PDA

View Full Version : تذكريـــــــــــــــــــن!!



وجد الكتابة
06-06-2001, 08:36 PM
تذكرين كيف كنت شوك وكنتي ورود
وكيف كان البستان يقبلني ويرفضكي

تذكريـــــــــــــن؟

تذكرين كيف كنت شوق وكنتي بـرود
وكيف كان الحب يكتبني ويشطبكــــي

تذكريـــــــــــــــن؟

تذكرين كيف كنت خيال وكنتي شــــرود
وكيف كان الشعر يحررني ويسلبكــــــي

تذكريــــــــــــــــن؟

تذكرين كيف كنت حياة وكنتي جمـــــــــود
وكيف كان الصمت يعذبني ويطربكـــــــــي

تذكريــــــــــــــــن؟

تذكرين كيف كنت فارس وكنتي عنــــــــــود
وكيف كان الشوق يقربني ويبعدكـــــــــــي

تذكــــــــــــــــــرين؟

لا والله ما تذكريــــــــن
ولا ناوي اذكــــــــرك
انســـــــــــــي كل اللي كتبته
وانسي القلب اللي نهبتــــــــه
غصب عنك سرقـــــــــــته
وبيدي خذتــــــه وذبحــــــته
قتلتــــــــــــه
مجرم مع مرتبة الشــــــــــــرف
يا للأســــــــف
حبـــــك شطبــــــــــــته
لكن رجعت ورسمـــــــــــــته
في نور السمـــــــــــــــا
خالد مثل اسمـــــــــــــي

لا تذكريــــــــــــن!!
---------------
همسة
" ابذكرك مثل اليتيم لا ذكر امه وابوه....ياهو يصيح..ياهو يتألم
ابذكرك مثل السقيم لا عرف مابه علاج......يقدر عن الفرحة يتكلم!!!
ابذكرك مثلي انا...شقى وخوف والم.....في وسط قلبي يعلم!!!!!"

beauty
06-06-2001, 09:24 PM
تذكرين كيف كنت شوق وكنتي بـرود
وكيف كان الحب يكتبني ويشطبكــــي

وكيف لها ان تكون بعدما احبت شاعر؟؟؟؟؟؟؟؟؟
==================
لكن رجعت ورسمـــــــــــــته
في نور السمـــــــــــــــا
خالد مثل اسمـــــــــــــي

ما اجمل المشاعر .. و ما اجمل كلماتك ......اخي وجد الكتابة

:)

وجد الكتابة
06-06-2001, 09:28 PM
لا هالاسبوع انا محظوظ
بيوتي المميزة في اول الردود
:)
----
سيدتي
لا عدمتك
ولا خلت عيني من عيون حرفك يا الاميره
دمتي للوجد

عاشق وفاء
07-06-2001, 01:35 AM
عزيزي ابو الوجد

صباح الورد

وهذا انا كملت عقد اللؤلؤ ورديت عليك:D :D
كلماتك وحتى قبل اقراهم ذكروني بكلماتي اللي ما نسيتهم

تذكرين تذكرين كيف قصتنا بدت
تذكرين ذاك اليوم
تذكرين كيف كنتي؟
ومن وين أنا ومنهي انتي؟
لو ناسية باذكرك
على دقات قلبك كنت أشكرك
تصدقين
تصدقين على نفسي كنت أنا مستكثرك

تعبيرك كان جميل جدا واسلوب العرض ايضا كان ممتع وعودتك ايضا كانت جميله

اسلوب استفزازي نوعا ما ويشيلك فوق فوق ويتركك فوق:D

تسلم الأيادي وتسلم على الصوره

اللي يرد بعدي يقول لي معنى الجملة هذي والقافيه مفتوحه:D

(ابذكرك مثل السقيم لا عرف مابه علاج......يقدر عن الفرحة يتكلم!!! )

عسل
07-06-2001, 04:41 AM
لي عوده ..

