PDA

View Full Version : بين رجل العشرين...........وحمار الثلاثين............قلب حزين!!!!!!!



همبرقع
31-10-2000, 09:33 PM
[/size]
بين رجل العشرين...وحمار الثلاثين....قلب حزين :( :( :(

فيه كورس ادرسه الحين اكثر من رائع...يتكلم عن كيفية تكوين شركات جديده(New Ventures)...واللي مخلي الكورس حلو..ان الدكتور ممتاز جدا...

الدكتور هذا اللي قلت لكم عنه قبل 8 كلمات :)...كل اسبوع يجيب لنا شخص بدأ مشروع خاص من الصفر.. :) :)

في الاسبوع قبل الماضي..جاب لنا اثنين مسويين شركه جديده...وفكرتها رائعه...باختصار اذا انت عندك فكرة مشروع ممتازه وتشوف انه من الصعب انك تنفذها لعدم توفر رأس المال او الوقت او الخبره..كل اللي عليك انك تسويه انك تروح للوب سايت حقهم وتكتب فكرتك...بعدين هم يدرسونها واذا لقوها كويسه...يتصلون عليك ويقولون فكرتك راح نطبقها فهل تحب انك تجي وتديرها...اذا وافقت تاخذ حتى 30% من النسبه بدون ما تدفع دولار واحد...واذا ما وافقت يعطونك 15% لمجرد انك اقترحت الفكره.. :) :) :)

طبعا ممكن واحد يقول وش يضمن لي انهم ما راح يلطشون فكرتي...فاقول انك توقع على اتفاقيه قبل ما تقدم فكرتك تحفظ حقوقك وحقوقهم.. :) :)

الى هنا والموضوع عادي...لكن اللي مهوب عادي ان الشخصين اللي مأسسين الشركه اعمارهم 22 سنه...وكانت اعمارهم 20 يوم بدوا فيها :( :( :(


زوروا موقعهم www.springbee.com (http://www.springbee.com)

الاسبوع الماضي..اثنين ثانيين جابهم الدكتور اعمارهم 19 سنه...ومسوين موقع لكرة القدم...الموقع اخذ المركز الثاني في سلسلة مواقع جامعة هارفرد الشهيره...ويعتبر من اشهر مواقع كرة القدم في العالم...على الرغم من ان الموقع جديد الا ان طموحهم هو ان يكون المقصد الاول لمتابعة اخبار كرة القدم :) :) :)


زوروا موقعهم www.fuxito.com (http://www.fuxito.com)


على الجزء الاخر من الكره الارضيه...وفي بلد يسمى السعوديه...رجل طويل...وسيم...يقترب عمره من الثلاثين...يقول "يبه عطني فلوس بروح مع العيال للشرقيه" :( :( :(


"يبه..عطني فلوس بشتري لزوجتي ساعه" :( :( :(

"يبه..عطني فلوس ابشتري سياره" :( :( :(

لا فرق بين الاثنين...الا ان الاول علمه ابوه او الظروف ان يعتمد على نفسه...والثاني عوده ابوه انه يعطيه مصروف الاسبوع..مقابل صب القهوه للضيوف" :( :( :(

الاعتماد على النفس...شيء نفتقده...وهو بالتاكيد يحمل على التكاسل...ويصبح فيه الشخص يعيش عيشة "الديدان" :( :( :(


قبل ما اختم حبيت اقولكم ان fuxito.com يتوقعون ان مبيعاتهم تكون تسعه ونص مليون دولار في تاريخ 31/6/2001 ..علما بان اجمالي الاستثمار في المشروع راح يكون تقريبا عشره مليون ونص وقت تحقيق هذي المبيعات :) :( :) :( :) :(

------------------
الا تستحق الحياة ان تقف لوهله..

وتلتفت ورائك..

