PDA

View Full Version : كذا .. تقول استاذنك ؟؟



مغبون
25-05-2001, 12:38 AM
لما انثنى جنح العتم
من رهبة الموقف معك
ياللي جمعت بجيتك
صحوك وباقي مهجعك
ولما استوى ..
كيف اليقين
عليك ياجمر اليدين
كذا .. تقول استاذنك !!
*** *** ***
ياطالب اذني بالرحيل
والليل توه باوله
ياللي تباطاك المكان
اللي يذوب من الوله
بالله قل ..
وش معجلك ؟؟
*** *** ***
تمهل اسمع مانوى ..
كلي يبوح لمسمعك
هذا هوى ..
والا جموع من عدا
هذا غلا ..
والا بدايات الردى
عزالله ان مخايلك
وانته تجي ..
او ماتجي ..
لمة سكاكين غدت
للي تجمر يحتريك
فرش ووسادات وغطا ..
يااللي انتظاره مقتلي ..
ماقلت لي ..
بالله وشهو معجلك
*** *** ***
كذا .. تقول استاذنك ؟؟
وانا من البارح عمر ..
طفولته فزه ..
وفتوته .. رزه
ومابينها تجمعوا ..
شلة تعابير وصور
حلم قطع ..
بعض الطريق ..
وتقدر تقول ..
كل الطريق ..
ومن قبل لا ..
بيبدا يفيق ..
تجي وتقول استاذنك ..
الله واكبر معجلك !!

معاناة القلوب
25-05-2001, 12:45 AM
أخي مغبون
مساء الخير
كلمات جميلة بها من العتب الكثير
!!!
سلمك ربي
اختك
معاناة

وهج
25-05-2001, 09:14 AM
قصيدة غاية غاية غاية في العذوبة
بصراحة شدتني جدا
...
انا اهنئك على اسلوبك العذب
تحياتي لك :)

مغبون
26-05-2001, 09:59 PM
اختي معاناة :

عتب المحبين .. نعم صدقتي

شكرا للتواصل

==================
وهج :
وصلت التحايا .. وهذا قطر من بحركم

تحياتي للجميع

روابي نجد
27-05-2001, 01:03 AM
اخوي الغالي مغبون
كلماتك عذبه جميله
الحقيقه قرأتها اكثر من مره لروعتها وجمالها
اتمنى ان اقرأ لك المزيد
تقبل تحياتي
اختك روابي نجد
:) :) :) :) :) :)