PDA

View Full Version : بيان من منظمه قابليني وا قابلك...!!!



الحاشي777
29-05-2001, 10:35 PM
لوحظ في الأعوام السابقة استخدام طرق بدائية ومتخلفة وهمجية من قبل شبابنا وشاباتنا في مجال المغازلة وانخفاض معدل الترقيم عن المستوى الطبيعي وانخفاض قيمة فواتير الهاتف عن ما كانت عليه في الميزانية للعام السابق كل هذه العوامل ادت إلى توجيه إنذار شديد اللهجة من (( منظمة قابليني وأقابلك المتحدة ))
يحتوى على تهديد بالشطب من لائحة الدول المتقدمة في هذا المجال .

ونتيجة لذلك عقدت مؤتمرات دوليه لمحاولة تفادي هذه المشكلة وإيجاد حلول ناجعة وسهله الدهن …:)
وتم استضافه عده شخصيات هامه (( من عرابجة وحنشل ))
وخبراء في مجال الدواره في الاسواق
ومتخصصين في اساليب الترقيم
وكذلك عدّائي المسافات الطويله للاستفاده من خبراتهم في مجال الهروب من هيئه الامر بالمعروف والنهي عن المنكر…::D
وبعد اجتماعات مطوله وبدون تغطيه اعلاميه حيث وضعت مصائد خاصه للصحفيين للحيلوله دون وصولهم الى مقر الاجتماعات وبعد نقاشات حاميه تم اصدار البيان التالي:

أيها الشاب الداج …أيها الشاب المستدلخ الى متى وأنت تستخدم الأساليب القديمة …إلى متى؟؟
الى متى وانت مفشلنا قدام اوروبا والدول المتقدمة؟؟
آن الأوان الآن لكي تصبح شابا يواكب التطور التكنولوجي ويواكب الثورة المعلوماتية ..( يا ثور ).
.كل شئ تطور واصبح بطرق سريعه وديناميكية. والمغازلة وأساليبها تطورت أيضا (( مع الخيل يا شقراء ))..::D :D
ونظرا لتدني مستواك فقد قمنا بوضع بعض الخطوات لك تضعك على الطريق الصحيح لكي تصبح مغزلجيا محترفا ….عليك اتباعها حرفيا ولا تحيد عنها قيد أنمله .. (( ما طحت على كلمه أنمله إلا بعد الموت ))..وفي حاله مخالفتك للاوامر فكل تبن وانثبر وأترك غيرك يلقط رزقه . . .

*** ما يجب عليك فعله قبل ان تتوجة الى المقناص :

1/ تروح للحلاق…
مهوب أي حلاق من الهنود اللي يحلقونك بخمسه ريال…روح للحلاقين الغاليين ابو عشرين وخمسه وعشرين ريال من هاللبنانيين ولا الأتراك…
:)
أول شئ خلهم يصنفرون وجهك بليفه مطبخ انت وحب الشاب اللي مالي وجهك

ثم يضبطون الشنب على شكل رقم ثمانيه,,,لامانع من بعض احمر البراطم الخفيف وبعض من المكياج (( تراها الموضه قسما بالله ))…
.واذا الدقن مهوب مضبوط خله يفغص لك سكسوكه باي شكل.:D :D


2/ تلبس لك ثوب من هذا اللي يتعطف بسرعه …
والله مدري وش اسم القماش …..الظاهر اسمه تترون….!!
…ولا زم يكون ضيق شوي…يعني مرسوم على جسمك..
عقال مقاس 52 سنتيمتر مكعب .
.شماغ ملكي صابين عليه علبتين نشاء حق الكوي …علشان تضبط الكشخه وعندك خيارين يا ان الشماغ يكون بمرزام او بدون مرزام…اللي يصلح لك.(( ما يمديك تتصل بصديق )):)

3/ شوف لا تكون قديم وتكتب اسمك في ورقه قاطعها من بكت دخان ولا فاتوره تلفون.:(
.واكب العصر يالووح…
.روح واطبع لك كم كرت عليه صوره قلب احمر ولا منظر غروب الشمس…… عليه اسمك …(( اسمك الفني طبعا ))وجوالك (( شوف رقم جوالك مهوب رقم البيت…تراى علمتك ))..ولامانع من بيت شعر كذا على ذوقك (( يبين انك رومانسي )):D

4/ صب على عمرك قاروره عطر…واذا كنت مستعجل ولا امداك تحط عطر…ملطف الجو يقضي بالغرض .