بعدين تكمل مشيك!!!
[size=4]

<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة همبرقع بتاريخ 31-10-2000 الساعة 09:35 AM</font>

عنفرز
31-10-2000, 09:59 PM
السلام عليكم ورحمة الله وبركاته:
أخوي همبرقع..
هذا في جانب آخر من الكرة الأرضية .. في الجانب اللي نعيش فيه ماانت أنسان أصلا إلى أن تتزوج .. وماانت إنسان إلى أن تصير شايب ... وكمان يمكن تصير إنسان يسمعون مقتراحاتك..
يعني اللي تقول عليهم 19 سنة .. 23 سنة هذا يشوفونه من فوق لتحت ويقولون له ماعندك خبرة .. ولا وش تعرف من الدنيا عشان جاي تقول مقترحاتك.. واحمد ربك بعد إذا ماأخذوك مسخرة وسط العالم ...
أحنا خلينا في الكوكب الآخر اللي عايشين فيه ..
وهذولاك في كوكبهم الآخر..
يبي لنا مية سنة قدام حتى نقنعهم أن الانسان قبل الثلاثين يفكر,,, ولما يوصل الثلاثين الا هو زهقان عمره . أصلا قبل مايوصل زهقان ...
عموما هذا تعليقي ...
وان شاء الله مايزعلك ولا يكون بعيد عن ا لموضوع..
السلام

------------------
إن ماطاعك الزمان دردب في الدنيا


<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة عنفرز بتاريخ 31-10-2000 الساعة 10:01 AM</font>

mosarq3 alkhobar
31-10-2000, 10:02 PM
انتقاداتك في محلها وهي واقع اليم نتكفن به ونهرب منها باتجاه النسيان

الطموح محدود ...الاحلام بحدود الواقع..المنهجيه التي بنيت فيها افكار جيلنا محدوده...الواقع الذي نعيشه متكفن بالسواد...الفرص لفظت انفاسها
طريق النجاح غير معبد....ماهي الحلول يا همبرقع
ماهي الحلول في نظرك؟

مثال *

رح لا اي جامعه سعوديه واعمل اختيار عشوائي واسال "ماهي العولمه " وشف كم واحد يعطيك الجاوب وطالع البيرسنتج وصدقني ما راح تنصدم لانك راح تكون متأكد انه ما راح يعدي اللي بيجاوبون على هالسؤال نسبة 10 % :)


بما انك انتقدت فارق الطموح و الاعتماديه بين الشاب الغربي والشاب السعودي فعطنا حلولك؟

وتحياتي لك :)

وشكرا لك هالمواقع الجميله :) :)

------------------
انا ماني يهودي ولا مشرك ولا عربيد.......انا اللي لاغلط تجهم وجهه واقلقه ثوبه

الشيطاني
01-11-2000, 01:03 AM
تدري عاد والله انك حطيتها براسي لكن خلك على اتصال وانشالله نبي نصير منهم

قناص
01-11-2000, 02:35 PM
اخوي همبرقع
مشكور على الموضوع المضحك المبكي
أصبت كبد الحقيقة مثل مايقولون
للأسف الثقة معدومة ولا نحاول نبني الثقة
بأبنائنا من صغرهم
ويكبر ويكبر وهو يعتمد على غيره في كل شيء

<IMG SRC="http://www.alsakher.com/ubb/smilies/cwm26.gif" border=0> <IMG SRC="http://www.alsakher.com/ubb/smilies/cwm26.gif" border=0> <IMG SRC="http://www.alsakher.com/ubb/smilies/cwm26.gif" border=0> <IMG SRC="http://www.alsakher.com/ubb/smilies/cwm26.gif" border=0> <IMG SRC="http://www.alsakher.com/ubb/smilies/cwm26.gif" border=0>

جوز هند
01-11-2000, 05:36 PM
<FONT size="4"><FONT face="Tahoma"><FONT COLOR="Red">حبيبي همبرقع</FONT c></FONT f></FONT s>
<FONT size="4"><FONT face="Comic Sans MS"><FONT COLOR="Navy">موضوعك حلو ويستاهل الوقفه عنده شوي، لكن أخوي مثل ماعندهم نوابغ وعقول متنوره وهذا قله بينهم مثل ماعندنا حنا بعد،، هم ماهم كلهم أذكياء ورجال أعمال وحنا ماهوب كلنا عاطلين ومعتمدين على آبائنا في حياتنا</FONT c></FONT f></FONT s>

<FONT size="4"><FONT face="Comic Sans MS"><FONT COLOR="Red">مشكور على سعة صدرك مقدما</FONT c></FONT f></FONT s>