---

عســـــ محجوز للاهميه ــــــــل

عاشق وفاء
07-06-2001, 06:27 AM
وهذا محجوز:D

beauty
07-06-2001, 12:39 PM
هذا من حظي .. كنت بقول ان من حظي ..
بس والله خفت احسد روحي :)
كخخخخخخخخخخخخخخخخخخ
:D
لي الشرف والله
<<<ما عليه تأثير الامتحانات ..
:D

وجد الكتابة
07-06-2001, 02:14 PM
ابو الوفى
يا هلا وغلا بك
العقد ما يكتمل بك يا عاشق
انت غلطان
انت بروحك عقد ماسي
ماسي = مأسي
:D
فديتك
يا عقد من الوفا منثور
-----
سيدي كلماتك رائعة
وذكريات جميلة
وبالنسبة للصورة ان شاءالله اعجبتك
اشوفك ما رديت علي
على العموم انا ابيك تخطب لي
لاني سمعت انك مشتغل خطابه هالايام
علشان كذا طرشت لك الصورة
:)
-------
ابو وفاء
لا خلا ولا عدم منك
واحجز على كيفك
المكان لك بلاش
:)
دمت لي

وجد الكتابة
07-06-2001, 02:24 PM
عسل الروائع
الساعة بمية ريال
لا تتاخر
تكثر المصاريف عليك
:D
هلا وغلا بالعسل وبالخليه
:)
دمت لي يا الغالي

وجد الكتابة
07-06-2001, 02:28 PM
ابذكرك مثل السقيم لا عرف مابه علاج......يقدر عن الفرحة يتكلم!!!
---------------
بيوتي المميزة
امتحانات ورازه ويهك هنا
ايه بعدين تدعين علينا انا وعاشق
وتقولين سبب سقوطك
:)
تمنياتي لك بالتوفيق
انشاءالله تنجحين ويسقط عاشق وفاء
:)
------
دمتم

صيد
07-06-2001, 03:08 PM
يؤ ...يؤ ...يؤ ....:(:(:( <========اخر من قرا الكلمات:(
بس اقوووول :o يصلح نحجز مكان للرد :o ...؟؟؟؟
تراني حاجزه هالمكان و ابنزل ردي اذا راح الموضوع للصفحه الثانيه :)
مو لشي :rolleyes: بس كذا لكاعه :):rolleyes:


وجد ......كلماتك ....فيها....سي السيد && ..وفيها ...اقولك ...:(.ولا بلاش ..&& ..

صيد..:fff: :fff: :fff: :fff:


ابذكرك مثل السقيم لا عرف مابه علاج......يقدر عن الفرحة يتكلّم!!!
ابذكرك مثل الوحيد لاطفى نور سراج ......يقدر على الجمال يسلّم !!!

بس..

اعرفك مثل النسيم لاكره لا احراج...........وما يبي جرحه يعلّم !!!

غرام
07-06-2001, 05:50 PM
لا ما اذكر ولا ابي اذكر :)
يااااااي على فقدان الذاكرة

تذكرين كيف كنت فارس وكنتي عنــــــــــود
وكيف كان الشوق يقربني ويبعدكـــــــــــي

معاني شفافة.. وحنين وعتاب مبطن ..
يا اخي اعترف ليه تكابر ؟؟؟
والا لازم تصير سي السيد ؟؟؟؟؟؟؟
يااااااي سي احمد عبدالجواد
طب كاني ثقلت ؟؟
جاملني وقول : اييييه ثقلتي وبزود بعد
البيت اعلاه مميز.. وان يفتقر لشعور مغرم

ضب آطخم
07-06-2001, 06:04 PM
الغالي ابو وليد

صح لسانك يا بعدي كما تعودنا منك الفكره الجديدة والخيال الخصب

تستاهل الروائع يا غالي

معاناة القلوب
07-06-2001, 06:57 PM
http://www.angeleyes2.com/platinum/images/ca/rose12.gif
*
سيدي الوجد
لابد أن تذكر
طالم أن قلمك خط مثل هذه الكلمات
!!!
بس سؤال للضب الآظخم
يارب يشوفه
:)
وش ذا التوقيع الرهيب
:)
سلمك ربي
*
:
http://www.angeleyes2.com/graphics/RHBar.gif
حرفٌ من حروف الألم
معاناة القلوب