5/ علم واحد من اخوياك يدهرك اتصالات وانت في السوق ..يعني لزوم الكشخه والـvip .

6/ اياني واياك تروح للسوق على الكورلا حقتك…
انت تبي تفضحنا..؟؟.
.رح لواحد من اخوياك عيال النعمه وخذ سيارته وياحبذا لو تكون ..كامري ((واحد اقصى طموحة كامري ))
لالالا تصدق…. شف لك شبح ولا كابرس اللي لا يمكن ان نعيش بدونه.

**** ما يجب عليك فعلة وانت داخل محميّة الصيد (( السوق يعني )) :

1/ خلك ثقيل وبيّن للي حولك انك على نياتك …يعني سو فيها عبيط…لاتثير الشكوك حول نفسك تقعد تطالع في اللي رايحه واللي جايه ..اسفطهم كلهم .

2/ رح لاي محل يبيع حاجات رخيصه (( ادري انك مطفر )) واشتر لك شئ وحطه في كيس..يعننك تتقضى…لزوم الهيئه اذا طبوا عليك.

3/خلك ماسك الجوال في يدك ..بحيث يكون ظاهرا للعيان (( ذبحتنا هالمظاهر ))..واذا معك سماعه حطها في اذانك.واقعد بربس حتى لو ما فيه احد يكلمك.

4/اجلس وزع ابتسامات هنا وهناك . اللي تعرفه واللي ماتعرفه
وزع....... وزع...... لا تبخل على احد واذا شفت لك طفل امطخه على جبهته ببوسه (( هذا يدل على انك بركان من الحنان )). واذا مالقيت طفل من هالحمران اقرب طفل تكروني يقضي اللزوم (كخخخخخخخخخخخخخ ):)

5/اياني واياك تطفى زقارتك .
.ابي اشوف الدخنه في كل مكان ابي اجراس الحريق شغاله.
ولاهوب أي نوع من التتن فيه انواع رايقه مثل دنهل ولاّ دوفيدوف…
المارلبورو موضه قديمه وفيه انواع بالنعناع والقرفه (( الله يقرفك ))

6/ عندما تشاهد الفريسه انشب في حلقها..ولاتخليها تغيب عن عينك دقيقه واذا حسيت انك بتضيعها ركز على لون الشنطه او لون الجزمه .

7/ في حاله وجود وحوش مفترسه اخرى تزاحمك على الفريسه توجه الى اقرب سيكيورتي .

8/ اذا لم تعطيك الفريسه وجه , لا تستسلم استخدم جميع طرق قطه الوجه والملحجة حتى لو ضربتك بجزمتها على راسك فيجب عليك ان تعطيها خدك لكي تطبع عليه ماركه الجزمه.(( بهذه الطريقه تعرف الفريسه انك راعي نفس طوييل ولا منك فكّه ))

9/ اذا رفضت الفريسه ان تأخذ الرقم ما عليك إلا ان تحشر الرقم بين القراطيس اللي في يدها ثم اطلق ساقيك للريح .

**** ما يجب عليك فعلة بعد ان قمت بالجربعه (( يجربع يعني )) :

اخرج فورا من السوق بلا تردد او انتظار …وسنتر عند التلفون اربع وعشرين ساعه…(( يالوح أنا ماقلت لك لا ترقم بتلفون البيت…. قلت لك الجوال ))

***بيان موجه الى الشابات الداجات :..

ايتها الفتاه الداجه.
.عليك بوضع خمسه لتر من اقوى العطور ذات الروائح الشفّاطه (( من شفط ..يشفط……فهو شفاط ))
ولبس العباءه المخصره التي تبرز مفاتنك.
.ووضع خمار اسود شفاف جدا بحيث يستطيع من يطالع فيك ان يعرف العدسات اللي انتي مركبتها اخضر فاتح ولا غامق ..!!! (( يا كاثرين ريتا جونز )).. …
وضع كل ماتطاله يداك من المكياج على خشتك بأي لون اخضر …احمر… برتقالي…. طحلبي أي شئ..اهم شئ ماتكونين ابيض واسود:)

ننصحك بعلك ابو سهم وعليك بعلكه بطريقه تظهر صوتا ولا مانع من ان تنفخي لك نفيخه لكي تنفجر بصوت مسموع وذلك يعني (( نحن هنا….لاحظونا )).

