PDA

View Full Version : رسالة طفله



Naif
08-06-2001, 04:58 PM
بسم الله..
الرســــاله


يا بعَد كل الرسايل.. هالرساله

توّها ماكمّلت عمر الطفوله

طفلةٍ فيها العطر.. ياطووول باله

ودّه يْسولف غرام.. وهي خجوله..

مثل طبع اللي كتبها من دَلاله

في مسافات الزمن و اربع فصوله

مترفٍ.. لا جيت أشوفه شاف حاله !!

ما تهيّا منْه لو نظره عجوله

صار عندي راس مال.. وراس ماله :

ضحكةٍ معها عقل.. بس مْهبوووله!!

لا ضحك.. كنّه مْسوي بي جـِماله

كنّي أقطف ورده و عقده و لُوله

و ارسم لزوله شكِل.. كنّي ظْـلاله

و ارفع لسمعي يدي.. كنّي بـَ طُوله

كلّما حرمّته.. ألقاني حلاله !!

وكلّما عنْه أبتعد.. قرّبت حَوله

كنت أفكّر مرّه.. ألقى لي بداله

دام وصله صعب.. والأصعب وصوله..

قلت : يالله نفترق.. كلّن و فاله

قال : يالله. قلت : لحظه!من يقوله؟!!..

قلبي أحلامه معه.. حسبة عْياله

و انت : حلمٍ توّه بْعمر الطفوله .

الشاعر : رشيد الدهام

شمس
09-06-2001, 01:05 PM
اخي نايف
قصيده جميله
واختيار موفق
لك مني كل الشكر
:)

Naif
11-06-2001, 05:29 PM
شمس ولك مني جزيل الشكر علي ذوقك
نايف