PDA

View Full Version : من مذكــرات : مهنق !!!!!!!!!!!!!



متوهق
22-10-2000, 07:34 AM
اليوم أبي أقول لكم (سالفة) حصلت لي من قريب لكن تبون الحقيقة.. والله

أخاف (أهنق) قبل ما أكملها.. وان حصل انتظروا (شوي) حتى أعمل (رست)
خبركم الجهاز مجمع والبرامج (مسروقة) ولا يهون البروكسي.. المهم
(خلوني)
أرجع للنافذة المفتوحة قصدي السالفة.. أنا شفت الربع طايرين بالعجة
وكل مصمم له صفحة شخصية باسم يحبه قلبك ومجمع فيها ما هب ودب.. صور
وما أدراكم ما الصور.. وأغان.. وتاريخ العائلة والجيران حتى اسماء
الشغالات (والسواويق).. ما يبي يخلي أحد.. والبريد الالكتروني (مرتز)
مترين \ مترين ودفتر الزوار مفتوح وفيه قلم بعد..! وعدد الزوار
يضربه
في 10 أس 3.. ومن زين الطبائع أول ما تدخل على (الكشكول) قصدي
الصفحة يستقبلك ويقول ترشحني لأفضل موقع وإلا لا.. ليه المسألة
(غصب)..
ماني مرشح يا أخي.. مزاجي.. ما أعجبني.. (غاير) منك فيها شيء.. ولا
قلت لا.. شانت الأخلاق.. وطردك من الموقع وهو يسب ويشتم.. وقال وش
جايبك أجل (تدربي) راسك ياللي ما (تستحي)..؟!

- تصدقون عاد حتى شغالتنا الاندونيسية (جيني) مصممة لها صفحة شخصية
باسم "شغالة مهنق دوت مطبخ" لا وفيها (لنك) لصفحة السواق الفلبيني
(جيري).. والله اني على نياتي.. جهازي (المصون) كل ما جيت من العمل
(الين) ريحته بصل وزفر واندومي.. أتاريها (تسنتر) عنده من يوم
يطلعون
الأهل حتى يرجعون.. الله يخلف اخرتها (هوم ديلفري) من أقرب مطعم (واو)
ياكثر النوافذ اللي أنا فتحت بس تدرون أبي أقفل (نافذة) قصدي
(سالفة) الطبخ والغداء ونرجع (بالباك) لنافذة الصفحات الشخصية..

بديت أزور المواقع من دون موعد اخر (الليول) حتى ما يكفشني أحد.. لا
وكل (شوي) اطلع من الموقع وأرجع عشان (أشيك) على عدد الزوار خوفي
احد
دخل بعدي.. وهات (يا كوبي) و (بيست) ما عندي وقت.. وبعد استنفار
وسهر ليالي و (تطنيش) للشباب في الاستراحة وطقاق مع الأهل.. صممت لي
صفحة
ولا كل الصفحات.. صورتي وأنا واقف عشان تكون أوضح مرتزة في الصفحة
الرئيسية (أتميلح).. وعداد الزوار (خليته) يبدأ من 5000 (ترى غيري
بدأ بعشرين ألف للمعلومية).. والله اني (حبيب).. وبعد ما دشنت الموقع
(حلوة دشنت).. بديت اترجى الشباب والمعارف انهم يزورون الموقع. .!

* يوم من الأيام دخلت على صفحتي وياليتني ما دخلت.. أول ما فتحت
الصفحة (الين) عدد الزوار زايد بشكل مخيف.. طبعا عداد الزوار في أول

سطرين من الصفحة الرئيسية مرتز فوق صورتي.. قلت وش صاير.. اجل صفحتي

مشتهرة.. لكن (الطامة) يوم بدت الصورة تتحمل.. يا جماعة شيء مرعب..
الكشرة كشرتي لكن باقي الجسم والله العظيم مو أنا شيء مرعب يخوف.. يا
جماعة الخير أنا أعرف نفسي.. ماعندي تضخم في الغدد.. المسألة فيها
إن
ا.. وأرجع (أبحلق) في العنوان عشان اتأكد ان العنوان صحيح.. الله
العنوان صحيح.. وش السالفة اجل.. مير وأنا (اطمر) وأكلم صديقي وأنا
مرعوب وأقول له القصة وأنا ارتجف.. كان يبدأ (يكركر) ويضحك
(الصتيمة).. حرق أعصابي الله يحرق جهازه بفيروس (تشير نوبل) يارب..
وفي
الأخير يقول لي تراني (مهكر) على صفحتك ومغير الصورة بالفوتو شوب
وملزقها .. !

آه.. ومن وقتها ما عطيت احد عنوان صفحتي.. بكيفي انا حر.. مو صفحة
شخصية ؟ خاصة فيني مابي احد يشوفها.. شيء شخصي.. الله وأكبر اذا سألت
احد عن موضوع قال شخصي.. الا الموقع الشخصي كل يزوره ويدريبه.. ويطلع

عليه.

وسلام.. يبدو اني بديت (اهنق) باي باي...


حوارات مهنقة:

- معلمة لصديقتها: أبشرك تعينت في هجرة (أم العبس).. لكن محتارة وين

(الاقيها) فيه.

صديقتها: ابحثي عنها في ياهو..!!


- الأول: وين تدشر آخر (الليول)؟

الثاني: في الاستراحة دوت كوم..


- الأول: ياللي ما تستحي وش (جايب) صورتي على (الديسك توب) حقك؟

الثاني: وش دراك..!!


- صاحب الاستراحة للحارس: انتبه لا يتسللون الحرامية للاستراحة اخر
الليل..

الحارس: ما (تخافش) يا بيه انا محمل برنامج (أنتي فيروس).


- المريض: يا دكتور أنا احس بصداع مزمن..

الطبيب: نم على السرير (أبي افحص) (الريجستري

mr_mosta7el
22-10-2000, 07:54 AM
هلا هلا هلا بالاخ متوهق
كيف حالك .. و وش اخبارالتهنق معاك
ودي اسأل هل انت اللي تكتب في جريدة الرياض؟

[تم تحرير الموضوع بواسطة mr_mosta7el (edited 21-10-2000).]

النشمي
22-10-2000, 08:42 AM
ههههههههههههههههههههههههههههههههه

طيب ان مالقته بالياهو؟

MajNoOoOoN
22-10-2000, 11:18 AM
و الله يا شغالتكم فاهمه
عندها موقع ؟؟؟؟؟
يعني شغالتكم احسن مني .... لاااااااا
بروح اسوي موقع
<-------مصدق ذا

متوهق
22-10-2000, 11:27 AM
المعذرة mr_most77eg مهوب أنا مهنق أنا متوهق http://saudia.virtualave.net/ubb/frown.gif http://saudia.virtualave.net/ubb/frown.gif بس هذي من مذكرات الكاتب مهنق اللي أعجبتني . شكرا لك.

<----قايل لكم متوهق http://saudia.virtualave.net/ubb/smile.gif

mr_mosta7el
22-10-2000, 02:03 PM
لا شكلك بالحيل متوهق و الحاله وصلت عندك مرحله متوهقه من التوهيق و التهنيق
خخخخخخخخخخخ
الله يحيك و يا حبي لك تكفى