.تمنع الشباشب والاحذيه الماسحه ..الكعب الكعب الكعب ..ولن ارضى بغير الكعب بديلا.

عليك بتسبيل عينيك (( جعلها العمى )) كل ماطالع فيك شاب داج مثلك .

..ثم اديري له ظهرك ..(( اشكل يعني ))…

وبين الفينه والفينه عطيه نظره خطافيه على السريع لكي يعلم انك معه على الخط …

ثم شحططيه وراك في جميع ارجاء السوق .

في حاله عدم اعجابك بمن يطاردونك

(( شوفي لك اقرب ليموزين وانقلعي لمحميه أخرى ))


*************************************************

===
ريممبر :

**** (( من دق باب الناس دقوا بابه )) ***
====

NorelshamsS
29-05-2001, 10:48 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههااااااااي
موضووووووعك مو طبيعي والله
بس تدري حركات الشباب صارت مكشوفة
احم احم
انا اقووووووووولك شي فيه قوانين للعبة
اولا:
الشاب اللي يغازل بالسوووق تكون سيارته موديل خمسين وخشبة والبنات يبووووون سيارة جديدة.
ثانيا:
الشاب اللي يغازل بسيارة و سيارة كشخة وجديدة اكيد اكيد انه مستلفهااااااااااااا من احد من خويانه يعني مو سيارته.
ثالثا:
اللي يغازل تلفوووووووووون يكوووون شكله شين مرة والبنات يدوروووون الحلوين ( يعوضون النقص اللي عندهم ) وبنااااااااااااااااء عليه
المفروووووووووووووووووض يتغير كل الاسلووووووووووووب اللي انت قلت عليه
احم احم
هذا للمعلومية فقط *_^
وهارد لك بالنصيحة الجااااااااااااااااااااي
ويا شباب يا حلوين البنت اللي تطرطق بالعلك وتلفت النظر يعني اكيد ما احد يمها وش تبي فيهااااااااا اثقلوا شوي
يؤ
اممممممممممم وش رايك بكلامي يالحاشي؟
:mm:

صاحب الددسن
29-05-2001, 11:09 PM
العزيز الغالي اخوي الحاشي000يعطيك العافية0
لا اعلم هل موضوعك يدعو الى الرذيلة 0ام انك تريد ان تعالج قضية وواقع اجتماعي00
فان كان الأول فلم اعهد كتاباتك كذلك ولك ان تراجع نفسك حول هذا الموضوع0
وان كانت الثاني فما هكذا تورد الابل يا سعد اقصد يا حاشي0
وسع صدرك 000واعتبرني اخوك العود0

وضاح
30-05-2001, 12:45 AM
ههههههههههههههههههههه
هههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههه
بعد فيني ضحك ماقضى !!!هههههههههههههههه
هههههههههههههههههههههههههههههههههه
بعد باقي ثنتين هه!!!!!!!

يا وجه الله وش ذا؟ منين جا ذا الخبل بذا الحتسي؟؟!!

الله يرجك ياشيخ ...صدقني اني ضحكت الين توسع فمي ثنين (سم) من اليمين واليسار!! (صار تقل بايكة ددسن)!!
<<هي الددسن تنحط في البايكة!!



كبدة الحاشي!!!

موضوع موب صاحي...
يعني خرافي!!!موب من الخرفان اللي هي الغنم!!(خابرك العقل والله انّه)!!
خرافي ..إت مينز مجنون!! <<معذبته اللغه هالولد!!


الدرووووووو اجل معطيها رقم الجوال ويحتريها في البيت!!!!!!!
كخخخخخخخخخخخخخخخخخخخخ
لوووووووووووووووح بقوه!!!
يا أخي مدري ليه تذكرني التناحه ذي بتناحة هلالوه الداج!!!

حبي المحشي...
اسلوب راقي ...وسخرية من طراز فني رفيع!!!


للروائع سيده!!! قبل لاتكتمل الردود....

شف واذا ماودوه لك للروائع...
تعال حطه في منتدى الصور والتصاميم وانا ازحلقه لك مناك للروائع من عند باب الحريم !!!
كخخخخخخخخخخخخ

ابوتس يالواسطه!!!!!!!!!!!

تقبل مني خالص كرررررررررررررررروجيه وتحياتي!!
<<ترى كررررررروجيه ما اعطيها أي احد!!

