PDA

View Full Version : طالب مستجد في أول أيامه الجامعية (خواطر دلخة ).....



اللهم لا شماتة!!!
03-11-2000, 05:39 AM
بسم الله نبدأ وعليه نتوكل ....

الموضوع طويل بس تحملوني ...
كمشاركة غثيثة مني ....

هناك اقتراح في بداية الموضوع وهو أن تعلق كاميرا على راس كل طالب مستجد في أول يوم له لكي تأخذ العبره منه أن الإنسان ضعيف ودلخ والى ما كل ذلك ....
ستلاحظون أن الموضوع بلغة عربية فصحى ...
وهذا شي عادي حتى وإن تساْءلتم بكل دلاخة وقلتم (لييييش ؟؟؟؟)....
.........
.......
......
أول يوم في الجامعة حيث ينظر الطالب في ذلك اليوم إلى لدنيا نظرة متفائلة .....
ذهبنا أنا وأخي الأكبر الجامعة إلى ذلك العالم الذي اظنه مثالي...
أخبرت أخي بما أظنه فأجابني بكل برود (اقول خل عنك بس )....
وأخي الأكبر هذا لمن لا يعرفه هو الذي بلغ الردجات العى في الدلاخة ....
فهو من اشترى ساعة غالية الثمن ...
وحين علم أنها ضد الماء ....
طار بها إلى (الدينمو)وسلط عليها الماء ....
بالتأكيد الساعة تحللت بفعل الماء ...
ووجه أخي أيضا تحلل بفعل زبيرية الوالد الله يحفظه ....
أخي الكبير رآه أحد دكاتره وأساتذته في الجامعة...
وهو زميل للوالد ....
بادرة الدكتور قائلا..
(يا فلان ....تدري أني أشوف أبوك أكثر منك هذا وأنا دكتورك...)
عااااااااااادي ..
....
...
...
المهم ...
أن أخي اصر على أن يأتي معي بالجامعة بدعوى أني دلخ ....(ولو ما نستغني عن دلاختك )...
المهم أنه ذهب معي وعلمني من دلاخته الكثير ...
ومن ثم وضعني في مكان ما وقال لي (شف أنا ابروح شوي وارجع لا أرجع إلا وأنت هنا )
قلت له أبشر ....(امحق أبشر )
..
..
(كنبل على ذمة الحنش )
..
..
المهم أنه ذهب من هنا وخرجت من هنا ...
أخذت أدور في الكلية كنحلة أبت إلا أن تبحث عن النملة اليتيمة ...
وبعد أن تهشمت ركبتاي <IMG SRC="http://www.alsakher.com/ubb/smilies/cwm11.gif" border=0> ...
تجلت لي هنا الحكمة من تصميم الجامعة ...
هم يصممونها ضخمة لكي يدخل الطالب المستجد فيها ومن ثم يعلم بعد أن يتوه فيها أن أيامه في الجامعة ستكون مليئة بالضياع ...
...
..
أنا كنت في كلية الهندسة ...
وفجأة ..
وحين خرجت للخارج ...
وجدت نفسي في كلية العلوم ....
والأكثر أنس أني وجدت أخي الكبير أمامي (شوي وياكلني )...
المهم أننا رجعنا للهندسة ....
وهناك وجدت أحد زملائي في الثانوية(طلعت صغير )
وجدته ينوح في هذه الجامعة (أويلي ويلاه أنا وش ضيعني في هالبيدا )...
سلمنا عليه ...
ولكنه نطق بكلمة هي القشه التي ......
لقد قال ...
(المشكله أن أول محاضرة عندنا اليوم بعد أربع ساعات وش أسوي من الحين إلى ذاك الوقت )
بعد هذه الكلمة فإذا بخيط من اللهب يمر بجواري ويحرق وجه زميلي ...
فإذا بتنين واقف بجواري (يشبه أخوي ) ويقول (وش تقوووووووول ؟؟؟؟؟؟؟؟؟)(بتحضر اليوووووم ؟؟؟؟؟؟؟)....
(لا بارك الله فيك ولا في كل المستجدين ....أصلا ما دلع الدكاتره علينا إلا أنتم يا مستجدين (أول مرة أدري أن الدكاتره مدلعين ))
.....
(وقال له (المهم لا يذن الظهر إلا في بيت أمك فاهم ولا لا ....)
قاله خويي (أبشر والله أبشر تامر شي ثاني ..)
قال له ...
<FONT COLOR="Red">لااااااااا</FONT c>...
إلى هنا أتوقف وإذا صار شي ثاني أبقولكم ....
والسلام ...


