PDA

View Full Version : عشرين دقيقه …… وحنا الله يخلف



النشمي
10-11-2000, 08:26 PM
<FONT size="5">طرنا من هونق كونق لتايبيه .. توقف بسيط تبديل بعض الركاب والتزود بالوقود .. اعلنو عن الهبوط بالسلامه .. الركاب وخلال دقيقتين فضو الطياره ... تقول موقتين على ساعة وحده .. .. لازحمة ولا مهاوش واصبر ولا تصبر .. لاوخر ولا توخر .. لاصوت ولا نفس .. دقيقتين والطيارة فاضيه
انتظرت داخل الطياره .. .. .. لانه عندي مواصله لم اوساكا باليابان
دخلو فريق النظافه .. فتشو المقاعد والمخدات واخذو البطانيات والسماعات ... زينو الاحزمه نظفو الارضيه وكنسو الطياره بمكنسة كهرب نظفو الحمامات (( الله يكرمكم )) .. .. .. .. كل هذا عادي
الي ماهوب عادي ان هالعمليات الي تمت هذي كله ما اخذت منهم (( 20 دقيقه )) وبس ؟؟
والي قاهرن اكثر ان الطاقه الاستيعابيه حقت الطياره 311 راكب وكانت والله كله مليانه
العجيب ان هالفريق مكون من (( 8 اشخاص و شخصات )) وبس .. .. ولا اخذ الا عشرين دقيقه ؟؟؟؟؟
كله كوم والفريق الي يعمل ماكان عليه سوبر فايزر ؟؟؟
بمطاراتنا .. فرق النظافه تتكون عادة من 15 – 20 شخص ويحتاجون لساعه الي ساعتين .. وعليهم سوبر فايزر وبالمشعاب

ليش؟؟؟
وش السبب ؟؟

خوف من الله ؟؟؟ .. .. يمكن ؟؟

يقضة الضمير ؟؟

الخوف من العقاب ؟؟

اقول لكم ماكان فيه سوبر فايزر .. .. يعني كل واحد يقدر يجدع خطاه على الثاني :(

طيب وش السبب ؟؟؟؟؟؟

انا اتوقع ان السبب يا اخوان في التعليم …… الي ادى الي زيادة الوعي

التعليم يسير حياة هالبشر هناك

يجي كربه مثل بريه اخو بياله يقول ……. هذولا ماهوب متعلمين !! الي يشتغل بهالشغله ما اظنه متعلم !!

اقول له رح قشر بصل والي يرحم والديك :)

كلهم متعلمين وبعضهم يشتغل هالشغله …. مع العلم انه ماهيب شغلته الاساسيه…. جاي او جايه يوسعون صدورهم ويزيدون دخلهم
طيب ليش مانصير مثلهم ؟؟ …. وش الي ناقصنا ؟؟

شوي مع هواجيسي …….. الا والطياره تنتلي مرة ثانيه وبكل هدوء …… كنت مسلهم ومنقهر ليش ربعنا مايصيرون مثلهم بهالترتيب والنظام ……… وراه ؟؟ وراه ؟؟ والف سؤال وسؤال
الا يوم بداء هاكالواحد يلحن لنا معزوفه بمكينة البلاكستون …… تقل مكينة تسحب ماء من تسليب فاضي :(…… دلو ماء ودلو طين :) :)…… قسم بالله مزع تسبدي الله يحوم تسبده ……. بس الحقيقه انه وسع صدري …… على الاقل تذكرت شيباننا الله يخليهم لنا

يعني على الاقل لقيت شي مشترك بيننا حنا واليابانيين :) :) :)

=========================

الا سؤال على الطاير ...... :( :(

ليش بالخطوط السعوديه يحطون مظيفات جميلات بالدرجه الاولى و درجة الاعمال .. .. .. .. وبالخطوط الثانيه يحطون رجال لخدمة هالدرجتين ؟؟؟؟؟؟

يمكن طريقه جديده للتسويق الحديث …. ومعكم علم ربعنا بلخطوط السعوديه اعلم من غيرهم بالتسويق وطرقه</FONT s>


