PDA

View Full Version : بوشيــات بوشـبوش..!



الفارس مفروس
14-08-2004, 01:58 AM
صراخ وأصوات عالية تنبعث من داخل المكتب البيضاوى.. أخرج على إثرها العديد من موظفى البيت الأبيض رؤوسهم من مكاتبهم كما تخرج السحالى رؤوسها من الجحور.. الكل ينظر إلى مصدر الصوت ولا يفهمون ماذا يحدث..

بالداخل.. جلست كوندليزا على الكرسى المواجه لمكتب الرئيس بوش ، وجلس كولين باول فى الكرسى المقابل ، وبعيدا على الأريكة الواسعة جلس رمسفيلد شاخصا ببصره إلى سقف الغرفة.. أما بوش فكان يقف على مكتبه ، يقفز ويصرخ فى جنون.. موجها حديثه إلى كوندليزا وهو يضرب برجليه المكتب فتتطاير معه الأوراق والملفات فى وجه الجالسين..

بوش: كوندى.. لازم أفهم منك دلوقت حالا إيه اللى بيجرى..؟! ليه كل الناس بتقول علىّ إنى حمار.. يعنى (بالإنجلش الفصيح) دونكى..!.. إزاى حانكسب فى الإنتخابات بالطريقة دى..؟!
كوندليزا: سيادة الرئيس.. أكيد الشعب بيحبك ولازم يعطيك أصواته فى الإنتخابات القادمة.. وسيادتك طبعا عارف ليه.. الناس عايشه فى رعب وهلع وكل شوية نرعبهم برفع حالة التأهب مرة برتقالى ومرة أحمر.. وسيادتك طبعا باين فى الصورة إنك إنت اللى حاميهم وحارسهم.. كل الحكاية إن سيادتك زودتها حبتين فى موضوع الغلطات اللغوية فى خطبك وأحاديثك الصحفية ، وطبعا ده أعطى لأعدائنا وخصومنا الفرصة للتشنيع عليك بأنك يعنى.. ولا مؤاخذة يعنى (...)!
بوش: ماتقوليها إنت كمان.. بلا سيادة الرئيس بلا هباب بقه.. أنا مش قادر أفهم ليه الناس مكبرة الموضوع بالشكل ده.. إيه يعنى شوية غلطات وتهتهات وكام كلمة من اللى مابيتفهموش.. إيه اللى حصل يعنى..؟!
كوندليزا: سيادة الرئيس.. يعنى فى عز التحضيرات للإنتخابات ، وفى وسط كل المشاكل اللى إحنا غارقين فيها.. تيجى سيادتك وتقول فى خطابك "إنك ستعمل جاهدا على دعم الإرهاب فى الولايات المتحدة!" هل ده يعقل يا ريس..؟
بوش: كوندى.. إنت عارفه كويس أنا كان قصدى إيه ، أنا كنت عاوز أقول إنى سأعمل على منع الإرهاب.. مش دعمه..!
كوندليزا (بقرف): سيــــــادة الرئيــــس.. أنا فاهمة قصدك كويس.. لكن دى مش المرة الأولى لغلطاتك.. حتى أجهزة إستطلاع الرأى أكلت وشنا ، آخر إستطلاع أجروه كانت نتيجته إن 90% من الأمريكيين ليس لديهم مانع من إنتخاب رئيس مستواه العقلى أقل من العبقرية بقليل ، لكن كلهم أجمعوا على إن إختيار رئيس أمريكى مستواه العقلى أقل من مستوى الأغبياء شئ مرفوض.. طبعا قصدهم سيادتك..
كولين باول يكتم ضحكة خبيثة ، ويتقلب فى كرسيه فى إتجاه رمسفيلد.. وبوش يزداد جنونا ويقفز من على المكتب فى حركة بهلوانية رائعة ليسقط أمام باول.. ويصرخ فى وجههه..
بوش: آآآه.. شوفتك يا باول ، بتضحك علىّ وفرحان يا كابتن.. حتى أنت يا بوللى..!
باول: سيادة الرئيس أعذرنى.. حقيقى أنا ما كنتش بأضحك على (الغلطة) بتاعة المرة دى.. لكن أنا إفتكرت يوم ما جالك رئيس دولة التشيك وقلت له بمنتهى (البلاهة) "أنا لم أسمع عن بلادكم ولا أعلم عنها أى شئ إلا من يومين فقط حين قابلت وزير خارجيتكم".. ده كلام يتقال برده يا سيادة الرئيس.. كسفتنا وسودت وجوهنا..!
بوش يحمر وجهه من شدة الغضب بعد أن ضحك الجميع بصوت عال على ما قاله باول..
بوش: إسمع يا باول.. أنا عارف إن دمك محروق منى لأنى مخليك فى الإدارة دى آخر من يعلم وحيطتنا المايلة..! لكن أنتم لازم تساعدونى فى المشكلة دى.. حا نخسر الإنتخابات وهانرجع نقعد على القهاوى يا ناس.. وساعتها كلهم هايدوروا علينا عشان الإنتقام والحسابات..
