PDA

View Full Version : أكاذيب الحب



عاشق وفاء
03-06-2001, 01:21 AM
مساء/صباح الخير (حسب الرغبة)
أولا اعتذر عن عدم مشاركتي في الردود على مشاركاتكم نظرا لإنشغالي بتجميع عفشي وتجهيز شنط العزوبيه. وانشالله لي عودة بعد ترتيب الشقه. وبمناسبة الرحيل احببت ان اشارك بهذه الكلمات رغم اني لا أتذكر هل سبق أن نشرتها هنا ام لا؟!!!!

اتمنى ان تنال استحسانكم
أكاذيب الحب

جيتها جيتها وكلّي أمل
جيتها جيتها وقلبي مشتعل
ينبض حنان ينبض وفاء
كلّه أحاسيس وشعور
بس أفكر بس أحاتي
وآتسائل في سرور
عند اللقاء كيف الكلام
كيف التصرف بالأمور
طال انتظاري وانتهى
بعد انتظاري شفتها
هي دانتي هي دنيتي
عرفتها هي نفسها
بس الأسف ياللأسف
في وجهها مسحة حزن
تحكي هموم تحكي ألم
تحكي مآسي هالزمن
في صمتها تحكي الدموع
وفي عينها نظرة تروع
تخفي كلام تخفي شعور
تخفي نهاية والسلام
مدري خطاي مدري الظروف
مدري مكاتيب القدر
طال انتظاري للقاء
والحين مدري وش بقى
مدري ش اقول قولي معاي
مدري ش ابدّي بالكلام
مدري اعتذاري مطلبك
والا انسحابي يسعدك
ليش السكوت ليش الحزن
ليش التعذّر بالظروف
ليش الخيانة والكذب
ليش التمادي يا هنوف
كافي خداع قولي وداع
قولي مرادي وانتهى
قولي كرهتك وش بعد
قولي .. تراني قلتها
هذا خطاي يومك معاي
غلطة وقلبي له ثمن
برحل بعيد بس الأكيد
طبعك خيانه من زمن

غرام
03-06-2001, 01:37 AM
الحب حقائق..
كلمات جميلة واسلوب سلس جدا
ياااااااااي على الابداع..
بس .. لي على المعنى شوي
الغرام .. وشو الغرام ؟؟؟؟؟؟
بس لا تجاوبني زي اسير الشوق :)

عسل
03-06-2001, 01:44 AM
عاشق وفا ..

شكلك .. طالب جامعي ..:)

ذكرتني .. ايام الله يرحمها .. اجمل ايام حياتي ..

التذكرة .. وشنطة السفر .. والبيجاما ..( البس بيجاما في الطياره :) الرحلة كانت طويلة ..جدا ..)

يووووووووووه يا عاشق ..

كنت تودع حبايب .. وتستقبل حبايب ..

تروح مشتاق وترجع مشتاق ..

والله لخبطت مشاعري الحين ...

الله يستر عليك ويوفقك ...

وكل كلامك وقصايدك .. ارشحها بدون توجدي حتى .. الى الروائع

واتمنى من الله يجمعك مع من تحب يا خوك ..

-----

عســــ ذكريات ..والله زمان يا عسل ــــــل

صيد
03-06-2001, 05:08 PM
ياهلا بيك اخوي عاشق وفا....
طبعا مبدع كالعاده ..:)
بس يااخي انت غريـــــــــب بشكل خــــــياالي ....
<=====ناويه اتسوي رساله الماجستير في عاشق وفا ...:D
واكيد ابفهمك بس اصبر علي:D
<===مايستعصي عليها شي:)
اخوي عاشق:( اقطع يدي من هنا (<==اشّرت على كوعها:D
كاني فاهمه شي) :(بخصوص غيابك عن المنتدى ...
الحين انت بتروووح ؟؟؟؟؟وين ؟:D <====هالسؤال اختياري ترى :)
؟؟؟بترجع طيب؟ اهم شي ؟؟؟؟متى؟؟؟؟
معليش فهمي على قدي :)
انشاء الله انك تقرا كلامي قبل لاتروح وترد:(
وشكرا لك :)
اختك الصيد..:)

وجد الكتابة
03-06-2001, 05:37 PM
قولي كرهتك وش بعد
قولي .. تراني قلتها
===========
الغالي ابو الوفا
من صجك قلتها؟
عيني في عينك طيب
اكبر عيار
:D
كالعادة كلماتك تتألق في سماء عذب الكلام
وبالنسبة للرحيل
اوافقك الرأي
تفتح لنا باب على الاقل
;)
دمت لي يبو وفاء

noot1
03-06-2001, 06:31 PM
كلمات عفــــويه جداً
ومعاني سلسه وجميله
تحمل أمنيات صافيـــــه منك ..