------------------
اليوم عمل بلا حساب ... وغداَ حساب بلا عمل ... فأغنم يوم عملك ليوم حسابك


<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة النشمي بتاريخ 10-11-2000 الساعة 08:37 AM</font>

booo
10-11-2000, 08:33 PM
_
اول شئ اقول السلام عليكم وحمد الله على السلامه يا الغالى وكيفك وكيفك مع اليابانيات ;)
_
وثانى شئ اخوي اهم شئ الشخصات مو الاشخاص الى ينظفون :) :) :) :) :) :) :) :) :)

_

ياشين اللى يجي من اليابان ومصدق نفسه الحين بجلس يغثنا سنه انا شفت وانا شفت واليابان فيها وفيها والتعليم والخرابيط :) :) :) :) :)
_
وبعدين السؤال اللى على الطاير اخوي الحين اللى يركب الدرجه الاولى مثل السياحي ياسياحي :) :) :) :) :) :) :)
&lt;&lt;&lt;&lt;&lt;&lt;&lt;كأن هذا زودها شوي
&lt;&lt;&lt;&lt;تلااااايط
اهم شئ حمد الله على السلامه يا الغالى وسلمي على ...... ;)

------------------
كن سعيداً كلما كثر حسادك .. فهم الشهادة لك بنجاحك


<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة booo بتاريخ 10-11-2000 الساعة 08:51 AM</font>

العميل
10-11-2000, 09:03 PM
هلا والله بالغالي : عميد المنتديات النشمي :) :)

الحمد لله على سلامتك يالحبيب

أسفر المنتدى وأنور ......

على فكرة قبل يومين دخلت منتدى ياباني لقيت واحد توه مسجل اسمه ناشياموا هههههههههههه

عنفرز
11-11-2000, 01:36 AM
السلام عليكم ورحمة الله وبركاته:
أولا..الحمدلله على السلامة ...
ثانيا: المشكلة مو بس في التعليم .. المشكلة في عقولنا ربعنا حتى المتعلمين منهم مافيهم عقول...
وبعدين ليش تظلم أخو بيالة ... قال لك الحقيقة اللي هي
<FONT COLOR="Red">الوعي تهمة أقرب للواقع...</FONT c>

أقول يعني وإذا ماأعجبوك ربعنا وش بتسوي بتصير ياباني؟؟؟؟
السلام

------------------
اللهم أنت أعلم بما فيه خير معاشي.. فاكتبه لي ورضني به ...ولا تكلني إلى نفسي طرفة عين ....

شاصي2000
11-11-2000, 03:35 AM
الله من النصب على بالك رايح لليابان

خخخخخخخخخخخخخخخخخخخخخخخخخخ

تراه يالربع رايح انتداب لجلاجل وهم ماعندهم انترنت هناك وقال خلني انصب عليهم واقول اني رايح لليابان



------------------
اللي يبينا عيت النفس تبغيه واللي نبيه عيا البخت لايجيبه

منسم
11-11-2000, 03:49 AM
هلا بجدي النشمي
الحمدللة على السلامة
والله المنتدي مالة طعم بدونك

------------------
رايت الذنوب تميت القلوب وقد يورث الذل ادمانــها
وترك الذنوب حياة القلوب وخير لنفسك عصيانها

أبو عجاج
11-11-2000, 04:03 AM
يالله حي ناشياموا .. الحمد لله على السلامه :)

اما بالنسبة لاقتراحاتك فتاكد انها مطروحه ضمن الخطة الخمسية التاسعه والاربعون بحي الربوة :)

------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>

KSA_UK
11-11-2000, 04:45 AM
الف الحمد لله على سلامتك يا النشمي …..
سافرت يومين وجاي تبرطم علينا يا بعدي احمد ربك عندنا طيارات تروح فاضيه وتجي فاضيه …….. انا داري ما عندك ما عند جدتي … بس الخطوط عندنا لهم وجهة نضر وحكمة ما بعدها حكمة , يا اخي يبون يخلون الراكب مرتاح على سنقت عشرة يعني يتبطح على الكراسي الفاضيه هما التذكرة بلاش …… يوة من قال بلاش الضعوف يدفعون سبعمية جنية لندن رياض لندن,,, وازيدك من الشعر حنيني او جريش الخطوط عندنا الى شافو راكب احمر قاموا يتعذرون على التاخير وشف المجاملات و الراكب الغامق شوي يقلب حجارة او يقشر بصل على قولك.
يا بعدي من جد الخطوط او مكاتب الطيران في الخارج 99.99.99.1 % اجانب يعني تتوقع يعطونك وجه, معاملتهم للسعودي ازفت من الزفت الا اذا كان الراكب درجة …… هذا شي ثاني يوقفون الطيارة يحترونه يقضي متسوق من المطار

