PDA

View Full Version : من واقع التحرير



فـــهـــد
15-08-2001, 10:24 PM
هذه القصيده كتبها اخي بعد مشاركته في حرب الخليج :rolleyes:
الحرب زينها أبـو متعب يـوم وصـى بالوصـاه
يوم صدام ساق جنوده للجار وتمنـى مـنـاه
متعب قاد الحرس بالفكر والرأي والليـل مسـراه
من يجهله بالحرب والسلم يصبر على قطع يمناه
قـائـد بـن قـائـد والـمـعـارك امــنــاه
جنود أم المعارك سلمت واحتمـت في حمـاه
يشهد الخفجي وليلا نجومه أمطـرت من سمـاه
والبحر مع شروق الشمـس في زرقـة سمـاه
خوان نوره بالجـزيره مـثل الجبـال المرسـاه
آل سعود كلهم دروعا للوطن وللشـعب حمـاه
وحب الوطن من الله ثم عبد العزيز حنا عرفنـاه
يوم قام وقال دمـي فـدا شعبـي حنا سمعنـاه
وبالحكمـه مع سنـة رسـول الله حنـا تبعنـاه
في طـاعة الله يوم قـال ولي أمرك لاتعصـاه
مع عبدالعزيز رفعنا الولاء باليمين اللي ماتعصاه
ومشينـا عـلى دربـه بنـورًا ينبـع من ثـراه
وطينا بالقدم دروب الجهل ومن لايطلب رضـاه
يوم حرر الجزيره على ركبه والعلم في يمنـاه
عبدالعزيز عـاد لنـا ديننـا يـوم حنـا فقدنـاه
يشهد له التاريخ والشجـره اللي زرعها بيمنـاه
خادم الحرمين وولي عهده عبدالله سلمت يمنـاه
نهـجهـم القرآن وبـيـت الله شيـدوا بـنـاه
وسلطـان مـع نايـف العـدو كفـوا يمنــاه
عمـوداً للأمـن والأمـان اللي حنـا في ذراه
والأمير سلمان ونائبه مثـل القمـر في سمـاه
بالعلم وثقافة شـع الريـاض وشفنـا مـاوراه
البدو والحضر سقاهم من بحر علمـه وعطـاه
وجـب عليـنـا حبـه وحنـا ماعـرفـنـاه
الله يحفظ مملكتنا لين ربي يبعث خلقه من ثراه
وصلاة ربي على الرسول اللي جميع الخلق تتبع هداه

عبد الرحمن بن عقيل الرحيمي

فـــهـــد
16-08-2001, 02:13 AM
والله كنت منسق القصيده زين ومرتبها قبل ان اضيفها بس مادري وش لخبطها كذا...... اسمحولي وقبلوها على هالوضع :jj:

THUNDER_SS
16-08-2001, 04:16 PM
الاخ الكريم / فـــهـــد ...

السلام عليكم ورحمة الله وبركاته ...

قصيده جزله ومعبره ، وبالمناسبه القصيده واضحه ولا تخطاء العين معانيها ... وهى كذلك ...

شكرا لك ولأخيك ... ونطمع برؤية مشاركاتك معنا على منتدانا الطيب هذا .. فأهلا بك ومرحبا دائما اخا وعزيزا .. مع وافر الاحترام والتقدير ...