PDA

View Full Version : دخيل الغمزتين



مغبون
29-05-2001, 10:46 PM
تمنيت العيون تصافحك مير اللقا محظور
عزاي ان الخيال اللي رسمته ساكن فكري

اذا ماجهلت عيون البعيـد بحالتي معـذور
حبيبي واعذره لو هو بحـالي عالم ويدري

لاجل عين تمنتني عساها من بنـات الحور
تسوق الها النواظر لاتبدت لي بعض عذري

من اطراف البسيطة ينهمـر شلالي المنثور
عسى يلقـى بهـا كفارة ايماني وخفا نذري

صبـاح العـاشق اللي لاتبـدا للغرام يثور
لهـيب في شـرايينه دفـوق صادق عذري

صباح مقـابل عيون يشع بها الضيا والنور
يعذر ارجوحة احساسي اذا ماعانقت شعري

تبختر يادلع عمر خـوى من لحظتين شعور
على درب فرشته لك من ابيـاتي ومن نثري

دخيل الغمزتين اللي حوت نار وحوتها بحور
دخيل احلىانهزامات الضلوع وماحوى صدري

دخيلك كـل شي الا فراق مـاوراه حضور
يـانبـع في جـوانيبه تفرع سـاقي وجذري

انا مـاكنت احسب ان الثـواني تنقلب لدهور
الين ان الثـواني فـي غيابك تـوهت فكري

صيد
29-05-2001, 11:16 PM
روعه اخوي مغبون ...
ابياتك اكثر من روعه ..:)
احييك عليها ..
وابارك لعذب الكلام عودتك له ...:)
وكمل ابداعك يامبدع ...:)
اختك صيد ...

THUNDER_SS
30-05-2001, 12:18 AM
الاخ الكريم / مغبون ...

السلام عليكم ورحمة الله وبركاته ...

تبختر يادلع عمر خـوى من لحظتين شعور
على درب فرشته لك من ابيـاتي ومن نثري

والله لم تكن لحظتين .. ولكن كانت موج هادر .. لف المنتدى بهذه الرائعه .. جميله

ومذهله الى حد النخاع ..

اخى الكريم / تقبل خالص الشكر وعاطر الثناء ..

____________________________ اخوك / الرعد THUNDER_SS

مغبون
31-05-2001, 01:45 PM
صيد :
ولا ابداع ولاشي ..لاتكبرينها .. ماهي الا هموم نصبها

===========

THUNDER_SS

وعليكم السلام ..

تعيش يالحبيب .. بس عن المبالغة

تحياتي لكما

عاشق وفاء
31-05-2001, 02:21 PM
العزيز مغبون

مساء الخير

تسلم وصح لسانك
كلمات وابيات منظومة بطريقة سلسة ورائعة

تبختر يادلع عمر خـوى من لحظتين شعور
على درب فرشته لك من ابيـاتي ومن نثري

يحق له يتبختر ويتكبر بعد:D

انا مـاكنت اظن انه الثـواني تنقلب لدهور
الين ان الثـواني فـي غيابك تـوهت فكري

تحياتي لك

مغبون
01-06-2001, 02:24 PM
هلابك ..
مااختلفنا .. يحق له .. بس نشوفه..

صح بدنك يالحبيب .. وعساك سالم

فضولية
02-06-2001, 12:27 PM
انا مـاكنت احسب ان الثـواني تنقلب لدهور
الين ان الثـواني فـي غيابك تـوهت فكري
==========
بصراحة ذي اول مرة اقرا لك موضوع..........
بس من اليوم ورايح راح اقرا كل مواضيعك...
كلماتك حلوة مررررررررررة...
بس تدري...
تراك منت بهين ...
وتسلم الايادي;)
اختك الحلوة : فضولية:hh:

مغبون
06-06-2001, 01:11 AM
اتشرف بمجيئك .. وازداد شرف بمداومتك
ربما يكون ماذهبتي اليه صحيح .. لكن الاصح مالم يعلمه سوى رب هارون وموسى ..

عساك سالمة

عسل
06-06-2001, 02:02 AM
ح لسانك يا جدي .. وانا اشهد انهن يذبحن هالغمزتين :)

--

عســـــــــ تحياتي ــــــل

مغبون
07-06-2001, 02:44 PM
صح بدنك يالحبيب