PDA

View Full Version : آخر نفس



مجدى الهوارى
13-04-2007, 06:53 PM
نفسى أنفض قلبى منك إنما
نفسى اقول لك فكى روحك إنما
حتتين منى بينادوا :
يابابا
أوعى تحرمنا الحنان
إوعى تبعد بيتنا عن ضى الأمان
مستحيل الشمس تطلع
واحنا عن ضلك بعيد
رح ننادى مين يا بابا
رح نغنى لمين يا ماما
ومين ها يجمع شملنا بالورد
والضحكة فى طريق
ويفيض علينا بالندى
ويجيب لنا لبن النهار
ها تجيب لنا واحدة غريبة
تكون لنا ضرة وجحيم
ولا هاترمينا لغريب
ياذلنا
بين جور هناك ونار هنا
يا يتمنا
وجذورنا مفرقين
لسّة بتحن لماضيك
لسة بتقطع صوابعك عاللى فات
حاسس انك خبت من دون الرجال
جار عليك الزمن
وبدون تمن
بعت نفسك للأنين
إيه ذنبنا
إنكوا مش عملة واحدة بضرفتين
إنت بتنادى الشروق
هى تختار الغروب
انت بتحب الشمال
هى بتعز الجنوب
إيه ذنبنا
تنسونا
وانتوا بتخرجوا من بعض
ليه

مجدى الهوارى
14-04-2007, 01:13 PM
من أين تنطلق الحروف