PDA

View Full Version : انت العزيز ..



النازح المنسي
25-08-2001, 10:18 PM
قال اللذي من لوعة القدر شايف ...... شايف امور معقده له قدرها
أنا الذي من شنة القرب حايف ...... مظنتي صافي وشربي كدرها
اكتب قصيده ما بها لف خايف ....... سر ياقلم ما دام راسك سطرها
انت العزيز تقولها لك شفايف ....... والبسمة اللي في رسومه نشرها
لكن مع البسمه تشوف النحايف ....... انياب غلٍ بينات خطرها
ويالف قلبي لفه الهم لايف .......... لفة طويلات الشعر لانثرها
كبر الصغير وصار للناس عايف ...... ومن كثرة جروحه تعب ماحصرها
يقول خلي على مستقبلك خايف ...... لا تلتفت اغديه يبدا فجرها
واقول ياخلي ذرا اليوم نايف ........ مستقبلي طالع وعمي حدرها
وما دام .... حي ما نيب خايف ...... به اتذرا وهو يدفع خطرها
وان غاب دنيا ما عليها حسايف ...... كم واحدٍ كافح بها ما قدرها
كلٍ بها الدنيا به الهم طايف ........ وانا على فرقا خليلي دهرها
متى دواليب الدهر ما تحايف ........ ابغا اناظر لين يشبع نظرها
ارجي خيالٍ والخيال دوم زايف ...... ومتى تزين الأرض ينبت شجرها
ان كنت على مارد بناخيك خايف ...... ورده على نبع صغيرٍ زهرها
وخلك بحال اللي يناجيك رايف ...... لا ترتكي يضيع به من سهرها
ان كان مفهومٍ كلامي وشايف ...... صكت غيوم واستهلت مطرها
وان كان مفهومٍ كلامي وعايف ...... ضاع الدليل وعاكسن به قدرها
ويبقى محلك ما عرفت النكايف ...... من فوق راسي راسيٍ في بحرها

ابو فهد البديري
26-08-2001, 11:54 PM
حسب الي فهمته ان عمك نذل ماله داعي من القصيده السابقه (عارضي شيب)الى الحين والله انا حسب فهمي ابيك ترد علي هل صح والا انا غلطان وانت تقصد شي ثاني

THUNDER_SS
28-08-2001, 02:19 AM
الاخ الكريم / النازح المنسى ...

السلام عليكم ورحمة الله وبركاته ...

صح لسانك .. وسلمت يد كتبت ويمين خطت .. قصيده جزله ، والمعانى وافيه .. ولا يلحقها قصور ... :)

اخى الكريم .. تواصل طيب وحضور اجمل .. فشكرا جزيلا ...