PDA

View Full Version : دبجـــــــــــــــات



مدرعم
04-11-2000, 06:02 AM
هذي دبجتين مانسيتهم في حياتي مواقف واقعيه لمدرعم مع زياده بعض البهارات والخنبقه :) :)

<FONT COLOR="Navy">دبجة ابو طامي :( :(
</FONT c>
كنت العب كوره وقت الضحى مع عيال حارتنا وحاطيني انا ودجتي حارس ( امحق حارس ) والكوره من البلاستك بريالين وراعي الكوره اسمه سعدنه و سعدنه ذا عير عيره والله يالعضلات انها تزاحم في جسمه حتى انها ظاهرتن في خشمه من كثرها :)
وكان البيت اللي ورى الباب اللي انا ماسكن حارس مرمى عليه بيت من دور واحد لابوطامي وذولا عاد ماعندهم وقت الكوره اللي تسطح عندهم والمين لها بسكاكينهم على طول يشقونها ثمن يذبونها باك علينا :(
المراد وحنا نلعب سعدنه شات الكوره انا ماشفتها من قوتها الا وهي ضاربتن قمه راسي وطارت فوووووق وطاحت فوق سطح بيتك يابوطامي :(
وجاني سعدنه وقالي : شف اذا شقوا الكوره شقيت لك راسك يامدرعم :(
قلت : بس انا ماشت الكوره طيب :(
وانبصي ياعيون سعدنه وهو اللي يلقطني برقبتي وينفضني نفضتين بس استدارت الدنيا في راسي احولت عيوني واذاني من قوة الهزه جلست تومي يجي عشر دقايق :( :(
وخذت لي شوي لين اركدت اذاني :( :)
وقلت : زين خلاص لاتهز ثمن يطيح شي من وجهي :) الكوره وبجيبها لك :(
وانا اقمز على الجدار ثمن فوق الكراج ومنه اتعلق على ماصوره لين قمزت فوق السطح واخذ الكوره وانا اللي اذبها على سعدنه :)
جيت عاد ابي انزل ماعرفت بحلت فوق السطح وش الحيله وش الدبره وانا اللي انزل مع الدرجه الا انا وسط بيتهم وابوطامي هو وعياله جالسين يتغدون في الصاله :( وتصارخ ام طامي حرامي حرامي :( ويطمر علي ابوطامي ويمسكني بشوشتي ويرجدني في الجدار وهو يقول وش جابك من فوق السطح :(
انا ماعاد عرفت اتكلم قمت اتعتع واقط خيط وخيط وقلت : سعدنه هو اللي شاتني فوق سطحكم يبيني افر الأنتل حقكم على محطة البحرين :)
قال بحرين هاه بحرين وهات يادبج من ابوطامي وام طامي وعيالهم حتى شغالتهم خذت قسمها دبجتني :( :(
من تالي عرفت انهم مايحبون يتفرجون على البحرين لو اني قايل ابي افر الأنتل على محطة قطر كان يمكن اني سلمت من دبجهم بس يالله وشو عقبه :) :)
اييييييييييييييييييه ( طالعه من قلب ) صدق المثل اللي يقول: نحشنا من سعدنه وطحنا في ابوطامينه :) :)