باول: قصدك إيه ياسيادة الرئيس؟
بوش: نعم يا أخويا..!؟ إصحى لى إنت وهو وهى.. إنتم ناسيين إن إحنا قاتلين الآلاف من البشر.. فى أفغانستان والعراق وغيره وغيره.. و طول ما إحنا فى السلطة مافيش حد هايفكر يقرب لنا.. لكن لو خرجنا ياحبيبى إنت وهو.. مش بعيد يقتلونا يا بوللى..!
باول: مين اللى يقتلنا يا ريس.. هو إحنا مسلمين ولا إيه..؟!
بوش: الزرقاوى أو بن لادن يا فالح.. دول إيديهم طايلة..!
رمسفيلد يخلع نظارته بعنف ، ويكسرها بيديه ثم يلقيها على الأرض ، ويدوس عليها فى هستيرية وغضب.. وينظر إلى بوش..
رمسفيلد: إسمعنى كويس يا سيادة الرئيس.. الخازوق اللى عايزنا نشربه معاك ده.. من واجبى إنى أوضح لك إنك هاتشربه لوحدك.. أنت صاحب قرار الحرب.. وإنت اللى قلت لنا إدخلوا العراق فدخلنا العراق.. وعلى رأى المثل.. إدبح يا زكى يا قدرة.. يدبح زكى قدرة..!
كوندليزا تقفز من كرسيها بتلقائية سريعة كأنما قرصها حنش.. مشيرة إلى رمسفيلد بإصبعها الأسود الغليظ..
كوندليزا: إسمع يا رمرم.. الوقت ده مش وقت حساب وعتاب.. خلاص إحنا دخلنا العراق وإنتهى الموضوع.. وسيادة الرئيس كان بيكره صدام كره العمى.. وعلى مدى سنوات طويلة كان بيشوف كوابيس وحشة خالص.. كأنه نايم على الأرض وصدام رابط رجليه فى الفلكه وبيمده على رجليه وسيادة الرئيس بوش يصرخ زى العيال ، فكان لازم يحارب صدام عشان يثبت لنفسه إنه قوى وشجاع.. ويا سيدى اللى مات وقتل فى العراق أهو إرتاح من الدنيا وقرفها.. واللى لسه عايش باقى العصابة اللى بتحكم فى العراق ها تقوم بالواجب..
رمسفيلد: أنا آسف.. إحنا لازم فعلا نهدئ أعصابنا شوية وإلا هانروح فى أبو نكله..!
كوندليزا: إحنا مشكلتنا دلوقت فى لسان سيادة الرئيس اللى فرج علينا اللى يسوى واللى ما يسواش.. عاوزين نشوف له حل عشان يبطل يخرف.. ويقول كلمتين عليهم القيمة..!
رمسفيلد: طبعا كلكم عارفين إن أنا كنت أعانى من نفس مشكلة (اللسان الفالت).. لغاية ما تكرمتم علىّ جميعا وأبعدتمونى عن الميكروفون..
باول (مقاطعا رمسفيلد): آه.. أنا حتى فاكر أنهم أعطوك جائزة الكلام الغير مفهوم Foot in the Mouth وده كان على حديث صحفى غريب مافيش حد فهم منه حاجه.. أنا نفسى شعرت أنك كنت ولا مؤاخذه يعنى.. ضارب حجرين..!
رمسفيلد ينظر لباول بإحتقار.. ثم يكمل كلامه..
رمسفيلد: شكرا للسيد الوزير على التوضيح الظريف أبو دم خفيف.. كنت بأقول لسيادة الرئيس إن أنا كنت على علاج لفترة طويلة عشان أتخلص من هذا الداء..
بوش يقفز مرة أخرى على المكتب ويصرخ فى فرح..
بوش: علااااااااج... يعنى فى أمل يا رمرم..!؟
رمسفيلد: طبعا فى أمل.. وخير دليل على ذلك إن أنا لم يصدر منى ولا تخريفة واحدة على مدار الشهور الماضية.. صح يا كوندى..؟!
كوندليزا: نعم ده صحيح.. فلم نسمع منك أى كلمة عبيطة من زمان..
باول يهز رأسة معبرا عن موافقته على كلام كوندليزا..
بوش: أيوه ياسيدى.. قول لى بقه إزاى أتعود على الكلام الزين.. وأبطل خرفطه..
رمسفيلد: بسيطة.. كل يوم تقف أمام المراية لمدة ساعتين.. تردد هذه الجملة "أنا مش حمار وأهبل.. أنا رئيس محترم" على الأقل ألف مرة خلال هاتين الساعتين.. وفى النهاية ستجد نفسك مقتنعا فى وجدانك وفى عقلك الباطن إنك راجل محترم ولازم تتكلم كلام محترم..
بوش ينظر لرمسفيلد فى سرور بالغ ، ويقفز مرة أخرى من على المكتب بخفة عالية ليسقط فى حجر رمرم.. فيقبله بحنان بالغ..!

