PDA

View Full Version : كل الفهارس ماقوت تحتويني !!!



مغبون
07-06-2001, 09:22 PM
لولاك ماجيتك على روس الاهداب
امشي واشيل احلام عمري بعيني

طرف سهير وخاطر منك منصاب
وبعض الهجوس اللي جمعها حنيني

جيتك بقـايـا لـو تجمعت بكتـاب
كـل الفهـارس ماقـوت تحتويني

والله لـوهـو من مـلايين الابواب
يعجز يضم اللـي اضمـه بعيني

ياللي خذيتيني تقـاطيع واسـراب
ليتك مثل ماجـاك عمـري تجيني

هلي واجي شوق من الوصل سكاب
وكـل المـواري بارتبـاكة يدينـي

انا وفرحـي والمواجـع والاسباب
وعروقي اللـي لـوحت باليمينـي

نستقبل الدنيـا ورى درفـة البـاب
كلـي طلعت ولابقـى شـي فيني !!

هو للغـلا نـار وجنـه ومحراب ؟
هو للغـلا ذمـه ومذهـب وديني ؟

اقولـها يومـه سكب جمر وتراب
بين العـروق التي تضمك وبيني !!

غرام
08-06-2001, 10:32 AM
ياللي خذيتيني تقـاطيع واسـراب
ليتك مثل ماجـاك عمـري تجيني

ياااااي على معانيك
تاخذ من العذوبة كلها
بااااي

نادر
09-06-2001, 01:46 AM
السلام عليكم ورحمة الله وبركاته :

الاخ / مغبون
تحية طيبه وبعد
روائع تعانق السحاب00 ماشاءلله عليك ارجو انك ماتحرمنا من هالجمال 00عساك ماتحرم الجنه
تقديري وعظيم احترامي

مغبون
13-06-2001, 10:10 PM
احبتي :

غرام : كل ذوق يالنشميه

============
نادر :
شكرا لدعوتك الصادقة لاحرمك الله من اجرها


مع كل التحايا