<FONT COLOR="Navy">دبجة الزيران :( :(</FONT c>
ليله عيد ومخباتي مليانه طرطعان ( شراخيات ) ومعي عليان الذروووق وكان قدام بيتنا نخيل ونشوف في وسط النخيل نار ونسمع طبول وصوت ناس تغني سامري وانا اللي ادرعم مع عليان عليهم ونوقف نتفرج عليهم وكانوا مسوين دويره كبيره حول النار ويغنون ( يانجمه الصبح هلي حاموا عليكي النشامى عاشوووووووووا ) وفيه خوال طابين زيران وكان واحد قصير ومدربح ويدينه كانها كبن معه طاره وياهو عليه صقل صدقوني هو اللي مطلع الزيران منهم :) :) وانا ادعس يدي في مخباتي واظهر دسته طرطعان وانا اللي اذبها وسط النار وقامت النار تدهر بالطرطعان طاااااااااااااع والجمر يتطاير فوق روسهم وطبولهم قامت تطير فوق وبعضهم تصافق مع بعض واللي فيه زار طلع زاره من جد ماعاد هوب لعب وانا فاغر اثمي اضحك عليهم :) :)
المراد الذروووق عليان انحاش وشافوه وهم يلحقونه ويمسكونه ويعلمهم على طول انه انا اللي ذاب الطرطعان واشوفه من بعيد ياشر علي وانا اللي انحاش بس كان معهم واحد حشى ماهوب ادمي سلقه من سرعته انا اركض خطوه هو عشر خطوات وهو يطمر علي ويمسكني ويفتشني ويلقى الجيب مليان من الطرطعان وهم يتجمعون علي اهل الزيران وهات يادبج الصراحه دبجهم بكوووم ودبج الدب المدربح كوووم هو مع يده الكبنه ياهو قام يصقل صقل في دميجتي من قوه الصقل الخوال طبوا مره ثانيه زيران :( :(

استروا على ماواجهتوا <IMG SRC="http://www.alsakher.com/ubb/smilies/cwm29.gif" border=0>

------------------
مدرعم وخروا عن طريقه

mosarq3 alkhobar
04-11-2000, 06:22 AM
ههههههههههههههههههههههه
ههههههههههههههههههههههه
ههههههههههههههههههههههه

الله يوفقك من زمان ما ضحكة هالضحك :) :)

هالحين يوم انك طبيت في بيت ابو طامي ورى ما استخدمت خويك بريطم وطمرت على براطمه :) :)

وبعدين الخوال ما ينمزح معهم :) :) ولا قوي عين ترمي عليهم شروخ ههههههههههههه :) :)

:(
:)
:(
:)
:(
:)
:(
:)
:(
:)

اذا كانت العياره فن فمدرعم هو العيار الاكبر في جميع الساحات الحواريه :) :)

------------------
انا ماني يهودي ولا مشرك ولا عربيد.......انا اللي لاغلط تجهم وجهه واقلقه ثوبه

هتان
04-11-2000, 09:49 AM
<center>ههههههههههههههههههههههههههههههه</center>
<center>ههههههههههههههههههههههه</center>
<center>ههههههههههههههه</center>
<center>كله كوم ولايهز وجهي يطيح شي منه كوم :)</center>

الله يعطيك العافيه ويوسع صدرك يامدرعم :)
<IMG SRC="http://members.aol.com/jana110/bilder/baby64.gif" border=0>

------------------
قلت المطر قالت من اليوم ديمه
.... مابه رعد لابرق ماغير هتان

البلبل
04-11-2000, 10:22 AM
<IMG SRC="http://www.alsakher.com/ubb/smilies/cwm2.gif" border=0> <IMG SRC="http://www.alsakher.com/ubb/smilies/cwm3.gif" border=0> <IMG SRC="http://www.alsakher.com/ubb/smilies/cwm5.gif" border=0>
هههههههههههههههه
أشهد أنك عيار .........ومدرعم

الشيطاني
04-11-2000, 10:54 AM
ههههههههههههه
ههههههههههههههههه
هههههههههههههههههههههههه

اجل غديت من صيد قبل البارح بالظهر

عاشق ثراها
04-11-2000, 11:38 AM
ههههههههههههههههههه
واهههههههههههههههههههههه
ههههههههههههههههههه
يمين ثم يمين ثم يسار
انك رايح في خرايطها يا مدرعم....منتهي منتهي منتهي
الله يعوض اهلك خير
ههههههههههههه
هههههههه
والله يا انت مهستر الا اللا معقول
يا حبني لك ولسواليفك يا درعماني
تحياتي لك
تشاو<IMG SRC="http://www.alsakher.com/ubb/smilies/cwm20.gif" border=0>