البشبشان
30-05-2001, 12:48 AM
و الله ان الموضوع قوي قوي جدا وفي الصميم
و ينم عن خبرة و دراية و فراسة ( حلوة فراسة ) اكثر منها؟

برغم الجو الغزلي اللي انت دخلتنا فيه و امتعتنا و اضحكتنا الا اني زعلان عليك وحاس ان كل كلامك موجه لي سخصيا ( اقصد شخصيا) ليس لان اسمي معروف لدى الهيئه او كشتي معروفه في الاسواق ...لا ابدا فانا ماني راعي هالسوالف ابد...

بس وشو له تقول بالحرف الواحد (( أيها الشاب الداج )) اش معنى اخترت الداج .. ليش ما قلت الصايع، المايع، السربوت،
هاه ليش تقول الداج بالذات ... قلت الكلمات ...
اذا ما انت عارف السالفة الى الان اقول اطلع شوي ..شوي فوق وشف وش مكتوب تحت اسمي ..؟
و انت تعرف ؟

بس مسامحك!! من حلاة موضوعك ...
و اكثر شيء معجبني فيه هالجملة((( لا تستسلم استخدم جميع طرق قطه الوجه والملحجة حتى لو ضربتك بجزمتها على راسك فيجب عليك ان تعطيها خدك لكي تطبع عليه ماركه الجزمه)))
الله يغربل ابليسك ورا ما تحترف المغازله؟؟

المخلص/
ابو بشبش

الخواجه
30-05-2001, 01:08 AM
الحاشي
يأخي جربت الطريقه مانفعت (واحد دلخ)

يعطيك العافيه على هيك موضوع ومناقشه

:yh: :yh: :yh: :yh: :yh: :yh: :yh: :yh: :yh: :yh: :yh:


واقول شكلك متأثر بالجنى وكتاباته

فيحان
30-05-2001, 02:55 AM
هلا بالحاشي ...

2/ رح لاي محل يبيع حاجات رخيصه (( ادري انك مطفر )) واشتر لك شئ وحطه في كيس..يعننك تتقضى…لزوم الهيئه اذا طبوا عليك

هههههههههههههههههههههههههههههههههههه
هههههههههههههههههههههههههههههه
ابووووووووك يالخبره ...
من جد بروفيسور ..
وبعدين من الجنط ذا الي يرقم بالجوال ويروح البيت يتحرى الاتصال ..
ههههههههههههههههههههههههههههههههههههههههههههههه
يعطيك العافيه :)

راعي الجنوط
30-05-2001, 04:57 AM
الحاشي الله يخس عدوك والله وشف انا قلتها شكلك مغازلجي سابق ومحترف



ههههههههههه اجل اشر شي وحطة بكيس ولا ........ههههههههههههههههه




لا وشفلك بزر امطخة ههههههههههههههه الله يلعن ابو هل حنية اللي طلعت



ههههههههههههههههههههههههههههههههههههههههه


تصدقون مره لاحظت كنت ب السوق ووحده طقعت بالبان والله اني مادري


وش السالفه ولا انتبهت يوم طلعنا قال خويي ترا تناظرك هههههههههههه

mr_mosta7el
30-05-2001, 07:43 AM
الغالي الحاشي 777
مساء النور
وربي موضوع رائع جداً
تسلم يديك يا بعدي
و الحقيقة تحرجني انت بمواضيك
المهم الموضوع مكانه الروائع ننتظر الردود تكتمل لنقله هناك

ضيف الغفلة
30-05-2001, 07:59 AM
الموضع حلوووووووووووووووووووووووووو:g: :g: :g: :g:
لكن هذي النصايح لي حتى اطيح بنات الناس :rr: :rr: :rr:
ولا على بنات الاحلام ؟؟؟؟؟؟؟؟؟؟؟؟؟؟؟؟؟؟
ولا الناس يطيحون أمي !!!!!!!!!!!! زوجتي!!!!!!!!!!! بنتي ؟؟؟؟؟؟؟؟؟؟ أختي؟؟؟؟؟؟؟؟؟ :mm: :mm: :mm: :mm: :mm:
والله دوختني وقلبي خضر لكن خايف من الايام:rr: :rr: :rr:

كعبور
30-05-2001, 09:30 AM
الحاشي افندم...

قسم بالله انك منسم...ودااااااااااااااج ..بس دجه غير طبيعيه...

