PDA

View Full Version : ماني شاعر



عاشق وفاء
21-05-2001, 09:13 PM
مساء الخير جميعا
اليوم صرت فاضي شويه وقررت اكتب لكم قصة اني ماني شاعر :):)
ماني شاعر

متردده ذيك العنود
في الكلام وفي النقاش
حتى في الضحكة بعد
حايره بين الجروح
قلبها وحبها المذبوح
عن الحاضرودها تعرف
عن الهمس عن الأمس
عن جروح لليوم تنزف
خايفه تمشي دروب الهوى
خايفه ينعاد اللي مضى
وجرح الجرح ماله دواء
حايرة من أكون؟؟
حايرة وش يكون؟
شيطاني الوافي أبد
تحسني شيطان حبوب
مثل القدر غامض
وتحسني أمر مكتوب
في عينها للهوى مليون صورة
تتخيله سيف وقلبها غمده
تتخيله سجان وعندها سجنه
تتخيله جنة من الجروح
جنة من الهموم من الحزن
تتخيله موت وقهر
تتذكره حبيبها اللي غدر
تتذكره حبيبها اللي نكر
في عينها كل الرجال اغدروا
وفي عينها كل الرجال اكذبوا
ماني جارحها أبد
ولا ني هاجيها بعد
أنا انسان انا شيطان
مغرور طايش متكبر
أنا كل اللي تبينه
الا شاعر ماني شاعر
أنا نبض ومشاعر
قلتي عني سراب
سراب تتخيلينه
وما كذبتي في كلامك
أنا شطآن المحال
أنا شيطان الخيال
أنا خالد
عمري آلآف السنين
ولو طعنتي ما أموت
ولو جرحتي ما أموت
الفين سنه عشتها بتابوت
أتخيلك وأسرد أفكاري
وبوصفك انظم أشعاري
أتخيلك جنبي
وانتظر لحظة اللقيا
وبعدها ماهمني التابوت
كنت ابثبت خطاهم
قالوا العذال انك وهم
وانك حبيبة شيخهم
وما يأست وما تعبت
الفين عام ويّا جدران الخشب
اردد افكاري وأنظم اشعاري
منتظر لقيا اللي أحب
ومن سنه اطلقوني في البحر
وصرت هايم في المحيط
السماء مد النظر
سألتها الحيتان
وسألت أنا موج البحر
عن دربها عن بابها
عن شكلها عن أية خبر
ولقيتك ماالتقيتك
جيتك اجري
متلبس بثياب شاعر
جيتك عضو
جيتك شعلة الساخر
وما لقيت اللي وصفته
ولا لقيت اللي رجيته
الفين عام اوصفك
والفين عام أعشقك
واكتشفت انك وهم
واكتشفت اني سراب
متلبس بثياب شاعر
وماني شاعر
أنا شيطان المشاعر
وللأسف مافهمتك
وللأسف ماقدرت اتحمله
ولا عجبني سير الامور
لا الزعل ولا الغرور
للأسف ما قويتك
رغم ضعفك ما قويتك
واعذريني أستأذنك باموت
برجع وأدخل التابوت
واعترف لك انتصرتي
واعترف لك لي خسرتي
واعترف لك ماني شاعر
أنا بركان المشاعر
أنا شيطان ساحر

وجد الكتابة
21-05-2001, 10:47 PM
الشيطان عاشق
:)
يا هلا وغلا
نعم انت ساحر بكتاباتك
وساحر بمشاعرك
وساحر بعذوبة احرفك
الصراحة اهنيك على هالمستوى
فعلا رائع
بس الظاهر عاشق انا وانت نحب نفس العنود;)
ترى السر مش في كتاباتنا
السر فيها
:o
بعدين شلون تقول انا خالد
عجل انا مين؟
:D
غيرت اسمك يبو حميد
-------
من تألق الى اخر يا عاشق
ويا بخت العنود بشاعر مثلك
فعلا تستحق العنود
يا شاعر الساخر
:hh:
لا قاعد ادور اسم غير العنود في القاموس
;)

عاشق وفاء
21-05-2001, 11:36 PM
مساء العنود

حياك ابو الوجد ومشكور عزيزي على ذوقك

ولكن ترى العنود هذي نفسها عنودك لأنها ما كانت العنود لكن بعد ما كتبت خالد قلت كملها واسرق باقي التركة :D :D

ولا تتعب تبحث:hh: في القواميس فيه اسم على نفس النغمه حقت العنود اللي هو ابو سعود :D

تحياتي ولا أوصيك الله الله بالضيوف انا ماراح اطول ثلاث ايام وراجع انشالله

دعواتكم

ماجد ناصر
21-05-2001, 11:53 PM
من جدددددد روعه صح لسانك ابوفا فوق الخيال هالمره صح لسانك وبقوه بعد:)

العنود بقلب كل شاعر ......مدري ليه!!!!

