكم تنقدون القصيده على كيف كيفكم :)

طبعا اقصد نقد بناء تبينون وش الى اعجبكم في القصيده هل فيها شي معين لفت نظركم كلمات معينه ... الفكره ... الاسلوب ...

في انتظار مشاركاتكم

تحياتي لكم جميعا

شقران

شقران
22-05-2001, 01:15 PM
الاخ ماجد ناصر

صح بدنك يالغالي يسعدنا وجودك


تقبل تحياتي

شقران

laptop99
22-05-2001, 05:20 PM
الاخ
شقران
ياهلا وغلا فيك
========
قصيده جميله
يعطيك الف عافيه
وسلمت يمينك