PDA

View Full Version : برحـــــــــل



ماجد ناصر
22-05-2001, 06:21 AM
راحت
وانا انتظرها
عيت تجي
قمت احتظرها
قالت بروح
وماقدرت اردها
واخفيت دمعتي
ورى ضحكتي وبسمتي
نست من انا
ووش اكون لها
ونست اني
بسببها سموني
الحيران


مهما كان
للفراق
طعم مر
تحس بلحظه
بفقدانك للحنان
تحس كنك
منت بهالزمان
زهر يذبل
وسط بستان
ينتظر
رشة مطر
او قلب شفقان


اخاف احب
واخاف انسى
واخاف انهان
يابنت
لاتخافي
اركبي الموج
وتباهي
انتي غير
منتي مثل
اي انسان


عيونك
بالصحراء واحة نخيل
الرموش اشجار
والقلب ماء
مانضب
الجفاف حولك
وانتي الرطوبه
تروين اقسى
قلب
بالعذوبه
كلك مشاعر
وبوصالك كل
الامان


لالا
لاتخافين
انا فارس
وان ضيع دروبه
انا رجال
وان ضعفت
وقفتي مهيوبه
انا مااخون
ولوخانوني
كل الصحوبه
بعيني النظره
خجوله
وقلبي للاسف
ولهان


الدموع
مو معناها الخضوع
ابد ماتعني الضعف
ولاتسبب اللوع
الدمعه مصدر
قوتك
دموعك سيف
ودروع
الدمعه عنوان
للفرح
والدمعه لليأس
والالم والجوع
وحتى وان
نزلت دمعتي
تراني مااسألك
الرجوع
ولاابي اعيش
بهالمكان


صدقيني قرب
رحيلي
كلها ايام
واحزم حقائب
السفر
قولي راح
اه يالقهر
قولي ليتني
ماتركته
يحتضر
ماعاد فيه
للرجوع امل
خلاص انقطع
حبل الوصل
ولاعدنا مثل اول
حبايب وخلان


ــــــــــــــــــــــــــــــــــــــــــــ
وبرحل عن ديارك وبيوم بعود ......برجع وفي عيونك شكلي متغير
ماني ذاك الهايـم المـوعـود.......اللي حتى بالكلمــه يتحـيـر
برجـع قوي صلب االعــود........ماتهزني نظره ولاقلب يتسيـر
ماني قايل كـــلام ووعـود.......وبوقت الجــد اطلع صغـير
برجع مثل اسمي من الجـود........وكل فخـر لعيونـك بيجـيـر
ــــــــــــــــــــــــــــــــــــــــــــ

صيد
22-05-2001, 06:33 AM
روعه ياماجد ..:)
يؤ ..والله روعه :)
بس مالها حق تروح ....وتترك كل هالمشاعر;) ...والله ماعندها نظر....
اتصدق عاد سوت خير خلتك تكتب وتبدع وتمتعنا...:rolleyes:
بس كلماتك تحزن الصراحه :we: لان الوداع هو اشين شي في الدنيا :we: :we: :we:

واللي بهرني اكثر الابيات اللي في الاخر كانت رائعه :)
احييك ماجد ناصر ...انشاء الله تسلم لعذب الكلام وتمتعنا ..:)
<=====فرحانه لانها الاولى في الرد ..:)

اختك الصيد.....:

وهج
22-05-2001, 06:44 AM
وين فيه بترحل ؟؟
طلعة من ذا المنتدى ما فيه
<< -- ما قرات الا العنوان

اخي تحياتي لك
قصيدة بغاية الجمال

راحت
وانا انتظرها
عيت تجي
قمت احتظرها

تسلم فعلا على هذي المشاركة
تحياتي لك
وهج الساخر :)

laptop99
22-05-2001, 08:50 AM
الاخ
ماجد ناصر
مبدع كعادتك
تسلملي يا بعدي
يخليك ربي لنا
والله لا يحرمنا من ابداعاتك يا مبدع

meme
22-05-2001, 08:51 AM
رووووووووووعه .. من جد رووووووووووعه
وربي رووووووووعه
قسم بالله ابدعت الله يعطيك العافيه..