------------------
ان كنت لا تدري فهذ مشكلتك يا ابو الشباب...اللي بعدوه

MERSAL
04-11-2000, 11:39 AM
ههههههههههههههههههههههههههههههههه
هههههههههههههههههههه
هههههههههه
هووووووه
الله ياخذ شيطانك
مدرعم تعيش وتندبج غيرها

أبو عجاج
04-11-2000, 11:42 AM
هههههههههههههههههههههههههاهههههههههههههههههها

مدرعم اجل القراده راكبة هالراس من يومك صغير
ههههههههههههههها


ودي اضحك اكثر بس خايف على البشت لا يطيح

رايق يا مدرعم ليتني اعرف وش تسف عقب الفطور :)


------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>

الجود من الموجود
04-11-2000, 01:06 PM
^
^
^ درعومه شف عيونى دمعت من كثر الضحك
بس ابغى اسالك وش معنى كبن؟؟؟؟؟؟؟
باااااى درعومه
&lt;------تمون وبقوة


------------------
خلونى لين اروق

mr_mosta7el
04-11-2000, 01:49 PM
الله يوسع صدرك بالعافيه
يااخوي مدرعم
هههههههههه
ماشاءالله عليك عيار


------------------
مواضيع ساخنه في منتدى الجاده :
الرجل يريد ان تعترف المرأة بالسلطة الوطنية ..والمرأة تريد أن تثبت كفاءتها وقدرتهاعلى مشاركة الرجل في الحياة (http://www.alsakher.com/ubb/Forum8/HTML/000026.html)
ما رأيكم بـ "التبني"...في ظل حدود الشرع (http://www.alsakher.com/ubb/Forum8/HTML/000023.html/000018.html)
القوامة سوط يضرب به الرجل المرأه (http://www.alsakher.com/cgi-bin/ubbcount.cgi?expath1=Forum8&expath2=&topic=000015&type=&number=8)
ما الهم الذي تحمله؟!!!!!! (http://www.alsakher.com/cgi-bin/ubbcount.cgi?expath1=Forum8&expath2=&topic=000009&type=&number=8)
اللعوب !! أحذروها (http://www.alsakher.com/cgi-bin/ubbcount.cgi?expath1=Forum8&expath2=&topic=000011&type=&number=8)
هل نحن بصل؟!!! (http://www.alsakher.com/cgi-bin/ubbcount.cgi?expath1=Forum8&expath2=&topic=000013&type=&number=8)
زوجك ليس أكثر شراسة من الأسد .. (http://www.alsakher.com/ubb/Forum8/HTML/000010.html)

UNEXPECTED
04-11-2000, 03:53 PM
ابك يالولد الحين تنحاش ويدبجونك ليه وين حنا قاعدين فيه
بس ولايهمك وانا اخوك الكثرة تغلب الشجاعة بعدين كله صوب
وسالفة ذاك اللي العضلات طالعةمن خشمة صوب **لو طالعة من
اذنه قلنا معليش بس من خشمه مرة وحدة ليه مغراف جريش على
غفلة.....عموما القصة ممتعة جدا*****
تسلم يمينك يامدرعم .......وتنشل يمين من دخل هنا ولاذكر ربه
وسمى عليك.....
*******وبهذة المناسبة يسعدني ان افصل ابو عجاج واعينك بديلا
عنه مراقبا بس على فكرة دوام 24 ساعة بدون اوفر تايم او
راتب ****
وارحبوووووووووووووووووووووووووووووووووووووووو

شارب فليت
04-11-2000, 11:33 PM
أذكر مدرستنا الإبتدائية يا مدرعم ، حوشها على حوش صغير للجيران ملحق بالمطبخ ..

سبق لمحاتسيك أن كب غداهم 12 مرة ..