MERSAL
11-11-2000, 06:07 AM
السلام عليكم
الف الف الحمدالله علي السلامة جدي النشمي
وش اخبارك بشرنا عنك والله الساحة نورة
=======

حبيبي الي يقهرني انهم مرتبين في كل شي وهم كفرة ولا عندهم مبدا ولادين يحكمهم بس احنا الي عندنا الاسلام المفروض نكون احسن منهم في كل شي
لكن ما اقول وش نسوي الله لنا ولا ربعنا ما عندك احد

فوال الحاره
11-11-2000, 08:13 AM
انا فهمت كلش الا شي واحد الي هو(سوبر فريزر)وش يطلع ذا؟؟؟!!!
ياخي تقولي وعي ياعمي طييييييير اعرف واحد راح لليابان..وزار احد المدارس يقول ان الطلاب قبل مايدخل الفصل الله يكرمك يفصخ جزماته..ولما يكلمه المدرس يناظر الارض...والي يتعرض لطريق المدرس وهو يمشي يعاقبونه......عندك لا عندنا يدخلون بنعال(الله يعزكم)مقطعه....ولما يهرج المدرس معه يبحلقبه كأنه ظايعله شي.....وعندك مايتعرض لطريق المدرس..لا يلفعه طراق...ويقلون لاتكررها مره ثانيه....
عندهم بالحارات الي يدور بالحاره يعتبر ارهابي ولااحد يحاتسيه...اما عنده الي يقعد بيته..ولا يفر4حواري غير حارته..كان يعطونه اشكل ويعيرونه ياولد المصريه.....أي وعي يابن الحلال

------------------
جبنا مراويس وجبنا عود وجبنا مع العود اطبالي


<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة فوال الحاره بتاريخ 10-11-2000 الساعة 08:17 PM</font>

mosarq3 alkhobar
11-11-2000, 11:43 AM
ياهلا وغلا بجدي النشمي وانا اشوف فيه نور طالع من المنتدى واثرك موجود الف الحمدلله على السلامه

وبعدين لاتهك على العالم وتقول انك رايح لليابان واللي اعرفه انك رايح لسيرلانكا علشان تساند منظمة نمور التأميل يا الارهابي :)

بعدين خل الخطوط السعوديه بحالها خلنا نصبر ونشوفها عقب الخصخصه وش راح تصير عليه ويا خوفي تصير من جرف لدحديره :) :)

الحمدلله على السلامه يا الزعيم :)

------------------
انا ماني يهودي ولا مشرك ولا عربيد.......انا اللي لاغلط تجهم وجهه واقلقه ثوبه

الوجعان
11-11-2000, 11:59 AM
حمدلله على الجنط ياسلامه :)<IMG SRC="http://www.alsakher.com/ubb/smilies/cwm16.gif" border=0>

النشمي يالله حيه ولكم باك
هاه بشر عسى الديره ممطوره والشعير عندهم على كم؟

ياحبيبي هذولا ماعندهم الا الدنيا عشان كذا مجتهدين عليها مايبون يخربونها.

لكن حنا اللي ضيعناها لادنيا ولاآخره.

الله يرحمنا برحمته


وقز التوقيع


------------------
نحن قوم اعزنا الله بالاسلام فمهما ابتغينا العزه بغيره اذلنا الله

متزن
11-11-2000, 12:20 PM
السلام عليكم ورحمه الله
حيا الله اكبر جنط
سلامه الاسفار
يقولون شركه ميتسو بيشي يدورون واحد يشتريها الظاهر انك رايحن تسومها .