وجد الكتابة
07-06-2001, 07:51 PM
صيد المشاعر
يا هلا وغلا
لا والله ما في سي السيد
انتي بس مو لابسه العدسات
:D
----
وينك يا صيد مفتقدينك هالايام!!
لا يكون تحضرين للماجستير
:hh:
هذي صيد وهي تذاكر
-----
تسلمين يا الغالية على حضورك
لا عدمتك

laptop99
07-06-2001, 07:51 PM
الأخ العزيز
وجد الساخر ;)
يخليك ربي على الابداع الروعه يابعدي
بس بدايتها حلوه ودلع
بس انت الله يهداك تحب المفاجآت قلبت عليها
المسيكينه ماتقوى :(

اهنيك على رائعتك
وسلمت ياغالي

وجد الكتابة
07-06-2001, 07:55 PM
غرام يا هلا وغلا
انتي احلى شي في ردك التوقيع
:D
هذا من كلام فهد عافت
روعة
------
والله يا غرام ما في سي السيد
ما ادري ليش شايفين كذا!!!!!
على العموم وجهات نظر
شاكر لك هالحضور
وهالشخبطة
اللي تسعدني اكيد
دمتي

وجد الكتابة
07-06-2001, 09:14 PM
ضب اطخم
صح بدنك يبو عابد
ما عليك زود

عسل
08-06-2001, 03:07 PM
وجد ...

ابي اقوولك ..شيء ..

اعتزل عسل .. من يوم بدا وجد ..

تدري يا وجد ..حتى الردود .. والله اني تغيرت فيها ..

اكثر شيء صرت اكرهه .. القلم ..

واكثر شيء صرت المسه .. القلم ..

لكن .. يوم ادخل لموضوع لك .. احس انه لازم اكتب .. ضروري اكتب ..

وقبل لا اكتب .. اسجل .. ابداعك للروائع ..

واعتبرني اخ لم تلده .. جدتك ..<----- حلوه بس ابي اغير الحزن شوي

------

تنكرين ؟؟

هذي المحبه فـ قلوبنا ؟؟
وهذي الموده فــ اسلوبنا !!!!!!
كانت لكِ ...
والله لكِ ....
وكل آهات الالم ..كانت بكِ ..
وتنكرين ؟؟

رجعنا تسماحنا ...
والتقت كفك وكفي ..
وتعانقنا ..
وصار العطر واحد ..
عطرك وعطري ..
وغفرت لك باقي ذنوبك ..
الله ما اكثرها ذنوبك ..
تنكرين ؟؟

وهناك ..
وفي ما بقى من طرف ثوبك ...
مسحت فيه دمعه اسيره ..
ليتها الدمعه الاخيره ..
كلك ذنوب ..
وانتي الخطايا ..
وانتي الالم ..
وشهو الفرق بيني وبينك ؟؟؟
انا بشر ..
وانتي اميره ؟؟؟؟؟؟؟

يا وجد بنشدك عن شكوى
عن من عشق لحظه
وعن من هوى اللحظه ..
يومه معاها ..
كانت ملاذه ..
كانت لروحه المأوى ..
اعطاها من حبه كثير ..
وعشقها اكثر من كثير ..
وقالت وش انت ؟؟
قلت العشق حاضر ..
قالت لي عشاقي كثير ..
قلت المحبه ..
ردت بضحكه ساحره ..
ما دامت محبه لفقير ..
قلت واللي كان ؟؟
همست بخوف ..
منت بحياتي .. الاخير ..
والحقيقه .. تدري وش هي اخر حقيقه ..
اضحك بضحكه ساخره ..
كانت فقيره ..
او للاسف ..يمكن حقيره ..
وكان العسل هو الامير ..
لا تنكرين ......

------

عســـــــ تحياتي يا وجد ..ــــــــل

وجد الكتابة
08-06-2001, 03:13 PM
معاناه القلوب يا هلا وغلا
لا لا الضب ماله خص
:)
ممنوع الاسئلة في صومعتي للغير
اسئليني انا
:)
دمتي
لا خلا ولا عدم منك يا تمســـ!!!!
:)

وجد الكتابة
08-06-2001, 03:15 PM
لاب توب
يا هلا وغلا بولد العم
شدعوه قلابي انا مب وجد
:)
----
سيدي تأسرني بكلماتك
لا خلا ولا عدم من خشتك
:)
هذي معلمني اياها الضب
:)
يقول زينه
----
دمت لي