هههههههههههههههههههههههههههههههههههههههههههههههههه هههههه

والله اني من البارح وانا كل ماتذكرت موضوعك ...انسدح من الضحك...

تصدق عاد...انا عندي قناعه...ان الشعب المحترفين والزقرت...الي لهم خبره بهالمجال<===يعني طلع روحه منها

عارفين الكلام الي انت قلته لهم...بس بطريقه غير منظمه‍‍‍!!!!!!!!!!

شكررررررررررررا.....على التعليمات....والطرق الجديده..

<===فاهم السالف غلط

عوافي عليك وعلى وجهك...

فضولية
30-05-2001, 10:09 AM
ههههههههههههههههههههههههههههههههه
كخخخخخخخخخخخخخخخخخخخخخخ<--ذي للموضوع
ههههههههههههههههههههههههههههههه
كخخخخخخخخخخخخخخخخخخخخخ<--وذي لرد وضاح
ههههههههههههههههههههههههههههه
كخخخخخخخخخخخخخخخخخخخخ
وهم شوية
ههههههههههههههههههههههههههه
كخخخخخخخخخخخخخخخخخخخ<--ذولا كلهم لرد كعبور
اجل انت مطلع روحك منها؟؟:D
ضحكتني ياشيخ.....
الا من جد يالحاشي..
تراه موضوع حساس مرة..
بس انت الي خبرك عتيق في الفن العريق...
تراه متطور مررررررررة....
والشباب جالسين يستعملون طرق ملتوية<--قوية ملتوية ذي
حتى ما عادت البنات الحلوين يشكون فيهم..
المهم..
الله يكفينا شر ذا البلا....
اختكم الحلوة : فضولية:hh:

محمد الحبيب
30-05-2001, 10:25 AM
ههههههههههههههههههه حركات حلووووه ...... بس تصدق عاد :we: ... كل ماجيت ابرقم بنت ... مادري وش يجيها ... تختب وترتبك وتنتفض ... وبعد كذا مادري الا هي ... معلنه توبتها همن تطير من ايدي ... انا الصراحة استغربت .. ليش اذا جيت ارقهمه .. تطوعوا ؟؟؟؟؟؟؟؟ عقب كم حالة ... تجرأت وسألت وحده منهم .... قالت .. انت الخالق الناطق ... شبه عزرائيل :(.. عقبه عرفت قدر نفسي .... وانطقيت في البيت .. بجنب التلفون .. لعلى وعسى تتصل وحده غلطانه والا شي :& بس لم ينجح احد لحد الحين


الصراحة اخوي حاشي ... انت فتحت عيون ناس كثيرة :) ... سالفتك هذي مثل الافلام ... الفلم مدته ساعتين ... ساعة وخمسة وخمسين دقيقة .. تحصل البطل فيه سعة صدر .. ومبسطو .. مراقص وفلة احجاج .. وأخر الفلم يتوب :( هاهاها