------------------
رب إغفر وارحم وانت خير الراحمين

mr_mosta7el
11-11-2000, 04:32 PM
حياك الله يا اخوي نشياموا
اسفرت و انورت و استهلت و امطرت
يوم سافرت لليابان جانا الخير و امطرت
هههههههههههههه
اكيد دعيت لنا ان الله يجيب مطر
الحمدالله على سلامتك يا جدي النشمي
و الله يحيك

و يا اخي الوعي نروح و نرجع و نقول الوعي
للاسف الوعي ناقصنا كثير في هالوقت
و في كل وقت
و الاهتمام بالوقت كذاك
الانسان العربي اهون شي عليه هو وقته انه يروح
و اصعب شي عليه ماله ما يبيه يروح
للاسف احنا نفكر بأسلوب الهزيمة مسيطر علينا في كل شي
تلاقي مثلا ان الواحد في عمله ما يعمل بإخلاص ألا اذا كان فيه رقيب خارجي عليه
و الرقيب الداخلي عندنا مات من سنوات

د. مخربها
11-11-2000, 09:24 PM
موضوع طويل عريض بس عشان تعلمنا انك رحت لليابان ؟؟؟؟؟؟؟؟؟؟؟؟؟؟؟؟؟؟؟؟؟؟؟

اجل لو انك رايح لجده وش بتسوي؟؟؟؟؟؟؟؟؟؟؟؟


&lt;=== على باله ان اليابان بالخبوب<IMG SRC="http://www.alsakher.com/ubb/smilies/cwm6.gif" border=0>

بدون عروه
12-11-2000, 12:13 AM
<FONT size="4">

حمدالله على السلامه ..
حسبي الله عليك .. شوهت سمعتي يافرخ اليابان :)

مع تحيات صديق الجنط :)


</FONT s>

------------------
إذا لم تكن ذئباً .. إنتبه لا تصير أم عشيش .

هيكل عظمي
12-11-2000, 12:41 AM
انا اقول يارب وش الزحمة وش الزلازل اللي حاصلة ...اثرك وصلت من اليابان :)
الحمدلله على السلامه وياهلابك ويله استلمنا كل يوم صفحة واجمعها كلها وسمها مذكرات <FONT COLOR="Red">نشياميوا </FONT c>في اليابان ;)


<IMG SRC="http://www.alsakher.com/ubb/smilies/cwm44.gif" border=0>

------------------
يا سيدي في القلب جرح مثقل....بالحب يلمسه الحنين فيسكب
ياسيدي والظلم غير محبب.....أما وقد ارضاك فهو محبب

شارب فليت
12-11-2000, 01:02 AM
أنا مع تخصيص الخطوط ..

تخصيصها للشحن ونقل البضائع ..

ويتركون نقل الناس لناقل جوي عنده إحساس وذوق وفهم وقابلية للتطور ...

مرزوء
12-11-2000, 07:11 AM
ازيك يلا
والحمدلله على السلامه ياااااااااااااااااااااااااجي من الشفر

دنتا ياااراجل وحاااشنا

الا باالحء ماأولتيليش
مالك كدا عامل زي السزوكي الل لسه خرجه من الاجنص

------------------
هوى صحيح الهوى غلاب؟
كونت فكروه مدحت

هتان
12-11-2000, 01:56 PM
الحمدلله على السلامه ياجد :)
رحله موفقه يالنمر الآسيوي :) ميورا النشمي ..
اشاعه قويه تقول رايح تعرس من اليابان .. :)
<center><IMG SRC="http://www.mooncrystal.com/japanese/wellgl.gif" border=0></center>


------------------
قلت المطر قالت من اليوم ديمه
.... مابه رعد لابرق ماغير هتان

booo
12-11-2000, 02:56 PM
السلام عليكم
اخوي النشمي بعد اذنك بلييز

هتاااااااااااان انت مجنوووووون رسمييي
اجل هذي اليابانيه اللى كنت اكلم عنها ناشياموا :) :) :)
وبعدين وينك يا القاطع وصلت الرساله يا هتان
&lt;&lt;من زمان ما يشوف هتان ومايعرف في شئ اسمه صندوق الرسائل :)
تعال انت الحين ابيييك يا ناشياموا والله وطلعت الاب الروحي للمنتدى اخص يا من اليوم راح اسميك ابو الساخر :) :) :) :) :) :) :)

