PDA

View Full Version : إني أريدها عارية



الدجال
23-01-2013, 05:41 PM
عفوا أحبائي فهذا النص هو مزيج بين الدارجه السودانيه والفصحي فيما يسمي بالمسرحة الشعريه وهي : ( المزاوجه بين العاميه والفصحي لخلق توترات تخدم النص ) كما يعرفها الكائن الخلوي الجميل الاستاذ عثمان البشري رائد المسرحه الشعريه في السودان ..... فعذرا لكم ولكم العتبي حتي ترضوا أو تستمتعوا
‏*‏ * * * *
ضلف السما السبعين
صبحت مفتحه ليك
ربي الكريم معروف
إذا بحبك ببتليك
إذن يا ربي هل ممكن أخش الجنه من دون الصراط
بالغت صاح ؟
طيب ....... فهل ممكن تجازيني بي قدر إبتلاي ؟
وفي نيتي إنو أشوفها كلها
إني أريدك عارية
عارية تماما ....... كما في خلقك الأول
وكل الناس تدورك وتشتهيك
* * * * *
قالت وفاجأها الطلب
( أجي يا الكدي !؟ )
يا زول مشخبت اختشي
ممكن دقيقه أتفهمي
فارت دماي ...... إذ واجهتني بالسؤال
مالك ؟
مالي ؟!؟
مالي ؟!؟
مشكلتي داير أعرفك
إني أريدك عارية
ما بتفهمي
* * * * *
أمد يدي نحو القميص
أشتهيك وما قادر عليك
ظلموك إذ كفنوك بالخيش
وإنتي مليانه بقلب أبيض
غطوك شان ما يعرفوك
حشمه ؟
لا والذي خلق السماء
إنه دين الدقون الحوته
يحرمون عريك في الساحات في وضح النهار
ويستبيحون التعري في الليالي الحالكه ....... إن كانت لهم
ما أنقي صورتك وأدهشك
مشكلتي داير أعرفك
* * * * *
داير في رأسي ألف سؤال
الأزهري باع الجنوب للغرب
ولا ديل ؟!
هذا مثال
ديكارت مثلا وابن عربي
هل كانوا حفاة يبحثونك في الشفق ؟
أم يا تري كانوا مجانينا نزق ؟
لماذا تعشق الديكتاتوريات في بلدي حد أن ندعو مساكننا بها ؟
مايو والإنقاذ
عبود حديقة في بحري ...... لماذا ؟
وهل الصحابه ، التابعين كلهم عدول ؟
ولا البرق يشلع عشان نتهادي بيك ؟
* * * * *
كم راسي جاط
كمل الكلام
إني أريدك يا - حقيقة - عارية
عارية تماما
وكل الناس تدورك وتشتهيك .