PDA

View Full Version : ابشروا بالفقع..والمستحيلات



سقط المتاع
08-11-2000, 08:36 PM
رخات المطر اللي جت هالايام ذكرتني بالفقع والزبيدي..آه عليهم.
من سنتين او ثلاث في السنه اللي جاد الله علينا بأمطار غزيرة انبتت االعشب والفقع الين صار الفقع يباع مع العلف ويحفظ في الثلاجات والفريزرات للسنوات العجاف.
هاذيك السنة..قررنا نخيم شرق النعيرية ونجمع فقع مثل باقي خلق الله. في الصباح ، انطلقنا .. حد شمال وحد جنوب و شرق وغرب. انا رحت لحالي وعزمت ان اجيب للربع اكبر زبيدية شافتها عينهم.
على بعد 3 كيلو..ادور يمين ..يسار..قريب..بعيد..مافيه شئ. اشوي والا ذاك الشئ المعتلي الارض..بس يابو متاع..هذي وحدة..اول الخير..اقوم انبش عنها بمسحاتي( هذي للنبش عن الفقع للي ما يفهم)..والا هي لها رنين..يمكن تكون علبة فقع ..ياسلام..فقع ومعلب..كم انا مخظوظ اليوم .طبعا انحنيت..والتقطت العلبة..والا هي ما طلعت علبة عادية..وارجها ابفهم هي بها شئ والا لا. علشان اقرا تاريخ الصلاحية ..قمت ومسحت العلبة زين..شوي..والا انفتحت كاني كبست على زر ..وطلع دخان..مدري ضباب..انا بصراحة خفت..آبو الفقع لابوه..يا روح مابعدك روح.لكن سد طريقي..بعد الضباب كتلة ضخمة ..وصك اذني صوت يهدر: شبيك لبيك..حارس الابريق بين يديك..اطلب تجد..آمر..تطاع..انطق..انصاع.الا الثلاث المستحيلات اللي ماتنشرى ولاتنباع.
بعدما راحت الروعة وشربت جغمة ماي ..ذكرت سواليف زمان. طبعا..هذي فرصتي..على طول قلت له ابغي حبة فقع اكبر من الجبل.
وباشارة من اصبعه..اسحبت( جا سحاب) ثم ابرقت( جا برق) ثم ارعدت بعدها امطرت ثم طلعت حبة فقع وبدأت تكبر وتكبر وتكبر الين قلت انا بس.
بعدها انحنى واعاد جملته السابقة. انا صرت افكر..لازم اطلب شئ يفيدني ..ويفيد اولادي..الدعوة ماهوب انا وبس.وصرت احك راسي ..ابغي اتذكر شئ محتاج له كثير وصعب المنال.
وبدون تردد قلت له: ابي قرض من البنك العقاري.
عندها ..الحارس ارعد وابرق وازبد..فكرته يتعصر علشان يلبي طلبي..ثمن قال..افتح الابريق..انت اخليت بالشرط..تمسكت بالعلبة وانا اتل..وهو يتل..واخيرا..دعس اصبعه في العلبة وبدأ يتلاشى..سألته ايش السالفة..قال لي : صار لي 40 سنة طالب قرض البنك العقاري..ومستأجر هالابريق من صلاح الدين مادري علاء الدين ..ولما يئست وفتحت الفال عند العراف ..قال لي " راح القليل وماباقي الا الكثير ..قدامك ..اربعينتين..قبل القرض..
وببلاهة سألته ويش المستحيل الثاني..ومن بعيد..صوت لي ..لا تكلمني عن مواعيد او حجز السعودية.
واستحلفته ان يقول لي عن الثالثة..علشان ما اغلط مع اخوانه او امثاله، وكانت اجابته"لقد تعثر مرور مكالمتك..لا تعاود الاتصال مرة اخرى"
هذا النذل..حتى حبة الفقع الوحيدة حولها الى جبل حجري صلد..هو جبل النعيرية.
وسلامتكم




------------------
يامن عين من شرى له من حلاله علة ؟

بدون عروه
09-11-2000, 12:36 AM
<FONT size="4">
لحنك على الوتر الحساس رائع ..


الله يخلف .. هالحين معاد فيه أباريق !! تدري وش فيه مكان الفقع ؟!؟!

قزاز خمر !! وجراكل عرق .. خمر وعرق بطعم الزبيدي !!

وشلون نبي رب البنك العقاري يستجيب ويسرّع خطوات السرى !؟


:( :( :( :( :(

</FONT s>

------------------
إذا لم تكن ذئباً .. إنتبه لا تصير أم عشيش .

النشمي
10-11-2000, 10:08 PM
ههههههههههههه

مسخره والله على وزن هبال وخبال :) :)

والبنك هذا يبي شحم علشان يمشى بعض هالجنازير الي به ... الله المستعان :(

------------------
اليوم عمل بلا حساب ... وغداَ حساب بلا عمل ... فأغنم يوم عملك ليوم حسابك