PDA

View Full Version : فــقــير وعندي المال الكثير...؟؟



راعي الأوله
20-07-2001, 06:07 AM
احب ان اقدم لكم احدى روائع الامير المبدع/عبدالرحمن بن مساعد

فقير وعندي المال الكثير .. فقير وملبسي غالي حرير


وياصاحبي الحافي الفقير .. ابنشدك .. ابسئلك .. وشهو الحصير

وابسئلك وشلون أنا أمر وانهي

واذا حكيت قبل انتهي من كلمتي .. يقالي سـم ويصير

ولاشكيت من غفلتي طول زمنها .. يقالي لا تشتكي ما خلقت الشكوى لأمير

وابسئلك وشلون أنا مع كل ذا .. أقول عن نفسي فقير؟؟؟

يا صاحبي لاصار للضحكه ثمن .. وصاروا اصحابي كثير .. بس بثمن

والوفاء مابه وفاء إلا بثمن .. ابسئلك ماني فقير ؟؟؟

ولا صارت أقوالي حكم .. ولا قالها غيري غدت .. حكي قديم

ابسئلك ماني فقير؟؟ .. ولاصرت أنا مانيب أنا

ولا غلطت .. قالوا صحيح وكل شي اعمله يصبح عظيم

ابسئلك يا صاحبي ماني فقير؟

وياصاحبي ابنشدك لمن جفتني دنيتي ..وابتدا الدرب الطويل إلي ابد ما ينتهي

وانتهي العز القديم وما كنت أظنه ينتهي .. والموت بدد فرحتي .. وحطوني في قبر صغير

وحزنوا علي وبكوا اهلي وناس من ربعي قليل .. وارتاح من وجهي كثير

وبقيت وحدي في حيرتي مابه أحد .. لاطال عمرك ولا تحت أمرك

ماغير أنا وخوف ولحد وحساب قدامي عسير

وقتها ذكرت اني من زمان .. يوم انه امهلني الزمان

هذا ظلمت هذا جرحت ياما كذبت .. وذنوبي ماتحصي كثير

وقتها إلا ندمت ونفسي كرهت .. عرفت أن الله كبير وان الهلاك اصبح أكيد

واني أنا مالي رجاء.. ولا هروب من الدجاء .. من الجحيم الا بأمل عندي وحيد


إن الله غفار ورحيم

ابسئلك يا صاحبي عني في وقتها .. ماني فقير؟؟؟


الأمير / عبدالرحمن بن مساعد

وجد الكتابة
20-07-2001, 06:10 AM
من اكثر الكلمات اللي احبها للامير الانسان
تسلم لروعه اختيارك
ولو اني ما قريتها
الا اني تقريبا حافظ معظمها من كثر ما احب هالكلمات

راعي الأوله
20-07-2001, 06:13 AM
تسلم اخوي خالد على ردك السريع

معاندالزمان
20-07-2001, 07:58 AM
بس لو أنه نصراوي, كان قلت:

وشهو الفرق بيني وبين هذا ألأمير
.................................كلنا لحب الوطن وافي وبسكنه جدير
ياعدو أبعد ماعاش فينا نذل و حقير
.................................والغني عطاه الله ماينّسي بظللّـه فقير

شوكولاتة
20-07-2001, 12:51 PM
الاخ راعى الاولة :::
اخيار احلى منة مافية
تسلم يمين خطت << لاتكون اعسر !!
وشعور اختار ::::
:::::::::::::::::::::::