مهما كان
للفراق
طعم مر
تحس بلحظه
بفقدانك للحنان
تحس كنك
منت بهالزمان
===========
الدموع
مو معناها الخضوع
ابد ماتعني الضعف
ولاتسبب اللوع
الدمعه مصدر
قوتك
=========
من جد كل مقطع يغطي على الثاني..:xx:

تسلللللللم على هالكتابه والله يعطيك العافيه مره ثانيه..:)

ضب آطخم
22-05-2001, 09:15 AM
وصف رائع رائع رائع

مشاء الله عليك قدره عالية في تطويع المعاني والتشبيهات

سلمت يا غالي

ولك تحياتي

الله يصبرنا
22-05-2001, 11:53 AM
الله الله يابوناصر

وش هالجمال وش هالغزل
تدري انت وش غازلت يا ماجد
أنت غازلت الحروف
وغازلت المشاعر
وخلّيت سحابه بارده تمشي في الجوف
وتبرّد على القلب

الله الله يا ماجد
صح لسانك

وراح نظل نرحل
ونرحل
ونرحل يا ماجد

إلين نلقى قريتنا

فمان الله يا ماجد

طربة الطرايب
22-05-2001, 01:15 PM
كلمات مؤثره وفي غايه الشفافيه.....
انتقلت مع من خلال كلماتك الجذابه من هذه الحاله :jj: الى هذه الحاله:o
بصراحه اسلوبك يجبر الواحد انه يبحر فييييييه بعمق ....و يعيشششش معناه
احيي فيك هالموهبه ... والى مزيد من التقدمممممممممم;)

laptop99
22-05-2001, 05:23 PM
الاخ
ماجد ناصر
الغالي
مساك الله بالخير
===============
كلماتك روعه كعادتك يا مبدع
يعطيك الف الف الف الف عافيه على التميز يا مميز
===============
ولك تحياتي

null
22-05-2001, 06:17 PM
كلام حلو
يعطيك العوافي

smart ghost
22-05-2001, 06:20 PM
مهمى قلنا مبدع ما راااااح نوفيك حقك الصراااااحه كلالالالام جميل ورائع ومتعوب عليه الله يوفقك اخوي.

تحياتي.


][ملك الشات رفيع الشان][
http://www.mypage.ayna.com/hams_a/nawaf.jpg

امير المحبين
22-05-2001, 07:28 PM
ماجد...والله روعه من غير اي مجامله...فعلاً


سلمت يداك..

ماجد ناصر
23-05-2001, 04:59 AM
صيـــد عيونك الروعه :) عاد مدري وش وداها يمكن تبي تروح الفيصليه ولا شي:) شفتو اني اعرف الفيصليه:)

والله يسلمك ياصيد الموضوع يفرح انك اول من رد عليه:)

كلك ذوق
مشكــوره اختي:)

ماجد ناصر
23-05-2001, 05:01 AM
وهـــج وانا اقوى ارحل عنكم معقوله:)

والله يحييك ويسلمك كلك ذوق :)

ماجد ناصر
23-05-2001, 05:02 AM
لاب توب الله يسلمك ويخليك من ذوقك حبيب قلبيك:)

ماجد ناصر
23-05-2001, 05:03 AM
مي مي الله يسلمك عيونك الروعه :)مشكوره والله يعافيك ويخليك:)

ماجد ناصر
23-05-2001, 05:03 AM
ضب اطخم انت الرائع الله يحييك :)ومشكور عالرد يالغالي:)

ماجد ناصر
23-05-2001, 05:08 AM
الغالي مره الله يصبرنا اول شي حياك الله بالمنتدى واتمنى انك دايم تشاركنا فيه:) لاني اعرف تميزك وقدراتك:)ولي الشرف اني حظيت بأول رد منك:)

وصح بدنك حبيب قلبي :)
وصحيح كلنا بنرحل والغريب انه من يوم عرفنا الدنيا وهي رحيل في رحيل
من اول كانو الباديه يرحلون ويتنقلون واليوم حنا نرحل ونتنقل لكن بشكل ثاني

دمت لمحبيك خلاص عاد سولفت معاك واجد:) بعدين انا برحل لمدينه انت قروي خلك بقريتك :)

ترى المدينه والقريه كلهم غالين بس امزح وياك لاتدف

ماجد ناصر
23-05-2001, 05:10 AM
طربة الطرايب هلاوغلا ونورتي المنتدى :) بس عليك حالات غريبه شوي :)

عموما نتمنى انك تستمرين معنا وتشاركينا بشكل متواصل:)

والف شكر:)

ماجد ناصر
23-05-2001, 05:11 AM
null الله يعافيك ويخليك مشكور:)

laptop99 مساء الورد وحياك الله اخوي بصراحه لحست مخي :) شفت لك ردين وتوقعت انكم شخصين مختلفين يعني اسمين غير طلع نفسه :) لي ربع ساعه اطابق الحروف على بعض
:)
ويشرفني وجودك معانا يالغالي تسلم على مشاركتك الف شكر

ماجد ناصر
23-05-2001, 05:12 AM
smart ghost الله يسلمك ويخليك من ذوقك يالغالي مشكور:)بس تونا بدري عالابداع

ماجد ناصر
23-05-2001, 05:13 AM
امير المحبين الله يسلمك ويخليك :) هذا بس من حلاوة عيونك كلك ذوق:)

ومشكورين كلكم والله اني فرحت بردودكم :)م ا ق ص ر ت و