على مدار الأسابيع التى تلت هذا الإجتماع الهام ، والذى غيّر مستقبل بوش السياسى وأعطاه الأمل فى الفوز بالإنتخابات القادمة ، كان بوش يُرى فى ردهات البيت الأبيض كثيرا ما يقف أمام المرايا ويتمتم بكلام غير مسموع لمن حوله.. يكرره ويعيده..
"أنا مش حمار وأهبل.. أنا رئيس محترم"
"أنا مش حمار وأهبل.. أنا رئيس محترم"
أنا مش حمار.................

حتى إنتشرت إشاعة قوية فى البيت الأبيض وإنتقلت بدورها إلى الأروقة السياسية فى واشنطن.. أن الرئيس بوش أصابه الجنون..!

مها دبي
14-08-2004, 02:12 AM
وتتوالى الاحداث .. يدخل المكتب احد مساعدي الرئيس
الرئيس : ( يضع سماعة الهاتف ) حسنا اتضحت الرؤية الان
المساعد : نعم سيدي
الرئيس : هذه الاشاعة يجب ان لا تمر بسلام ..
المساعد : لقد تقصينا الحقيقة وعرفنا صاحبها .. انه فرد عربي يكتب في احد المنتديات ..
انه يضن بان كذبته تتسع الجميع
الرئيس : ( يفكر )
المساعد : سيدي المشكلة ليست في الحمار انه حيوان مسالم اليف كما تعلم لكن المشكلة
تكمن في صاحبه انت تعلم جيدا تلك التراكمات التي يعيشها المجتمع العربي ..
الرئيس : ( يدرك المرمى ) هذا صحيح
المساعد : لكن هناك شيء لم افهمه
الريس : ماهو
المساعد : ماذا يقصد بالخازوق
الرئيس : ( يضحك ) لا تهتم به كثيرا .. لقد خرج الخازوق منذ زمن من .... لكن يبدو
انه اصبح في عقولهم .. انهم لا يريدون استخدامه
المساعد : ( يضحك ) انه خازوق عثماني اليس كذلك
الرئيس : انه يظن اننا ترك لكن من نوع مختلف ..
المساعد : سيدي الا يوجد فيهم رجل رشيد يدرك ان هدفنا في ارضهم هدف نبيل
الرئيس : ( يضحك ) بلى .. لكن لو اعترفوا بم يكتبون .. !!
المساعد : هل تعلم سيدي بم افكر
الرئيس : بم
المساعد : كنت اتمنى لو ان الخازوق يظل في مكانه
الرئيس : لا ... لقد اخرجه صدام ووضع خازوقه مكانه .. ومع اننا خلصناهم منه لكنهم
لا يريدون الاعتراف بفضلنا عليهم ..

