PDA

View Full Version : الخنجر المسمومة (نص شعبي)



أسير الدرب
15-04-2007, 02:24 PM
المنية ياسعد وافتني ** يوم شفت عيونه المهمومة
كل ما رتبت الحكي هالتني ** مقابلته وضاعت المعلومة
كل كلمة قالها شدتني ** وضعت باحلامه وزين علومه
ضحكةٍ من مبسمة كفتني ** ورحت الم العمر في يشمومه
ضامرٍ ما همه إلا فتني ** والبختري نابتٍ بهدومه
العروس بغيبته ملتني ** وانتشت جدة بيوم قدومه
لاجله بيوت الشعر هامتني ** مثل هتانٍ تهل غيومه
بمحض صدفة ياسعد لاقتني ** في زمان الطيبة المعدومة
في عز شمس القايلة ورتني ** النجوم وروحت مكلومة
كم ليلة في الهوى سرتني ** لين جفن العين حارب نومه
عن صلاتي ياسعد سهتني ** وفات شهر الصوم قبل أصومه
ليتها راحت ولا مرتني ** وكل مخلوقٍ يجي مقسومه
في هواها ياسعد علتني ** واصبحت من شوفتي محرومة
ياسعد من بعد ما خلتني ** كيف اسلي روحي المهزومة
يوم فرقاها لفت واهدتني ** شالها وقلادةٍ منظومة
وادعتني وانثنت واردتني ** بطعنةٍ من خنجرٍ مسمومة