------------------
ناموا فلا تستيقظوا ...ما فاز إلا النُوَّم

mosarq3 alkhobar
03-11-2000, 09:15 AM
الله يا زين ايام الجامعه والله بتفقدونها عقب ما تشتغل ويفوت عليها سنين طويله وتتذكرها بخيرها وبشرها :)


ايام الجامعه = افضل مرحله في العمر وهي ما بين اختلاط المراهقه ببحر النضوج :) :)


اهم شئ دور في الجامعه بس لا تروح لحقين علم النفس :) كنت امشي مره في بهو الجامعه وقابلني واحد معصقل ولا بس نظرات وقاعد يتكلم مع نفسه ويضرب نفسه كفوف وهو يقول كله منك ...كله منك واطالع فيه قلت له ليش وش سويت لك :) التفت وطالع لي بنظره كانه يقول فيها وش دخلك انت :) وراح وهو يضرب نفسه كفوف وهو يردد كله منك استغربت ومر علي واحد يضحك وقال هو يقصد نفسه وهذا من حقين علم النفس ...شف وش سوت فيهم الدراسه وخصوصا الناس الدوافير اللي يعيشون التخصص حقهم :) :) ضحكت وعرفت ان اللي في كليتهم كلهم زيه حتى الدكاتره :) :)

------------------
انا ماني يهودي ولا مشرك ولا عربيد.......انا اللي لاغلط تجهم وجهه واقلقه ثوبه

خط القصيم
03-11-2000, 11:31 AM
اهههههههههههههههههه يا حظكم حنا بالبترول اعوذ بالله من اول يوم محاظرات حتى يوم السبت اللي نستلم فيه جداول يخلووننا ندرس الخميس اللي بعده ما غير كرف بكرف <IMG SRC="http://www.alsakher.com/ubb/smilies/cwm23.gif" border=0> <IMG SRC="http://www.alsakher.com/ubb/smilies/cwm23.gif" border=0>

------------------
كل الطرق تودي الى بريده

booo
04-11-2000, 04:42 AM
السلام عليكم
ايه صح ما يدلع الدكاتره الا انتم يا المستجيدين بس تدري المفروض من اخوك انه يترك تتدوج بالجامعه وتضيع وتصل مرحله انك تبي تبكي بس واحد يدلك على الطريق :)
والله ويوفقك ..
قال ايش قال احلى ايام العمر :(


------------------
يقولون قديما
تستطيع ان تخدع بعض الناس كل الوقت
وتستطيع ان تخدع بعض الناس بعض الوقت
وتستطيع ان تخدع كل الناس بعض الوقت
ولكنك ابدا
لا تستطيع ان تخدع كل الناس كل الوقت

KSA_UK
04-11-2000, 05:23 AM
انا بصراحة ما جربت الجامعة في السعودية بس يقولون شي , الدكاترة تواضع ومساعدة , و ابد دف باب الدكتور واقلط بيساعدك ويشرحلك. لا و السكن ابد سم الغرفة الي تبي وتلاقيها , هو صدق يجددون العفش عقب كل طالب؟؟؟؟

شداد
04-11-2000, 08:12 AM
ايام الجامعة ... لها ذكيات حلوه ومره ..

وكنا بالكلية التقنية ما نبدأ الدراسة الا بعد اسبوعين ...