صيد
22-05-2001, 06:58 AM
روعه .....يوووه اتهبل ياعاشق .....وش هذا شوي شوي علينا ....:)
بس... بسم الله ....والله اتروع يالشيطان الساحر...:xx:
بعدين انت خالد ؟؟؟؟:yh:
وش هذا يااخي انفصام في الشخصيه ولا وش القصه....:)

بس يااذي العنود اللي متعبتكم .....;)
ههههههههههه يااخي ارحموها شوي ..تراها ماتتحمل ..
.اسمع وش هي تقول...
القلب ياعاشق مهوب لعب بزور
..............لا تسدد للغضي اقوي سطورك
..الظاهر عذب الكلام يمر بمرحله العنود ...:D



<===========للروائع سييييده ....:D ..لو علشان خاطر العنود..وخالد ..:)


اختكم الصيد ....

laptop99
22-05-2001, 08:46 AM
واعذريني أستأذنك باموت
برجع وأدخل التابوت
واعترف لك انتصرتي
واعترف لك لي خسرتي
واعترف لك ماني شاعر
أنا بركان المشاعر
أنا شيطان ساحر
==============
اخوي عاشق وفاء
انا أشهد انك بركان المشاعر يا شيطان ساحر
سلمت على هالابداع

وجد الكتابة
22-05-2001, 11:08 AM
عاشق ابو سعود في عينك
:)
وين رايح 3 ايام؟
انتظر
خذني معاك
شسالفة الشباب كلهم يبون يزرعون شعر
يا اخي صدقني القرعة عليك انت والراشد تهبل
:D
--------
اهديك اغنية نجوى كرم
ولهانه
لين ما ترجع
:D

شقران
22-05-2001, 01:18 PM
مشاء الله تبارك الله وش ذا الزين

ولا احلى منها الا الردود :) :)

تحياتي لكم

شقران

ابو طيف
22-05-2001, 01:37 PM
عاشق وفاء / مساء الخير وتسلم يمينك والله كلمات بغاية الروعه واسلوب اكثر من رائع لكن؟؟؟؟؟؟؟؟؟!!!!!!!!!!!
شيطان وساحر والله مشكله انا اعرف لك شيخ يعالج اذا فيه اي مشكله من التحول الي حصلك بلغني وابشر بسعدك ( مزحه )0

تحياتي للجميع
================================================== ===

smart ghost
22-05-2001, 06:42 PM
الحقيقه قمت الابداع وياليت لو تكون فاضي على طول حتى لاتحرمنى من هالابداع.

تحياتي.

][ملك الشات رفيع الشان][
http://www.mypage.ayna.com/hams_a/nawaf.jpg

عاشق وفاء
26-05-2001, 02:35 PM
العزيز ابوناصر

مساء الخير والطيبة

صح بدنك ويعطيك الف عافية

صدقني ذوقك هو اللي روووعه وحضورك وتواصل فعلا قمة

مشكور اخي وتقبل تحياتي

ضب آطخم
26-05-2001, 04:20 PM
اخوي الغالي عاشق

لا عدمتك يا بعدي

كم هي رائعه معزوفتك الادبية

تستحق ان تكون مع مثيلتها من الروائع

لا عدمتك

عاشق وفاء
28-05-2001, 08:59 PM
العزيزه صيد

مساء الخير
بصراحة انا متأكد اني راد عليك قبل كذا وعلى نفس المشاركة لكن ما لقيت ردي !!! الظاهر في مكان ثاني بالغلط او صار موضوع مستقل :D

مشكورة اختي على كلامك اللي يهبل ويهوس:we:
وما فيني انفصام بالجنسية ولا شي هذا خالد الله يسلمك صفه (يعني ما يموت) ولذلك يقولوا لأبليس ياخالد:D :D :D :D :D

القلب ياصيد دوم مجبور
******مايستمع ولا يطيع شورك

الله يخلي العنود وخالد

تحياتي

صيد
28-05-2001, 11:25 PM
عااشق ياوييــــــــيلك.....:xx: .
قلت للعنود وكانت تذاكر نطلت كتابها .:g: ..وقالت خذي استلمي الرد:D
<===سنافيه هالعنود ....حشى مضارب الباديه ..:D
بس كانت تتحداك ياعاشق...ياويــــــــــلك:wow:
وقالت:

ابعد القلب يخاف من الجور
.............يخاف يوم يبكيه حضورك

لا ...من جد ...لو منك ابعد عنها لان شكلها ناويه على الشر..:fff:
:):)............
لا من جد انا اسفه اني رديت ثانيه ..ياعاشق ...
<===حست انها ملقوفه..
بس انت تعرف الواحد لاجا في خاطره رد مايرتاح لين يقوله:)
وشكرا لسعه بالك ............==>المفقوده... يؤ.. قصدي الموجوده ....
اختك صيد .....