الكادح
14-08-2004, 03:11 AM
رموز كالحة اجتمعوا على مفسدة000000 vv:

تحياتي لك a*

ابونسيبة
14-08-2004, 03:30 AM
ويتسابق الزعماء العرب لمصافحته .....طوبى للمساكين

الفارس مفروس
14-08-2004, 05:22 AM
وتتوالى الاحداث .. يدخل المكتب احد مساعدي الرئيس


الرئيس : ( يضع سماعة الهاتف ) حسنا اتضحت الرؤية الان
المساعد : نعم سيدي
الرئيس : هذه الاشاعة يجب ان لا تمر بسلام ..
المساعد : لقد تقصينا الحقيقة وعرفنا صاحبها .. انه فرد عربي يكتب في احد المنتديات ..
انه يضن بان كذبته تتسع الجميع
الرئيس : ( يفكر )
المساعد : سيدي المشكلة ليست في الحمار انه حيوان مسالم اليف كما تعلم لكن المشكلة
تكمن في صاحبه انت تعلم جيدا تلك التراكمات التي يعيشها المجتمع العربي ..
الرئيس : ( يدرك المرمى ) هذا صحيح
المساعد : لكن هناك شيء لم افهمه
الريس : ماهو
المساعد : ماذا يقصد بالخازوق
الرئيس : ( يضحك ) لا تهتم به كثيرا .. لقد خرج الخازوق منذ زمن من .... لكن يبدو
انه اصبح في عقولهم .. انهم لا يريدون استخدامه
المساعد : ( يضحك ) انه خازوق عثماني اليس كذلك
الرئيس : انه يظن اننا ترك لكن من نوع مختلف ..
المساعد : سيدي الا يوجد فيهم رجل رشيد يدرك ان هدفنا في ارضهم هدف نبيل
الرئيس : ( يضحك ) بلى .. لكن لو اعترفوا بم يكتبون .. !!
المساعد : هل تعلم سيدي بم افكر
الرئيس : بم
المساعد : كنت اتمنى لو ان الخازوق يظل في مكانه
الرئيس : لا ... لقد اخرجه صدام ووضع خازوقه مكانه .. ومع اننا خلصناهم منه لكنهم
لا يريدون الاعتراف بفضلنا عليهم ..
شكرا يا مها على إضافة آخر صفحة من هذا النص..
والتى كانت قد سرقت منى قريبا من بيتك هذا الصباح..!
ويا لهول المصادفة.. فقد حوت نفس الكلمات بالتمام والكمال..!
وطبعا أنا لا أقول هذا الكلام شكا فيك.. لا سمح الله..!
وإنما أسميه... توارد للأفكار.... المسروقة!!
هههههههههههههه.. سمعانى كويس..!؟

شكرا لمرورك ولكلماتك
مفروس

الفخ .. رانى
14-08-2004, 08:33 AM
هايل يا مفروس

ضحكتنى عالصبح

على فكرة كل ماذكرته صحيح .. تخيل ! ! !

salem salim
14-08-2004, 08:36 AM
ولك الف تحية وتحية

راهب الشوق
14-08-2004, 11:23 AM
اول مره احس ان في حد يتفق معي في الرأي
ان الراجل بوش ده انسان بسيط الي درجه البلاهه
و مجنون عظمه يتلاعبون به كالارجوز

مها دبي
14-08-2004, 12:58 PM
سمعاك يافندم

الفارس مفروس
14-08-2004, 04:47 PM
رموز كالحة اجتمعوا على مفسدة000000 vv:

تحياتي لك a*
أخى الكادح.. حياكم الله
رموز كالحة مالحة..
إجتمعوا على أمة باعوا أملاكها فى المزاد العلنى..

