PDA

View Full Version : محاوره بين بوش ورئيس الصين



نادر
25-05-2001, 09:05 AM
السلام عليكم ورحمة الله وبركاته

اطلعت على هذه المحاوره واعجبتني عسى ان تنال اعجابكم

جورج بوش
سلام رديه على حاكم الصين بالخير ياراعي النظام الشيوعي
ياجيانق بن زيمن نبي من قافين والبرق شوفه في المخايل يزوعي

جاينق زيمن
يامرحبا يقايد الغرب واهلين ترحيبتن ترضي غفير الجموعي
البرق شوفه يبرق ايسار ويمين يوم الرعد تحت السحايب يروعي
بوش
ماجيتنا ليلة لفونا المهنين يومن وشنطن تشب الشموعي
ليلة حكمت الكون في عام الالفين جوني هل الطالات غصبن وطوعي

زيمن
ارسلت لك يابن النشاما خطابين وجت لك مناديبي تبارك فزوعي
وانا حكمت الشرق من عام سبعين ماعلنت للحكام قبلك خضوعي
بوش
انت تحسب الكون باقي ابقطبين الراسماليه وطت كل شوعي
يانايم اصحى مرت اعوام وسنين ماعاد فيها يابن زيمن رجوعي
زيمن
يابوش حنا بالسياسه املمين من دون هيبتنا بنينا الدروعي
ليتك تحل المشكله في فلسطين عزالله ان ابوك ماهو طقوعي
بوش
ياجيانق انا طوفت وحده وثنتين والثالثه بتكون بين الضلوعي
الطايره وش علمها فالها شين اللي لها بحماك حول السبوعي
زيمن
الطايره ماردها غير بكين جانا ايقالبها خبيث الطبوعي
وين احترام الانظمه والقوانين مثلك عن اسلوم الدول مايتوعي
بوش
ماهيب يمك رايحه للفلبين فوق المحيط الها نزول وطلوعي
مار اعترضتو دربها يالشياطين عزالله اني من سواتك جزوعي
زيمن
يابوش يابن بوش تلعب على مين ماهوب انا اللي بالكلام اخدوعي
يابوش ذبتها فلرض الشياهين كانت تجسس وهزعتها اهزوعي
بوش
هات الادله كان عندك براهين يومك تقول ارخت عليك السموعي
مخطين ياهل الصين مخطين مخطين وشيهانكم اصبح اغرابن خروعي
زيمن
ركابها يابوش خمسه اوعشرين عسكر من الجيش النظامي نزوعي
حاصرتهم يابوش بالجيم والسين حتى خذيت العلم منهم قطوعي
بوش ( يتريق )
ماشفت طيارك غدا راسه اطحين وامه على قبره تهل الدموعي
الطايره ترجع لنا بعد يومين خذ الكلام ولاتتطول اتعوعي
زيمن
خل العلوم اقصار واسمع لنا زين عسكرك جولك يالسنافي رجوعي
والطايره لاعاد تنشد لها وين راحت ديه في واحد من ربوعي

وسلامتكم

مع تقديري واحترامي

وهج
25-05-2001, 12:23 PM
:D :D :D :D :D :D :D
وانت كنت معاهم ؟؟
تحياتي لك على هذي المساهمة المتفردة :)

وهج
25-05-2001, 12:32 PM
:D :D :D :D :D :D :D
وانت كنت معاهم ؟؟
تحياتي لك على هذي المساهمة المتفردة :)

ابو طيف
25-05-2001, 02:05 PM
نادر /
يعطيك العافيه يالغالي على المشاركه الجيده والتي فيها شي من التغيير 0

اخر الحرف:
((عاشــــــــــر من تعاشــــــــر فلابد من الفراق ))
================================================== ====

نادر
26-05-2001, 10:13 PM
السلام عليكم ورحمة الله وبركاته

وهــــــــــج
اقد ر حضورك واشكرك على الاطراء
تقديري واحترامي

نادر
26-05-2001, 10:22 PM
السلام عليكم ورحمة الله وبركاته

اخي الفاضل / ابوطيف
الاستمتاع في افاق مفردات ماتكتب وماتختار وهذه حقيقة كانت لزاما علي ان ابوح بها
تقبل عظيم احترامي وتقديري