E7sas
30-05-2001, 08:53 AM
عاشق وفــــــــــاء
صبــــــاح الخـــير
كل هذا و مو شاعر فعلا كلام و احساس مرهف …..ولو كل يوم تكون فاضي كان زين نستمتع بالمشاعر الراقية
والله يعطيك العافية وصح لسانك عــاشق وفاء

beauty
30-05-2001, 10:15 PM
أنا كل اللي تبينه
الا شاعر ماني شاعر
أنا نبض ومشاعر
قلتي عني سراب
سراب تتخيلينه
وما كذبتي في كلامك
أنا شطآن المحال
أنا شيطان الخيال
الاخ العزيز عاشق وفاء...
اسمح لي بالسكوت ...
كلماتك اجمل من ان اتكلم عنها
دمت للساخر ...
:)

عاشق وفاء
31-05-2001, 03:13 PM
مساء الخير جميعا

العزيز لاب تووووب

مشكور يااحلى لاب واتب لاب بعد
اسعدني حضورك

تحياتي
=============
العزيز ابو الوجد
وينك الأربعاء والخميس مالك طلة ؟؟؟؟؟؟

الحمد لله العملية تمام ونجحت 100%

واهدي لك اغنية يوم واتنين وتلاته واربعة ...... ماوحشتكش (خالد الملا:D )

تحياتي
========
العزيز شقران

مشكور يالغالي لكن وينك الظاهر انك مثل المذنب هالي :)

تحياتي
============
المراقب وعميد كفر الكلام

مشكور يالغالي وهذا بس من حسن ذوقك يالغالي

تحياتي ودمت لنا
========
العزيزة صيد البنات لوحدهم :fff:

عاشق وفاء
31-05-2001, 03:25 PM
مساء الخير جميعا
العزيزه صيد

حياك اختي مرة ثانية وثالثة اذا ودك

الله يوفقك انتي والعنود
واذا فيه نوايا شر خلوني بعيد انا مسالم ولاني ناقص مشاكل
طبع الوفاء فيني بحور
*****وشوق اللقا يشعله نورك
مثل الظلام لا دهمه نور
****ينجلي حزني ساعة حضورك
تحياتي
========
احلى وارق احساس

مساء الورد والجوري

الله يعافيك ويسلمك يارب
وهذا من ذوقك وطيبة ذاتك

الفين شكر على تشريفك الرائع

تحياتي
===========
العزيزة بيوتي

مشكوره اختي على ذوقك
وصدقيني مجرد حضورك العذب يكفي

تحياتي لك ولذوقك
===========
تمت بحمد الله تمنياتي لكم بالتوفيق مدرس المادة

صيد
31-05-2001, 04:21 PM
:rolleyes: :rolleyes: :rolleyes: :rolleyes: :rolleyes: :rolleyes:
عاشق والله اني مستحيه منك الصراحه :rolleyes:
كل شوي ناطله وجهي في موضوعك:)
بس والله اذا الواحد ماقال اللي في خاطره في النت متى بيقووول:(
بس انا مرسول لا لي في الثور ولا في الطحين :o
اسمع..:o
ابشرك العنود خلصت اختباراتها ...وقلتلها بيتينك:) وصكتك ببيتن..:)
وتقولك من ناحيه الشر انها ملياانه شرور انتبه::fff:

نوري ياعاشق؟وش تبي به نور
..............يحرقك يالغالي ويبعد سرورك
وبحوري ياقوي ذيك البحور
..............تمرها..؟...بتندم على مرورك
وسلامتك:)
لو منك ياعاشق ماارد عليها ..;) ;)
التزم الصمت :) ترى الصمت حكمه ...;) ;) .:)
اختك صيد تتاسف للمره الثانيه على التوالي:(

عاشق وفاء
31-05-2001, 05:48 PM
مساء الخير اختي صيد

ولو انك قلبتيها محاورة لكن ما عليه ما دام المدرس غايب :D

ادري انك احساس وشعور
***** احترم يازين صافي حضورك
وادري انك بالعشق مسحور
***** لا لا تكابر وتخفي شعورك

تحياتي

شرقاوي
31-05-2001, 06:34 PM
عاشق وفاء:)

مساءالخير..
كيفك ياابليس الشعر:D :D

بس معقوله تحب هالعنود الفين سنه؟؟؟؟:confused:

هههههههههههههه

روعه روعه روعه كعادتك بالابداع...

وش قصة هالعنود بالله؟؟؟
بديت اكرهها:D

سلام يابليس المشاعر;) :p

صيد
31-05-2001, 08:51 PM
اسمع ياعاشق وفا ....
صحيح المدرس غايب بس تراه زارع عذب الكلام جواسيس .....:fff:
يعني لاتاخذ راحتك ...بزياده ..:fff:
معّين عريف سري:)
علشان كذا انصحك انت وعنودك..::rolleyes: انكم تقصرون الشر وتخلون المحاوره ...:fff:
انا مالي دخل :o
اسمع ردها ...

ليش يتعلق بخيال محظور
........هو.لازم يعني يذوق حرورك ؟
ودور الغلا غريبه عنه هالدور
......خله بكربعيد تكفى عن دورك ..... :rolleyes: <==احس هالشكل فيه من البراءه مالله به عليم:)
عاشق خلك انت الكبير ولاترد عليها :fff:
وشكرا لسعه صدرك ياعاشق:)
<===داخله وطالعه.... طالعه وداخله ....:D