خط القصيم
05-11-2000, 01:58 AM
ههههههههههههههههههههه

هههههههههههههههه
ههههههههههههه
هههههه

والله من النجاسه بك وانت والطرطعان

------------------
كل الطرق تودي الى بريده

النادر
05-11-2000, 03:24 AM
<IMG SRC="http://www.alsakher.com/ubb/smilies/cwm2.gif" border=0> <IMG SRC="http://www.alsakher.com/ubb/smilies/cwm2.gif" border=0>
مدرعم مبدععععععع
هههههههههههههههههههههههههههههههه
هههههههههههههههه


------------------
بعض العرب وجهه يفجع ودك
تولع فيه وبعض العرب
وجهه يسطع ودك تطالع فيه

منسم
05-11-2000, 07:06 AM
اللة يشتر عليك يا مدرعم دبجة


------------------
رايت الذنوب تميت القلوب وقد يورث الذل ادمانــها
وترك الذنوب حياة القلوب وخير لنفسك عصيانها

همبرقع
06-11-2000, 01:05 AM
ههههههههههههههههههههه

هههههههههههههههههه


هههههههههههه

الله يرجك انت وسعدنه...وش ذا الاسم...القصص كوم وسعدنه كوم :) :) :) :)

------------------
الا تستحق الحياة ان تقف لوهله..

وتلتفت ورائك..

بعدين تكمل مشيك!!!

مدرعم
07-11-2000, 12:39 AM
mosarq3 alkhobar
هههههههه بريطم ماهو فاضي لاهي بمغسله السيارات :) ومشكور اخوي على تشجيعك الدايم ومدرعم تلميذ في مدرسة مصرقع الخبر :) :)

هتان
هلا اخوي ورفيق دربي مبدعنا هتان :) بعدين هذا سعدنه اقولك اذاني من هزته جلست مده وهي تومي :( ومشكور اخوي :) :)

البلبل
تسلم اخوي واشهد انك مشرف رائع :) :)

الشيطاني
ههههه اييييه شفت اشلون نحشنا من القوم وطحنا بالسريه :( وتسلم يالغالي :) :)

عاشق ثراها
ههههههه والله ثم والله ان افرح ماشوف اذا شفتك في موضوع لي يابعدهم كلهم :) :)

MERSAL
اندبج غيرها صدقني ياراسي انه مليان طقوق تصدق عاد من كثرها كم مره اهل التراث يجون يفتشون في الطقوق على بالهم كتابات فرعونيه :) :)

أبو عجاج
ههههههههههه الله يرجك لين يطيح بشتك :) الله يخلي الريس ولا يطيح بشته<IMG SRC="http://www.alsakher.com/ubb/smilies/cwm32.gif" border=0> وتسلم يابعدي :) :)

الجود من الموجود
يامال العافيه اختي :) الكبنه هي شكلها يعني مثل يد المدربح <IMG SRC="http://www.alsakher.com/ubb/smilies/cwm32.gif" border=0>

mr_mosta7el
تسلم يامشرفنا ويعطيك الف عافيه يالغالي :) :)

UNEXPECTED
هلا وغلا :) انت لو انك موجود لاسعدنه ولا غيره خالي والخال والد :) والله انا فاقدينك في عرب فن ويعطيك الف الف عافيه :) :)

شارب فليت
هههههههههههه والله من النجاسه هههههههه :) تلسم اخوي :) :)

خط القصيم
ههههه بس النجاسه جت على دجتي :( ومشكور اخوي :) :)

النادر
تسلم يالغالي :) المبدع ردك الجميل يانال العافيه :) :)

منسم
امين وعلى كل مدبوج :) تسلم يالغالي :) :)

همبرقع
مادري منين جا هالأسم بس عاد لا تدقق ههههه تعال انت ولا تدري خلك فيذاك يعني هالحين حافظك ربي مع اسمك هالمنسم همبرقع ههههههههههه :) الله يعطيك الف عافيه :) :)



------------------
مدرعم وخروا عن طريقه