------------------
أنا جوز هند وهند جابت لي الصمرقع

النشمي
01-11-2000, 08:02 PM
<FONT size="5">مطاريس !!!!!!!! من يقول لك عندنا نوابغ</FONT s>

------------------
اليوم عمل بلا حساب ... وغداَ حساب بلا عمل ... فأغنم يوم عملك ليوم حسابك




<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة النشمي بتاريخ 01-11-2000 الساعة 08:05 AM</font>

أبو عجاج
01-11-2000, 09:47 PM
الله يجزاك خير .... تصدق البارح عقب ما قريت موضوعك رحت وحطيت راسي على المخده زي اللي بالافلام ومع اول شخره واطخ لك ذاك الموقع اللي يحبه قلبك كله لمبات حمر وصفر وزرق زي الدوريات الجديده ... وازود الشخير بنط واحد والا الموقع اكبر من الرياض بشوي ... ويجيني ابو قيتس واقعد اتفاوض انا وياه ساعتين ويالله نتفق ... المهم اني بادلته هو يعطيني ساعته السيكو التماتيك وانا اعطيه الموقع :)

شفت ان الدنيا زغيره يا جدي :) ولا فيها شي صعب :)


<IMG SRC="http://www.alsakher.com/ubb/smilies/cwm11.gif" border=0> <IMG SRC="http://www.alsakher.com/ubb/smilies/cwm11.gif" border=0>

------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>

همبرقع
01-11-2000, 10:05 PM
عنفرز:
هلا حبيبي...وش دعوه يزعلني الا كلامك صحيح ميه في الميه...وما يغثك الا اذا صار اللي يدبرك ما يفك الحرف...بس باعتقادي اننا نظل بحاجه الى عمل اكثر :) :) :)


مصرقع الخبر:
هلا حبيبي...بخصوص العولمه فاكيدانك تعرف ان الشعب الامريكي غير مثقف بالمره...وسؤال العولمه قد يكون له علاقه بالثقافه اكثر من اي شيء اخر...انا اللي اقصده هو الاعتماد على النفس..


على العموم اللي سووا المشروعين مهب امريكيين...اثنيين روسيين وواحد من جامايكا وواحد من غانا...يعني كلهم من بلاد فقيره وتفتقد للمقومات الاساسيه للتعليم والابداع اللي حنا نملكها..


اما الحلول فانا اصغر بكثيييييير من وضع حلول...لكن خذ مثلا في اسرائيل اذا عندك فكره جيده...فالدوله تدعمك دعم كامل بل وتطلب منك التفرغ للفكره هذي وتزودك بالماده والدعم لانجاحها...الشيء هذا موجود في السعوديه ولكن بشكل اخر من خلال صندوق التنميه الصناعي..ولكن للاسف الصندوف ما يعطيك الدعم اللازم الا اذا سويت دراسات قويه جدا واثبت ان المشروع مربح...ولا اعتقد ان شخص عادي يحمل فكره رائعه قادر على تحمل التكاليف الاوليه...شكرا حبيبي :) :) :)


الشيطاني:
لا تقول نبي نفتح مضغوط في امريكا :) :) :)...تراها فكرتي من البدايه والقدور عليك :) :) :)...انا معك على الخط والايميل عندك :) :) :)


قناص:
بالفعل...ابتداء بمصروف المدرسه ونهايه بالمهر من جيب الوالد :( :( :(


جوز هند:
كلامك صحيح...وانا اتكلم عن الاغلبيه عندنا :) :) :)

النشمي:
وانت وين تروح يا جنط :( :( :( :) :) :)

ابو عجاج:
ضحك عليك بيل قيت ابن الكلب(على قولة الحنش :))...ترى ساعته قديمه والبطاريه على وشك تنتهي :( :) :( :) :( :)




------------------
الا تستحق الحياة ان تقف لوهله..

وتلتفت ورائك..