تحياتى
مفروس

الفارس مفروس
14-08-2004, 04:49 PM
ويتسابق الزعماء العرب لمصافحته .....طوبى للمساكين
عزيزى أبو نسيبة..
أشد ما فى هذا المشهد من ذل.. هو هوان حكامنا الأشاوس
على رئيس غبى مثل بوش ، خطف عقله عصابة الصهاينة
فلنا الله..!

تحياتى مفروس

الفارس مفروس
14-08-2004, 04:56 PM
هايل يا مفروس

ضحكتنى عالصبح

على فكرة كل ماذكرته صحيح .. تخيل ! ! !
أستاذ الضحك حتى الموت.. عمنا الفخرانى
سعيد بمرورك لإلقاء السلام والتحية..
طبعا أنا متأكد أن هذا الكلام هو ما يحدث حقيقة..
يعنى مين سيتكلم فى خيبتهم التقيلة غيرنا..

أخوك مفروس

الفارس مفروس
14-08-2004, 04:57 PM
ولك الف تحية وتحية
أستاذنا العزيز ..
ولك منى ألفين تحية وتحية..

مفروس

الفارس مفروس
14-08-2004, 05:01 PM
اول مره احس ان في حد يتفق معي في الرأي
ان الراجل بوش ده انسان بسيط الي درجه البلاهه
و مجنون عظمه يتلاعبون به كالارجوز
العزيز الغالى أبو الشوق..
إنت لسه راهب ياراجل..؟!
ده خلاص الرهبان إتأهلوا وبقوا أصحاب عيال..!
سعيد إنى موافقك فى الرأى.. فى دى بس خلى بالك..!
إنما موضوع (طره) والقلعة وسلومة الأقرع.. ولا أعرفك..!

تحياتى
مفروس

بحشل القاري
14-08-2004, 05:27 PM
:D:


أحلى ما في الموضوع :cd:

روحك المرحة [ يا شقي ] k*

والترابط الحواري العجيب :g:

والقدرة الفائقة [ على تنظيف الصحون ] :xc:




أقصد على توضيح النصوص بالهيموغريفي.. f*




شاي يا عمو جمال.. للواد فارس المرفوس قاهر الروس..

*c


بانتظار الجزء الثاني من بوشيات بوشبوش [ بعد الانتخابات ]

)k

jalil
14-08-2004, 05:30 PM
جميل كلامك يا مفروس عن هذا البوش ;)


ويقال ايضا :

أراد بوش يعرف سر طول جلوس الملكه اليزابيث على عرش بريطانيا

ذهب بوش لاليزابيث و سألها: ما السر وراء كونك ملكة بريطانيا كل هذه المدة ..؟؟ :cd:

قالت: لأني دايما اختار ناس أذكياء يشتغلون....

معايا.... والدليل بتشوفوه !

راحت الملكة و اتصلت بتوني بلير: توني, اسألك سؤال :

ابن امك و ابوك بلكن مش اختك ولا أخوك ...من يكون؟

قال بلير بثقه: Its me !! :cool :i:

عجبت الفكرة بوش وراح يجربها مع ادارته ...

اتصل بوش بديك تشيني ..

وقال: ديك أنا عندي سؤال

قال:اسأل سيدي الرئيس ..

قال بوش: ابن امك و ابوك لكن مش اختك ولا أخوك من يكون؟

احتار تشيني و ما عرف الإجابه !
:l:
وقال بتردد و ارتباك: سيدي الرئيس, ممكن تعطيني فرصه افكر في الإجابه !