وكانوا الدكاترة يتشحذوننا نحضر المحاضرات ( يعني مهب دايم ) بس كان فيه تسيب ...

أما الحين ماتدخل الا بواسطة ..

------------------
قال الصبي للحمار: ( يا غبي ).
قال الحمار للصبي:
( يا عربي ) !!؟؟

الشيطاني
04-11-2000, 11:01 AM
الله اوكبر هذا وانت مالحقت على ايام اللعنتر ناش

الضياء
20-08-2001, 04:49 AM
السلاااااااااام عليكم
لا احد يسألني من وين طلعت هالموضوع ...............مدري الله يخلي من يتصفح والناس المغبره الي تقر مواضييع قديييييييمه............ولا يخليني من لقافتي قبل كل شي:D:D
اللهم لا شماته............اول شي لك فقده وانا اختك ..... أبأ شأر على الساخر وخلينا نشوفك يا قدع..إيه دا.........
وبعدين صااااااااادق اخوك المستجدين هم السبب في خراب الدكاتره علينا ..........مثلا اول يوم لي أنا في الجامعه جيت انا وصديقاتي قعدنا في القااعه ساااعه ننتظر وماجا احد حتى الاستاذه كانت برضوا مطنشه ..... وقعدنا ساعه عقبها نتشاور نطلع من القاعه.... وإلا ننتظر ساعه ثانيه :rr:
" الله لا يهبلنا يا رب عندها عشر دقايق ....وإذا ما جت هي الخسرانه اكتب اعتذار على الصبوره واطلع:D:D"...........
وبعدييييين لحححححححححححظه عندي وقفه قوووويه مع هالموضوووووع قال ضعت قال ..........اجل لو تشوفون جامعتنا وش تقولوووون ...مبنى 24 موقعه بين مبنى15 و14 مدري بظبط وش يبي إلى رقمهم.........احمدوا ربكم على النعمه الي انتوا فيها بس ......حتى جامعتنا الجديده الي بيبنونها سنة السبله (الموافق 2400 م).......بواتها كنها بوابة ملاهي يا رب تخلص على وقت بنتي ......وما تطر بنيتي تدرس في المباني الايله للسقوط إلي درسنا فيها
<<<<تسلم عليكم
<<<<حللوهاhttp://www.alsakher.com/vb2/images/icons/icon26.gif

الساكت
20-08-2001, 05:29 AM
ذكرتنا بالجامعه00
وذكرتني بذاك اليوم 00اول يوم في الجامعه 00قال الدكتور 00الموجودين يكتبون اسماؤهم في ورقه 00قمنا كتبنا اسماءنا كلنا 00واعطينا الورقه للدكتور
قام الدكتور يقرا الأسماء 00فلان بن فلان 00حاضر 00فلان بن فلان
لين فجأءه وقف الدكتور وقال 00مين الحيوان ده اللي كاتب لي عنوانه؟
خلف منزل العتيبي00
الطالب كان اسمه خلف واسم ابوه منزل بتشديد الزال0

عموما ذكريات الدراسه جميله وتذكرني بذالك الولد الذي سألوه عن 00ما هو اجمل شي في الدراسه 00؟ فأجاب 00انها الأجازه

خزامىنجد
22-08-2001, 04:34 AM
هههههههههه حلـو هالموضوع .. بالحيل ... بعدين ليه بتحط كاميرا ..

<<< والله يالها فضايح بأول يوم ما يحتاج ..

:(:(:( ضــاق خلقي يوم قريت هالموضوع الدراسة بعد كم يوم ..:(:(

وكمـــان :we: :we: :we:

بس بصــراحة موضوع حلووووو وروعة ...

لحظة أبعقب على رد مستكمخة .. أحمدوا ربكم إنكم في عليشة مو عندنا في الملز المباني صدق طايحة ..مو آيلة إلا سقطت .. تخيلوا مرة من المرات طاح السقف المستعار على بنت بوسط الإختبار .. :(:( المسكينة نقلت على طول إسعاف ولا أدري وش صار عليها ؟؟