بعدين تكمل مشيك!!!

mosarq3 alkhobar
01-11-2000, 10:24 PM
حبيب قلبي همبرقع :)

انا لما مثلت بالعولمه ما قصدة انه داخله في الموضوع انا كنت اقصد اسأل ماهي العولمه في شريحه من الشباب السعودي وراح تنصدم لانك ستتفاجأ بأن الاغلبيه ما يعرفونها

كيف تبيهم يبدعون ويطمحون ويعتمدون على انفسهم وهم ابسط الامور ما يفهمونها :)

:)
:(
:)
:(
:)
:(
:)
:(
:)
:(

طيب عندكم يا قايد في اليمن شباب طموح ويعتمدون على انفسهم :) :)


------------------
انا ماني يهودي ولا مشرك ولا عربيد.......انا اللي لاغلط تجهم وجهه واقلقه ثوبه

العربجي
01-11-2000, 10:47 PM
<FONT size="4">الطموح هو المطلوب ياشوق الطموح والمثابره والعمل بجد واهتمام والتشجيع على الابتكار والابداع وابسط مثال شفته هناك (شفت بلاوي زرقاء) :) متحف العلوم الي يزورونه طلاب المدارس ويشرحون لهم مع اعطاءهم فرصه للتجارب عن كثير من ظواهر الطقس وشغلات كثيره تفتح مدارك الطلاب وهم توهم في الصفوف الاولى ياشيخ حتى اهلهم يشاركونهم ... يعني الموضوع يبي تضافر جهود من البيت والمجتمع ...


-همبرقع ياحلالاه يالكابتشينوووو الي بستاربكس :)

-المصرقع وشهي العولمه (فاهم غلط) :)
لاتتكلم بالسياسه :)

</FONT s>

------------------
ايلاباعوا الشيمه بدينار و ريال
***حنا دخلنا سوقهاواشترينا
==============
الخيل تسرج والبقر مالها سرج
*****هذا الصحيح ولو تقوم القيامه
===============
يالسمي علم ملعونت الخيير
*****انها سبب همي وغربالي
===============
لوبالشوارب يازنوون الرجاجيل
***** كان الثعل ربى كبار الشوارب

شارب فليت
01-11-2000, 10:58 PM
الأخ همبرقع
تحية طيبة :)

عزيزي انا مبسوط من هالموضوع لسببين :

الأول : اشوف توجهات الشباب اللي معنا والحمدلله اشوف نضج ، رغم تعدد الوجهات .

الثاني : لأني لي رأي ..
قل وشهو ؟
قلت لي وشو ..
حبيبي .. قبل نشوف استعدادات الأفراد للمبادرة بأنشطة مثل هذي ، لازم نراعي حاجة مهمة ، وهي ثقافة الأعمال ..، وبيئة الممارسة ..

شلون ..
قل للدكتور يا دوك وش ممكن البيزنيس اورينتيشن يفرز للفعاليات الجاهزة للعمل ؟
كيف ثقافة الأعمال والبيئة تساعد على مو بس فتح الباب ، بل تنشيط وإطلاق كل الفكر الأعمالي ..

هالفلسفة وش المقصود فيها :(

التالي :
بيزنسنا كللو على بعضو كلاسيكي وسلبي وبدون ابتكارات ، وكل نماذجنا الناجحة هم من طقة العقاريين بكروش اللي كل انتاجيتهم وابداعاتهم متركزة في كرسي ومكتب وهات سعي ، ووش حدك وبكم نسوم ..

رح لمية واحد من المواطنين ومواطنات واسألهم اذا بيستثمرون ميتين الف وين يحطونها؟
ما يحتاج تروح انا اقولك : عقار ..

الأفكار المبدعة ، والأعمال المنتجة يبي لها بيئة صالحة ، فيها اولا وعي ، وثانيا مؤسسات تدعم وتحفظ حقوقك ، وثالثا أمثلة عليا من المبتكرين اللي يتصدرون قائمة الأبطال ..