أتمنى أن تتحقق وأن تجد الوفاء في رحلتك .. وفي قلوب من تحب ..

-------------------------------------------------

تحياتي لك ..
أختك : نــــوت

laptop99
03-06-2001, 09:40 PM
اخوي المتميز
عاشق وفاء
صبحك الله بالخير /مساك الله بالخير (حسب الدجه):D

حبيت اسلم عليك واخذ اخبارك
وبصراحه
كلماتك عذبه وسلسه وجميله
احس انها بتفرش شقتك :D
الله يقويك
ويوفقك
سلمت يمينك
ولك تحياتي

عاشق وفاء
03-06-2001, 10:02 PM
العزيز(ه) غرام

مساء الخير
اشكرك على تشريفك والغرام ال أنت

تحياتي

عاشق وفاء
03-06-2001, 10:25 PM
العزيز عسل
مساء الخير

هلا بالعسل والبيجامات والشنط كلها ومليون غلا فيك يالغالي

والله بالنسبة للطالب الجامعي أتمنى والله أكون :rolleyes:

والبيجامات والزحمة وتجهيز العزوبية أتوقع تكون في نهاية الإجازة والا مو كذا يابو الوجد.
ذكرتني باللي على بالي وناسيني

والله احرجتني فعلا مشكور يالغالي على دعواتك وكلامتك الطيبة
والله يستر عليك ياشيخ دنيا وآخره وينولك كل اللي على بالك ياااااا رب

احتراماتي :wow:

عاشق وفاء
04-06-2001, 01:23 AM
العزيزه صيد:rolleyes:

صباح الخير

مشكوره اختي
مو غريبه
كل احاسيسي قريبه
وما فيه ريبه
راجع لك يابو الوجد
راجع ابنظم شعر
راجع بكتب نثر
راجع لك مو لأحد

يعني ما راح اطول انظم عفشي وارجع أو........ يعني على السبت يكون الوضع تمام انشالله.

اشكرك على سؤالك
تحياتي

وجد الكتابة
04-06-2001, 03:42 PM
قال راجع لي قال
يبه انا ابي الفكه منك
روح ولا ترجع
خذ مني اجازة مفتوحة
:D

عاشق وفاء
05-06-2001, 06:00 AM
العزيز ابو الوجد

صباح الخير

رائع بمشاركاتك ورائع بردودك وبحضورك

اشكرك على كلماتك وتشجيعك المستمر

وبعدين ليش ما تبغاني ارجع ترى بقول لمعاناة انك تقول .......... :D :D :D

ورغم ردك الأول
وتأكيده مع الثاني
وقولك ما تبقي قربي
يميني ما تحش اشول:D :D :D
رياضيات ما تفهم
فيها الضرب عذبنا
وحبايبنا تهددنا
بقسمة باقي احساسة
وتوزيعه كما انفاسه
وطاري الجمع مايذكر
تراضيهم ولا تشكر
وطاري الطرح يسعدهم
بدايتهم وموعدهم
بعد رحلة عنا للسوق
رميتي بيدك الطرحه
طرحتي كل مجاميعي
نسيتي ما مضى شرحه
رياضيات ما تفهم
فيها الوجد عذبنا
وحتى الشرح لو طول
يميني ما تحش اشول


راجع لك هناك

تحياتي

معاند بحر
05-06-2001, 01:55 PM
السلام عليكم

اخوي عاشق وفا

بصراحه كلمات في غاية الروعه ... ومااقدر بصراحه اقول شيء فيها لكن يكفيني اني تشرفت ورديت عليك برد متواضع .

اخوكـــــ معاند بحر ـــــــ

عاشق وفاء
06-06-2001, 02:08 AM
عزيزتي نوت

صباح الخير

اسعدني حضورك اختي ومشكوره على كلامك الجلو

دعواتي لك

============
العزيز لاب توووب

الله يسلمك يالغالي ولا يحرمني هالطله

كلك ذوق يا احلى لاب

اشكرك عزيزي على حضورك وتشجيعك المستمر

واذا على الشقه مفروشه اثاث من الأصل بس على الله تنفرش حب :D

تحياتي لك