PDA

View Full Version : لوبغيت اوصف جمالك ما قويت * عيت الاوصاف عن وصف الجميل



smart ghost
21-05-2001, 06:43 PM
لوبقيت اوصف جمالك ما قويت * عيت الاوصاف عن وصف الجميل

من جمال الكون ياخل اكتفيت* لين صرت الزين مالك من مثيل

تشبه نجوم السمايومك ضويت * وم القمر يازين في خدك دليل

خذ حياتي والعمر خذ ما بغيت* واشفي فواد غدى منك عليل

كم وكم ياشوق في دربك مشيت * ما يهم الدرب لو كان طويل

لجل عينك كل شي لك رضيت * بس ودي شوفة الرمش الكحيل

ما نسيت الود لو كانك نسيت * باقي طول العمر خل وزميل

لك حياة الروح باشواقي صفيت* وانت باوصالك على قلبي يخيل

من عينك ياالغلا صوبي رميت * سهم بقلبي غدى منه قتيل

لا تقول انك عن احوالي سليت * ولك دمع العين من موتي تسيل

من عروق القلب يوم انك ضميت * الفواد ارواك عذب السلسبيل

لو بغيت الروح روحي لك عطيت* لك حياة الروح ترخص يالخليل

ياحبيب الروح دام اني هويت * مستحيل انسى عيونك مستحيل


تحياتي.

][ملك الشات رفيع الشان][
http://www.mypage.ayna.com/hams_a/nawaf.jpg

امير المحبين
21-05-2001, 07:08 PM
مبدع دايم....ماهي غريبه عليك..

الله لا يخلينا منك ولا من كتاباتك..

وهج
22-05-2001, 06:40 AM
كلمات ولا اروع
تحياتي لك
ولقلمك ولمعانيك
اختك
وهج الساخر

ماجد ناصر
22-05-2001, 07:01 AM
صح لسانك رووووعه من جد تسلم على هالقصيده الحلوه:)

بس ياليت تعدل هالبيت عشان ينقرا زين:)

لو بقيت الروح روحي لك هديه * لك حياة الروح ترخص يالخليل

لوبغيت....................هديت

laptop99
22-05-2001, 08:41 AM
من عروق القلب يوم انك ضميت *** الفواد ارواك عذب السلسبيل

الاخ العزيز
smart ghost
يا هلا وغلا فيك
نورت لنا بعودتك
يخليك لنا
وتسلم على هالابداع
يا مبدع
ولك تحياتي

ضب آطخم
22-05-2001, 08:51 AM
الغالي سمارت

صح لسانك وسلمت يمينك

قصيده جزله وافيه كافيه .. ولو استبدلت كلمه ( هدية ) بــ ( عطيت ) لكن اولا للقافية ..... هذا من وجه نظري

ولك تحياتي

smart ghost
22-05-2001, 06:23 PM
تسلم اخوي امير هذا من طيبك والابداع اساسا يستقى من عذب كلامك.

تحياتي.


][ملك الشات رفيع الشان][
http://www.mypage.ayna.com/hams_a/nawaf.jpg

smart ghost
22-05-2001, 06:30 PM
مشكوره اخت وهج وياليت لو نشوف جديدك.

تحياتي.

][ملك الشات رفيع الشان][
http://www.mypage.ayna.com/hams_a/nawaf.jpg

smart ghost
22-05-2001, 08:06 PM
تسلم اخوي ماجد على هالرد الجميل وعلى هالتنبيه الاملائي.

تحياتي لك.


][ملك الشات رفيع الشان][
http://www.mypage.ayna.com/hams_a/nawaf.jpg

نسمة__خجل
23-05-2001, 03:30 AM
اخوي smart ghost
جميل جدا ما قراته لك ..
في انتظار جديدك.
تحياتي ...

smart ghost
23-05-2001, 12:47 PM
تسلمممم اخوي لاب وهذا من طيبك وننتظر جديدك.

تحياتي.

][ملك الشات رفيع الشان][http://www.mypage.ayna.com/hams_a/nawaf.jpg

mr_mosta7el
23-05-2001, 01:03 PM
smart ghost:):)
رائع كالعاده
اخوي سمارت انت حالة استثنائيه في الشعر
اتمنى لك التوفيق

نادر
24-05-2001, 02:04 PM
السلام عليكم ورحمة الله وبركاته

ابداعات تعانق النجوم ( يالذكي ) نطالب بالاستمراريه
تقديري وعظيم احترامي

شرقاوي
25-05-2001, 08:38 AM
smart ghost:)

صح لسانك يا مبدع..

قصيده قمه في الروعه والجمال وماهي غريبه منك يالغالي..

بانتظار جديدك..:)

النجديه
25-05-2001, 02:19 PM
smart ghost

يا عشق بالهوى ماله مثيل
يا شوق أوله نار وآخره لهيب
يالهفة الظميان للسلسبيل
ياتوجد الضرير لظل عنيد
مستحيل ...مستحيل
ابتر الشريان وانزفك
مستحيل ....

أخي جمال ورعة في سطورك و عمق جعل القلم
يكتب هامش فكانت كلماتي فعذرا لها .....

لك تحياتي

smart ghost
28-05-2001, 05:12 AM
الشكر الجزيل لكل الاخوان الذين قراءت ردودهم الجميله والرائعه ما حبيت اذكر اسماء لان كل واحد منهم له معزه خاصه عندي الله يوفقكم ونشوف جديدكم.

تحياتي.


][ملك الشات رفيع الشان][
http://www.mypage.ayna.com/hams_a/nawaf.jpg