والسلام عليكم ورحمة الله وبركاته ..
وسلم وتسلم :)

ضب الصمان
02-11-2000, 12:16 PM
سلام
هلا بك ,,,وكلامك صحيح
لكن هل (وش كبرها) يوجد عندنا من ينفق ولو 17 هلله من ماله (القطاع الخاص)لكي يجبروا خاطر عاطل عن العمل بسبب انه لايملك العلم والشهاده والخبره ,,,
هل هي الشهاده الجامعيه او الماده او الواسطه او التربيه والتعليم او لجنة اعطاء براءة الاختراع او ,,,,,
كلها اسباب غير مقنعه ولكنها بالتاكيد توصل البعض الى مرحله من الاكتئاب والقلق ,,لا يستطيعون معها عمل شيئ اخر
:( :(

------------------
ياشين اللي ما يحذف
ولا يجيب حصى

mr_mosta7el
02-11-2000, 02:48 PM
الاخ الغالي همبرقع :)
الاستاذ عبدالحمن الجريسي
بلغ من العمر30 عام و هو احد اغنياء مدينة الرياض
الاستاذ عبدالمحسن الحكير في عمر الثلاثين كذالك اصبح احد اعمدة التجارة و الصناعه في البلد
الاستاذ الشيخ صالح الراجحي
انسان مكافح بدأ من الصفر و في الثلاثين اصبح احد اكبر المصرفيين في الجزيرة العربيه

و هناك احد الشباب في سوق البورصه معروف جدا عمره لا يتجاوز 25 سنه
يملك في اسواق البورصه ما يفوق 20 مليون دولار
جميعها ملك لها لم يساعده احد في تكوينها
و له قصه طريفه يجب ذكره
في نهاية دراسته للثانوي و بعد نجاحه من المرحله الثانويه ... عرض عليه ابوه (وهو احد الاغنياء)ان يشتري له سيارة فخمه جدا بحدود مبلغ 350 ألف ريال الابن رفض الفكرة و اخذ المبلغ نقدا و ذهب لاحد البنوك بالرياض و استثمره في الاسهم الدوليه و وفقه الله انه بدأ بداية جيده و تضاعف ماله في ظرف 7 سنوات ليكون اكثر من 20 مليون دولار
و هذا الشاب صديق لاحد معارفي

التربية الجاده و العصاميه لا تعرف الحدود و الاجناس
تقبل حبي و تقدير لشخصك الكريم
:) :)

------------------
مواضيع ساخنه في منتدى الجاده :
الرجل يريد ان تعترف المرأة بالسلطة الوطنية ..والمرأة تريد أن تثبت كفاءتها وقدرتهاعلى مشاركة الرجل في الحياة (http://www.alsakher.com/ubb/Forum8/HTML/000026.html)
ما رأيكم بـ "التبني"...في ظل حدود الشرع (http://www.alsakher.com/ubb/Forum8/HTML/000023.html/000018.html)
القوامة سوط يضرب به الرجل المرأه (http://www.alsakher.com/cgi-bin/ubbcount.cgi?expath1=Forum8&expath2=&topic=000015&type=&number=8)
ما الهم الذي تحمله؟!!!!!! (http://www.alsakher.com/cgi-bin/ubbcount.cgi?expath1=Forum8&expath2=&topic=000009&type=&number=8)
اللعوب !! أحذروها (http://www.alsakher.com/cgi-bin/ubbcount.cgi?expath1=Forum8&expath2=&topic=000011&type=&number=8)
هل نحن بصل؟!!! (http://www.alsakher.com/cgi-bin/ubbcount.cgi?expath1=Forum8&expath2=&topic=000013&type=&number=8)
زوجك ليس أكثر شراسة من الأسد .. (http://www.alsakher.com/ubb/Forum8/HTML/000010.html)

محمد
03-11-2000, 12:28 AM
انا اقولك الواحد لما يصير عمره من7 الى 14

يظن انه يقدر يصلح العالم ولما يصير 15 الى20

يظن انة يقدر يصلح مدينته ولما يصير 21 الى 30

يظن انة يقدر يصلح حارته ولما يصير 31 الى40

يظن انة يقدر يصلح اسرته ولما يصير 41 الى 50

يظن انة يقدر يصلح نفسه ولما يصير 60 فما فوق

يدرك انة لا يستيع ان يصلح اي شيء فنحن على هذا

الحال!!(معظمنا) اما هم فهم عكسنا!!!!!!
<IMG SRC="http://www.alsakher.com/ubb/smilies/cwm45.gif" border=0> <IMG SRC="http://www.alsakher.com/ubb/smilies/cwm14.gif" border=0>

------------------
east or west home is best

مرزوء
03-11-2000, 01:59 AM
ازيك ياراجل
لسه دافع عشين جنيه
مش انا اخذت تكسي عشان كمل اخر الموضوع

