PDA

View Full Version : اخــســوا خــسـيـتـوا يا كبار اللغابيب (قصيد)



الزير دحمس
27-05-2001, 04:02 AM
السلام عليكم ورحمه الله وبركاته :

اعجبتني واردت اطلاعكم عليها


القصيده التاليه والتي أختلف عليها الرواه فمنهم من نسبها لجحيش السرحاني ومنهم من نسبها لسويدان العمري .......
المهم القصيده قالها شاعرها بعد عقوق أولاده؟
.................................................. .........
قال الذي يقرا بليا مكاتيب
ياللي تقرون العمى من عناكم###
يا عيال يلي تشرفون المراقيب
تريضوالي وإقصروا من خطاكم###
خوذوكلام الصدق مابه تكاذيب
مثل السند مضموم للي وراكم###
يا عيال لا صرتوا ضيوف ومعازيب
ترى الكلام الزين محلة قراكم###
وترى السبابه من كبار العذاريب
وهرج البلايس ما يطول لحاكم###
المذهب الطيب فهو مذهب الطيب
والمذهب الخايب يبور نساكم###
يا عيال ما سرحتكم باللواهيب
ياعيال ماعمر المعزب ولاكم###
ياما توليت القبايل تقل ذيب
من خوف لاينقص عليكم عشاكم###
وياما قطعت من الفيافي العباعيب
ندور من صيد البراري غذاكم###
يا عيال دوكم لحيتي كلها شيب
هذا زمان قعدونا ذراكم###
قمت اتوكا فوق عوج المصاليب
قصرت خطانا يوم طالت خطاكم###
عطوني القرضه عليكم مطاليب
عطوني القرضه جزامن جزاكم###
لابد يومٍ عاوياًدوني الذيب
بالقبر ما فرق طيبكم من رداكم###
مانيب فاضحكم بوسط الاجانيب
بعمالكم يدرون كل اقرباكم###
لوكانتدرون الردى والمعاييب
صرتو مع المخلوق مثل خوياكم###
خوالكم بالطيب تروى المغاليب
ولو تتبعون الجد محدٍ شناكم###
وش علمكم يا تاركين المواجيب
حسبي عليكم هالردى وين جاكم###
يا عسى اعماركم شمسها تغيب
يعتم قمركم ثم يظلم سماكم###
يا علكم في حاميات اللواهيب
ياللي على الوالد خبيثٍ لغاكم###
شفت الجفا والحيف والغلب والريب
بطلوعكم لابيض الله قراكم###
أخسو خسيتو يا كبار اللغابيب
أهبو هبيتو يقطع الله نماكم###
.................................................. .........


:yy: :g:

ريف
27-05-2001, 05:45 AM
الله يصلح الذرية...... الوالدين من أطاعهم رضى الله عليه ومن عصاهم وهجرهم فقد عصى الله ...... الله يجعلنا من البارين بأهلنا ...آمين

هذي القصيدة .....إهداء لك صح ماها علاقة بالموضوع ....... بس قلت خل نقلبها عذب الكلام هنا ...... خل نشوف وش بيصير ....ههههههههههه:D

القصيد ة بعنوان مالك شريك ....... وهي لشاعر قوي ولكن لايرغب بنشرها كاملة .......



مالك شريك بالمحبة يساويك **** يا ساكنن قلبي وبيتك ضلوعي

زرعت لك بالقلب ورد يسليك **** وأسقي ثمر وردك بصافي دموعي

لا جا عتيم الليل عيني تناجيك **** لأقبل شروق الشمس ذابت شموعي


أخوك --- ريف

mr_mosta7el
27-05-2001, 10:27 AM
قصيدة رائعة بالفعل
و اظن انها للسرحاني
لكن بتأكد لك من ذلك

الزير دحمس
27-05-2001, 06:08 PM
ريف: صح لسانك شاكر لك الاهداء ..



اخوي mr_mosta7el مشرف الموضوع :) وياليت لو تتآكد لي اكون شاكر لك