PDA

View Full Version : إنت حُرّ



eman_moaz
11-05-2007, 11:12 PM
http://www.7mbc.com/up/upc8/7mbc_356016986.gif

هاني درويش
12-05-2007, 12:58 AM
أنت حُر
*********
أنت حُرّ
كلمة زى الشهد .. بلسم القلوب
لما تسمعها .. تدوب
لما تحياها .. يدوب
تحس انك م البشر
مش أى تمثال .. أو حجر
ياما غنت الربابة .. بالحكاوى
ع القهاوى .. تقول تاريخنا
يصرخ القائد ف جيشنا
ويناديلنا
بالحقوق الضايعة منّا
***
قال عرابى للخديوى
إحنا أحرار غصب عنكم
أحرار خلقنا ربنا
حقنا وهناخده منكم
وعاشت الحرية فينا
زى روحنا ونور عينينا
ضحينا .. بالغالى النفيس
من ولادنا
لجل تتحرر بلادنا
من نجاسة الغريب
***
العجيب
ازاى وامتى الوقت فات
واللي عاش جوانا .. مات
واما تانى سمعتها
أنت حرّ
حسيت حلاوة طعمها
ف الحلق مرّ
وسمعت من تحت الثرى
ضحكة شهيد
ساخر بيسأل .. من بعيد
أنت حر ؟؟ بأمارة إيه ؟؟
أنت حرّ
ازاى وامتى .. وفين وليه ؟؟
اللى فعلا حرّ فيه
شاور لى بصباعك عليه
***
من طفولتك وأنت حر
بس تاخد إذن أبوك
وأما تكبر
تمشى ماسك أيد أخوك
ف المدارس .. علموك
قيمة الحرية .. لكن
بالعصاية .. وجهوك
ف الوظيفة
تبقى حر .. يحذروك
وان عاندت .. يرفدوك
حتى ف علاقتك بربك
تحت عينهم .. يرصدوك
أما طبعا ف السياسة
أنت حر ابن حر
بس حاسب .. يمسكوك
***
مش بقولك .. آنت حرّ
من ميلادك للممات
بس عيشها جوه نفسك
من سكات
أما ناوى تكون زعيم
يبقى وقت النصح فات
***
امتى تفهم يا غشيم
الحكاية زى لعبة
كرّ .. فرّ
والنهاية هي طبعا
أنت حرّ
***


إيمان فريد معاذ



ايمان

عليك السلام ورحمة الله وبركاته

تذكرني كلماتك هنا بالكبير احمد فؤاد نجم

فاذا كنت صاحبة الكلمات

فانت مبدعة فعلا

ولكنني اود ان انبهك لقضية ربما لا تعرفينها هنا في افياء

هنا من المفترض ان يكون هناك فترة زمنية بين المشاركة والاخرى

وقد تفاجئين بحذف احدى المشاركات ولا تدرين لماذا

فقط لاخذ العلم

بكل الود

ابو نمير

eman_moaz
12-05-2007, 03:49 AM
السلام عليكم ورحمة الله وبركاتهالاخ الفاضل ابو نمير اشكرك على المداخلة .. والحمد لله انا كاتبة لكل حرف ارسله ولى ديوان عنوانه ( شهر زاد ) وعلى قدر حبى وتقديرى لكثير جدا من قصائد استاذى احمد فؤاد نجم الا انى لى تحفظ شديد على بعض قصائده وكثير من المعانى والالفاظ المكشوفة التى احاول ان اجنبها قصائدى ايمانا منى ان الشعر هو لغة التحاور الراقى بين الناس وبين الشعراء والرؤساء وبين الشعراء والزعماء .. اشكرك على المداخلة كما اشكرك على توضيح الخطأ الذى وقعت فيه حين ارسلت اكتر من قصيدة فى آن واحد .
والسلام عليكم ورحمة الله

خالد الحمد
12-05-2007, 07:18 PM
حضور أولي للترحيب بأختنا إيمان

وقد أعود مرة أخرى

rain man
12-05-2007, 07:29 PM
آه يا ايمان
ذلك الخليط العجيب ما بين صلاح جاهين و احمد فؤاد نجم و الابنودى و ايمان بكرى .. قد تجسد فى قصيدتك الاكثر من رائعة .. مع احتفاظك بشخصيتك المستقلة ..
ايضا احب ان اشيد بسلاسة اسلوبك .. , حد اننى رأيته صافيا لم تشوب الموسيقا فيه شائبة
ببساطة .. ؟
انت مذهلة

تحياتى

eman_moaz
12-05-2007, 08:57 PM
اخى خالد يشرفنى حضورك الأولى .. شكرا جزيلا لك مع خالص تمنياتى بالنجاح والتوفيق

eman_moaz
12-05-2007, 09:01 PM
اخى العزيز رجل المطر اشكرك جزيل الشكر على مجاملتى وعلى رايك الجميل فى قصيدتى .. لى ديوان عنوانه ( شهرزاد ) وهو ديوانى الأول .. كل من كتبت عنهم اساتذة فى شعر العامية ولكن لو كنت تأثرت بأحد منهم فبأستاذى الراحل صلاح جاهين .. كنت احب شعره منذ طفولتى وبكيته حين مات كما بكيت ابى .. اشكرك مرة اخرى جزيل الشكر

رائد33
12-05-2007, 09:35 PM
ايمان مرحباً
اسلوب سلس و جميل
دمت بودّ
رائد

eman_moaz
12-05-2007, 10:04 PM
رائد اسعدتنى مداخلتك للغاية .. وذلك لانى كنت فى الحال اقرأ قصيدتك وهى فى غاية الجمال .. اشكرك جزيل الشكر ..

الغيمة
13-05-2007, 12:46 AM
أعجبتني القصيدة..بما فيها من المعاني..
حسنا..قد تشبهين إلى حد ما..بعض الشعراء..
ولكنك بالممارسة..والبحث..والتفكير..
ستحلقين بجناحين خاصان بك أنت..وحدك..
استمري..
ولن تعدمي النجاح..
أندريفنا بتروفتش

eman_moaz
13-05-2007, 01:20 AM
اختى الغيمة اشكرك على المداخلة .. يتشابه الكثير من شعر العاميه ولكن يختلف الشعراء فلكل لونه وخصوصيته .. شكرا جزيلا لكى

احمدالمصرى
13-05-2007, 04:37 PM
السلام عليكم..
اولا ارحب بك معنا ..
ثانيا قرأت القصيده على عجل..
واعدك بعوده ان شاء الله..
الى اللقاء..

eman_moaz
13-05-2007, 04:43 PM
احمد المصرى اشكرك .. وهل انت مصرى ؟؟ وفى انتظار عودتك اليها مرة اخرى

احمدالمصرى
13-05-2007, 07:14 PM
السلام عليكم..
اختى :ايمان..
اولا:انا مصرى وصعيدى كمان..
ثانيا:وان كنت من هواة شعر الفصحى ..
لكنى قد استمتعت هنا بقصيده على قدر ما ابكتنى اضحكتنى..
وعلى قدر ما احزنتنى اسعدتنى..
على العموم
وان كانت هذه من اولى مشاركاتك..
فانت هنا تتمتعين بالحريه التى تحلمين بها..
ولكن ارجو الا تكتبين بعد فتره قصيده عن الحريه فى وطننا الساخر..
دمت رائعه..وبخير