وجد الكتابة
08-06-2001, 03:33 PM
ادري عشاقك كثير
وادري بينهم اسمي الاخير!!
لكن ما يهم
دامه في عين نفسه امير!!
ابسألك .....هذي العبايا...
وشحدرها!! داب وحيايا!!!
ابسألك هذي النوايا...طيبه
ولا تبي تشقي هنايا!!!
ابسألك...يوم العطايا...
يوم جيتك كلي هدايا..
ليه قبلتي..وما رفضتي!!!
ليه خليتي خالد ضحايا!!!
جاوبيني
كلميني
جمعي فيني البقايا
خافي ربك فهميني
ارحمي فيني بكايا
مسرحية
فيها مجني
لابس ثوب الجنايه
ملحمة عشق بنيته
من ضلوعي ومن صبايا
وللاسف جيتي
وهدمتي
يا غاليه
سور البنايه!!!!!!
=========
سيدي العسل
ما اجملك وانت تمسك القلم
سطور رائعة
ورائعة ورائعه
رددت عليها بسطور اتمنى ان ترقى الى مستوى روعتها
مبدع يا العسل حتى وانت كاره للكتابة
----------
شكرا لك من القلب يا عسل الكتابة

عسل
08-06-2001, 04:32 PM
------

وجد .. والله انك مبدع يا اخي .. قريتها اكثر من خمس او ست مرات ..

وحبيت ادون انها بلحالها موضوع يستحق الروائع ..

وقبل لا اطلع .. سجل اللي فوق عندك على عجل ..

متى تبينا نسوي امسيه .. بالفويس تشات ؟؟

-------

وجد الكتابة
08-06-2001, 10:05 PM
سيدي عسل سيد الكلمه
:)
فويس شات....يعني بالصوت
ما في في الصورة بعد
:)

انا حاضر لك يا عسل
تامرني يا استاذي
-------
دمت لي

عسل
09-06-2001, 02:59 AM
انا جاهز صوت وصوره اذا حبيت ;)

بس ودي القى مكان زين .. وفااااااااااااضي

-----

تحياتي اخوي

وجد الكتابة
09-06-2001, 08:47 PM
شرايك نسوي فيها تذاكر
:D
للي يبي يشوف
تتوقع نربح!!
-----
اهم شي البيض والطماط من صوبك
اذا فيها حذف المسألة
:)

الراشد
10-06-2001, 10:20 AM
الوجد الغالي

تذكرين

تذكر يوم اني نهبتك

وبسيف حبي عسفتك

ياوجدي سمعتك

ولبيت نداك الحر بس ذبحني صمتك

ذبحني اليوم هجرك

واليوم لا جيت بين قلبي وقلبك

يطري علي نسناس صيفك وبردك

ياحسافه على وقتي نهيته

وظيعت عشقي بشوك جنيته

احبك ياوجد

اخاف يحسبوني وحده
:D
هذا رد الحبيب عليك

سيد الوجد انت رائع بكل امانه

الراشــد

زنزانه 13 :D

وجد الكتابة
10-06-2001, 09:17 PM
فديت اللي يحبوني
:)
وخاش في قلبك
:D
----
دمت لي يا الراشد
لا خلا ولا عدم من هالطلة الحلوة

النجديه
11-06-2001, 11:09 PM
وجد الكتابة

أعتذر عن التأخير فمثل حروفك لاتحتمل التأجيل...

هل ذكرت ما كان
واشتاقت لما كان
وتاهت بعد المكان
وعطشت للشطئان
ستذكر
فبصمة بلا ملامح
سؤال بلا جواب
خريف يجتاح لياليها
شتاء يعصف بها
صيف يحرقها
ربيع يحرمها
وفصل خامس زاد لها
آهة ثم آهة ....تجمع الاربعة فتدميها



أخي يالهذه الذكرى تقيدنا ولا نقيدها
تعجزنا فنرضاها ...مكبلين
رائع دوما ....
سلمت يداك ...

وجد الكتابة
12-06-2001, 08:04 PM
نجديه
يا هلا وغلا
يا سيدتي الرائع حضورك واضافتك التي تشبهك بالتاكيد
دمتي للوجد
لا خلا ولا عدم منك