------------------
كن سعيداً كلما كثر حسادك .. فهم الشهادة لك بنجاحك


<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة booo بتاريخ 12-11-2000 الساعة 02:59 AM</font>

النشمي
12-11-2000, 11:30 PM
<FONT size="5">الله يسلم الجميع بدون اسم ..... وياجعلكم والله سالمين غانمين عند ربكم قبل الدنيا

** booo.... طيب اوريك ياجنط ... ان ماغثيتك

** العميل .... فتحت النار على النشمي الله يهديك :(... بعدين لاعمرك تكبر الحمار بقولة اش .. الله يعزكم ... منهو النشمي يحط عميد منتديات ؟؟

** عنفرز .... ودي والله وتقطر تسبدي اصير ياباني ... بس مسلم :)... ومثل متفضلتي اختي الوعي تهمة أقرب للواقع ... وبريه هذا سيد الجنوط بهالكون واسالو بياله :)

** كلاشنكوف 2000 ... ياحبي لهالخشه تقل ما تدري ياكربه :)

** منسم ... ياجدي الله يسلم كل عمرك والله الطعم بوجودك يالاجودي :)

** ابو عجاج ..... يالللللللله الغبره متدحدره من جرف :) :) .... طيب :(

** KSA_UK ... جدي انت :)..... انا اذا مابرطمت عليكم ابرطم علي من ... الله لايخلين منكم ياجنوط :).... وراك تدفع 700 جنينه ؟؟؟ .... ياخي ورقه تثبت انك (( ستيودنت )) وتصير التذكره 450 جنيه

** MERSAL ... شفت ياجدي اني ميت من القهر ... والبعض يلومن بهم :) :) حي الله المرسال :)

** فوال الحاره.... ابو حمد :) :) :) :) وينك يالداشر ... مالك علي يمين انك على الباله والله يانت جنط اصلي
سوبر فريزر ههههههههههههههههههههههههه

** mosarq3 alkhobar .... يالربع احكمو ارد على هذا والا لا ؟؟؟؟ .... اكرهه ولانب اواطنه ولانب انتشي ريحته المصندتس :( :(.
.....يالربع اذا ما سمعت صوت هالادمي اصاب بدوار البحر والله العظيم :)....... نمور التاميل ؟؟؟؟ هذي لك انت وابو عجاج الله يسلمكم :(

فاصل اعلاني :( :(</FONT s>

------------------
اليوم عمل بلا حساب ... وغداَ حساب بلا عمل ... فأغنم يوم عملك ليوم حسابك



<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة النشمي بتاريخ 12-11-2000 الساعة 12:09 PM</font>

أبو سامي
12-11-2000, 11:41 PM
هلا وغلا ياجدي
الحمدلله على السلامه
وأنا اقول يوم انا جاي من سنغافوره شايف تريلا تمشي بالبحر مليانه سيارات أثراريها لك :)
بس تراي مخطط على الكوبيه المفقعه كفراته :) :)<IMG SRC="http://www.alsakher.com/ubb/smilies/cwm12.gif" border=0> <IMG SRC="http://www.alsakher.com/ubb/smilies/cwm12.gif" border=0>
<FONT size="6">الزبده: الحمدلله على سلامتك والله أنا فاقدينك</FONT s>

------------------


اسخر واستمتع بالحياة ....


<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة أبو سامي بتاريخ 12-11-2000 الساعة 11:43 AM</font>

النشمي
12-11-2000, 11:43 PM
<FONT size="5">الله يسلم الجميع بدون اسم ..... وياجعلكم والله سالمين غانمين عند ربكم قبل الدنيا


** الوجعان ؟؟؟؟؟؟ .... وش مزعلك علينا ؟؟؟؟ لأجل رضاك نسوق الدراهم يابو عباس :)......الديره ممطوره وعندهم العشب والخير ولاهوب يرعون شعير .... الشعير لي ولاشكالي :( :(......التوقيع .... الله يحرم جلدك عن النار

