PDA

View Full Version : كل الحبـــايب



العامري
22-05-2001, 08:28 PM
ســــــــــــــلام لكل قراء ومتابعي المنتدى . .
كلمة حق قبل أي شي ..
منتداكم رائع واللي فيه ناس على درجة عالية من
الأخلاق والثقافة وأهم شي التعامل الحضاري . .
بس أتمنى إنه المنتدى يستمر على طـــول بس حتى
يتحفنا . . :) . . وإنشالله تتحملون اللي أكتبه . .

كل الحبايب عيدوا في العيد
إلا وليفـي يومها نسـاني
يسامحه ربي كم هو شديـد
ماوصلني مرة ساعة زمـاني
وصارت العبرة تزيـد وتزيد
تروح من قلبي اللي أعـاني
متعمد قاصد ودومـه عنيـد
غايته جرحي بكل المعـاني
بس منه يسدني وما أريــد
في ضعفـي عينه تـراني
رغم حسنه وإنه فريــــد
ورغم كذبه لي أعيــاني
ورغم إنه بقلبي وحيـــد
متربع فوق كل خـلاني
ما بكون لحبك أبد شهيـد
وبنهي كل همي وحرماني
وحتى لو شفتك من بعيـد
لا سلام مني ولانظرة أعياني
بتحمل لوعتي بالقصيـد
وأعيش في سجنها سجاني











عاشق وفــــا وربعه كتابــه
سـاخر نـت يالربع ينحكـابـه
عذب الكـــلام أروع أبــوابه
بيـت وإلا قصيــــدة قلنـابه
إن شرقنا وإلا بالغرب سرنابه
يبقى ساخـــر بس لأحبـــابـه



ولا يزعلون مني الربع الباقيين بس عاشق وفا أول اسم طرا على بالي
ومنــــــكم السموحة . .

ضب آطخم
22-05-2001, 08:57 PM
صح لسانك يا بعدي

هو القصيد من يحمل الاسى

وعاشق وفاء يستاهل كل خيار .. فارس للكلمه

سلمت يا غالي .. ولك تحياتي

وهج
23-05-2001, 02:24 AM
هلا فيك اخ العامري
كلماتك مميزة وطلتك ايضا
اتمنى لك طيب الاقامة بالساخر عموما
وعذب الكلام خصوصا
عن اذنك اكلم سعادة المشرف :
عاشق وفاء يستاهل كل جزر
شفت صورته ----> :D

تحياتي لكم

العامري
24-05-2001, 12:15 PM
والله ما عليكم زوووووووووود . .
مشرفين وإلا متابعين وتسلمون لي وأتمنى تستحملوني بينكم
وياليتني كنت حتى شويعر . .




ساخر نت يا أروع منتدى
روعة أقلامك وأحلى القصيد
الشعر عندك طفل توه ابتدا
يتعلم منك الحرف الجديد

mr_mosta7el
24-05-2001, 08:20 PM
السلام عليكم
اخوي الغالي العامري
اهنيك على روعتك ماشاءالله تبارك الله
و الحقيقة اسجل اعجابي باسلوبك
و جودت كلماتك
و حياك الله فارساً من فرسان الأبداع
تقبل تحياتي

العروس
24-05-2001, 09:53 PM
وأخيرا،،،،،،،،،،،،،
تشرفت بوجودك ياولد الاياويد واخيرا حصلت لي وليف من الامارات....

يامرحبا الساع،،
مرحبا مليون،،
بصراحة كلمات رائعه هب لانك ولد البلاد ولكن بالفعل كلام جميل،،،،

فحياك الله بينا...

أختك ،،،
العروس

العامري
25-05-2001, 03:53 AM
ســـــلام . .
مستحيل باشا . . تسلملي إنته مستحيل صعب تكرارك
ونحن عندك مجردأحداث يمكن إنها تصير . .
العروس (إنشالله بولد الحــلال):) . .
تسملين والله . . نحن مجرد مبتدئين (توك على دنيا
المحبة صغير، للشاعر خالد المريخي)
وهج وإلا حتى المشرف العزيز . . ألف شكــــر
ويكون وليفك الرحمن دوووووووم قولي يارب
ولكل اللي ردوا أو حتى قروا . .
تسملــــــــــــــــــــــــــــــــون . .
وحياكم الله . .