PDA

View Full Version : نكبه على كيف كيفك



عاشق ثراها
06-11-2000, 06:01 PM
اسف يا شباب اني طولت الغيبه لكن كانت غيبتي
لظروف خارجه عن القانون....اقصد عن ارادتي(الله والاراده)....المهم هذي قصه حصلت اسمعوها:
في that مره حصل لي parkمحرج...كنت انا امشي في الشارع ومعي حبيبتي....نتمشى في الكورنيش(ارسى على بر يا نصاب في الشارع ولا الكورنيش) ...كنت امشي انا وياها في كورنيش الدمام(لاني طفشت من كورنيش الخبر وشاطئ ارامكو بعيد)....كانت الساعه ست(الستات)....تعرفون الواحد يتمشى عشان يشم الهواء النقي....ويغير جو...وحنا بالفعل شمينا الهواء بس مش النقي.....هواء البيارات(وانتم بكرامه) الرووووووعه.....اللي يكبونها في البحر(يا عيني)....لا والمشكله جايب شاورما لي ولها لاني مفلس وقتها....لا وقايل لحق الشاورما بدون ثوم...ما توقعت ان الجو والهواء بيكونون روووووعه لهالدرجه.....المهم....جلست انا وياها هناك....وكنا اول مره نشوف بعض.....كل واحد منا مسوي فيها رومنسي....يعني مصغر لقمته بزعمه افمه كبر حبة السمسم....ومناك ما تلقى له شدوق من كبر افمه.....لا وبعد كل لقمه بالمنديل يمسح شفايفه.....يعني لو الواحد بيصور فلم رومنسي ما بيلقى احسن من ذاك المنظر...المراد.....ما احد منا اكل شي...بس اني قعدت اشرب الكوكتيل.....طبعا ما شريته من المطعم.....لان كوكتيلهم مش طازج(يعني غالي وانا مفلس)...كوكتيل الواحه الصغير ابو ريال.....وهي تقول ما ابي بيبسي ولا عصير(ما ادري وش عندها).....تقول ابي مويه قلت بيني وبين نفسي ازين وفرتي....المهم قعدت اهذر عليها وانا اطباعي مدري وشلون.....رومنسي...ما عندي اصدقاء...وحداني....ما احد فاهمني تعرفون البدايه انا اسولف وهي تسمع(اموت بالادب)...عارف انها بعدين هي بتسولف وانا ابسمع......وفالاخير كلنا بنسولف واللي في الكورنيش بيسمعون.....بس اني كنت ابوضح (ابنصب)لها اني شخص رومنسي للغايه....وهي تبين لي انها مسكينه وحبتني من اول نظره(ترقيمه)وانه كان شكلي لعاب(سعابيل...يع) بس انه توضح لها العكس اني شخص طيب وحبيب وعاقل...(بدا مفعول نصبتي)....(وادري انها تنصب بس تمدحني وش اسوي)
...وسولفنا وخذانا الوقت....ما ادري وين بيودينا لكنه اكيد نكبه.....يا بيودينا للمقبره...يا السجن يا المستشفى يا دي النيله تاخرنا حيل......ابوها ينتظرها عند باب المجمع النسائي.....وابوها من النوع اللي يعرفها من بعد خمسين كيلو قرام وسط ستين كيلو لحم(يعني ستين حرمه)....حشى زرقاء اليمامه(اهب عليه)...وبينما كنا راجعين من الكورنيش اقبلت ذيك الريحه......اللي خطفت روحي معها.....وخذت روحي وودتها للدرام (وانتم بكرامه)....ريحه خايسه......وانا ماشي بالسياره واناظرها على جنب من غير ما تحس.....واقول بيني وبين نفسي....اكيد طلعت ريحتها من الخرعه......اثريها هي كانت تبتسم.....بزعمها اننا نمون.....تفكرها مني.....وانها عادي منها(على قولة الشاعراكمل الفراغ قال:
.......حبيبي دنين جنيه*****ماحلى على الارض رنتها
وليا......ما نقول افيه*****يا خوك وازين ريحتها)......المراد انا قفلت معي....متاكد انها هي.....وهي كذلك.....قلت ابفتح الدريشه عشان تروح الريحه....يوم فتحتها وتهل الريحه وتعبي السياره.....انا انبسطت طبعا......لانه ظهر الحق وزهق الباطل.....وهي انحرجت لانها كانت تشك فيني(من هالحين بدا الشك)...المهم وصلنا المجمع.....ابتلشت كيف انزلها من غير ما يشوفها ابوها....شفت حدا اخوياي يدور هناك وكانت معه سيارته الجديده توه مطلعها ينفخ فيها من عقب سفينة نوح(سوبربانه القديم)...وانا القى الحل وقفت سيارتي على جنب وقلت لها اذا شفتي ابوك انزحم ادخلي بسرعه للمجمع بعدين اطلعي.....نزلت من سيارتي وقلت لخويي....هلاااااا فلان كيف حالك....مبروكه السياره....(مين مبروكه دي)....يعطيك خيرها ويكفيك شرها.....قال الله يجزاك خير ودك تسوقها.....(الحمد لله جت منه) قلت اذا ما عندك مانع....طبعا انا امون عليه....بس اني ماني مخليه يمون علي(نذل).....يعني احرجه....المهم سقت سيارته ووجهتها لسيارة ابوها....وانا امشي بشويش(الثنيان)....صقعت سيارة ابوها بسيارة خويي.....خويي بغى يموت حزتها......ساكت ولا قال ولا شي........نزلت من السياره.....الا سيارة خويي انكر اصطبها وسيارة ابوها ما جاها ولا شي......الا مخش بسيط في الصدام......نزل ابوها وخويي نزل والدموع في عيونه....(حسيت اني مجرم حزتها بس اني امون(يلعن ام الميانه اللي اعرفها).....و خويي ابتلش في ابوها....اثري ابوها نصاب اصطبه اللي في الجهه الثانيه مكسور من قبل العام.....وقال لخويي ليش تكسرون الاصطب(يلعن خيره قعيطي)....البنت خشت المجمع....وانا اطالع لابوها وفيني الضحكه(وانا اقول البنت نصابه على مين)....قلت ما صار الا الخير انا اعطيك قيمة الاصطب الحين كم تبي قال خمسميه على طول(معليش اعطيه اياها بس ابرجعها هدايا من بنته).... وعطيتها اياه.....اما خويي اللي ماني معطيه فرصه يمون.....قلت له اسف جدا جدا....وانا وضعي كذا كذا......وقلت له السالفه.....وكانت فرصته الحقيقيه الكبرى للميانه......لانه صفقني بكتفي بقس....حسيت انه الكتف مهو لي.....انه لواحد من الشباب اللي وراي.....وان خويي كان قاصد البقس بوجهي(عادي يمون....يمزح)هو كذا مزحه.....المهم ودينا السياره للوكاله ورجعناها عروس.......وزفها خويي لقراش بيتهم.....اما انا زفني التكسي من الوكاله لبيتنا لان خويي بدا يمون وما وصلني لانه مقهور....ومن وصلت البيت اتذكر ان القروش اللي صلحنا بها سيارة خويي بالوكاله كانت اخر شي من القروش اللي عندي(قايل لكم مطفر)....والاقي اخوي عند الباب قلت هلا فلان....بالله حاسب الليموزين اللي عند الباب لاني ناسي محفظتي في سيارة خويي(النصبه عندي ما تعوق).....وحاسبه وخشيت البيت......الا اتذكر ان سيارتي في مواقف المجمع النسائي.....قلت اجيها من بكرى.....الا يدق جوالي وتكلم البنت وتقول يا عاشق الحقني انتكبت......عسى ما شر يا فلانه قالت..........
التكمله في الجزء الثاني من (توهقت مع ابوها)
لاني احس ان الموضوع بدا يطول.....اسف
وتحياتي لكم جميعا(
تشاو<IMG SRC="http://www.alsakher.com/ubb/smilies/cwm26.gif" border=0>