قال بوش : OK

راح تشيني واجتمع بأعضاء الكونجرس وسألهم السؤال،

لكن مافي واحد فيهم عرف الإجابه ..! :

قال واحد منهم: نسأل كولن باول يمكن يعرف الإجابه .. :xc:

اتصلوا بكولن باول و سألوه: مستر باول, ابن امك و ابوك لكن مش

اختك ولا أخوك من يكون؟

قال باول بكل بساطه : Its me !! :cool

راح تشيني وهو فرحان إنه اخيرا وصل للإجابه وقال لبوش :

سيدي الرئيس, أنا عرفت الإجابه على سؤالك,...

الجواب هو كولن باول ..!!! :D:

قال بوش: يا غبي, الجواب هو توني بلير.............. :u:


شفتوا ذكاء بوش الغبي...



تحيــــاتي :nn

ريا
15-08-2004, 03:21 AM
حكت الواقع ببساطة .......رائع فارس .....
بالمناسبة سمعت أن الشائعة بدأ يصدقها بشبوش نفسه ....alhilal :n:
........ أحمد الله صبح مساء أني لست حاكمة يجب علي الضحك لأناس لا أطيقهم .....

.....فضلا عن استضافتهم في بيتي .....

الفارس مفروس
15-08-2004, 04:57 AM
:D:



أحلى ما في الموضوع :cd:

روحك المرحة [ يا شقي ] k*

والترابط الحواري العجيب :g:

والقدرة الفائقة [ على تنظيف الصحون ] :xc:



أقصد على توضيح النصوص بالهيموغريفي.. f*



شاي يا عمو جمال.. للواد فارس المرفوس قاهر الروس..

*c


بانتظار الجزء الثاني من بوشيات بوشبوش [ بعد الانتخابات ]

)k





مين.. بحشل بحشولة..!؟
أخيرا أطلقوا سراحك من عنبر المجانين فى مستشفى الملك فينيكس..!
أنا سمعت إنهم سكّروها بالضبة والمفتاح..!
سعيد برؤيتك تمشى بيننا بلا قيود..
بحشل الجميل.. على وعد بتقديم الجزء الثانى بعد الإنتخابات..!

بيتنا ليس فيه أبواب.. فمرحبا بك فى كل وقت.. وبلا إستئذان..!
تحياتى المبحشلة لمعاليك
مفروس

الفارس مفروس
15-08-2004, 05:01 AM
جميل كلامك يا مفروس عن هذا البوش ;)


ويقال ايضا :

أراد بوش يعرف سر طول جلوس الملكه اليزابيث على عرش بريطانيا

ذهب بوش لاليزابيث و سألها: ما السر وراء كونك ملكة بريطانيا كل هذه المدة ..؟؟ :cd:

قالت: لأني دايما اختار ناس أذكياء يشتغلون....

معايا.... والدليل بتشوفوه !

راحت الملكة و اتصلت بتوني بلير: توني, اسألك سؤال :

ابن امك و ابوك بلكن مش اختك ولا أخوك ...من يكون؟

قال بلير بثقه: Its me !! :cool :i:

عجبت الفكرة بوش وراح يجربها مع ادارته ...

اتصل بوش بديك تشيني ..

وقال: ديك أنا عندي سؤال

قال:اسأل سيدي الرئيس ..

قال بوش: ابن امك و ابوك لكن مش اختك ولا أخوك من يكون؟

احتار تشيني و ما عرف الإجابه !
:l:
وقال بتردد و ارتباك: سيدي الرئيس, ممكن تعطيني فرصه افكر في الإجابه !

قال بوش : OK

راح تشيني واجتمع بأعضاء الكونجرس وسألهم السؤال،

لكن مافي واحد فيهم عرف الإجابه ..! :

قال واحد منهم: نسأل كولن باول يمكن يعرف الإجابه .. :xc:

اتصلوا بكولن باول و سألوه: مستر باول, ابن امك و ابوك لكن مش

اختك ولا أخوك من يكون؟

قال باول بكل بساطه : Its me !! :cool

راح تشيني وهو فرحان إنه اخيرا وصل للإجابه وقال لبوش :

سيدي الرئيس, أنا عرفت الإجابه على سؤالك,...