الحاشي777
30-05-2001, 12:53 PM
NorelshamsS :)
بالنظر الى ردك قررنا نحن العاشي واعوانه تععيينك النستشار النسائي في المننظمه:)
كخخخخخخخخخخخخخخخخخ
ياهلا:)
=====
صاحب الددسن:)
الاخ العزيز:
معاذ الله يا اخي ان ادعوا للرذيله وبيني وبينك كل شئ توقعته الى ان يصل التفكير بك الى هذا الحد...
وكلامك هذا محسوب عليك ومن جد زعلني منك:)
اخوي ..اعتقد انك قرأت الموضوع بسرعه..اتمنى ان تعيد قراءته ثانيه واهم شئ اخر سطر في الموضوع:)
وشكرا لمشتركتك
بس من سعد هذا؟؟
اذا كنت تفكرني شخص بهذا الاسم
ماحزرت مهو انا :)
:)
=======
وضاااااااااااح :)
هلا ومسهلا...
يارجال خلك ساكت لا والله اعلم عليك وعلى سواياك فيي المسنجر
خل عنك حركات القردنه النص كم:)
ودي ادري وش معتى كروووووووووووووووووجيه هذي...احس انها سبه:)
كخخخخ
======
البشبشان :)
عز الله انك فضيحه وانا حاط اسمك بالرموز جيت انت وفضحت عمرك يادااااااااااااااج
اقعد بها الحين
كخخخخخ
:)
====
الخواجه:)
هلا بك
الحق عمرك ولا اشطبوك من اللسته :)
========
فيحان :)
يالخبل مهوب خبره
لاتشوه السمعه..!!
هذا من ماسمعت وشاهدت وقرأت (( ياسر العظمه))
<==== ملفه اسود عند الهيئه:)
هلا بك:)
======
راعي جنوط:)
شفت اني صادق...
راحت عليك كخخخخخخخخخخخخخ
الا على فكره لقيت لك صوره ولا لا؟:)
=====
mr_mosta7el :)
ياهلا وغلا:)
بالعكس ياخوي انت اللي تحرجني
انت بالشكل ذا تحملني شئ فوق طاقتي قسما بالله:)
ولا لولا تشجيعك انت والاخوان ما وصلت للي وصلت له الحين...كلامكم وتشجيعكم يعطي الواحد دفعه ملعونه جد:)
شكرا لك:)
====
ضيف الغفله:)
هلا بك اخوي
الله يستر على اهلك ويحفظهم لك :)
اخوي القصد من الموضوع التنبيه وكشف الطرق والاساليب المستخدمه في هذا المجال:)
=====
كعبور :)
بلا غلط انت المنسم يبو الشباب وش شايفني لستك كفرات:)
<=== فاهم غلط :)
حياك الله:)
=====
فضوليه :)
والله انا ملاحظ البنات مهو عاجبهم الموضوع يقولون طرق قديمه
ابوووووووك يالخبره اللي تعرفونها
الركه فيكم علمونا بالجديد
كخخخخخخخخخخخخخخخخخخخخخخخخ
:)
====
محمد الحبيب:)
هههههههههههههههههههههههههههههههههههههههههههههههههه ههههههههه
كخخخخخخخخخخخخخخخخخخخخخخخخخخخخخخخخخخخخخخخخخخ
الله يرجك
يافاضحني يامغشلني في كل حته
وين راحت الدروس اللي علمتك فيها)
ابو حبيب:
في اعتقادي انك الوحيد اللي قرأ السطر الاخير
شكرا لك:)

NorelshamsS
31-05-2001, 02:08 AM
احم احم
ما ينطال راسي الحين
انا النستشاااااااااااااااااااار النسائي *_^
يا حبي لي مرة فرحاااااااانة انا يؤيؤيؤ يؤاااااااات كثير بعد من جاب سيرة فرحانة لحوووووووووووووووووووووول بروح ادور اسبرين ولا بندوووووووووووووول عورني راسي من تذكرتها
يالله اكمل ردي بعدين

قوطي من غير غطاء
31-05-2001, 02:16 AM
اسلوب في غاية الروعة ....تسلم ياأخ حاشي.
اموت باالمواضيع اللي فيها تفليت...وتنسيم راقي.......
اهنئك....ياحشحوشي.

الحاشي777
31-05-2001, 03:41 AM
NorelshamsS :)
ذا البنت مهيب صاحيه:(
<==== ينتظر وش وراها ؟؟
الله يستر :)
حياك الله:)
ولاعاد تتاخرين على الدوام ترى ماعندي لعب :)
====
الجني:)
استاذي العزيز
انا تلميذ في مدرستك:)
انت مثلنا الاعلى في التنسيييييييييييييييييييييييييييييييم :)
تحياتي السبيسيال لحضرتكم:)

قوطي من غير غطاء
31-05-2001, 02:07 PM
اخوي الحاشي7777
لقد ابدعت.......وتألقت .....فبارك الله فيك....
اللهم احفظ الحاشي7777.......
تسلم ..........ويسلم لي كل حرف......يعبر عن فكرك النير وأدبك الفائق النكهه.

القاتل المأجور
31-05-2001, 07:32 PM
حليلك ياذا الحاشي والله انك ماااااااااااش
انت تشوفني وتروح تعلمهم كيف يقلدوني:g:
طيب بيكملون البنات علي الله يبلاك في خفافك:mad:
لكن معليه المهم انكم ماتعرفون الخلطة السريه وبس:p

فتى طوكيو
31-05-2001, 10:42 PM
اخوي الحاشي 777،،،


يا خوي منتب صاااااحي ........ موضوع رووووعه

يعطيك العافيه

يا جماعة الروائع ما يبيلها كلام الروائع

الحاشي777
01-06-2001, 12:30 AM
الجني 1 :)
بصراحه ماعرفت وش ارد عليك واقول ..!!
مادامك هنا فانا على الدكه:)
بس ودي اسال كويستشن :
من وين جبت السبعه الزايده هذي ؟؟؟
:)
====
القاتل المأجور :)
اي والله شايفك مهوب انت اللي تلقط قواطيه ذاك اليوم:)
كااااااااااااااااااااااااااااااااااااااااااااااااا اااك:)
====
فتى طوكيو :)
مشكور اخوي الغالي:)
بس وين الغيبه:)
اكيد مابعد شاف صورته في موضوع الاحوال المدنيه ولا ماكان يمدح هالمدح..!!!
بس رجاءا لا تعصب..غلك طبيعي وامغط سبرايت:)
تحياتي:)
===

beauty
01-06-2001, 12:44 AM
روووووووووووووووووووووعة
تسلم الايادي على هالاسلوب الساخر الجميل ...
قمة في الروعة
قمة في الابداع ......
سلمت والله على هالاسلوب والطرح الجميل :)

الحاشي777
01-06-2001, 01:20 AM
beauty :)
الابداع هو المنظار الذي نظرتي به لموضوعي:)
مغسيه بكوا:)
<=== خواله من فرنسا:)

بدون عروه
01-06-2001, 03:18 AM
هلا بالحاشي :)

خذ هذي .. جديده

مره واحد اعرفه زين ( بعد شوي بقول أنا ) قبله كاتب رقـمه في الدرج .. شاف له بنت وهو يسوق بسرعة 1000 ... لزّ فيها ( يعني قرب مرررررره ) بزعمه عشان ما تتمشور البنيه وهي تلاحق الرقم !! ونطل الرقم تحت .. ومن الروعه لا يشوفه أحد لف بالدركسون ووطى رجلها :):):)

mr_mosta7el
01-06-2001, 03:58 AM
للروائع
مع التحية للحاشي777
:):):)

saroona
01-06-2001, 07:51 AM
احم احم
ابسئل سؤال
عقب الضحك واللزي منه
هل خفه الدم وراثه والا عامل سيكولوجي والا عامل بيزنطي والا عامل الثالث للمكعب والا وشهو بالضبط
عموما الله يعطيك العافيه
ذكرتني بسالفه - الله يقطع ابليسك- >>>>>>>> مثل جدتي مزنه
:fff:
تذكرت مره يوم طالعين من السوق وحالتنا حاله شايلين 400 كيس ... يعني مو خرج مغازل - خرج يعني وجه باللبناني -
والله شكلي بالعبايه كاني خالتي موضي >>>>>> عمرها 55
المهم جات دتسن وقام طلع راسه من الدريشه وقال الله يفشلكم وش هالاشكال ناظروا اللي قدامكم ( كان قدامنا بنتين من اياهم ) المهم البنتين يناظرون لنا ويضحكون
انا شفت الموقف يضحك قمت اضحك ........اخواتي زعلوا وانا فاطستن من الضحك :nn: <<<<<<< زي الحبيب هذا

saroona
01-06-2001, 07:57 AM
احم احم
ابسئل سؤال
عقب الضحك واللزي منه
هل خفه الدم وراثه والا عامل سيكولوجي والا عامل بيزنطي والا عامل الثالث للمكعب والا وشهو بالضبط
عموما الله يعطيك العافيه
ذكرتني بسالفه - الله يقطع ابليسك- >>>>>>>> مثل جدتي مزنه
:fff:
تذكرت مره يوم طالعين من السوق وحالتنا حاله شايلين 400 كيس ... يعني مو خرج مغازل - خرج يعني وجه باللبناني -
والله شكلي بالعبايه كاني خالتي موضي >>>>>> عمرها 55
المهم جات دتسن وقام طلع راسه من الدريشه وقال الله يفشلكم وش هالاشكال ناظروا اللي قدامكم ( كان قدامنا بنتين من اياهم ) المهم البنتين يناظرون لنا ويضحكون
انا شفت الموقف يضحك قمت اضحك ........اخواتي زعلوا وانا فاطستن من الضحك :nn: <<<<<<< زي الحبيب هذا

حسن كجمغلي
01-06-2001, 02:41 PM
ادييلوووووو على راسوووو :D

<----- معليش داخل عرض :)....أهم شي الأخلاق..هههههه

خطيرررر يالحاشي ;)

محب للشباب
13-08-2001, 12:22 AM
شكراً