------------------
ان كنت لا تدري فهذ مشكلتك يا ابو الشباب...اللي بعدوه

مدرعم
07-11-2000, 12:03 AM
ههههههههههههههههه
ههههههههههههههههه
ههههههههههههههههه
والله اني مت من الضحك يابعدي اجل واناظرها على جنب من غير ما تحس.....واقول بيني وبين نفسي....اكيد طلعت ريحتها من الخرعه......اثريها هي كانت تبتسم.....بزعمها اننا نمون.....تفكرها مني.....
ههههههههه
تسلم يالغالي الله يوسع صدرك يابعدي
:) :)

------------------
مدرعم وخروا عن طريقه

جوسمين
07-11-2000, 03:12 AM
عاشق ثراها.....
فنتاستك...
بس عندي سؤال....هل وصلت الحاله الي هى تهذر.....ونت صاكت

كومار..شغل الموتر....وطيح لك اوردو
ترى اللغه الاورديه بسيطه......جمع لك حصى حطه بقوطي خضه
عند ربع كومار....وشوف اذا مايردون <IMG SRC="http://www.alsakher.com/ubb/smilies/cwm15.gif" border=0>

سقط المتاع
07-11-2000, 03:20 AM
اخي عاشق
سلام
انا قد قريت هالموضوع من اول في منتدى اخر..لكن كل اللي يجي منك رائع
وسلامتك

------------------
يامن عين من شرى له من حلاله علة ؟

خط القصيم
07-11-2000, 07:39 AM
هههههههههههههههههههههههههه
هههههههههههههههههههههههه


اخلص علينا بالتكمله

------------------
كل الطرق تودي الى بريده

منسم
07-11-2000, 09:12 AM
حلوة يا عاشق ثراها
بس ترى المغازلة عيب

------------------
رايت الذنوب تميت القلوب وقد يورث الذل ادمانــها
وترك الذنوب حياة القلوب وخير لنفسك عصيانها

المجهول
07-11-2000, 10:20 AM
أخوي عاشق ثراها...
الله يكفي الناس شر الميانة اللي تعرفها :(
الحمدلله أني ماني واحد من خوياك :(
هههههههههههههه بس صراحو مقلب
يالله ننتظر الباقي :)


------------------
من أنا ؟؟؟ أنا مجهول الأزمان

حجلان2
07-11-2000, 09:58 PM
حلوة جدا

بس ماقريته

------------------
يالعبدلايطغيك في نفسك الزود
تراك مثل الفي عجل زواله

همبرقع
08-11-2000, 12:56 AM
هههههههههههه


الله يرجك يا مسخره...لا تزعل ترى هذي مدحه زي يا مقلع :) :) :)

------------------
الا تستحق الحياة ان تقف لوهله..

وتلتفت ورائك..

بعدين تكمل مشيك!!!

النشمي
10-11-2000, 08:59 PM
ههههههههههههههههههههههههه
ههههههههههههههههههه

الي قاهرن ليش الشاورما بدون ثوم ؟؟؟

------------------
اليوم عمل بلا حساب ... وغداَ حساب بلا عمل ... فأغنم يوم عملك ليوم حسابك