** متزن .... هلا والف غلا براعي الضبان والصيد :) :)... بعدين ماهوب انت الي موصين اشتريه لك ؟ :(

** mr_mosta7el ..... جدي الوعي يبي رجال مثلك واشكالك ماهوب مثل هالجنط الي يحاتسيك :)... حي الله ابو متحت ... والمطر جاكم يوم راح عنكم اهل الشر مثل هالجنط النشمي واشكاله :(

** د.مخربها ... هههههههههههههههههه تبين اعلم علومك الي صارت بجده والا اكل تبن واسكت ؟؟ :)

** بياله بدون عروه ..... طيب .... يجدون :(

** كرشه ومصارين وتسبده وتسرعان ..... اقول ساقو البنات والا لا ؟؟ ...... انت بالذات الفقه :) :)... يالله حي هيكل عظمي عد المطر وذرات الغبارالي عندنا بالقصيم :) :).... ختمك ابن كلب (( الله يعزك )) :) :)

** شارب فليت ..... انت حي ياخي تكرم علي وتزهم علي رقم البيجر (( 68930287 )) ... وانا اشهد انك ماقلت الا الصحيح :)

** مرزوء ..... اناي بخير ياهريد<IMG SRC="http://www.alsakher.com/ubb/smilies/cwm23.gif" border=0> ..... وشو الاجنص .... انا اعرف ان الاجنص يعني العبنص .......... والعبنص هذا اسألو عنه شاصي 2000 .... هو الخبير بهالامور :) :)

** هتان ..... هلااااااااااااااااااا جدي ... وينك يامال الغناة والله ... ياخوي تراك غالي بالحيل لاتحرمنا من طلك يابو الطيب .... اما العرس من اليابان اصبح وارد والله عقب الي شفته هناك :) :)

** booo .... الموضوع وراعيه حلالك ... وتسلم والله لو انا الاب الروحي جان شفت ماما صن عندي ياجنط

الي وده يعرف وشي ماما صن ...ينشد عنه بياله بدون عروه :( :( :(

** ابو سامي يركب كوبيه مفقعه ؟؟؟ ... معصي والله .... انت تاج راس يابو الطيبه :) :)</FONT s>


------------------
اليوم عمل بلا حساب ... وغداَ حساب بلا عمل ... فأغنم يوم عملك ليوم حسابك


<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة النشمي بتاريخ 12-11-2000 الساعة 12:11 PM</font>

هوجاس
13-11-2000, 02:45 PM
الغالي النشمي :
الخطوط السعودية .. أم ماذا .؟
لا تتحدث .. فقط كبر اربعاً عليها ..!!
وعوداً أحمد .. من بلاد الشرق الأدنى ..!!
--------
هوجاس

------------------
هاجس : لا يكفي أن تكون في النور لترى ..
بل ينبغي أن يكون في النور ما تراه ..!!
لمن فقد العنوان :
hojas@maktoob.com
على الهواء مع الماسنجر :
hojas4@hotmail.com

النشمي
14-11-2000, 07:50 AM
<FONT size="5">يالدي النور والله .... هوجاس جاء ؟؟

حي الله الغالي ... حي الله الخير كله ... حي الله الطيب ..... حي الله ولد ابوي هوجاس

الخطوط السعوديه :( :(... هذولا ياجدي ماهوب متغيرين والله لو يشق النشمي جبهة بريه اخو بياله :( :(

لكن الله المستعان</FONT s>

------------------
اليوم عمل بلا حساب ... وغداَ حساب بلا عمل ... فأغنم يوم عملك ليوم حسابك

النادر
14-11-2000, 12:07 PM
هلا بالنشمي الحمد الله على السلامه
وشلون شفت اليابان هناك
والله تاثرت فيهم بسرعه

وبعدين ربعنا لاتشره عليهم راعين خنبقه وبربسه
شف اليابان خلال كم سنه تطورت
وشف ربعنا متى تطوروا
كل شي عندنا سيء
طبعا هذا راجع لتخطيط


------------------
بعض العرب وجهه يفجع ودك
تولع فيه وبعض العرب
وجهه يسطع ودك تطالع فيه