الجواب هو كولن باول ..!!! :D:

قال بوش: يا غبي, الجواب هو توني بلير.............. :u:


شفتوا ذكاء بوش الغبي...



تحيــــاتي :nn
عزيزى جليل..
مشكلة بوش أنه غبى حقيقة ، وليس على سبيل التندر أو المبالغة..
وهذه الوقائع التى أوردتها فى مقالى حقيقية..
فهو فعلا عبارة عن شوال غباوة..

شكرا لمرورك وكلماتك
مفروس

بحشل القاري
15-08-2004, 09:14 AM
مين.. فارس المرفوس قاهر الروس..؟!!:u:




يا مرحبا.. يا مرحبا.. :p




نورك حرق الكهرباء.. *c




فرّوُسي.. :h:


بجد عندك واسطة..


c*


نسيت فينيكس في المطبخ.. :n:


____________________

بَحشلَ يبحشلُ بحشلةٍ

وكانتِ العربُ قديماً..

تُبحشلُ الإبلَ أيما بحشلةً

الفارس مفروس
15-08-2004, 10:00 AM
فرّوُسي.. :h:


بجد عندك واسطة..


c*



نسيت فينيكس في المطبخ.. :n:




____________________

بَحشلَ يبحشلُ بحشلةٍ

وكانتِ العربُ قديماً..



تُبحشلُ الإبلَ أيما بحشلةً

الواسطة تتوقف على نوع وملمس (الوِسط) المراد توسطه.. واخد بالك معايا..!
وبعدين...

يا مفترى.. أول شئ عملته بعد ما سنكروا المستشفى.. تشوى الراجل فى الفرن..!؟

ألف رحمة على عظامه المبحشله تحت درجة 400.. كان راجل ولا كل المجانين..!

الفارس مفروس
15-08-2004, 10:42 AM
بالمناسبة سمعت أن الشائعة بدأ يصدقها بشبوش نفسه ....:h:"
بوشبوش رجل غلبان.. لا يصدق ولا يكذب..
لأنه ببساطه لابد له أن يفهم حتى يصدق شيئا أو يكذبه..
والفهم آفة عند هؤلاء يجب محاربتها..!

مفروس

صدق الحروف
15-08-2004, 11:59 AM
أخى فارس

أحييك بقوة على مقالك الرائع الذى يصف حقائق مضحكة مبكية

تخيل أن هذا الغبى يحكم العالم
ويخر الملوك والرؤساء طلبا للصفح والغفران
ونحن ملكناهم زمامنا
فمن نكون نحن
اذا كان رب البيت بالدف ضارب فشيمة أهل البيت هى الرقص

سامحنا الله على ما اقترفنا فى حق انسانيتنا وقضايانا
وضمائرنا وعقولنا
ورضينا بان نبقى كالانعام او أضل سبيلا

اشكرك أخى وكلنا مفرسون حتى النخاع
عسى الله أن يأتى بالفرج قريبا
ونكون أحق به وأهله
تقديرى واحترامى

بحشل القاري
15-08-2004, 01:43 PM
فروسي..
:D:
ريا تقصد بشبوش أفندي.. [ حيث يوجد بشبشة ]..
k*
مش بوشبوش بتاعك..

:l:

أكلت المقلب.. وشربت حتى الثمالة..
:n:
عظم الله أجرك..

)k

الفارس مفروس
15-08-2004, 01:54 PM
فروسي..

:D:
ريا تقصد بشبوش أفندي.. [ حيث يوجد بشبشة ]..
k*
مش بوشبوش بتاعك..




:l:

أكلت المقلب.. وشربت حتى الثمالة..
:n:
عظم الله أجرك..



)k

إحنا معانا جواسيس يا ولاد ولا إيه..
علىّ النعمة ما أعرف مين بشبوش أفندى ده..
الواحد عمّال يهرفط بالكلام والدماغ سخنت..