MERSAL
03-11-2000, 03:41 AM
مسيه با الخير اخوي همبرقع
انتقاد في محله
لكن ليش مانبدأ في تصليح اوضعنا مع انفسنا اولاً
داخل البيت مثلاً
ليش اذاماقام الواحد من علي الاكل يسحب الصحن الخاص فيه ويغسله
ولا اقول ما فيه امل اقولك ليش
لو تسوي كذا قالو حرمته مسيطره عليه وهو ملطشه ولاكان ماغسل الصحن عقب الاكل
ما اقول الا بين رجل العشرين وحمار الثلاثين حنا واقفين

والسلاااااام

همبرقع
03-11-2000, 08:58 PM
مصرقع الخبر:
ما تلاحظ انك ابلشتنا بالعولمه...يا اخي والله طاش ما طاش احلى :( :( :(

&lt;====== دلخ مثل اللي انت تقول


العربجي:
حنا عندنا متحف ارامكو :) :( :) :(...وترى السينامون ستكس مهب زينه خلنا على المنيبون احسن :) :) :)...والكبتشينوا والله ما ذقته بس دايم اشرب شاهي برادمن عندهم :) :) :)

شارب فليت:
انا معك ان الشباب نضجوا مع اننا بالشتاء والجح عادة ينضج بالصيف :)...انا والله اتفق معك بكل اللي قلته وبصراحه انت وصلت للنتيجه من اقصر الطرق وخل الدلخ مصرقع الخبر يجي يشوف اللي ابلشني يبي حلول...تسلم حبيبي :) :) :)


ضب الصمان:
يا اخي وجود العوائق احيانا تكون هي السبب في الاختراع...بس بصراحه شبابنا نايمين :) :) :)

مستر مستحيل:
كل اللي قلتهم ونعم...بس لا تنسى ان هذولي استفادوا من الطفره بشكل كبير وهذا مهب اقلال من اللي سووه :) :)...اما بخصوص اللي ساهم فانا اتفق معك ان المبدعين في كل مكان ودوله على الرغم من ان هذا ما سوى جديد لانه دخل سوق الاسهم وساهم والله وفقه وهذا ايضا مهب تقليل..


انا اللي اتكلم عنهم..الشباب اللي يبدون من الصفر ويبدون بالفكره من لاشي واللي في جيوبهم ما يكفيهم الا نهاية الشهر ومع هذا يبدعون...ولو تشوف ردي على مصرقع الخبر تلقى جنسيات هذولي وان كل واحد من دوله مختلفه وهذا تأكيد لكلامك


محمد:
فلسفه حلوه...وان كنت اختلف معك...فبعض الناس يزيد الطموح عندهم بازدياد السن :) :) :)


مرزوء:
ازيك يا راقل...وماخذتش اوتوبيس لييييييه...ده كان اوفر قت لك البلا وانت عامل زي يوم التلوت :( :( :( :) :) :) :)


مرسال:
الحين اللي يغسل صحنه مرته ممشيته؟؟؟!!! :( :( :(


ما احد قالي :( :( :(


&lt;====== يغسل صحنه وصحنها :( :( :(



------------------
الا تستحق الحياة ان تقف لوهله..

وتلتفت ورائك..

بعدين تكمل مشيك!!!

مدرعم
03-11-2000, 09:37 PM
السلاااام

فكره حلوه للي عندهم افكار
بس اللي داج مثلي ومافي راسه الا الخنبقه وش يسوي :( :(
&lt;== تلايط بس


------------------
مدرعم وخروا عن طريقه

محمد
04-11-2000, 04:47 AM
انا قلت <FONT size="6">معظم الناس</FONT s>
<IMG SRC="http://http://cgi.tripod.com/smilecwm/cgi-bin/s/cwm3d/3dcool.gif" border=0>

همبرقع
06-11-2000, 12:01 AM
مدرعم:
هذاك قلتها يتلايط :) :) :)

محمد:
طيب لا تدف!!! :) :) :)

------------------
الا تستحق الحياة ان تقف لوهله..

وتلتفت ورائك..

بعدين تكمل مشيك!!!