الفارس مفروس
15-08-2004, 01:57 PM
أخى فارس

أحييك بقوة على مقالك الرائع الذى يصف حقائق مضحكة مبكية

تخيل أن هذا الغبى يحكم العالم
ويخر الملوك والرؤساء طلبا للصفح والغفران
ونحن ملكناهم زمامنا
فمن نكون نحن
اذا كان رب البيت بالدف ضارب فشيمة أهل البيت هى الرقص

سامحنا الله على ما اقترفنا فى حق انسانيتنا وقضايانا
وضمائرنا وعقولنا
ورضينا بان نبقى كالانعام او أضل سبيلا

اشكرك أخى وكلنا مفرسون حتى النخاع
عسى الله أن يأتى بالفرج قريبا
ونكون أحق به وأهله
تقديرى واحترامى
أختنا صدق الحروف..
تحياتى أبعثرها على موكبك المار من أزقتنا المتواضعة..

مفروس

بحشل القاري
15-08-2004, 10:06 PM
للمرة الثانية على التوالي..:u:

طب المكبوس.. فروس المنحوس..:l:



الرجاء.. معاودة الاتصال مرة ثانية..:confused:



ارعص :c: انقر :j:اضغط d* اكبس h* انحر:ab: اقتل :fr:



بشبوش أفندي.. (http://www.alsakher.com/vb2/showthread.php?t=82703) :xc:



:m::m::m:

الفارس مفروس
15-08-2004, 10:31 PM
للمرة الثانية على التوالي..:u:


طب المكبوس.. فروس المنحوس..:l:





الرجاء.. معاودة الاتصال مرة ثانية..:confused:


ارعص :c: انقر :j:اضغط d* اكبس h* انحر:ab: اقتل :fr:



بشبوش أفندي.. (http://www.alsakher.com/vb2/showthread.php?t=82703) :xc:




:m::m::m:

بحشولى حبيبى..
يا ترى إنت بحشل ليه..؟!
وهل لكونك بحشل ومبحشل كمان.. أى علاقة بكونى غير قادر على التبحشل فى ما وراء ردودك المبحشلة..؟!
لعلى أكون وضحت قصدى من هذه التخاريف البحشلية..!
فإن لم تفهم سؤالى فلا تسألنى.. لأننى لم أفهم أيضا..!
على أى حال.. التبحشل لا يفسد للدجاج بيضا..
ولا يهمك..!
ما زلت على بطينى الأيمن فى قلبى الشمال..!

مفروس قاهر المجوس.. والروس كمان عشان عمنا بحشل ما يزعلش..!

بحشل القاري
16-08-2004, 11:17 PM
[ رُبَّـ..مَـا ]



f*





___________________

بحشلَ يُبحشلُ بحشلةٍ

وكانتِ العربُ قديماً

تُبحشلُ الإبلَ أيما بحشلةً

___________________

الفارس مفروس
17-08-2004, 09:00 AM
[ رُبَّـ..مَـا ]





f*



___________________

بحشلَ يُبحشلُ بحشلةٍ

وكانتِ العربُ قديماً

تُبحشلُ الإبلَ أيما بحشلةً



___________________

بنو (قين.. قاع) وحشين.. لنا معهم ثار قديم..
وأخشى أن أقتلك بسيفى ذات يوم يا عبد الله..!
أما (العين) أو (الغين)..(قاع).. فلا بأس.. هذه ديار قوم مجانين..!
رفع القلم عنهم حتى يموتوا.. أو يفيقوا ذات يوم فيموتوا من الغيظ..!

فروسك حبيبك خايف على أموالك فى البنوك..

PHENIX
16-09-2004, 05:19 PM
:cd:


)k


من رأى منكم بحشل ، أمين مال مملكتنا الجنونية العامرة ؟؟؟ :u:

:mad:


جائزة فينيكسية هامة لمن يدلني عليه *c



فينيكس العائد من المحرقة المزاجية الأخيرة كأبهى ما يكون :u: :u: :u:


قبلاتي لأحبابي :m:


و ...قبلاتي لأعدائي كذلك :i:


:g: